બૃહત્સંહિતા · અધ્યાય 31

દાહો દિશાં રાજભયાય પીતો દેશસ્ય નાશાય હુતાશવર્ણઃ।
યશ્ ચ^અરુણઃ સ્યાદ્ અપસવ્ય^વાયુઃ સસ્યસ્ય નાશં સ કરોતિ દૃષ્ટઃ॥

યો +અતીવ દીપ્ત્યા કુરુતે પ્રકાશં
છાયામ્ અપિ વ્યઞ્જયતે +અર્કવદ્ યઃ।
રાજ્ઞો મહદ્ વેદયતે ભયં સ
શસ્ત્ર^પ્રકોપં ક્ષતજ^અનુરૂપઃ॥

પ્રાક્ ક્ષત્રિયાણાં સનરેશ્વરાણાં
પ્રાગ્દક્ષિણે શિલ્પિ^કુમાર^પીડા।
યામ્યે સહ^ઉગ્રૈઃ પુરુષૈસ્ તુ વૈશ્યા
દૂતાઃ પુનર્ભૂપ્રમદાશ્ ચ કોણે॥

પશ્ચાત્ તુ શૂદ્રાઃ કૃષિ^જીવિનશ્ ચ
ચૌરાસ્ તુરઙ્ગૈઃ સહ વાયુદિક્સ્થે।
પીડાં વ્રજન્ત્ય્ ઉત્તરતશ્ ચ વિપ્રાઃ
*પાખણ્ડિનો[ક્.પાષણ્ડિનો] વાણિજકાશ્ ચ શાર્વ્યામ્॥

નભઃ પ્રસન્નં વિમલાનિ ભાનિ
પ્રદક્ષિણં વાતિ સદાગતિશ્ ચ।
દિશાં ચ દાહઃ કનક^અવદાતો
હિતાય લોકસ્ય સપાર્થિવસ્ય॥
32 ભૂકમ્પલક્ષણાધ્યાયઃ