Brihat Samhita · Chapter 29

phala^kusuma^sampravṛddhiṃ vanaspatīnāṃ vilokya vijñeyam/
sulabhatvaṃ dravyāṇāṃ niṣpattiś ca^api sasyānām//

śālena kalamaśālī raktāśokena raktaśāliś ca/
pāṇḍūkaḥ kṣīrikayā nīlāśokena sūkarakaḥ//

nyagrodhena tu yavakas tinduka^vṛddhyā ca ṣaṣṭiko bhavati/
aśvatthena jñeyā niṣpattiḥ sarvasasyānām//

jambūbhis tila^māṣāḥ śirīṣa^vṛddhyā ca kaṅgu^niṣpattiḥ/
godhūmāś ca madhūkair yava^vṛddhiḥ saptaparṇena//

atimuktaka^kundābhyāṃ karpāsaṃ sarṣapān vaded aśanaiḥ/
badarībhiś ca kulatthāṃś *ciravilvena[K.ū.cirabilvena]^ādiśet^mudgān//

atasī vetasa^puṣpaiḥ palāśa^kusumaiś ca kodravā jñeyāḥ/
tilakena śaṅkha^mauktika^rajatāny atha ca^iṅgudena *śaṇāḥ[K.śaṇaḥ]//

kariṇaś ca hastikarṇair ādeśyā vājino +aśvakarṇena/
gāvaś ca pāṭalābhiḥ kadalībhir aja^āvikaṃ bhavati//

campaka^kusumaiḥ kanakaṃ vidruma^sampac ca bandhujīvena/
*kuravaka[K.kuruvaka]^vṛddhyā vajraṃ vaidūryaṃ nandikāvartaiḥ//

vindyāc ca sindhuvāreṇa mauktikaṃ *kārukāḥ[K.kuṅkumaṃ] kusumbhena/
raktotpalena rājā mantrī nīlotpalenoktaḥ//

śreṣṭhī *suvarṇapuṣpāt[K.suvarṇapuṣpaiḥ] padmair viprāḥ purohitāḥ kumudaiḥ/
saugandhikena balapatir arkeṇa hiraṇya^parivṛddhiḥ//

āmraiḥ kṣemaṃ bhallātakair bhayaṃ pīlubhis tathā^ārogyam/
khadira^śamībhyāṃ durbhikṣam arjunaiḥ śobhanā vṛṣṭiḥ//

picumanda^nāgakusumaiḥ subhikṣam atha mārutaḥ kapitthena/
niculena^avṛṣṭibhayaṃ vyādhibhayaṃ bhavati kuṭajena//

dūrvā^kuśa^kusumābhyām ikṣur vahniś ca kovidāreṇa/
śyāmālatā^abhivṛddhyā bandhakyo vṛddhim āyānti//

yasmin *kāle[K.deśe] snigdha^niśchidra^patrāḥ
saṃdṛśyante vṛkṣagulmā latāś ca/
tasmin vṛṣṭiḥ śobhanā sapradiṣṭā
rūkṣaiś chidrair alpam ambhaḥ pradiṣṭam//
30 sandhyālakṣaṇādhyāyaḥ