Brihat Samhita · Chapter 26

āṣāḍhyāṃ samatulitādhivāsitānām
anyedyur yad adhikatām upaiti bījam/
tadvṛddhir bhavati na jāyate yadūnaṃ
mantro +asmin bhavati tulābhimantraṇāya//

stotavyā mantrayogena satyā devī sarasvatī/
darśayiṣyasi yatsatyaṃ satye satyavratā hy asi//

yena satyena candrārkau grahā jyotirgaṇās tathā/
uttiṣṭhantīha pūrveṇa paścād astaṃ vrajanti ca//

yatsatyaṃ sarvavedeṣu yatsatyaṃ brahmavādiṣu/
yatsatyaṃ triṣu lokeṣu tatsatyam iha dṛśyatām//

brahmaṇo duhitāsi tvam āditya^iti prakīrtitā/
kāśyapī gotrataś ca^eva nāmato viśrutā tulā//

kṣaumaṃ catuḥsūtrakasannibaddhaṃ
ṣaḍaṅgulaṃ śikyakavastram asyāḥ/
sūtrapramāṇam ca daśāṅgulāni
ṣaḍ eva *kakṣya[K.kakṣa]^ubhayaśikyamadhye//

yāmye śikye kāñcanaṃ sanniveśyaṃ
śeṣadravyāṇy uttare +ambūni *ca^eva[K.ca^evam]/
toyaiḥ kaupyaiḥ *saindhavaiḥ[K.syandibhiḥ] sārasaiś ca
vṛṣṭir[var.vṛddhir] hīnā madhyamā cottamā ca//

dantair nāgā go^haya^ādyāś ca lomnā
hemnā bhūpāḥ śikthakena dvijādyāḥ/
tadvad deśā varṣamāsā diśaś ca
śeṣadravyāṇy ātmarūpasthitāni//

haimī pradhānā rajatena madhyā tayor alābhe khadireṇa kāryā/
viddhaḥ pumān yena śareṇa sā vā tulā pramāṇena bhaved vitastiḥ//

hīnasya nāśo +abhyadhikasya vṛddhis tulyena tulyaṃ tulitaṃ tulāyām/
etattulā^kośa^rahasyam uktaṃ prājeśayoge +api naro vidadhyāt//

svātāv aṣāḍhāsv atha rohiṇīṣu
pāpagrahā yogagatā na śastāḥ/
grāhyaṃ tu yogadvayam apy upoṣya
yadādhimāso dviguṇīkaroti//

trayo +api yogāḥ sadṛśāḥ phalena
yadā tadā vācyam asaṃśayena/
viparyaye yattv iha rohiṇījaṃ
phalaṃ tad evābhyadhikaṃ nigadyam//

niṣpattir agnikopo vṛṣṭir mandātha madhyamā śreṣṭhā/
bahujalapavanā puṣṭā śubhā ca pūrvādibhiḥ pavanaiḥ//
[K.26.14ab/ vṛttāyām āṣāḍhyām kṛṣṇacaturthyām ajaikapāda^ṛkṣe/]
[K.26.14cd/ yadi varṣati parjanyaḥ prāvṛṭ śastā na cen na tataḥ//]
[K.26.15ab/ āṣāḍhyām paurṇamāsyāṃ tu yady aiśāno +anilo bhavet/]
[K.26.15cd/ astaṃ gacchati tīkṣṇāṃśau sasyasampattir uttamā//]
27 vātacakrādhyāyaḥ
27.01ab[K.omitted]/ āṣāḍha^paurṇamāsyāṃ tu yady aiśāno +anilo bhavet/
27.01cd[K.omitted]/ astaṃ gacchati tīkṣṇāṃśau sasya sampattir uttamā//