Brihat Samhita · Chapter 25
yad rohiṇīyogaphalaṃ tad eva svātāv aṣāḍhāsahite ca candre/
āṣāḍhaśukle nikhilaṃ vicintyaṃ yo +asmin viśeṣas tam ahaṃ pravakṣye//
svātau niśāṃśe prathame +abhivṛṣṭe
sasyāni sarvāṇy upayānti vṛddhim/
bhāge dvitīye tila^mudga^māṣā
graiṣmaṃ tṛtīye +asti na śāradāni//
vṛṣṭe +ahnibhāge prathame suvṛṣṭis tadvad dvitīye tu sakīṭa^sarpā/
vṛṣṭis tu madhyāparabhāgavṛṣṭe niśchidravṛṣṭir dyuniśaṃ pravṛṣṭe//
samam uttareṇa tārā citrāyāḥ kīrtyate hy apāṃvatsaḥ/
tasyāsanne candre svāter yogaḥ śivo bhavati//
saptamyāṃ svātiyoge yadi patati himaṃ māghamāsāndhakāre
vāyur vā caṇḍavegaḥ sajalajaladharo vā^api garjaty ajasram/
vidyunmālākulaṃ vā yadi bhavati nabho naṣṭacandrārkatāraṃ
vijñeyā prāvṛḍ eṣā muditajanapadā sarvasasyair upetā//
tatha^eva phālgune caitre vaiśākhasyāsite +api vā/
svātiyogaṃ vijānīyād āṣāḍhe ca viśeṣataḥ//
26 āṣāḍhīyogādhyāyaḥ
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0