બૃહત્સંહિતા · અધ્યાય 25

યદ્ રોહિણીયોગફલં તદ્ એવ સ્વાતાવ્ અષાઢાસહિતે ચ ચન્દ્રે।
આષાઢશુક્લે નિખિલં વિચિન્ત્યં યો +અસ્મિન્ વિશેષસ્ તમ્ અહં પ્રવક્ષ્યે॥

સ્વાતૌ નિશાંશે પ્રથમે +અભિવૃષ્ટે
સસ્યાનિ સર્વાણ્ય્ ઉપયાન્તિ વૃદ્ધિમ્।
ભાગે દ્વિતીયે તિલ^મુદ્ગ^માષા
ગ્રૈષ્મં તૃતીયે +અસ્તિ ન શારદાનિ॥

વૃષ્ટે +અહ્નિભાગે પ્રથમે સુવૃષ્ટિસ્ તદ્વદ્ દ્વિતીયે તુ સકીટ^સર્પા।
વૃષ્ટિસ્ તુ મધ્યાપરભાગવૃષ્ટે નિશ્છિદ્રવૃષ્ટિર્ દ્યુનિશં પ્રવૃષ્ટે॥

સમમ્ ઉત્તરેણ તારા ચિત્રાયાઃ કીર્ત્યતે હ્ય્ અપાંવત્સઃ।
તસ્યાસન્ને ચન્દ્રે સ્વાતેર્ યોગઃ શિવો ભવતિ॥

સપ્તમ્યાં સ્વાતિયોગે યદિ પતતિ હિમં માઘમાસાન્ધકારે
વાયુર્ વા ચણ્ડવેગઃ સજલજલધરો વા^અપિ ગર્જત્ય્ અજસ્રમ્।
વિદ્યુન્માલાકુલં વા યદિ ભવતિ નભો નષ્ટચન્દ્રાર્કતારં
વિજ્ઞેયા પ્રાવૃડ્ એષા મુદિતજનપદા સર્વસસ્યૈર્ ઉપેતા॥

તથ^એવ ફાલ્ગુને ચૈત્રે વૈશાખસ્યાસિતે +અપિ વા।
સ્વાતિયોગં વિજાનીયાદ્ આષાઢે ચ વિશેષતઃ॥
26 આષાઢીયોગાધ્યાયઃ