Brihat Samhita · Chapter 23

jyaiṣṭhyāṃ samatītāyāṃ pūrvāṣāḍhādi^sampravṛṣṭena/
śubham aśubhaṃ vā vācyaṃ parimāṇaṃ ca^ambhasas tajjñaiḥ//

hastaviśālaṃ kuṇḍakam adhikṛtya^ambupramāṇa^nirdeśaḥ/
pañcāśat palam āḍhakam anena minuyāj jalaṃ patitam//

yena dharitrī mudrā janitā vā bindavas tṛṇā^āgreṣu/
vṛṣṭena tena vācyaṃ parimāṇaṃ vāriṇaḥ prathamam//

ke cid yathābhivṛṣṭaṃ daśa^yojana^maṇḍalaṃ vadanty anye/
garga^vasiṣṭha^parāśara^matam etad dvādaśān na param//

yeṣu ca bheṣv abhivṛṣṭaṃ bhūyas teṣv eva varṣati prāyaḥ/
yadi na^āpya^ādiṣu vṛṣṭaṃ sarveṣu tadā tv anāvṛṣṭiḥ//

hasta^āpya^saumya^citrā^pauṣṇa^dhaniṣṭhāsu ṣoḍaśa droṇāḥ/
śatabhiṣag^aindra^svātiṣu catvāraḥ kṛttikāsu daśa//

śravaṇe maghā^anurādhā^bharaṇī^mūleṣu daśa caturyuktāḥ/
phalgunyāṃ pañcakṛtiḥ punarvasau viṃśatir droṇāḥ//

*aindrāgny^ākhye[K.aindrāgnākhye] vaiśve ca viṃśatiḥ sārpabhe daśa tryadhikāḥ/
āhirbudhnya^āryamṇa^prājāpatyeṣu pañcakṛtiḥ/

pañcadaśa^āje puṣye ca kīrtitā vājibhe daśa dvau ca/
raudre +aṣṭādaśa kathitā droṇā nirupadraveṣv *ete[K.eṣu]//

ravi^ravisuta^ketu^pīḍite bhe kṣititanaya^trividha^adbhuta^āhate ca/
bhavati *ca[K.hi] na śivaṃ na ca^api vṛṣṭiḥ śubhasahite nirupadrave śivaṃ ca//
24 rohiṇīyogādhyāyaḥ