બૃહત્સંહિતા · અધ્યાય 23

જ્યૈષ્ઠ્યાં સમતીતાયાં પૂર્વાષાઢાદિ^સમ્પ્રવૃષ્ટેન।
શુભમ્ અશુભં વા વાચ્યં પરિમાણં ચ^અમ્ભસસ્ તજ્જ્ઞૈઃ॥

હસ્તવિશાલં કુણ્ડકમ્ અધિકૃત્ય^અમ્બુપ્રમાણ^નિર્દેશઃ।
પઞ્ચાશત્ પલમ્ આઢકમ્ અનેન મિનુયાજ્ જલં પતિતમ્॥

યેન ધરિત્રી મુદ્રા જનિતા વા બિન્દવસ્ તૃણા^આગ્રેષુ।
વૃષ્ટેન તેન વાચ્યં પરિમાણં વારિણઃ પ્રથમમ્॥

કે ચિદ્ યથાભિવૃષ્ટં દશ^યોજન^મણ્ડલં વદન્ત્ય્ અન્યે।
ગર્ગ^વસિષ્ઠ^પરાશર^મતમ્ એતદ્ દ્વાદશાન્ ન પરમ્॥

યેષુ ચ ભેષ્વ્ અભિવૃષ્ટં ભૂયસ્ તેષ્વ્ એવ વર્ષતિ પ્રાયઃ।
યદિ ન^આપ્ય^આદિષુ વૃષ્ટં સર્વેષુ તદા ત્વ્ અનાવૃષ્ટિઃ॥

હસ્ત^આપ્ય^સૌમ્ય^ચિત્રા^પૌષ્ણ^ધનિષ્ઠાસુ ષોડશ દ્રોણાઃ।
શતભિષગ્^ઐન્દ્ર^સ્વાતિષુ ચત્વારઃ કૃત્તિકાસુ દશ॥

શ્રવણે મઘા^અનુરાધા^ભરણી^મૂલેષુ દશ ચતુર્યુક્તાઃ।
ફલ્ગુન્યાં પઞ્ચકૃતિઃ પુનર્વસૌ વિંશતિર્ દ્રોણાઃ॥

*ઐન્દ્રાગ્ન્ય્^આખ્યે[ક્.ઐન્દ્રાગ્નાખ્યે] વૈશ્વે ચ વિંશતિઃ સાર્પભે દશ ત્ર્યધિકાઃ।
આહિર્બુધ્ન્ય^આર્યમ્ણ^પ્રાજાપત્યેષુ પઞ્ચકૃતિઃ।

પઞ્ચદશ^આજે પુષ્યે ચ કીર્તિતા વાજિભે દશ દ્વૌ ચ।
રૌદ્રે +અષ્ટાદશ કથિતા દ્રોણા નિરુપદ્રવેષ્વ્ *એતે[ક્.એષુ]॥

રવિ^રવિસુત^કેતુ^પીડિતે ભે ક્ષિતિતનય^ત્રિવિધ^અદ્ભુત^આહતે ચ।
ભવતિ *ચ[ક્.હિ] ન શિવં ન ચ^અપિ વૃષ્ટિઃ શુભસહિતે નિરુપદ્રવે શિવં ચ॥
24 રોહિણીયોગાધ્યાયઃ