Brihat Samhita · Chapter 22

jyaiṣṭhasite +aṣṭamyādyaś catvāro vāyudhāraṇā divasāḥ/
mṛduśubhapavanāḥ śastāḥ snigdha^ghana^sthagita^gaganāś ca//

tatra^eva svātyādye vṛṣṭe bhacatuṣṭaye kramāt^māsāḥ/
śrāvaṇapūrvā jñeyāḥ parisrutā dhāraṇās tāḥ syuḥ/

yadi tā syur ekarūpāḥ śubhās tataḥ sāntarās tu na śivāya/
taskara^bhayadāś *ca^uktāḥ[K.proktāḥ] ślokāś ca^apy atra vāsiṣṭhāḥ//

savidyutaḥ sapṛṣataḥ sa^pāṃśu^utkara^mārutāḥ/
sa^arka^candra^paricchannā dhāraṇāḥ śubha^dhāraṇāḥ//

yadā tu vidyutaḥ śreṣṭhāḥ *śubhāśāḥ[K.śubhāśā] pratyupasthitāḥ/
tadāpi sarvasasyānāṃ vṛddhiṃ brūyād vicakṣaṇaḥ//

sapāṃśuvarṣāḥ sāpaś ca śubhā bālakriyā api/
pakṣiṇām susvarā vācaḥ krīḍā pāṃśujalādiṣu//

ravicandraparīveṣāḥ snigdhā nātyantadūṣitāḥ/
vṛṣṭis tadāpi vijñeyā sarvasasya^*arthasādhikā[K.abhivṛddhaye]//

meghāḥ snigdhāḥ saṃhatāś ca pradakṣiṇagatikriyāḥ/
tadā syān mahatī vṛṣṭiḥ sarvasasya^*abhivṛddhaye[K.arthasādhikā]//
23 pravarṣaṇādhyāyaḥ