Brihat Samhita · Chapter 18

bhānāṃ yathāsambhavam uttareṇa yāto grahāṇāṃ yadi vā śaśāṅkaḥ/
pradakṣiṇaṃ tat^*śubhadaṃ nṛpāṇāṃ[K.śubhakṛnnarāṇāṃ] yāmyena yāto na śivaḥ śaśāṅkaḥ//

candramā yadi kujasya yāty udak pārvatīya^balaśālināṃ jayaḥ/
kṣatriyāḥ pramuditāḥ sayāyino bhūri^dhānya^muditā vasundharā//

uttarataḥ svasutasya śaśaṅkaḥ paura^jayāya subhikṣa^karaś ca/
sasya^cayaṃ kurute janahārdiṃ kośa^cayaṃ ca narādhipatīnām//

bṛhaspater uttarage śaśāṅke paura^dvija^kṣatriya^paṇḍitānām/
dharmasya deśasya ca madhyamasya vṛddhiḥ subhikṣaṃ muditāḥ prajāś ca//

bhārgavasya yadi yāty udak śaśī kośa^yukta^gaja^vāji^vṛddhidaḥ/
yāyināṃ ca vijayo dhanuṣmatāṃ sasyasampad api ca^uttamā tadā//

ravijasya śaśī pradakṣiṇaṃ kuryāc cet purabhūbhṛtāṃ jayaḥ/
śaka^bāhlika^sindhu^pahlavā *mudabhājo[K.mudbhājo] yavanaiḥ samanvitāḥ//

yeṣām udag gaccchati bhagrahāṇāṃ prāleyaraśmir nirupadravaś ca/
tad^dravya^paura^itara^bhakti^deśān puṣṇāti yāmyena nihanti tāni//

śaśini phalam *udaksthe[K.udakasthe] yad grahasya^upadiṣṭaṃ
bhavati tad apasavye sarvam eva pratīpam/
iti śaśisamavāyāḥ *kīrtitā[K.kīrttitā] bhagrahāṇāṃ
na khalu bhavati yuddhaṃ sākam indor graha^ṛkṣaiḥ//
19 grahavarṣaphalādhyāyaḥ