बृहत्संहिता · अध्याय 18

भानां यथासम्भवम् उत्तरेण यातो ग्रहाणां यदि वा शशाङ्कः।
प्रदक्षिणं तत्^*शुभदं नृपाणां[क्.शुभकृन्नराणां] याम्येन यातो न शिवः शशाङ्कः॥

चन्द्रमा यदि कुजस्य यात्य् उदक् पार्वतीय^बलशालिनां जयः।
क्षत्रियाः प्रमुदिताः सयायिनो भूरि^धान्य^मुदिता वसुन्धरा॥

उत्तरतः स्वसुतस्य शशङ्कः पौर^जयाय सुभिक्ष^करश् च।
सस्य^चयं कुरुते जनहार्दिं कोश^चयं च नराधिपतीनाम्॥

बृहस्पतेर् उत्तरगे शशाङ्के पौर^द्विज^क्षत्रिय^पण्डितानाम्।
धर्मस्य देशस्य च मध्यमस्य वृद्धिः सुभिक्षं मुदिताः प्रजाश् च॥

भार्गवस्य यदि यात्य् उदक् शशी कोश^युक्त^गज^वाजि^वृद्धिदः।
यायिनां च विजयो धनुष्मतां सस्यसम्पद् अपि च^उत्तमा तदा॥

रविजस्य शशी प्रदक्षिणं कुर्याच् चेत् पुरभूभृतां जयः।
शक^बाह्लिक^सिन्धु^पह्लवा *मुदभाजो[क्.मुद्भाजो] यवनैः समन्विताः॥

येषाम् उदग् गच्च्छति भग्रहाणां प्रालेयरश्मिर् निरुपद्रवश् च।
तद्^द्रव्य^पौर^इतर^भक्ति^देशान् पुष्णाति याम्येन निहन्ति तानि॥

शशिनि फलम् *उदक्स्थे[क्.उदकस्थे] यद् ग्रहस्य^उपदिष्टं
भवति तद् अपसव्ये सर्वम् एव प्रतीपम्।
इति शशिसमवायाः *कीर्तिता[क्.कीर्त्तिता] भग्रहाणां
न खलु भवति युद्धं साकम् इन्दोर् ग्रह^ऋक्षैः॥
19 ग्रहवर्षफलाध्यायः