બૃહત્સંહિતા · અધ્યાય 18

ભાનાં યથાસમ્ભવમ્ ઉત્તરેણ યાતો ગ્રહાણાં યદિ વા શશાઙ્કઃ।
પ્રદક્ષિણં તત્^*શુભદં નૃપાણાં[ક્.શુભકૃન્નરાણાં] યામ્યેન યાતો ન શિવઃ શશાઙ્કઃ॥

ચન્દ્રમા યદિ કુજસ્ય યાત્ય્ ઉદક્ પાર્વતીય^બલશાલિનાં જયઃ।
ક્ષત્રિયાઃ પ્રમુદિતાઃ સયાયિનો ભૂરિ^ધાન્ય^મુદિતા વસુન્ધરા॥

ઉત્તરતઃ સ્વસુતસ્ય શશઙ્કઃ પૌર^જયાય સુભિક્ષ^કરશ્ ચ।
સસ્ય^ચયં કુરુતે જનહાર્દિં કોશ^ચયં ચ નરાધિપતીનામ્॥

બૃહસ્પતેર્ ઉત્તરગે શશાઙ્કે પૌર^દ્વિજ^ક્ષત્રિય^પણ્ડિતાનામ્।
ધર્મસ્ય દેશસ્ય ચ મધ્યમસ્ય વૃદ્ધિઃ સુભિક્ષં મુદિતાઃ પ્રજાશ્ ચ॥

ભાર્ગવસ્ય યદિ યાત્ય્ ઉદક્ શશી કોશ^યુક્ત^ગજ^વાજિ^વૃદ્ધિદઃ।
યાયિનાં ચ વિજયો ધનુષ્મતાં સસ્યસમ્પદ્ અપિ ચ^ઉત્તમા તદા॥

રવિજસ્ય શશી પ્રદક્ષિણં કુર્યાચ્ ચેત્ પુરભૂભૃતાં જયઃ।
શક^બાહ્લિક^સિન્ધુ^પહ્લવા *મુદભાજો[ક્.મુદ્ભાજો] યવનૈઃ સમન્વિતાઃ॥

યેષામ્ ઉદગ્ ગચ્ચ્છતિ ભગ્રહાણાં પ્રાલેયરશ્મિર્ નિરુપદ્રવશ્ ચ।
તદ્^દ્રવ્ય^પૌર^ઇતર^ભક્તિ^દેશાન્ પુષ્ણાતિ યામ્યેન નિહન્તિ તાનિ॥

શશિનિ ફલમ્ *ઉદક્સ્થે[ક્.ઉદકસ્થે] યદ્ ગ્રહસ્ય^ઉપદિષ્ટં
ભવતિ તદ્ અપસવ્યે સર્વમ્ એવ પ્રતીપમ્।
ઇતિ શશિસમવાયાઃ *કીર્તિતા[ક્.કીર્ત્તિતા] ભગ્રહાણાં
ન ખલુ ભવતિ યુદ્ધં સાકમ્ ઇન્દોર્ ગ્રહ^ઋક્ષૈઃ॥
19 ગ્રહવર્ષફલાધ્યાયઃ