Brihat Samhita · Chapter 13

saikāvalīva rājati sasitotpalamālinī sahāseva/
nāthavatīva ca dig yaiḥ kauverī saptabhir munibhiḥ//

dhruvanāyakopadeśān *narinartī[K.narinarttī]^iva^uttarā bhramadbhiś ca/
yaiś cāram ahaṃ teṣāṃ kathayiṣye vṛddhagarga^matāt//

āsan maghāsu munayaḥ śāsati pṛthvīṃ yudhiṣṭhire nṛpatau/
ṣaḍdvikapañcadviyutaḥ śakakālas tasya rājñaś ca//

ekaikasminn ṛkṣe śataṃ śataṃ te caranti varṣāṇām/
*prāgudayato +apy avivarād rjūn nayati tatra saṃyuktāḥ[K.prāguttarataś ca ete sadā udayante sasādhvīkāḥ]//

pūrve bhāge bhagavān marīcir apare sthito vasiṣṭho +asmāt/
tasyāṅgirās tato +atris tasyāsannaḥ pulastyaś ca//

pulahaḥ kratur iti bhagān āsannā anukrameṇa *pūrvādyāt[K.pūrvādyāḥ]/
tatra vasiṣṭhaṃ munivaram upāśritārundhatī sādhvī//

ulkā^aśani^dhūma^ādyair hatā vivarṇā viraśmayo hrasvāḥ/
hanyuḥ svaṃ svaṃ vargaṃ vipulāḥ snigdhāś ca tadvṛddhyai//

gandharva^deva^dānava^mantra^auṣadhi^siddha^yakṣa^nāgānām/
pīḍākāro marīcir jñeyo vidyādharāṇāṃ ca//

śaka^yavana^darada^pārata^kāmbojāṃs tāpasān vanopetān/
hanti vasiṣṭho +abhihato vivṛddhido raśmisampannaḥ//

aṅgiraso jñānayutā dhīmanto brāhmaṇāś ca nirdiṣṭāḥ/
atreḥ kāntārabhavā jalajāny ambhonidhiḥ saritaḥ//

rakṣaḥ^piśāca^dānava^daitya^bhujaṅgāḥ smṛtāḥ pulastyasya/
pulahasya tu mūlaphalaṃ kratos tu yajñāḥ sayajñabhṛtaḥ//
14 nakṣatrakūrmādhyāyaḥ