બૃહત્સંહિતા · અધ્યાય 13

સૈકાવલીવ રાજતિ સસિતોત્પલમાલિની સહાસેવ।
નાથવતીવ ચ દિગ્ યૈઃ કૌવેરી સપ્તભિર્ મુનિભિઃ॥

ધ્રુવનાયકોપદેશાન્ *નરિનર્તી[ક્.નરિનર્ત્તી]^ઇવ^ઉત્તરા ભ્રમદ્ભિશ્ ચ।
યૈશ્ ચારમ્ અહં તેષાં કથયિષ્યે વૃદ્ધગર્ગ^મતાત્॥

આસન્ મઘાસુ મુનયઃ શાસતિ પૃથ્વીં યુધિષ્ઠિરે નૃપતૌ।
ષડ્દ્વિકપઞ્ચદ્વિયુતઃ શકકાલસ્ તસ્ય રાજ્ઞશ્ ચ॥

એકૈકસ્મિન્ન્ ઋક્ષે શતં શતં તે ચરન્તિ વર્ષાણામ્।
*પ્રાગુદયતો +અપ્ય્ અવિવરાદ્ ર્જૂન્ નયતિ તત્ર સંયુક્તાઃ[ક્.પ્રાગુત્તરતશ્ ચ એતે સદા ઉદયન્તે સસાધ્વીકાઃ]॥

પૂર્વે ભાગે ભગવાન્ મરીચિર્ અપરે સ્થિતો વસિષ્ઠો +અસ્માત્।
તસ્યાઙ્ગિરાસ્ તતો +અત્રિસ્ તસ્યાસન્નઃ પુલસ્ત્યશ્ ચ॥

પુલહઃ ક્રતુર્ ઇતિ ભગાન્ આસન્ના અનુક્રમેણ *પૂર્વાદ્યાત્[ક્.પૂર્વાદ્યાઃ]।
તત્ર વસિષ્ઠં મુનિવરમ્ ઉપાશ્રિતારુન્ધતી સાધ્વી॥

ઉલ્કા^અશનિ^ધૂમ^આદ્યૈર્ હતા વિવર્ણા વિરશ્મયો હ્રસ્વાઃ।
હન્યુઃ સ્વં સ્વં વર્ગં વિપુલાઃ સ્નિગ્ધાશ્ ચ તદ્વૃદ્ધ્યૈ॥

ગન્ધર્વ^દેવ^દાનવ^મન્ત્ર^ઔષધિ^સિદ્ધ^યક્ષ^નાગાનામ્।
પીડાકારો મરીચિર્ જ્ઞેયો વિદ્યાધરાણાં ચ॥

શક^યવન^દરદ^પારત^કામ્બોજાંસ્ તાપસાન્ વનોપેતાન્।
હન્તિ વસિષ્ઠો +અભિહતો વિવૃદ્ધિદો રશ્મિસમ્પન્નઃ॥

અઙ્ગિરસો જ્ઞાનયુતા ધીમન્તો બ્રાહ્મણાશ્ ચ નિર્દિષ્ટાઃ।
અત્રેઃ કાન્તારભવા જલજાન્ય્ અમ્ભોનિધિઃ સરિતઃ॥

રક્ષઃ^પિશાચ^દાનવ^દૈત્ય^ભુજઙ્ગાઃ સ્મૃતાઃ પુલસ્ત્યસ્ય।
પુલહસ્ય તુ મૂલફલં ક્રતોસ્ તુ યજ્ઞાઃ સયજ્ઞભૃતઃ॥
14 નક્ષત્રકૂર્માધ્યાયઃ