Brihat Samhita · Chapter 12

samudro +antaḥ śailair makara^nakhara^utkhāta^śikharaiḥ
kṛtas toya^ucchittyā sapadi sutarāṃ yena ruciraḥ/
patan muktāmiśraiḥ pravara^maṇiratna^ambunivahaiḥ
surān pratyādeṣṭuṃ *mita[K.sita]^mukuṭa^ratnān iva purā//

yena ca^ambuharaṇe +api vidrumair bhūdharaiḥ sa^maṇiratna^vidrumaiḥ/
nirgatais tad^uragaiś ca rājitaḥ sāgaro +adhikataraṃ virājitaḥ//

prasphurat^timi^jalebha^jihmagaḥ kṣipta^ratna^nikaro mahodadhiḥ/
āpadāṃ padagato +api yāpito yena pītasalilo +amaraśriyam//

pracalat^timi^śuktija^śaṅkha^citaḥ salile +apahṛte +api patiḥ saritām/
sa^taraṅga^sitotpala^haṃsa^bhṛtaḥ sarasaḥ śaradi^iva vibharti *rucim[K.rucam]//

timi^sitāmbudharaṃ maṇi^tārakaṃ sphaṭika^candram anambu^śarad^dyutiḥ/
phaṇi^phaṇa^upala^raśmi^śikhigrahaṃ kuṭilageśa^viyac ca cakāra yaḥ//

dinakara^ratha^mārga^vicchittaye +abhyudyataṃ yac calat^śṛṅgam udbhrānta^vidyādhara^aṃsa^avasakta^priyā^vyagra^datta^aṅka^deha^avalamba^ambara^*aty[K.abhy]ucchrita^uddhūyamāna^dhvajaiḥ śobhitam/
karikaṭa^mada^miśra^rakta^avaleha^anuvāsa^anusāri^dvirepha^avalīna^uttamāṅgaiḥ kṛtān bāṇapuṣpair iva^uttaṃsakān dhārayadbhir mṛgendraiḥ sanāthīkṛta^antar^darī^nirjharam/
gagana^talam iva^ullikhantaṃ pravṛddhair gaja^ākṛṣṭa^phulla^druma^trāsa^vibhrānta^matta^dvirepha^āvalī^*hṛṣṭa[K.gīta]^mandra^svanaiḥ śailakūṭais tarakṣa^ṛkṣa^śārdūla^śākhāmṛga^adhyāsitaiḥ/
rahasi madanasaktayā revayā kāntayā^iva^upagūḍhaṃ sura^adhyāsita^udyānam ambhośana^anna^mūla^anilāhāra^vipra^anvitaṃ vindhyam astambhayad yaś ca tasya^udayaḥ śrūyatām//

udaye ca muner agastyanāmnaḥ kusamāyogamalapradūṣitāni/
hṛdayāni satām iva svabhāvāt punar ambūni bhavanti nirmalāni//

pārśvadvaya^adhiṣṭhita^cakravākāmāpuṣṇatī sasvana^haṃsa^paṅktim/
tāmbūla^rakta^utkaṣita^agradantī vibhāti yoṣā^iva *śarat[K.sarit] sahāsā//

indīvara^āsanna^sitotpala^anvitā *śarad[K.sarit] bhramatṣaṭpadapaṅktibhūṣitā/
sabhrūlatākṣepakaṭākṣavīkṣaṇā vidagdhayoṣā^iva vibhāti sasmarā//

indoḥ payodavigamopahitāṃ vibhūtiṃ
draṣṭuṃ taraṅgavalayā kumudaṃ niśāsu/
unmīlayaty alinilīnadalaṃ supakṣma
vāpī vilocanam iva^asita^tārakāntam//

nānā^vicitra^ambuja^haṃsa^koka^kāraṇḍava^āpūrṇa^taḍāga^hastā/
ratnaiḥ prabhūtaiḥ kusumaiḥ phalaiś ca bhūryacchatīvārgham agastyanāmne//

salilam amarapājñayā^ujjhitaṃ yad dhana^pariveṣṭita^mūrtibhir bhujaṅgaiḥ/
phaṇi^janita^viṣa^agni^sampraduṣṭaṃ bhavati śivaṃ tad agastya^darśanena//

smaraṇād api pāpam apākurute kim uta stutibhir varuṇāṅgaruhaḥ/
munibhiḥ kathito +asya yathārghavidhiḥ kathayāmi tatha^eva narendrahitam//

saṃkhyāvidhānāt pratideśam asya vijñāya sandarśanam ādiśej jñaḥ/
tac ca^*ujjayinyām[K.ujjayanyām] agatasya kanyāṃ bhāgaiḥ svarākhyaiḥ sphuṭa^bhāskarasya//

īṣatprabhinne +aruṇaraśmijālair naiśe +andhakāre diśi dakṣiṇasyām/
sāṃvatsarāveditadigvibhāge bhūpo +argham urvyāṃ prayataḥ prayacchet//

kālodbhavaiḥ surabhibhiḥ kusumaiḥ phalaiś ca
ratnaiś ca sāgarabhavaiḥ kanakāmbaraiś ca/
dhenvā vṛṣeṇa paramānna^yutaiś ca bhakṣyair
dadhy^akṣataiḥ surabhi^dhūpa^vilepanaiś ca//

narapatir imam arghaṃ śraddadhāno dadhānaḥ
pravigatagadadoṣo nirjitārātipakṣaḥ/
bhavati yadi ca dadyāt sapta varṣāṇi samyag
jalanidhi*raśanāyāḥ[K.rasanāyāḥ] svāmitāṃ yāti bhūmeḥ//

dvijo yathālābham upāhṛtārghaḥ prāpnoti vedān pramadāś ca putrān/
vaiśyaś ca gāṃ bhūri ghanaṃ ca śūdro rogakṣayaṃ dharmaphalaṃ ca sarve//

rogān karoti paruṣaḥ kapilas tv avṛṣṭiṃ
dhūmro gavām aśubhakṛt sphuraṇo bhayāya/
māñjiṣṭharāga^sadṛśaḥ kṣudham āhavāṃś ca
kuryād aṇuś ca purarodham agastyanāmā//

śātakumbhasadṛśaḥ sphaṭikābhas tarpayann iva mahīṃ *kiraṇāgraiḥ[K.kiraṇaughaiḥ]/
dṛśyate yadi *tadā[K.tataḥ] pracurānnā bhūr bhavaty abhaya^roga^jana^āḍhyā//

ulkayā vinihataḥ śikhinā vā kṣudbhayaṃ marakam eva *vidhatte[K.dhatte]/
dṛśyate sa kila hastagate +arke rohiṇīm upagate +astam upaiti//
13 saptarṣicārādhyāyaḥ