Brihat Samhita · Chapter 102

mūrtau karoti dinakṛd vidhavāṃ kujaś ca
rāhur vipanna^tanayāṃ ravijo daridrām/
śukraḥ śaśāṅka^tanayaś ca guruś ca sādhvīm
āyuḥkṣayaṃ prakurute +atha vibhāvarīśaḥ//

kurvanti bhāskara^śanaiścara^rāhu^bhaumā
dāridrya^duḥkham atulaṃ niyataṃ dvitīye/
vitteśvarīm avidhavāṃ guru^śukra^saumyā
nārīṃ prabhūta^tanayāṃ kurute śaśāṅkaḥ//

sūrya^indu^bhauma^guru^śukra^budhās tṛtīye
kuryuḥ sadā bahusutāṃ dhanabhāginīṃ ca/
vyaktāṃ[K.vyaktaṃ] divākarasutaḥ subhagāṃ karoti
mṛtyuṃ dadāti niyamāt khalu saiṃhikeyaḥ//

svalpaṃ payaḥ sravati sūryasute caturthe
daurbhāgyam uṣṇa^kiraṇaḥ kurute śaśī ca/
rāhuḥ sapatnanam[K.sapatnyam ū.sapatnam] api ca kṣitijo +alpavittaṃ[K.alpavittāṃ]
dadyād bhṛguḥ suraguruś ca budhaś ca saukhyam//

naṣṭātmajāṃ ravikujau khalu pañcamasthe[K.pañcamasthau]
candrātmajo bahusutā gurubhārgavau ca/
rāhur dadāti maraṇaṃ śanir ugrarogaṃ
kanyā^*vināśam[K.prasūtim] acirāt kurute śaśāṅkaḥ//

ṣaṣṭha^āśritāḥ śani^divākara^rāhu^jīvāḥ
kuryuḥ kujaś ca subhagāṃ śvaśureṣu bhaktām/
candraḥ karoti vidhavām uśanā daridrām
ṛddhāṃ śaśāṅka^tanayaḥ kalahapriyāṃ ca//

saura^āra^jīva^budha^rāhu^ravi^indu^śukrāḥ
kuryuḥ prasahya khalu saptamarāśi^saṃsthāḥ/
vaidhavya^bandhana^vadha^kṣayam arthanāśa^
vyādhi^pravāsa^maraṇāni yathākrameṇa//

sthāne +aṣṭame gurubudhau niyataṃ viyogaṃ
mṛtyuṃ śaśī bhṛgusutaś ca tatha^eva rāhuḥ/
sūryaḥ karoty avidhavāṃ sarujāṃ[K.sarujaṃ] mahījaḥ
sūryātmajo dhanavatīṃ pativallabhāṃ ca//

dharme sthitā bhṛgu^divākara^bhūmiputrā
jīvaś ca dharmaniratāṃ śaśijas tv arogām/
rāhuś ca sūryatanayaś ca karoti bandhyāṃ[K.vandhyāṃ]
kanyāprasūtim aṭanāṃ[K.aṭanaṃ] kurute śaśāṅkaḥ//

rāhur nabhaḥsthala^gato[K.nabhasthalagato] vidhavāṃ karoti
pāpe ratāṃ dinakaraś ca śanaiścaraś ca/
mṛtyuṃ kujo +artharahitāṃ kulaṭāṃ ca candraḥ
śeṣā grahā dhanavatīṃ subhagāṃ ca kuryuḥ//

āye ravir bahusutāṃ sadhanāṃ[K.dhaninīṃ] śaśāṅkaḥ
putra^anvitāṃ kṣitisuto ravijo dhanāḍhyām/
āyuṣmatīṃ suraguruḥ śaśijaḥ samṛddhāṃ
rāhuḥ karoty avidhavāṃ bhṛgur arthayuktām//

ante gurur dhanavatīṃ dinakṛd daridrāṃ
candro dhana^vyaya^karīṃ kulaṭāṃ ca rāhuḥ/
sādhvīṃ bhṛguḥ śaśisuto bahu^putra^pautrāṃ
pāna^prasakta^hṛdayām ravijaḥ kujaś ca//

gopair yaṣṭy^āhatānāṃ khura^puṭa^dalitā yā tu dhūlir dinānte
sodvāhe sundarīṇāṃ vipula^dhana^suta^ārogya^saubhāgya^kartrī/
tasmin kāle na ca^ṛkṣaṃ na ca tithi^karaṇaṃ naiva lagnaṃ na yogaḥ
khyātaḥ puṃsāṃ sukhārthaṃ śamayati duritāny utthitaṃ gorajas tu//
103 grahagocarādhyāyaḥ