Brihat Samhita · Chapter 101
aśvinyo +atha bharaṇyo bahulāpādaś ca kīrtyate meṣaḥ/
vṛṣabho bahulāśeṣaṃ rohiṇyo +ardham ca mṛgaśirasaḥ//
mṛgaśiro +ardhaṃ raudraṃ punarvasor[K.punarvasor ca] aṃśakatrayaṃ mithunaḥ[K.mithunam]/
pādaś ca *punarvasutas tiṣyaḥ śleṣā[K.punarvasoḥ satiṣyo +aśleṣā] ca karkaṭakaḥ//
siṃho +atha maghā pūrvā ca phalgunī pāda uttarāyāś ca/
tatpariśeṣaṃ hastaś citrādyardhaṃ ca kanyākhyaḥ//
taulini citrāntyārdhaṃ svātiḥ pādatrayaṃ viśākhāyāḥ/
alini viśākhāpādas tathānurādhānvitā jyeṣṭhā//
mūlam aṣāḍhā pūrvā prathamaś ca^apy uttarāṃśako dhanvī/
makaras tatpariṣeśaṃ śravaṇaḥ pūrvaṃ dhaniṣṭhārdham//
kumbho +antyadhaniṣṭhārdhaṃ śatabhiṣagaṃśatrayaṃ ca pūrvāyāḥ/
bhadrapadāyāḥ śeṣaṃ tathottarā revatī ca jhaṣaḥ//
aśvinī^pitrya^mūla^ādyā meṣa^siṃha^haya^ādayaḥ/
viṣama^ṛkṣān nivartante pāda^vṛddhyā yathottaram//
102 vivāhapaṭalādhyāyaḥ
Original text: Bṛhatsaṃhitā · Edition: of A.V.Tripathi (Sarasvati Bhavan Granthamala Edition) with reference to H.Kern's text and his translation [variants marked by K. & K's tr.] and Utpala's commentary [marked by U.] · Data entry Michio Yano Mizue Sugita · GRETIL (Göttingen) · CC BY-NC-SA 4.0