Brihat Parashara Hora Shastra · Chapter 82

atha tilādilāṃchanaphalādhyāyaḥ

athā'haṃ dehajātānāṃ lāṃchanānāṃ phalaṃ bruve /
āvartānāṃ tilānāṃ ca maśakānāṃ viśeṣataḥ

aṅganānāṃ ca vāmāṃge dakṣiṇāṅge nṛṇāṃ śubham /
raktābhaṃ tilakābhaṃ vā lomnāṃ cakramathāpi vā

tilādilāṃchanaṃ strīṇāṃ hṛdi saubhāgyasūcakam /
yasyā dakṣiṇavakṣoje rakte tilakalāṃchane

sā santatitatiṃ sūte sukhasaubhāgyasaṃyutām /
raktābhaṃ tilakaṃ yasyāḥ striyā vāme stane bhavet

eka eva sutastasyā bhavatīta vido viduḥ /
putrīputrayutā jñeyā tilake dakṣiṇe stane

bhruvormadhye lalāṭe vā lāṃchanaṃ rājasūcakam /
kapole maśako rakto nityaṃ miṣṭhānnadāyakaṃ

bhagasya dakṣiṇe bhāge lāṃchanaṃ yadi yoṣitaḥ /
sā hi pṛthvīpateḥ patnī sūte vā bhūpatiṃ sutam

nāsāgre lāñchane raktaṃ rājapatnyāḥ prajāyate /
kṛṣṇavarṇaṃ tu yasyāḥ sā puṃścali vidhavā'tha vā

nābheradho nṛṇāṃ strīṇāṃ lāñchanaṃ ca śubhapradam /
karṇe gaṇḍe kare vā'pi kaṇṭhe vā'pyatha lāñchanaṃ

prāggarbhe putradaṃ jñeyaṃ sukhasaubhāgyadaṃ tathā /
tilādi lāñchanaṃ vipra gulphageśe ca duḥkhadam

triśūlākṛti cihna ca lalāṭe yadi jāyate /
nārī rājapriyā jñeyā bhūpatiśca naro bhavet

lomnāṃ pradakṣiṇāvarto hṛdi nābhau kare śrutau /
dakṣapṛṣṭhe śubho vastau vāmāvarto'śubhapradaḥ

kaṭyāṃ guhye'thavā'varto strīṇāṃ daurbhāgyasūcakaḥ /
udare hanti bhartāraṃ madhyapṛṣṭhe ca puṃścalī

kaṇṭhe lalāṭe sīmante madhyabhāge ca mūrdhani /
āvarto na śubhaḥ strīṇāṃ pusāṃ vā'pi dvijottama

sulakṣaṇā sucaritā api mandāyuṣaṃ patim /
dīrghāyuṣaṃ prakurvanti pramadāśca mudāspadam