Brihat Parashara Hora Shastra · Chapter 58

atha budhāntardaśāphalādhyāyaḥ

muktāvidrumalābhaśca jñānakarmasukhādikam |
vidyāmahattvaṃ kīrtiśca nūtanaprabhudarśanam

vibhavaṃ dāraputrādi pitṛmātṛsukhāvaham |
svoccādisthe'tha nīce'ste ṣaṣṭhāṣṭamavyayarāśige

pāpayukte'thavā dṛṣṭe dhanadhānyapaśukṣayaḥ |
ātmabandhuvirodhaśca śūlaroogādisambhavaḥ

rājakāryakalāpena vyākulo bhavti dhruvam |
dvitīyadyūnanāthe tu dārakleśo bhaviṣyati

ātmasambandhimaraṇaṃ vātaśūlādisambhavaḥ |
taddoṣaparihārārthaṃ viṣṇusāhasrakaṃ japet

budhasyāntargate ketau lagnātkendratrikoṇage |
śubhayukte śubhairdṛṣṭe lagnādhipasamanvite

yogakārakasambandhe dāyeśātkendralābhage |
dehasaukhyaṃ dhanālpatvaṃ bandhusnehamathādiśet

catuṣpājjīvalābhaḥ syātsaṃcāreṇa dhanāgamaḥ |
vidyākīrtirprasaṅgaśca samānaprabhudarśanam

bhojanāmbarasaukhyaṃ ca hyādau madhye sukhāvaham |
dāyeśādyadi randhrasthe vyaye vā pāpasaṃyute

vāhanātpatanaṃ caiva putrakleśādisambhavaḥ |
caurādirājabhītiśca pāpakarmarataḥ sadā

vṛścikādiviṣādbhītirnīcaiḥ kalahasaṃbhavaḥ |
śokarogādiduḥkhaṃ ca nīcasaṅgādikaṃ bhavet

dvitīyadyūnanāthe tu dehajāḍyaṃ bhaviṣyati |
taddoṣaparihārāya chāgadānaṃ tu kārayet

saumyasyāntargate śukre kendre lābhe trikoṇage |
satkathāpuṇyadharmādisaṃgrahaḥ puṇyakarmakṛt

mitraprabhuvaśādiṣṭaṃ kṣetralābhaḥ sukhaṃ bhavet |
daśādhipātkendragate trikoṇe lābhage'pi vā

tatkāle śriyamāpnoti rājaśrīdhanasampadaḥ |
vāpīkūpataḍāgadidānadharmādisaṃgrahaḥ

vyavasāyātphalādhikyaṃ dhanadhānyasamṛddhikṛt |
dāyeśātṣaṣṭharandhrasthe vyaye vā balavarjite

hṛdrogo mānahāniśca jvarātīsārapīḍanam |
ātmabandhuviyogaśca saṃsāre bhavati dhruvam

ātmakaṣṭaṃ manastāpadāyakaṃ dvijasattama |
dvitīyadyūnanāthe tu hyapamṛtyurbhaviṣyati

taddoṣaparihārārthaṃ durgādevījapaṃ caret |
jagadambāprasādena tataḥ śāntimavāpnuyāt

saumyasyāntargate sūrye svocce svakṣetrakendrage |
trikoṇe dhanalābhe tu tuṅgāṃśe svāṃśage'pi vā

rājaprasādasubhāgyaṃ mitraprabhuvaśātsukham |
bhūmyātmajena saṃdṛṣṭe ādau bhūlābhamādiśet

lagnādhipena saṃdṛṣṭe bahusaukhyaṃ dhanāgamam |
grāmabhūmyādilābhaṃ ca bhojanāmbarasaukhyakṛt

lagnāṣṭamavyaye vāpi śanyāraphaṇisaṃyute |
dāyeśādripurandhrasthe vyaye vā balavarjite

caurādiśastrapīḍā ca pittādhikyaṃ bhaviṣyati |
śiroruṅmanasastāpa iṣṭabandhuviyogakṛt

dvitīyasaptamādhīśe hyapamṛtyurbhaviśyati |
taddoṣaparihārārthaṃ śāntiṃ kuryādyathāvidhi

saumyasyāntargate candre lagnātkendratrikoṇage |
svocce vā svarkṣage vāpi gurudṛṣṭisamanvite

yogasthānādhipatyena yogaprābalyamādiśet |
strīlābhaṃ putralābhaṃ ca vastravāhanabhūṣaṇam

nūtanālayalābhaṃ ca nityaṃ miṣṭhānnabhojanam |
gītavādyaprasaṃgaṃ ca śāstravidyāpariśramam

dakṣiṇāṃ diśamāśritya prayāṇaṃ ca bhaviṣyati |
dvīpāntarādivastrāṇāṃ lābhaścaiva bhaviṣyati

muktāvidrumaratnāni dhautavastrādikaṃ labhet |
nīcārikṣetrasaṃyukte dehabādhā bhaviṣyati

dāyeśātkendrakoṇasthe duścikye lābhage'pi vā |
tadbhuktyādau puṇyatīrthasthānadaivatadarśanam

manodhairyaṃ hṛdutsāho videśadhanalābhakṛt |
dāyeśātṣaṣṭharandhre vā vyaye vā pāpasaṃyute

corāgninṛpabhītiśca strīsamāgamato bhavet |
duṣkṛtirdhanahāniśca kṛṣigośvādināśakṛt

dvitīyadyūnanāthe tu dehabādhā bhaviṣyati |
taddoṣaparihārārthaṃ durgādevījapaṃ caret

vastradānaṃ prakurvīta āyurvṛddhisukhāvaham |
jagadambāprasādena tataḥ sukhamavāpnuyāt

saumyasyāntargate bhaume lagnātkendratrikoṇage |
svocce vā svarkṣage vāpi lagnādhipasamanvite

rājānugrahaśāntiṃ ca gṛhe kalyāṇasambhavam |
lakṣmīkaṭākṣacihnāni naṣṭarājyārthamāpnuyāt

putrotsavādisantoṣaṃ gṛhe godhanasaṃkulam |
gṛhakṣetrādilābhaṃ ca gajavājisamanvitam

rājaprītikaraṃ caiva strīsaukhyaṃ cātiśobhanam |
nīcakṣetrasamāyukte hyaṣṭame vā vyaye'pi vā

pāpadṛṣṭiyute vāpi dehapīḍā manovyathā |
udyogabhaṅgo daśādau svagrāme dhānyanaśanam

graṃthiśastravraṇādīnāṃ bhayaṃ tāpajvarādikam |
dāyeśātkendrage bhaume trikoṇe lābhage'pi vā

śubhadṛṣṭe dhanaprāptirdehasaukhyaṃ bhavenṛṇām |
putralābho yaśovṛddhirbhrātṛvargo mahāpriyaḥ

dāyeśādatha randhrasthe vyaye vā pāpasaṃyute |
tadbhuktyādau mahākleśo bhrātṛvarge mahadbhayam

nṛpāgnicaurabhītiśca putramitravirodhanam |
sthānabhraṃśo bhavedādau madhye saukhyaṃ dhanāgamaḥ

ante tu rājabhītiḥ syātsthānabhraṃśohyathāpivā |
dvitīyadyūnanāthe tu hyapamṛtyubhayaṃ bhavet

godānaṃ ca prakurvīta mṛtyuñjayajapaṃ caret |
śaṅkarasya prasādena tataḥ sukahmavāpnuyāt

budhasyāntargate rāhau kendralābhatrikoṇage |
kulīre kumbhage vāpi kanyāyāṃ vṛṣabhepi vā

rājasammānakīrtiṃ ca dhanaṃ ca prabhaviṣyati |
puṇyatīrthasthānalābho devatādarśanaṃ tathā

iṣtāpūrte ca mahato mānaścāmbaralābhakṛt |
bhuktyādau dehapīḍā ca tvante saukhyaṃ vinirdiśet

lagnāṣṭavyayarāśisthe tadbhuktau dhananāśanam |
bhuktyādau dehanāśaśca vātajvaramajīrṇakṛt

lagnādupacaye rāhau śubhagrahasamanvite |
rājasaṃlāpasantoṣo nūtanaprabhudarśanam

dāyeśāddvādaśe vāpi hyaṣṭame pāpasaṃyute |
niṣṭhuraṃ rājakāryāṇi athānabhraṃśo mahadbhayam

bandhanaṃ rogapīḍā ca nijabandhumanovyathā |
hṛdrogo mānahāniśca dhanahānirbhaviṣyati

dvitīyasaptamasthe vā hyapamṛtyurbhaviṣyati |
taddoṣaparihārārthaṃ durgālakṣmījapaṃ caret

śvetāṃ gāṃ mahiṣīṃ dadyādāyuārogyadāyinīm |
jagadambāprasādena tataḥ sukhamavāpnuyāt

budhasyāntargate jīve lagnātkendratrikoṇage |
svocce vā svarkṣage vāpi lābhe vā dhanarāśige

dehasaukhyaṃ dhanāvāptī rājaprītistathaiva ca |
vivāhotsavakāryāṇi nityaṃ miṣṭhānnabhojanam

gomahiṣyādilābhaśca purāṇasr/avaṇādikam |
devatāgurubhaktiśca dānadharmamakhādikam

yajñakarmapravṛddhiśca śivapūjāphalaṃ tathā |
nīce vāstaṃgate vāpi ṣaṣṭhāṣṭavyayage'pi vā

śanyāradṛṣṭasaṃyukte kalaho rājavigrahaḥ |
caurādidehapīḍā ca pitṛmātṛvināśnam

mānahāni rājadaṇḍo dhanahānirbhaviṣyati |
viṣāhijvarapīḍā ca kṛṣibhūmivināśanam

dayeśātkendrakoṇe vā lābhe vā balasaṃyute |
bandhuputrahṛdutsāho śubhaṃ ca dhanasaṃyutam

paśuvṛddhiryaśovṛddhirannadānādikaṃ phalam |
dāyeśātṣaṣṭharandhre vā vyaye vā balavarjite

aṅgatāpaśca vaikalyaṃ dehabādhā bhviṣyati |
kalatrabandhuvaiṣamyaṃ rājakopo dhanakṣayaḥ

akasmātkalahādbhītiḥ pramādo dvijato bhayam |
dvitīyasaptamasthe vā dehabādhā bhaviṣyati

taddoṣaparihārārthaṃ śivasāhasrakaṃ japet |
gobhūriraṇyadānena sarvāriṣṭaṃ vyapohati

saumyasyāntargate mande svocce svakṣetrakendrage |
trikoṇalābhage vāpi gṛhe kalyāṇavarddhanam

rājyalābhaṃ mahotsāhaṃ gṛhaṃ godhanasaṃkulam

śubhasthānaphalavāptiṃ tīrthavāsaṃ tathādiśet |
aṣṭame vā vyaye mande dāyeśādvā tathaiva ca

arātiduḥkhabāhulyaṃ dāraputrādipīḍanam |
buddhibhraṃśo bandhunāśaḥ karmanāśo manorujaḥ

videśagamanaṃ caiva duḥsvapnādipradarśanam |
dvitīyadyūnanāthe tu hyapamṛtyurbhaviṣyati

taddoṣaparihārārthaṃ mṛtyuñjayajapaṃ caret |
kṛṣṇāṃ gāṃ mahiṣīṃ dadyādāyurārogyavṛddhaye