બૃહત્પારાશરહોરાશાસ્ત્રમ્ · અધ્યાય 58

અથ બુધાન્તર્દશાફલાધ્યાયઃ

મુક્તાવિદ્રુમલાભશ્ચ જ્ઞાનકર્મસુખાદિકમ્ ।
વિદ્યામહત્ત્વં કીર્તિશ્ચ નૂતનપ્રભુદર્શનમ્

વિભવં દારપુત્રાદિ પિતૃમાતૃસુખાવહમ્ ।
સ્વોચ્ચાદિસ્થેઽથ નીચેઽસ્તે ષષ્ઠાષ્ટમવ્યયરાશિગે

પાપયુક્તેઽથવા દૃષ્ટે ધનધાન્યપશુક્ષયઃ ।
આત્મબન્ધુવિરોધશ્ચ શૂલરોઓગાદિસમ્ભવઃ

રાજકાર્યકલાપેન વ્યાકુલો ભવ્તિ ધ્રુવમ્ ।
દ્વિતીયદ્યૂનનાથે તુ દારક્લેશો ભવિષ્યતિ

આત્મસમ્બન્ધિમરણં વાતશૂલાદિસમ્ભવઃ ।
તદ્દોષપરિહારાર્થં વિષ્ણુસાહસ્રકં જપેત્

બુધસ્યાન્તર્ગતે કેતૌ લગ્નાત્કેન્દ્રત્રિકોણગે ।
શુભયુક્તે શુભૈર્દૃષ્ટે લગ્નાધિપસમન્વિતે

યોગકારકસમ્બન્ધે દાયેશાત્કેન્દ્રલાભગે ।
દેહસૌખ્યં ધનાલ્પત્વં બન્ધુસ્નેહમથાદિશેત્

ચતુષ્પાજ્જીવલાભઃ સ્યાત્સંચારેણ ધનાગમઃ ।
વિદ્યાકીર્તિર્પ્રસઙ્ગશ્ચ સમાનપ્રભુદર્શનમ્

ભોજનામ્બરસૌખ્યં ચ હ્યાદૌ મધ્યે સુખાવહમ્ ।
દાયેશાદ્યદિ રન્ધ્રસ્થે વ્યયે વા પાપસંયુતે

વાહનાત્પતનં ચૈવ પુત્રક્લેશાદિસમ્ભવઃ ।
ચૌરાદિરાજભીતિશ્ચ પાપકર્મરતઃ સદા

વૃશ્ચિકાદિવિષાદ્ભીતિર્નીચૈઃ કલહસંભવઃ ।
શોકરોગાદિદુઃખં ચ નીચસઙ્ગાદિકં ભવેત્

દ્વિતીયદ્યૂનનાથે તુ દેહજાડ્યં ભવિષ્યતિ ।
તદ્દોષપરિહારાય છાગદાનં તુ કારયેત્

સૌમ્યસ્યાન્તર્ગતે શુક્રે કેન્દ્રે લાભે ત્રિકોણગે ।
સત્કથાપુણ્યધર્માદિસંગ્રહઃ પુણ્યકર્મકૃત્

મિત્રપ્રભુવશાદિષ્ટં ક્ષેત્રલાભઃ સુખં ભવેત્ ।
દશાધિપાત્કેન્દ્રગતે ત્રિકોણે લાભગેઽપિ વા

તત્કાલે શ્રિયમાપ્નોતિ રાજશ્રીધનસમ્પદઃ ।
વાપીકૂપતડાગદિદાનધર્માદિસંગ્રહઃ

વ્યવસાયાત્ફલાધિક્યં ધનધાન્યસમૃદ્ધિકૃત્ ।
દાયેશાત્ષષ્ઠરન્ધ્રસ્થે વ્યયે વા બલવર્જિતે

હૃદ્રોગો માનહાનિશ્ચ જ્વરાતીસારપીડનમ્ ।
આત્મબન્ધુવિયોગશ્ચ સંસારે ભવતિ ધ્રુવમ્

આત્મકષ્ટં મનસ્તાપદાયકં દ્વિજસત્તમ ।
દ્વિતીયદ્યૂનનાથે તુ હ્યપમૃત્યુર્ભવિષ્યતિ

તદ્દોષપરિહારાર્થં દુર્ગાદેવીજપં ચરેત્ ।
જગદમ્બાપ્રસાદેન તતઃ શાન્તિમવાપ્નુયાત્

સૌમ્યસ્યાન્તર્ગતે સૂર્યે સ્વોચ્ચે સ્વક્ષેત્રકેન્દ્રગે ।
ત્રિકોણે ધનલાભે તુ તુઙ્ગાંશે સ્વાંશગેઽપિ વા

રાજપ્રસાદસુભાગ્યં મિત્રપ્રભુવશાત્સુખમ્ ।
ભૂમ્યાત્મજેન સંદૃષ્ટે આદૌ ભૂલાભમાદિશેત્

લગ્નાધિપેન સંદૃષ્ટે બહુસૌખ્યં ધનાગમમ્ ।
ગ્રામભૂમ્યાદિલાભં ચ ભોજનામ્બરસૌખ્યકૃત્

લગ્નાષ્ટમવ્યયે વાપિ શન્યારફણિસંયુતે ।
દાયેશાદ્રિપુરન્ધ્રસ્થે વ્યયે વા બલવર્જિતે

ચૌરાદિશસ્ત્રપીડા ચ પિત્તાધિક્યં ભવિષ્યતિ ।
શિરોરુઙ્મનસસ્તાપ ઇષ્ટબન્ધુવિયોગકૃત્

દ્વિતીયસપ્તમાધીશે હ્યપમૃત્યુર્ભવિશ્યતિ ।
તદ્દોષપરિહારાર્થં શાન્તિં કુર્યાદ્યથાવિધિ

સૌમ્યસ્યાન્તર્ગતે ચન્દ્રે લગ્નાત્કેન્દ્રત્રિકોણગે ।
સ્વોચ્ચે વા સ્વર્ક્ષગે વાપિ ગુરુદૃષ્ટિસમન્વિતે

યોગસ્થાનાધિપત્યેન યોગપ્રાબલ્યમાદિશેત્ ।
સ્ત્રીલાભં પુત્રલાભં ચ વસ્ત્રવાહનભૂષણમ્

નૂતનાલયલાભં ચ નિત્યં મિષ્ઠાન્નભોજનમ્ ।
ગીતવાદ્યપ્રસંગં ચ શાસ્ત્રવિદ્યાપરિશ્રમમ્

દક્ષિણાં દિશમાશ્રિત્ય પ્રયાણં ચ ભવિષ્યતિ ।
દ્વીપાન્તરાદિવસ્ત્રાણાં લાભશ્ચૈવ ભવિષ્યતિ

મુક્તાવિદ્રુમરત્નાનિ ધૌતવસ્ત્રાદિકં લભેત્ ।
નીચારિક્ષેત્રસંયુક્તે દેહબાધા ભવિષ્યતિ

દાયેશાત્કેન્દ્રકોણસ્થે દુશ્ચિક્યે લાભગેઽપિ વા ।
તદ્ભુક્ત્યાદૌ પુણ્યતીર્થસ્થાનદૈવતદર્શનમ્

મનોધૈર્યં હૃદુત્સાહો વિદેશધનલાભકૃત્ ।
દાયેશાત્ષષ્ઠરન્ધ્રે વા વ્યયે વા પાપસંયુતે

ચોરાગ્નિનૃપભીતિશ્ચ સ્ત્રીસમાગમતો ભવેત્ ।
દુષ્કૃતિર્ધનહાનિશ્ચ કૃષિગોશ્વાદિનાશકૃત્

દ્વિતીયદ્યૂનનાથે તુ દેહબાધા ભવિષ્યતિ ।
તદ્દોષપરિહારાર્થં દુર્ગાદેવીજપં ચરેત્

વસ્ત્રદાનં પ્રકુર્વીત આયુર્વૃદ્ધિસુખાવહમ્ ।
જગદમ્બાપ્રસાદેન તતઃ સુખમવાપ્નુયાત્

સૌમ્યસ્યાન્તર્ગતે ભૌમે લગ્નાત્કેન્દ્રત્રિકોણગે ।
સ્વોચ્ચે વા સ્વર્ક્ષગે વાપિ લગ્નાધિપસમન્વિતે

રાજાનુગ્રહશાન્તિં ચ ગૃહે કલ્યાણસમ્ભવમ્ ।
લક્ષ્મીકટાક્ષચિહ્નાનિ નષ્ટરાજ્યાર્થમાપ્નુયાત્

પુત્રોત્સવાદિસન્તોષં ગૃહે ગોધનસંકુલમ્ ।
ગૃહક્ષેત્રાદિલાભં ચ ગજવાજિસમન્વિતમ્

રાજપ્રીતિકરં ચૈવ સ્ત્રીસૌખ્યં ચાતિશોભનમ્ ।
નીચક્ષેત્રસમાયુક્તે હ્યષ્ટમે વા વ્યયેઽપિ વા

પાપદૃષ્ટિયુતે વાપિ દેહપીડા મનોવ્યથા ।
ઉદ્યોગભઙ્ગો દશાદૌ સ્વગ્રામે ધાન્યનશનમ્

ગ્રંથિશસ્ત્રવ્રણાદીનાં ભયં તાપજ્વરાદિકમ્ ।
દાયેશાત્કેન્દ્રગે ભૌમે ત્રિકોણે લાભગેઽપિ વા

શુભદૃષ્ટે ધનપ્રાપ્તિર્દેહસૌખ્યં ભવેનૃણામ્ ।
પુત્રલાભો યશોવૃદ્ધિર્ભ્રાતૃવર્ગો મહાપ્રિયઃ

દાયેશાદથ રન્ધ્રસ્થે વ્યયે વા પાપસંયુતે ।
તદ્ભુક્ત્યાદૌ મહાક્લેશો ભ્રાતૃવર્ગે મહદ્ભયમ્

નૃપાગ્નિચૌરભીતિશ્ચ પુત્રમિત્રવિરોધનમ્ ।
સ્થાનભ્રંશો ભવેદાદૌ મધ્યે સૌખ્યં ધનાગમઃ

અન્તે તુ રાજભીતિઃ સ્યાત્સ્થાનભ્રંશોહ્યથાપિવા ।
દ્વિતીયદ્યૂનનાથે તુ હ્યપમૃત્યુભયં ભવેત્

ગોદાનં ચ પ્રકુર્વીત મૃત્યુઞ્જયજપં ચરેત્ ।
શઙ્કરસ્ય પ્રસાદેન તતઃ સુકહ્મવાપ્નુયાત્

બુધસ્યાન્તર્ગતે રાહૌ કેન્દ્રલાભત્રિકોણગે ।
કુલીરે કુમ્ભગે વાપિ કન્યાયાં વૃષભેપિ વા

રાજસમ્માનકીર્તિં ચ ધનં ચ પ્રભવિષ્યતિ ।
પુણ્યતીર્થસ્થાનલાભો દેવતાદર્શનં તથા

ઇષ્તાપૂર્તે ચ મહતો માનશ્ચામ્બરલાભકૃત્ ।
ભુક્ત્યાદૌ દેહપીડા ચ ત્વન્તે સૌખ્યં વિનિર્દિશેત્

લગ્નાષ્ટવ્યયરાશિસ્થે તદ્ભુક્તૌ ધનનાશનમ્ ।
ભુક્ત્યાદૌ દેહનાશશ્ચ વાતજ્વરમજીર્ણકૃત્

લગ્નાદુપચયે રાહૌ શુભગ્રહસમન્વિતે ।
રાજસંલાપસન્તોષો નૂતનપ્રભુદર્શનમ્

દાયેશાદ્દ્વાદશે વાપિ હ્યષ્ટમે પાપસંયુતે ।
નિષ્ઠુરં રાજકાર્યાણિ અથાનભ્રંશો મહદ્ભયમ્

બન્ધનં રોગપીડા ચ નિજબન્ધુમનોવ્યથા ।
હૃદ્રોગો માનહાનિશ્ચ ધનહાનિર્ભવિષ્યતિ

દ્વિતીયસપ્તમસ્થે વા હ્યપમૃત્યુર્ભવિષ્યતિ ।
તદ્દોષપરિહારાર્થં દુર્ગાલક્ષ્મીજપં ચરેત્

શ્વેતાં ગાં મહિષીં દદ્યાદાયુઆરોગ્યદાયિનીમ્ ।
જગદમ્બાપ્રસાદેન તતઃ સુખમવાપ્નુયાત્

બુધસ્યાન્તર્ગતે જીવે લગ્નાત્કેન્દ્રત્રિકોણગે ।
સ્વોચ્ચે વા સ્વર્ક્ષગે વાપિ લાભે વા ધનરાશિગે

દેહસૌખ્યં ધનાવાપ્તી રાજપ્રીતિસ્તથૈવ ચ ।
વિવાહોત્સવકાર્યાણિ નિત્યં મિષ્ઠાન્નભોજનમ્

ગોમહિષ્યાદિલાભશ્ચ પુરાણસ્ર્।અવણાદિકમ્ ।
દેવતાગુરુભક્તિશ્ચ દાનધર્મમખાદિકમ્

યજ્ઞકર્મપ્રવૃદ્ધિશ્ચ શિવપૂજાફલં તથા ।
નીચે વાસ્તંગતે વાપિ ષષ્ઠાષ્ટવ્યયગેઽપિ વા

શન્યારદૃષ્ટસંયુક્તે કલહો રાજવિગ્રહઃ ।
ચૌરાદિદેહપીડા ચ પિતૃમાતૃવિનાશ્નમ્

માનહાનિ રાજદણ્ડો ધનહાનિર્ભવિષ્યતિ ।
વિષાહિજ્વરપીડા ચ કૃષિભૂમિવિનાશનમ્

દયેશાત્કેન્દ્રકોણે વા લાભે વા બલસંયુતે ।
બન્ધુપુત્રહૃદુત્સાહો શુભં ચ ધનસંયુતમ્

પશુવૃદ્ધિર્યશોવૃદ્ધિરન્નદાનાદિકં ફલમ્ ।
દાયેશાત્ષષ્ઠરન્ધ્રે વા વ્યયે વા બલવર્જિતે

અઙ્ગતાપશ્ચ વૈકલ્યં દેહબાધા ભ્વિષ્યતિ ।
કલત્રબન્ધુવૈષમ્યં રાજકોપો ધનક્ષયઃ

અકસ્માત્કલહાદ્ભીતિઃ પ્રમાદો દ્વિજતો ભયમ્ ।
દ્વિતીયસપ્તમસ્થે વા દેહબાધા ભવિષ્યતિ

તદ્દોષપરિહારાર્થં શિવસાહસ્રકં જપેત્ ।
ગોભૂરિરણ્યદાનેન સર્વારિષ્ટં વ્યપોહતિ

સૌમ્યસ્યાન્તર્ગતે મન્દે સ્વોચ્ચે સ્વક્ષેત્રકેન્દ્રગે ।
ત્રિકોણલાભગે વાપિ ગૃહે કલ્યાણવર્દ્ધનમ્

રાજ્યલાભં મહોત્સાહં ગૃહં ગોધનસંકુલમ્

શુભસ્થાનફલવાપ્તિં તીર્થવાસં તથાદિશેત્ ।
અષ્ટમે વા વ્યયે મન્દે દાયેશાદ્વા તથૈવ ચ

અરાતિદુઃખબાહુલ્યં દારપુત્રાદિપીડનમ્ ।
બુદ્ધિભ્રંશો બન્ધુનાશઃ કર્મનાશો મનોરુજઃ

વિદેશગમનં ચૈવ દુઃસ્વપ્નાદિપ્રદર્શનમ્ ।
દ્વિતીયદ્યૂનનાથે તુ હ્યપમૃત્યુર્ભવિષ્યતિ

તદ્દોષપરિહારાર્થં મૃત્યુઞ્જયજપં ચરેત્ ।
કૃષ્ણાં ગાં મહિષીં દદ્યાદાયુરારોગ્યવૃદ્ધયે