Brihat Parashara Hora Shastra · Chapter 57

atha śanyantardaśāphalādhyāyaḥ

mūlatrikoṇe svarkṣe vā tulāyāmuccage'pi vā |
kendratrikoṇalābhe vā rājayogādisaṃyute

rājyalābho mahatsaukhyaṃ dāraputrādivardhanam |
vāhanatrayasaṃyuktaṃ gajāśvāmbarasaṅkulam

mahārājaprasādena senāpatyādilābhakṛt |
catuṣpājjīvalābhaḥ syādgrāmabhūmyādilābhakṛt

tathā'ṣṭame vyaye mande nīce vā pāpasaṃyute |
tadbhuktyādau rājabhītirviṣaśastrādipīḍanam

raktastrāvo gulmarogo hyatimārādipīḍanam |
madhye caurādi bhītiśca deśatyāgo manorujaḥ

ante śubhakarī caiva śanerantardaśā dvija |
dvitīyadyūnanāthe tu hyapamṛtyurbhaviṣyati

taddoṣaparihārārthaṃ mrṭyuñjayajapaṃ caret |
tataḥ śāntimavāpnoti śaṅkarasya prasādataḥ

mandasyāntargate saumye trikoṇe kendrage'pi vā |
sammānaṃ ca yaśaḥ kīrtiṃ vidyālābhaṃ dhanāgamam

svadeśe sukhamāpnoti vāhanādiphalairyutam |
yajñādikarmasiddhiśca rājayogādisambhavam

dehasaukhyaṃ hṛdutsāhaṃ gṛhe kalyāṇasambhavam |
setusnānaphalāvāptistīrthayātrādikarmaṇā

vāṇijyāddhanalābhaśca purāṇaśravaṇādikam |
annadānaphalaṃ caiva nityaṃ miṣṭhānnabhojanam

ṣaṣṭhāṣṭamavyaye saumye nīce vāstaṃgate sati |
ravyāraphaṇisaṃyukte dāyeśādvā tathaiva ca

nṛpābhiṣekamarthāptirdeśagrāmādhipatyatā |
phalamīdṛśamādau tu madhyānte rogapīḍanam

naṣṭāni sarvakāryāṇi vyākulatvaṃ mahadbhayam |
dvitīyasaptamādhiśe dehabādhā bhaviṣyati

taddoṣaparihārārthaṃ viṣṇusāhasrakaṃ japet |
annadānaṃ prakurvīta sarvasampatpradāyakam

mandasyāntargate ketau śubhadṛṣṭiyutekṣite |
svocce vā śubharāśisthe yogakārakasaṃyute

kendrakoṇagate vāpi sthānabhraṃśo mahadbhayam |
daridrabandhanaṃ bhītiḥ putradārādināśanam

svaprabhośca mahākaṣṭaṃ videśagamanaṃ tathā |
lagnādhipena saṃyukte ādau saukhyaṃ dhanāgamaḥ

gaṅgādisarvatīrbheṣu snānaṃ daivatadarśanam |
dāyeśātkendrakoṇe vā tṛtīyabhavarāśige

samartho dharmabuddhiśca saukhyaṃ nṛpasamāgamaḥ |
tathā'ṣṭame vyaye ketau dāyeśādvā tathaiva ca

apamṛtyubhayaṃ caiva kutsitānnasya bhojanam |
śītajvarātisāraśca vraṇacaurādipīḍanam

dāraputraviyogaśca saṃsāre bhavati dhruvam |
dvitiyadyūnarāśisthe deha pīḍā bhaviṣyati

chāgadānaṃ prakurvīta hyapamṛtyunivāraṇam |
ketugrahaprasādena sukhaśāntimavāpnuyāt

mandasyāntargate śukre svocce svakṣetrage'pi vā |
kendre vā śubhasaṃyukte triokoṇe lābhage'pi vā

dāraputradhanaprāptirdehārogyaṃ mahotsavaḥ |
gṛhe kalyāṇsampatti rājyalābhaṃ mahatsukham

mahārājaprasādena hīṣṭasiddhiḥ sukhāvahā |
ssammānaṃ prabhusammānaṃ priyavastrādilābhakṛt

dvipāntarādvastralābhaḥ śvetāśvo mahiṣī tathā |
gurucāravaśādbhāgyaṃ saukhyaṃ ca dhanasampadaḥ

śanicārānmanuṣyo'sau yogamāpnotyasaṃśayam |
śatrunīcāstage śukre ṣaṣṭhāṣṭamavyayarāśige

dāranāśo manaḥkleśaḥ sthānanāśo manorujaḥ |
dārānāṃ svajanakleśaḥ santāpo janavigrahaḥ

dāyeśādbhāgyage caiva kendre vā lābhasaṃyute |
rājaprītikaraṃ caiva mano'bhīṣṭapradāyakam

dānadharmadayāyuktaṃ tīrthayātrādikaṃ phalam |
sāsrtārthakāvyaracanāṃ vedāntaśravaṇādikam

dāraputrādisaukhyaṃ ca labhate nā'tra saṃśayaḥ |
dāyeśādvyayage śukre ṣaṣṭhe vā hyaṣṭame'pi vā

netrapīḍā jvarabhayaṃ svakulācāravarjitaḥ |
kapole dantaśūlādi hṛdi guhye ca pīḍanam

jalabhītirmanastāpo vṛkṣātpatanasambhavaḥ |
rājadvāre janadveṣaḥ sodhareṇa virodhanam

dvitīyasaptamādhīśe ātmakleśo bhaviṣyati |
taddoṣaparihārārthaṃ durgādevījapaṃ caret

śvetāṃ gāṃ mahiṣīṃ dadyādāyurārogyavṛddhidām |
jagadambāprasādena tataḥ sukhamavāpnuyāt

mandasyāntargate sūrye svocce svakṣetrage'pi vā |
bhāgyādhipena saṃyukte kendralābhatrikoṇage

śubhadṛṣṭiyute vāpi svaprabhośca mahatsukham |
gṛhe kalyāṇasampattiḥ putrādisukhavarddhanam

vāhanāmbarapaśvādigokṣīraissaṃkulaṃ gṛham |
lagnāṣṭamavyaye sūrye dāyeśādvā tathaiva ca

hṛdrogo mānahāniśca sthānabhraṃśo manorujā |
iṣṭbandhuviyogaśca udyogasya vināśanam

tāpajvarādipīḍā ca vyākulatvaṃ bhayaṃ tathā |
ātmasambandhimaraṇamiṣṭavastuviyogakṛt

dvitīyadyūnanāthe tu dehabādhā bhaviṣyati |
taddoṣaparihārārthaṃ sūryapūjāṃ ca kārayet

mandasyāntargate candre jīvadṛṣṭisamanvite |
svocce svakṣetrakendrasthe trikoṇe lābhage'pi vā

pūrṇe śubhagrahairyukte rājaprītisamāgamaḥ |
mahārājaprasādena vāhanāmbarabhūṣaṇam

saubhāgyaṃ sukhavṛddhiṃ ca bhṛtyānāṃ paripālanam |
pitṛmātṛkule saukhyaṃ paśuvṛddhiḥ sukhāvahā

kṣīṇe vā pāpasaṃyukte pāpadṛṣṭe vā nīcage |
krūrāṃśakagate vāpi krūrakṣetragate'pi vā

jātakasya mahatkaṣṭaṃ rājakopo dhanakṣayaḥ |
pitṛmātṛviyogaśca putrīputrādirogakṛt

vyavasāyātphalaṃ neṣṭaṃ nānāmārge dhanavyayaḥ |
akāle bhojanaṃ caiva mauṣadhasya ca bhakṣaṇam

phalametadvijānīyādādau saukhyaṃ dhanāgamaḥ |
dāyeśātkendrarāśisthe trikoṇe lābhage'pi vā

vāhanāmbarapaśvādibhrātṛvṛddhiḥ sukhāvahā |
pitṛmātṛsukhāvāptiḥ strīsaukhyaṃ ca dhanāgamaḥ

mitraprabhuvaśādiṣṭaṃ sarvasaukhyaṃ śubhāvaham |
dāyeśāddvādaśa bhāve randhre vā balavarjite

śayanaṃ rogamālasyaṃ sthānabhraṣṭaṃ sukhāpaham |
śatruvṛddhivirodhaṃ ca bandhudveṣamavāpnuyāt

dvitīyadyūnanāthe tu dehālasya bhaviṣyati |
taddoṣaśamanārthaṃ ca tilahomādikaṃ caret

guḍaṃ ghṛtaṃ ca dadhnāktaṃ taṇḍulaṃ ca yathāvidhi |
śvetāṃ gāṃ mahiṣīṃ dadyādāyurārogyavṛddhaye

mandasyāntargate bhaume kendralābhatrikoṇage |
tuṅge svakṣetrage vāpi daśādhipasamanvite

lagnādhipena saṃyukte ādau saukhyaṃ dhanāgamaḥ |
rājaprītikaraṃ saukhyaṃ vāhanāmbarabhūṣaṇam

senāpatyaṃ nṛpaprītiḥ kṛṣigodhānyasampadaḥ |
nūtanasthānanirmāṇaṃ bhrātṛvargeṣṭasaukhyakṛt

nīce cāstaṅgate bhaume lagnādaṣṭavyayasthite |
pāpadṛṣṭiyute vāpi dhanahānirbhaviṣyati

caurāhivraṇaśastrādigranthirogādipīḍanam |
bhrātṛpitrādipīḍā ca dāyādajanavigrahaḥ

catuṣpājjīvahāniśca kutsitānnasya bhojanam |
videśagamanaṃ caiva nānamārge dhanavyayaḥ

aṣṭamadyūnanāthe tu dvitīyasthe'tha vā yadi |
apamṛtyubhayaṃ caiva nānākaṣṭaṃ parābhavaḥ

taddoṣaparihārārthaṃ śāntihomaṃ ca kārayet |
vṛṣadānaṃ prakurvīta sarvāriṣṭanivāraṇam

mandasyāntargate rāhau kalahaśca manovyathā |
dehapīḍā manastāpaḥ putradveṣo rujobhayam

arthavyayo rājabhayaṃ svajanādivirodhitā |
videśagamanaṃ caiva gṛhakṣetrādināśanam

lagnādhipena saṃyukte yogakārakasaṃyute |
svocce svakṣetrage kendre dāyeśāllābharāśige

ādau saukhyaṃ dhanāvāptiṃ gṛhakṣetrādisampadam |
devabrāhmaṇabhaktiṃ ca tīrthayātrādikaṃ labhet

catuṣpājjīvalābhaḥ syādgṛhe kalyāṇvarddhanam |
madhye tu rājabhītiśca putramitravirodhanam

meṣe kanyāgate vāpi kulīre vṛṣabhe tathā |
mīnakodaṇḍasiṃheṣu gajāntaiśvaryamādiśet

rājasammanabhūṣāptiṃ mṛdulābharasaukhyakṛt |
dvisaptamādhipairyukte dehabādhā bhaviṣyati

mṛtyuñjayaṃ prakurvīta chāgadānaṃ ca kārayet |
vṛṣadānaṃ prakurvīta sarvasampatsukhāvaham

mandasyāntargate jīve kendre lābhatrikoṇage |
lagnādhipena saṃyukte svocce svakṣetrage'pi vā

sarvakāryārthasiddhiḥ syācchobhanaṃ bhavati dhruvam |
mahārājaprasādena dhanavāhanabhūṣaṇam

sanmānaṃ prabhusammānaṃ priyavastrārthalābhakṛt |
devatāgurubhaktiśca vidvajjanasamāgamaḥ

dāraputrādilābhaśca putrakalyāṇavaibhavam |
ṣaṣṭhāṣṭamavyaye jīve nīce vā pāpasaṃyute

nijasambandhimaraṇaṃ dhanadhānyavināśanam |
rājasthāne janadveṣaḥ karyahānirbhaviṣyati

videśagamanaṃ caiva kuṣṭharogādisambhavaḥ |
dāyeśātkendrakoṇe vā dhane vā lābhage'pi vā

vibhavaṃ dārasaubhāgyaṃ rājaśrīdhanasampadaḥ |
bhojanāmbarasaukhyaṃ ca dānadharmādikaṃ bhavet

brahmaprtiṣṭhāsiddhiśca kratukarmaphalaṃ tathā |
annadānaṃ mahākīrtirvedāntaśravaṇādikam

dāyeśātṣaṣṭharandhre vā vyaye vā balavarjite |
bandhudveṣo manoduḥkhaṃ kalahaḥ padavicyuti

kubhojanaṃ karmahānī rājadaṇḍāddhanavyaya |
kārāgṛhapraveśaśca putradārādipīḍanam

dvitīyadyūnanāthe tu dehavādhā manorujaḥ |
ātmasambandhamaraṇaṃ bhaviṣyati na saṃśayaḥ

taddoṣaparihārārthaṃ śivasāhasrakaṃ japet |
svarṇadānaṃ prkurvīta hyārogyaṃ bhavati dhruvam