Brihat Parashara Hora Shastra · Chapter 59

atha ketvantardaśāphalādhyāyaḥ

kendre trikoṇalābhe vā ketau lagneśasaṃyute /
bhāgyakarmasusambandhe vāhaneśasamanvite

tadbhuktau dhanadhānyādi catuṣpājjīvalābhakṛt /
putradārādisaukhyaṃ ca rājaprītimanorujaḥ

grāmabhūmyādilābhaśca gṛhaṃ godhanasaṃkulam /
nīcāstakheṭasaṃyukte hyaṣṭame vyayage'pi vā

hṛdrogo mānahāniśca dhanadhānyapaśukṣayaḥ /
dāraputrādipīḍā ca manaścāṃcalyameva ca

dvitīyadyūnanāthena sambandhe tatra saṃsthite /
anārogyaṃ mahatkaṣṭamātmabandhuviyogakṛt

durgādevījapaṃ kuryānmṛtyuñjayajapaṃ caret /
evaṃ svāntargate ketau tataḥ sukhamavāpnuyāt

ketorantargate śukre svocce svakṣetrasaṃyute /
kendratrikoṇalābhe vā rājyanāthena saṃyute

rājaprītiṃ ca saubhāgyaṃ diśātsvāmbarasaṃkulam /
tatkāle śriyamāpnoti bhāgyakarmeśasaṃyute

naṣṭarājyadhanaprāptiṃ sukhavāhanasuttamam /
setusnānādikaṃ caiva devatādarśanaṃ mahat

mahārājaprasādena grāmabhūmyādilābhakṛt /
dāyeśātkendrakoṇe vā duścikye lābhage'pi vā

dehārogyaṃ śubhaṃ caiva gṛhe kalyāṇaśobhanam /
bhojanāmbarabhūṣāptirathadolādilābhakṛt

dāyeśādripurandhrasthe vyaye vā pāpasaṃyute /
akasmātkalahaṃ caiva paśudhānyādipīḍanam

nīcasthe kheṭasaṃyukte lagnātṣaṣṭhāṣṭarāśige /
svabandhujanavaiṣamyaṃ śirokṣivraṇapīḍanam

hṛdrogaṃ mānahāniṃ ca dhanadhānyapaśukṣayam /
kalatraputrapīḍāyāḥ sañcāraṃ ca samādiśet

dvitīyadyūnanāthe tu dehajāḍyaṃ manorujam /
taddoṣaparihārārthaṃ durgādevījapaṃ caret /
śvetāṃ gāṃ mahiṣīṃ dadyādāyuārogyavṛddhaye

ketorantargate sūrye svocce svakṣetrage'pi vā /
kendratrikoṇalābhe vā śubhayuktanirīkṣite

dhanadhānyādilābhaśca rājānugrahavaibhavam /
anekaśubhakāryāṇi ceṣṭasiddhiḥ sukhāvahā

aṣṭamavyayarāśisthe pāpagrahasamanvite /
tadbhuktau rājabhītiśca pitṛmātṛviyogakṛt

videśagamanaṃ caiva caurāhiviṣapīḍanam /
rājamitravirodhaśca rājadaṇḍāddhanakṣayaḥ

śokarogabhayaṃ caiva uṣṇādhikyaṃ jvaro bhavet /
dāyeśātlendrakoṇe vā lābhe vā dhanasaṃsthite

dehasaukhyaṃ cārthalābha० putralābho manodṛḍham /
sarvakāryārthasiddhiḥ syātsvalpagrāmādhipatyayuk

dāyeśādrandhrariḥphe vā sthite vā pāpasaṃyute /
annavighno manobītirdhanadhānyapaśukṣayaḥ

ādau madhye mahākleśānante saukhyaṃ vinirdiśet /
dvitīyasaptamādhīśe hyapamṛtyurbhaviṣyati

tasya śāntiṃ prakurvīta svarṇaṃ dhenuṃ pradāpayet /
bhāskarasya prasādena tataḥ sukhamavāpnuyāt

ketorantargate candre svocce svakṣetrage'pi vā /
kendratrikoṇalābhe vā dhane śubhasamanvite

rājaprītirmahotsāhaḥ kalyāṇaṃ ca mahatsukham /
mahārājaprasādena gṛhabhūmyādilābhakṛt

bhojanāmbarapaśvādivyavasāye'dhikaṃ phalam /
aśvavāhanalābhaśca vastrabharaṇabhūṣaṇam

devālayataḍāgādipuṇyadharmādisaṅgraham /
putradārādisaukhyaṃ ca pūrṇacandraḥ prayacchati

kṣīṇe vā nīcage candre ṣaṣṭhāṣṭamavyayarāśige /
ātmasaukhyaṃ manastāpaṃ kāryavighnaṃ mahadbhayam

pitṛmātṛviyogaṃ ca dehajāḍyaṃ manovyathām /
vyavasāyātphalaṃ kaṣṭaṃ paśunāśaṃ bhayaṃ vadet

dāyeśātkendrakoṇe vā lābhe vā balasaṃyute /
kṛṣigobhūmilābhaṃ ca iṣṭabandhusamāgamam

tasmātsvakāryasiddhiṃ ca gṛhe gokṣīrameva ca /
bhuktyādau śubhamārogyaṃ madhye rājapriyaṃ śubham

ante tu rājabhītiṃ ca videśagamanaṃ tathā /
dūrayātrādisañcāraṃ sambandhijanapūjanam

dāyeśātṣaṣṭhariḥphe vā randhre vā balavarjite /
dhanadhānyādihāniśca manovyātkulameva ca

svabandhujanavairaṃ ca bhrātṛpīḍā tathaiva ca /
nidhanādhipadoṣeṇa dvisaptapatisaṃyute

apamṛtyubhayaṃ tasya śāntiṃ kuryādyathāvidhi /
candraprītikarīṃ caiva hyāyurārogyasiddhaye

ketorantargate bhaume lagnātkendratrikoṇage /
svocce svakṣetrage vā'pi śubhagrahayutekṣite

ādau śubhaphalaṃ caiva grāmabhūmyādilābhakṛt /
dhanadhānyādilābhaśca catuṣpājjīvalābhakṛt

gṛgārāmakṣetralābho rājānugrahavaibhavam /
bhāgye karmeśasambandhe bhūlābhaḥ saukhyameva ca

dāyeśātkendrakoṇe vā duścikye lābhage'pi vā /
rājaprītiyaśolābhaḥ putramitrādisaukhyakṛt

tathā'ṣṭamavyaye bhaume dāyeśāddhanage'pi vā /
drutaṃ karoti maraṇaṃ videśe cāpadaṃ bhramam

pramehamūtrakṛcchrādicaurādinṛpapīḍanam /
kalahādi vyathāyuktaṃ kiñcitsukhavivarddhanam

dvitīyadyūnanāthe tu tāpajvaraviṣādbhayam /
dārapīḍā manaḥkleśamapamṛtyubhayaṃ bhavet

anḍvāhaṃ pradadyāttu sarvasampatsukhāvaham /
tataḥ śāntimavāpnoti bhaumagrahaprasādataḥ

ketorantargate rāhau svocce mitrasvarāśige /
kendratrikoṇe lābhe vā duścikye dhanasaṃjñake

tatkāle dhanalābhaḥ syātsañcāro bhavati dhruvam /
mlecchaprabhuvaśātsaukhyaṃ dhandhānyaphalādikam

catuṣpājjīvalābhaḥ syādgrāmabhūmyādilābhakṛt /
bhuktyādau kleśamāpnoti madhyānte saukhyamāpnuyāt

randhre vā vyayage rāhau pāpasaṃdṛṣṭasaṃyute /
bahumūtraṃ kṛśaṃ dīhaṃ śītajvaraviṣādbhayam

cāturthikajvaraṃ caiva kṣudropadravapīḍanam /
akasmātkalahaṃ caiva pramehaṃ śūlamādiśet

dvitīyasaptamasthe vā tadā kleśaṃ mahadbhayam /
taddoṣaparihārārthaṃ durgādevījapaṃ caret

ketorantargate jīve kandre lābhe trikoṇage /
svocce svakṣetrage vāpi lagnādhipasamanvite

karmabhāgyādhipairyukte dhanadhānyārthasaṃpadam /
rājaprītiṃ tadotsāhamaśvāṃdolyādikaṃ diśet

gṛhe kalyāṇasampattiṃ putralābhaṃ mahotsavaham /
puṇyatīrthaṃ mahotsāhaṃ satkarma ca sukhāvaham

iṣṭadevaprasādena vijayaṃ kāryalābhakṛt /
rājasaṃllāpakāryāṇi nūtanaprabhudarśanam

ṣaṣṭhāṣṭamavyaye jīve dāyeśānnīcage'pi vā /
caurāhivraṇabhītiṃ ca dhanadhānyādināśanam

putradārāviyogaṃ ca tvatīvakleśasambhavam /
ādau subhaphalaṃ caiva ante kleśakaraṃ vadet

dāyeśātkendrakoṇe vā duścikye lābhage'pi vā /
śubhayukte nṛpaprītirvicitrāmbarabhūṣaṇam

dūradeśaprayāṇaṃ ca svabandhujanapoṣaṇam /
bhojanāmbarapaśvādi bhuktyādau dehapīḍanam

ante tu sthānacalanamakasmātkalaho bhavet /
dvitīyadyūnanāthe tu hyapamṛtyurbhaviṣyati

taddoṣaparihārārthaṃ śivasāhasrakaṃ japet /
mahāmṛtyuñjayaṃ jāpyaṃ sarvopadravanāśanam

ketorantargate mande svadaśāyāṃ tu pīḍanam /
bandhoḥ kleśo manastāpaścatuṣpājjīvalābhakṛt

rājakāryakalāpena dhananāśo mahadbhayam /
sthānāccyutiḥ pravāsaśca mārge caurabhayaṃ bhavet

ālasyaṃ manaso hāniścāṣṭame vyayarāśige /
mīnatrikoṇage mande tulāyāṃ svarkṣage'pi vā

kendratrikoṇalābhe vā duścikye vā śubhāṃśake /
śubhadṛṣṭayute caiva sarvakāryārthasādhanam

svaprabhośca mahatsaukhyaṃ bhramaṇaṃ ca sukhāvaham /
svagrāme sukhasampattiḥ svavarge rājadarśanam

dāyeśātṣaṣṭhariḥphe vā aṣṭame pāpasaṃyute /
dehatāpo manastāpaḥ kārye vighno mahadbhayam

ālasyaṃ mānahāniśca pitṛmātrorvināśanam /
dvitīyadyūnanāthe tu hyapamṛtyubhayaṃ bhavet

taddoṣapairhārārthaṃ tilahomaṃ ca kārayet /
kṛṣṇāṃ gāṃ mahiṣīṃ dadyādāyurārogyavṛddhaye

ketorantargate saumye kendralābhatrikoṇage /
svocce svakṣetrasaṃyukte rājyalābho mahatsukham

satkathāśravaṇaṃ dānaṃ dharmasiddhiḥ sukhāvahā /
bhūlābhaḥ putralābhaśca śubhagoṣṭhīdhanāgamaḥ

ayatnāddharmalabdhiśca vivāhaśca bhaviṣyati /
gṛhe śubhakaraṃ karma vastrābharaṇabhūṣaṇam

bhāgyakarmādhipairyukte bhāgyavṛddhiḥ sukhāvahā /
vidvadgoṣṭhīkathābhiśca kālakṣepo bhaviṣyati

ṣaṣṭhāṣṭamavyaye saumye mandārāhiyutekṣite /
virodho rājavargaiśca paragehanivāsanam

vāhanāmbarapaśvādidhanadhānyādināśakṛt /
bhuktyādau śobhanaṃ proktaṃ madhye saukhyaṃ dhanāgamaḥ

ante kleśakaraṃ caiva dāraputrādipīḍanam /
dāyeśātkendrage saumye trikoṇe lābhage'pi vā

dehārogyaṃ mahāṃllābhaḥ putrakalyāṇavaibhavam /
bhojanāmbarapaśvādivyavasāye'dhikaṃ phalam

dāyeśātṣaṣṭharandhre vā vyaye vā balavarjite /
tadbhuktyādau mahākleśo dāraputrādipīḍanam

rājabhītikaraścaiva madhye tīrthakaro bhavet /
dvitīyadyūnanāthe tu hyapamṛtyurbhaviṣyati

taddoṣaparihārārthaṃ viṣṇusāhasrakaṃ japet /
tataḥ sukhamavāpnoti śrīhareśca prasādataḥ