Brihat Parashara Hora Shastra · Chapter 56

atha jīvāntardaśāphalādhyāyaḥ

svocce svakṣetrage jīve lagnātkendratrikoṇage |
anekarājadhīśo vā sampanno rājapūjitaḥ

momahiṣyādilābhaśca vastravāhanabhūṣaṇam |
nūtanasthānanirmāṇaṃ harmyaprākārasaṃyutam

gajāntaiśvaryasampattirbhāgyakarmaphalaodayaḥ |
brāhmaṇaprabhusammānaṃ samānaṃ prabhudarśanam

svaprabhoḥ svaphalādhikya dāraputrādilābhakṛt |
nīcāṃśe nīcarāśisthe ṣaṣṭhāṣṭamavyayarāśige

nīcasaṅgo mahāduḥkhaṃ dāyādajanavigrahaḥ |
kalaho na vicārosya svaprabhuṣvapamṛtyukṛt

putradāraviyogaśca dhanadhānyārthahānikṛt |
saptamādhipadoṣeṇa devavādhā bhaviṣyati

taddoṣaparihārārthaṃ śivasāhasrakaṃ japet |
rudrajāpyaṃ ca godānaṃ kuryāt svā'bhīṣṭalabdhaye

jīvasyāntargate mande svocce svakṣetramitrabhe |
lagnātkendratrikoṇasthe lābhe vā balasaṃyute

rājyalābho mahatsaukhyaṃ vastrābharaṇasaṃyutam |
dhanadhānyādilābhaśca strīlābho bahusaukhyakṛt

vāhanāmbarapaśvādibhūlābhaḥ sthānalābhakṛt |
putramitrādisaukhyaṃ ca naravāhanayogakṛt

nīlavastrādilābhaśca nīlāśvaṃ labhate ca saḥ |
paścimāṃ diśamāśritya prayāṇaṃ rājadarśanam

anekayānalābhaṃ ca nirdiśenmandabhuktiṣu |
lagnātṣaṣṭhāṣṭame mande vyaye nīce'stage'pyarau

dhanadhānyādināśaśca jvarapīḍā manorujaḥ |
strīputrādiṣu pīḍā vāvraṇārtyādikamudbhavet

gṛhe tvaśubhakāryāṇi bhrtyavargādipīḍanam |
gomahiṣyādihāniśca bandhudveṣī bhaviṣyati

dāyeśātkendrakoṇasthe lābhe vā dhanage'pi vā |
bhūrābhaścārthalābhaśca putralābhasukhaṃ bhavet

gomahiṣyādilābhaśca śūdramūlāddhanaṃ tathā |
dāyeśādripurandhrasthe vyaye vā pāpasaṃyute

dhanadhānyādināśaśca bandhumitravirodhakṛt |
udyogabhaṅgo dehārtiḥ svajanānāṃ mahadbhayam

dvisaptamādhipe mande hyapamṛtyurbhaviṣyati |
taddoṣaparihārārthaṃ viṣṇusāhasrakaṃ japet

kṛṣṇāṃ gāṃ mahiṣīṃ dadyādanenārogyamādiśet |
mandagrahaprasādena satyaṃ satyaṃ dvijottama

jīvasyāntargate saumye kendralābhatrikoṇage |
svocce vā svarkṣage vāpi daśādhipasamanvite

arthalābho dehasaukhyaṃ rājyalābho mahatsukham |
mahārājaprasādena sveṣṭasiddhiḥ sukhāvahā

vāhanāmbarapaśvādigodhanaissaṃkulaṃ gṛham |
mahīsutena saṃdṛṣṭe śatruvṛddhiḥ sukhakṣayaḥ

vyavasāyātphalaṃ niṣṭaṃ jvarātīmārapīḍanam |
dāyeśādbhāgyakoṇe vā kendre vā tuṅgarāśige

svadeśe dhanalābhaśca pitṛmātṛsukhāvahā |
gajavājisamāyukto rājamitraprasādataḥ

dāyeśātṣaṣṭharandhrasthe vyaye vā pāpasaṃyute |
śubhadṛṣṭivihīne ca dhandhānyaparicyutiḥ

videśagamanaṃ caiva mārge caurabhayaṃ tathā |
vraṇadāhākṣirogaśca nānādeśaparibhramaḥ

lagnātṣaṣṭhāṣṭamabhāve vā vyaye vā pāpasaṃyute |
aksamātkalahaścaiva gṛhe miṣṭhurabhāvaṇam

catuṣpājjīvahāniśca vyavahāre tathaiva ca |
apamṛtyubhayaṃ caiva śatrūṇāṃ kalaho bhavet

śubhadṛṣṭe śubhairyukte dārasaukhyaṃ dhanāgamaḥ |
ādau śubhaṃ dehasaukhyaṃ vāhanāmbaralābhakṛt

ante tu dhanahāniścetsvātmasaukhyaṃ na jāyate |
dvitīyadyūnanāthe vā hyapamṛtyurbhaviṣyati

taddoṣaparihārārthaṃ viṣṇusāhasrakaṃ japet |
āyurvṛddhikaraṃ caiva sarvasaubhāgyadāyakam

jīvasyāntargate ketau śubhagrahasamanvite |
alpasaukhyadhanavyāptiḥ kutsitānnasya bhojanam

parānnaṃ caiva śrāddhānnaṃ pāpamūlāddhanāni ca |
dāyeśādripurandhrasthe vyaye vā pāpasaṃyute

rājakopo dhanacchedo bandhanaṃ rogapīḍanam |
balāhāniḥ pitṛdveṣo bhrātṛdveṣo manorujam

dāyeśātsutabhāgyasthe vāhane karmage'pi vā |
naravāhanayogaśca gajāśvāmbarasaṅkulam

mahārājaprasādena sveṣṭakāryārthalābhakṛt |
vyavasāyātphalādhikyaṃ gomahiṣyādilābhakṛt

yavanaprabhumūlādvā dhanavastrādilābhakṛt |
dvitīyadyūnanāthe tu dehavādhā bhaviṣyati

chāgadānaṃ prakurvīta mṛtyuñjayajapaṃ caret |
sarvadoṣopaśamanīṃ śāntiṃ kuryādvidhānataḥ

jīvasyāntargate śukre bhāgyakendreśasaṃyute |
lābhe vā sutarāśisthe svakṣetre śubhasaṃyute

naravāhanayogaśca gajāśvāmbarasaṃyutaḥ |
mahārajaprasādena lābhādhikyaṃ mahatsukham |
nīlāmbarāṇāṃ raktānāṃ lābhaścaiva bhaviṣyati

pūrvasyāṃ diśi viprendra prayāṇaṃ dhanlābhadam |
kalyāṇaṃ ca mahāprītiḥ pitṛmātṛsukhāvahā

devatāgurubhaktiśca annadānaṃ mahattathā |
taḍāgagopurādīni diśet puṇyāni bhūriśaḥ

ṣaṣṭhāṣṭamavyaye nīce dāyeśādvā tathaiva ca |
kalho bandhuvaiṣamyaṃ dāraputrādipīḍanam

mandārarāhusaṃyukte kalaho rājato bhayam |
strīmūlātkalahaścaiva śvasurātkalahastathā

sodareṇa vivādaḥ syāddhanadhānyaparicyutiḥ |
dāyeśātkendrarāśisthe dhane vā bhāgyage'pi vā

dhanadhānyādilābhaśca sr/īlābho rājadarśanam

vāhanaṃ putralābhaśca paśuvṛddhirmahatsukham |
gītāvādyaprasaṅgādirvidvajjanasamāgamaḥ

divyānnabhojanaṃ saukhyaṃ svabandhujanapoṣakam |
dvisaptamādhipe śukre taddaśānāṃ dhanakṣatiḥ

apamṛtyubhayaṃ tasya strīmūlādauṣadhāditaḥ |
tasya rogasya śāntyarthaṃ śāntikarma samācaret

śvetāṃ gāṃ mahiṣīṃ dadyādāyurārogyavṛddhaye |
śukragrahaprasādena tataḥ sukhamavāpnuyāt

jīvasyāntargate sūrye svocce svakṣetrage'pi vā |
kendre vā'thatrikoṇe ca duścikye lābhage'pi vā

dhane vā balasaṃyute dāyeśādvā tathaiva ca |
tatkāle dhanalābhaḥ syādrājasammānavaibhavam

vāhanāmbarapaśvādibhūṣaṇaṃ putrasambhavaḥ |
mitraprabhuvaśādiṣṭaṃ sarvakārye śubhāvaham

lagnādaṣṭamavyaye sūrye dāyeśādvā tathaiva ca |
śirorogādipīḍā ca jvarapīḍā tathaiva ca

satkarmasu tadā hīnaḥ pāpakarmacayastathā |
sarvatra janavidveṣo hyātmabandhuviyogakṛt

akasmātkalahaścaiva jīvasyāntargate ravau |
dvitīyadyūnanāthe tu dehapīḍā bhaviṣyati

taddoṣaparihārārthamādityahṛdayaṃ japet |
sarvapīḍopaśamanaṃ śrīsūryasya prasādataḥ

jīvasyāntargate candre kendre lābhatrikoṇage |
svocce vā svarkṣarāśisthe pūrṇe caiva balairyute

dāyeśācchubharāśisthe rājasammānavaibhavam |
dāraputrādisaukhyaṃ ca kṣīrāṇaṃ bhojanaṃ tathā

satkarma ca tathā kīrtiḥ putrapautrādivṛddhidā |
mahārājaprasādena sarvasaukhyaṃ dhanāgamaḥ

anekajanasaukhyaṃ ca dānadharmādisaṃgrahaḥ |
ṣaṣṭhāṣṭamavyaye candre sthite vā pāpasaṃyute

dāyeśātṣaṣṭharandhre vā vyaye vā balavarjite |
mānārthabandhuhāniśca videśaparivicyutiḥ

nṛpacaurādipīḍā ca dāyādajanavigrahaḥ |
mātulādiviyogaśca mātṛpīḍā tathaiva ca

dvitīyaṣaṣṭhayorīśe dehapīḍā bhaviṣyati |
taddoṣaparihārārthaṃ durgāpāṭhaṃ ca kārayet

jīvasyāntargate bhaume lagnātkendratrikoṇage |
svocce vā svarkṣage vāpi tuṅgāṃśe svāṃśage'pi vā

vidyāvivāhakāryāṇi grāmabhūmyādilābhakṛt |
janasāmarthyamāpnoti sarvakāryārthasiddhidam

dāyeśātkendrakoṇasthe lābhe vā dhanage'pi vā |
śubhayukte śubhairdṛṣṭe dhanadhānyādisampadaḥ

miṣṭhānnadānavibhavaṃ rājaprītikaraṃ śubham |
strīsaukhyaṃ ca sutavāptiḥ puṇyatīrthaphalaṃ tathā

dāyeśādrandhrabhāve vā vyaye vā nīcage'pi vā |
pāpayutekṣite vāpi dhānyārthagṛhanāśanam

nānarogabhayaṃ duḥkhaṃ netrarogādisambhavaḥ |
pūrvārddhe kaṣṭamadhikamaparārddhe mahatsukham

dvitīyadyūnanāthe tu dehajāḍyaṃ manorujaḥ |
vṛṣabhasya pradānaṃ tu sarvasampatpradāyakam

jīvasyāntargate rāhau svocce vā kendrage'pi vā |
mūlatrikoṇe bhāgye ca kendrādhipasamanvite

śubhayutekṣite vāpi yogaprītiṃ samādiśet |
bhuktyādau pañcamāsāṃśca dhanadhānyādikaṃ labhet

deśagrāmādhikaṃ ca yavanaprabhudarśanam |
gṛhe kalyāṇasampattirbahusenādhipatyakam

dūrayātrādigamanaṃ puṇyadharmādisaṃgrahaḥ |
setusnānaphalāvāptiriṣṭasiddhiḥ sukhāvahā

dāyeṣādrandhrabhāve vā vyaye vā pāpasaṃyute |
caurāhivraṇabhītiśca rājavaiṣamyameva ca

gṛhe karmakalāpena vyākulo bhavati dhruvam |
sodareṇa virodhaḥ syāddāyādajanavigrahaḥ

gṛhe tvaśubhakāryāṇi duḥsvapnādibhayaṃ dhruvam |
akasmātkalahaścaiva kṣūdraśūnyādirogakṛt

dvisaptamasthite rāhau dehavādhāṃ vinirdiśet |
taddoṣaparihārārthaṃ mṛtyuñjayajapaṃ caret

chāgadānaṃ prakurvīta sarvasaukhyamavāpnuyāt |
devapūyaprasādena rāhutuṣṭyā dvijottama