બૃહત્પારાશરહોરાશાસ્ત્રમ્ · અધ્યાય 56

અથ જીવાન્તર્દશાફલાધ્યાયઃ

સ્વોચ્ચે સ્વક્ષેત્રગે જીવે લગ્નાત્કેન્દ્રત્રિકોણગે ।
અનેકરાજધીશો વા સમ્પન્નો રાજપૂજિતઃ

મોમહિષ્યાદિલાભશ્ચ વસ્ત્રવાહનભૂષણમ્ ।
નૂતનસ્થાનનિર્માણં હર્મ્યપ્રાકારસંયુતમ્

ગજાન્તૈશ્વર્યસમ્પત્તિર્ભાગ્યકર્મફલઓદયઃ ।
બ્રાહ્મણપ્રભુસમ્માનં સમાનં પ્રભુદર્શનમ્

સ્વપ્રભોઃ સ્વફલાધિક્ય દારપુત્રાદિલાભકૃત્ ।
નીચાંશે નીચરાશિસ્થે ષષ્ઠાષ્ટમવ્યયરાશિગે

નીચસઙ્ગો મહાદુઃખં દાયાદજનવિગ્રહઃ ।
કલહો ન વિચારોસ્ય સ્વપ્રભુષ્વપમૃત્યુકૃત્

પુત્રદારવિયોગશ્ચ ધનધાન્યાર્થહાનિકૃત્ ।
સપ્તમાધિપદોષેણ દેવવાધા ભવિષ્યતિ

તદ્દોષપરિહારાર્થં શિવસાહસ્રકં જપેત્ ।
રુદ્રજાપ્યં ચ ગોદાનં કુર્યાત્ સ્વાઽભીષ્ટલબ્ધયે

જીવસ્યાન્તર્ગતે મન્દે સ્વોચ્ચે સ્વક્ષેત્રમિત્રભે ।
લગ્નાત્કેન્દ્રત્રિકોણસ્થે લાભે વા બલસંયુતે

રાજ્યલાભો મહત્સૌખ્યં વસ્ત્રાભરણસંયુતમ્ ।
ધનધાન્યાદિલાભશ્ચ સ્ત્રીલાભો બહુસૌખ્યકૃત્

વાહનામ્બરપશ્વાદિભૂલાભઃ સ્થાનલાભકૃત્ ।
પુત્રમિત્રાદિસૌખ્યં ચ નરવાહનયોગકૃત્

નીલવસ્ત્રાદિલાભશ્ચ નીલાશ્વં લભતે ચ સઃ ।
પશ્ચિમાં દિશમાશ્રિત્ય પ્રયાણં રાજદર્શનમ્

અનેકયાનલાભં ચ નિર્દિશેન્મન્દભુક્તિષુ ।
લગ્નાત્ષષ્ઠાષ્ટમે મન્દે વ્યયે નીચેઽસ્તગેઽપ્યરૌ

ધનધાન્યાદિનાશશ્ચ જ્વરપીડા મનોરુજઃ ।
સ્ત્રીપુત્રાદિષુ પીડા વાવ્રણાર્ત્યાદિકમુદ્ભવેત્

ગૃહે ત્વશુભકાર્યાણિ ભ્ર્ત્યવર્ગાદિપીડનમ્ ।
ગોમહિષ્યાદિહાનિશ્ચ બન્ધુદ્વેષી ભવિષ્યતિ

દાયેશાત્કેન્દ્રકોણસ્થે લાભે વા ધનગેઽપિ વા ।
ભૂરાભશ્ચાર્થલાભશ્ચ પુત્રલાભસુખં ભવેત્

ગોમહિષ્યાદિલાભશ્ચ શૂદ્રમૂલાદ્ધનં તથા ।
દાયેશાદ્રિપુરન્ધ્રસ્થે વ્યયે વા પાપસંયુતે

ધનધાન્યાદિનાશશ્ચ બન્ધુમિત્રવિરોધકૃત્ ।
ઉદ્યોગભઙ્ગો દેહાર્તિઃ સ્વજનાનાં મહદ્ભયમ્

દ્વિસપ્તમાધિપે મન્દે હ્યપમૃત્યુર્ભવિષ્યતિ ।
તદ્દોષપરિહારાર્થં વિષ્ણુસાહસ્રકં જપેત્

કૃષ્ણાં ગાં મહિષીં દદ્યાદનેનારોગ્યમાદિશેત્ ।
મન્દગ્રહપ્રસાદેન સત્યં સત્યં દ્વિજોત્તમ

જીવસ્યાન્તર્ગતે સૌમ્યે કેન્દ્રલાભત્રિકોણગે ।
સ્વોચ્ચે વા સ્વર્ક્ષગે વાપિ દશાધિપસમન્વિતે

અર્થલાભો દેહસૌખ્યં રાજ્યલાભો મહત્સુખમ્ ।
મહારાજપ્રસાદેન સ્વેષ્ટસિદ્ધિઃ સુખાવહા

વાહનામ્બરપશ્વાદિગોધનૈસ્સંકુલં ગૃહમ્ ।
મહીસુતેન સંદૃષ્ટે શત્રુવૃદ્ધિઃ સુખક્ષયઃ

વ્યવસાયાત્ફલં નિષ્ટં જ્વરાતીમારપીડનમ્ ।
દાયેશાદ્ભાગ્યકોણે વા કેન્દ્રે વા તુઙ્ગરાશિગે

સ્વદેશે ધનલાભશ્ચ પિતૃમાતૃસુખાવહા ।
ગજવાજિસમાયુક્તો રાજમિત્રપ્રસાદતઃ

દાયેશાત્ષષ્ઠરન્ધ્રસ્થે વ્યયે વા પાપસંયુતે ।
શુભદૃષ્ટિવિહીને ચ ધન્ધાન્યપરિચ્યુતિઃ

વિદેશગમનં ચૈવ માર્ગે ચૌરભયં તથા ।
વ્રણદાહાક્ષિરોગશ્ચ નાનાદેશપરિભ્રમઃ

લગ્નાત્ષષ્ઠાષ્ટમભાવે વા વ્યયે વા પાપસંયુતે ।
અક્સમાત્કલહશ્ચૈવ ગૃહે મિષ્ઠુરભાવણમ્

ચતુષ્પાજ્જીવહાનિશ્ચ વ્યવહારે તથૈવ ચ ।
અપમૃત્યુભયં ચૈવ શત્રૂણાં કલહો ભવેત્

શુભદૃષ્ટે શુભૈર્યુક્તે દારસૌખ્યં ધનાગમઃ ।
આદૌ શુભં દેહસૌખ્યં વાહનામ્બરલાભકૃત્

અન્તે તુ ધનહાનિશ્ચેત્સ્વાત્મસૌખ્યં ન જાયતે ।
દ્વિતીયદ્યૂનનાથે વા હ્યપમૃત્યુર્ભવિષ્યતિ

તદ્દોષપરિહારાર્થં વિષ્ણુસાહસ્રકં જપેત્ ।
આયુર્વૃદ્ધિકરં ચૈવ સર્વસૌભાગ્યદાયકમ્

જીવસ્યાન્તર્ગતે કેતૌ શુભગ્રહસમન્વિતે ।
અલ્પસૌખ્યધનવ્યાપ્તિઃ કુત્સિતાન્નસ્ય ભોજનમ્

પરાન્નં ચૈવ શ્રાદ્ધાન્નં પાપમૂલાદ્ધનાનિ ચ ।
દાયેશાદ્રિપુરન્ધ્રસ્થે વ્યયે વા પાપસંયુતે

રાજકોપો ધનચ્છેદો બન્ધનં રોગપીડનમ્ ।
બલાહાનિઃ પિતૃદ્વેષો ભ્રાતૃદ્વેષો મનોરુજમ્

દાયેશાત્સુતભાગ્યસ્થે વાહને કર્મગેઽપિ વા ।
નરવાહનયોગશ્ચ ગજાશ્વામ્બરસઙ્કુલમ્

મહારાજપ્રસાદેન સ્વેષ્ટકાર્યાર્થલાભકૃત્ ।
વ્યવસાયાત્ફલાધિક્યં ગોમહિષ્યાદિલાભકૃત્

યવનપ્રભુમૂલાદ્વા ધનવસ્ત્રાદિલાભકૃત્ ।
દ્વિતીયદ્યૂનનાથે તુ દેહવાધા ભવિષ્યતિ

છાગદાનં પ્રકુર્વીત મૃત્યુઞ્જયજપં ચરેત્ ।
સર્વદોષોપશમનીં શાન્તિં કુર્યાદ્વિધાનતઃ

જીવસ્યાન્તર્ગતે શુક્રે ભાગ્યકેન્દ્રેશસંયુતે ।
લાભે વા સુતરાશિસ્થે સ્વક્ષેત્રે શુભસંયુતે

નરવાહનયોગશ્ચ ગજાશ્વામ્બરસંયુતઃ ।
મહારજપ્રસાદેન લાભાધિક્યં મહત્સુખમ્ ।
નીલામ્બરાણાં રક્તાનાં લાભશ્ચૈવ ભવિષ્યતિ

પૂર્વસ્યાં દિશિ વિપ્રેન્દ્ર પ્રયાણં ધન્લાભદમ્ ।
કલ્યાણં ચ મહાપ્રીતિઃ પિતૃમાતૃસુખાવહા

દેવતાગુરુભક્તિશ્ચ અન્નદાનં મહત્તથા ।
તડાગગોપુરાદીનિ દિશેત્ પુણ્યાનિ ભૂરિશઃ

ષષ્ઠાષ્ટમવ્યયે નીચે દાયેશાદ્વા તથૈવ ચ ।
કલ્હો બન્ધુવૈષમ્યં દારપુત્રાદિપીડનમ્

મન્દારરાહુસંયુક્તે કલહો રાજતો ભયમ્ ।
સ્ત્રીમૂલાત્કલહશ્ચૈવ શ્વસુરાત્કલહસ્તથા

સોદરેણ વિવાદઃ સ્યાદ્ધનધાન્યપરિચ્યુતિઃ ।
દાયેશાત્કેન્દ્રરાશિસ્થે ધને વા ભાગ્યગેઽપિ વા

ધનધાન્યાદિલાભશ્ચ સ્ર્।ઈલાભો રાજદર્શનમ્

વાહનં પુત્રલાભશ્ચ પશુવૃદ્ધિર્મહત્સુખમ્ ।
ગીતાવાદ્યપ્રસઙ્ગાદિર્વિદ્વજ્જનસમાગમઃ

દિવ્યાન્નભોજનં સૌખ્યં સ્વબન્ધુજનપોષકમ્ ।
દ્વિસપ્તમાધિપે શુક્રે તદ્દશાનાં ધનક્ષતિઃ

અપમૃત્યુભયં તસ્ય સ્ત્રીમૂલાદૌષધાદિતઃ ।
તસ્ય રોગસ્ય શાન્ત્યર્થં શાન્તિકર્મ સમાચરેત્

શ્વેતાં ગાં મહિષીં દદ્યાદાયુરારોગ્યવૃદ્ધયે ।
શુક્રગ્રહપ્રસાદેન તતઃ સુખમવાપ્નુયાત્

જીવસ્યાન્તર્ગતે સૂર્યે સ્વોચ્ચે સ્વક્ષેત્રગેઽપિ વા ।
કેન્દ્રે વાઽથત્રિકોણે ચ દુશ્ચિક્યે લાભગેઽપિ વા

ધને વા બલસંયુતે દાયેશાદ્વા તથૈવ ચ ।
તત્કાલે ધનલાભઃ સ્યાદ્રાજસમ્માનવૈભવમ્

વાહનામ્બરપશ્વાદિભૂષણં પુત્રસમ્ભવઃ ।
મિત્રપ્રભુવશાદિષ્ટં સર્વકાર્યે શુભાવહમ્

લગ્નાદષ્ટમવ્યયે સૂર્યે દાયેશાદ્વા તથૈવ ચ ।
શિરોરોગાદિપીડા ચ જ્વરપીડા તથૈવ ચ

સત્કર્મસુ તદા હીનઃ પાપકર્મચયસ્તથા ।
સર્વત્ર જનવિદ્વેષો હ્યાત્મબન્ધુવિયોગકૃત્

અકસ્માત્કલહશ્ચૈવ જીવસ્યાન્તર્ગતે રવૌ ।
દ્વિતીયદ્યૂનનાથે તુ દેહપીડા ભવિષ્યતિ

તદ્દોષપરિહારાર્થમાદિત્યહૃદયં જપેત્ ।
સર્વપીડોપશમનં શ્રીસૂર્યસ્ય પ્રસાદતઃ

જીવસ્યાન્તર્ગતે ચન્દ્રે કેન્દ્રે લાભત્રિકોણગે ।
સ્વોચ્ચે વા સ્વર્ક્ષરાશિસ્થે પૂર્ણે ચૈવ બલૈર્યુતે

દાયેશાચ્છુભરાશિસ્થે રાજસમ્માનવૈભવમ્ ।
દારપુત્રાદિસૌખ્યં ચ ક્ષીરાણં ભોજનં તથા

સત્કર્મ ચ તથા કીર્તિઃ પુત્રપૌત્રાદિવૃદ્ધિદા ।
મહારાજપ્રસાદેન સર્વસૌખ્યં ધનાગમઃ

અનેકજનસૌખ્યં ચ દાનધર્માદિસંગ્રહઃ ।
ષષ્ઠાષ્ટમવ્યયે ચન્દ્રે સ્થિતે વા પાપસંયુતે

દાયેશાત્ષષ્ઠરન્ધ્રે વા વ્યયે વા બલવર્જિતે ।
માનાર્થબન્ધુહાનિશ્ચ વિદેશપરિવિચ્યુતિઃ

નૃપચૌરાદિપીડા ચ દાયાદજનવિગ્રહઃ ।
માતુલાદિવિયોગશ્ચ માતૃપીડા તથૈવ ચ

દ્વિતીયષષ્ઠયોરીશે દેહપીડા ભવિષ્યતિ ।
તદ્દોષપરિહારાર્થં દુર્ગાપાઠં ચ કારયેત્

જીવસ્યાન્તર્ગતે ભૌમે લગ્નાત્કેન્દ્રત્રિકોણગે ।
સ્વોચ્ચે વા સ્વર્ક્ષગે વાપિ તુઙ્ગાંશે સ્વાંશગેઽપિ વા

વિદ્યાવિવાહકાર્યાણિ ગ્રામભૂમ્યાદિલાભકૃત્ ।
જનસામર્થ્યમાપ્નોતિ સર્વકાર્યાર્થસિદ્ધિદમ્

દાયેશાત્કેન્દ્રકોણસ્થે લાભે વા ધનગેઽપિ વા ।
શુભયુક્તે શુભૈર્દૃષ્ટે ધનધાન્યાદિસમ્પદઃ

મિષ્ઠાન્નદાનવિભવં રાજપ્રીતિકરં શુભમ્ ।
સ્ત્રીસૌખ્યં ચ સુતવાપ્તિઃ પુણ્યતીર્થફલં તથા

દાયેશાદ્રન્ધ્રભાવે વા વ્યયે વા નીચગેઽપિ વા ।
પાપયુતેક્ષિતે વાપિ ધાન્યાર્થગૃહનાશનમ્

નાનરોગભયં દુઃખં નેત્રરોગાદિસમ્ભવઃ ।
પૂર્વાર્દ્ધે કષ્ટમધિકમપરાર્દ્ધે મહત્સુખમ્

દ્વિતીયદ્યૂનનાથે તુ દેહજાડ્યં મનોરુજઃ ।
વૃષભસ્ય પ્રદાનં તુ સર્વસમ્પત્પ્રદાયકમ્

જીવસ્યાન્તર્ગતે રાહૌ સ્વોચ્ચે વા કેન્દ્રગેઽપિ વા ।
મૂલત્રિકોણે ભાગ્યે ચ કેન્દ્રાધિપસમન્વિતે

શુભયુતેક્ષિતે વાપિ યોગપ્રીતિં સમાદિશેત્ ।
ભુક્ત્યાદૌ પઞ્ચમાસાંશ્ચ ધનધાન્યાદિકં લભેત્

દેશગ્રામાધિકં ચ યવનપ્રભુદર્શનમ્ ।
ગૃહે કલ્યાણસમ્પત્તિર્બહુસેનાધિપત્યકમ્

દૂરયાત્રાદિગમનં પુણ્યધર્માદિસંગ્રહઃ ।
સેતુસ્નાનફલાવાપ્તિરિષ્ટસિદ્ધિઃ સુખાવહા

દાયેષાદ્રન્ધ્રભાવે વા વ્યયે વા પાપસંયુતે ।
ચૌરાહિવ્રણભીતિશ્ચ રાજવૈષમ્યમેવ ચ

ગૃહે કર્મકલાપેન વ્યાકુલો ભવતિ ધ્રુવમ્ ।
સોદરેણ વિરોધઃ સ્યાદ્દાયાદજનવિગ્રહઃ

ગૃહે ત્વશુભકાર્યાણિ દુઃસ્વપ્નાદિભયં ધ્રુવમ્ ।
અકસ્માત્કલહશ્ચૈવ ક્ષૂદ્રશૂન્યાદિરોગકૃત્

દ્વિસપ્તમસ્થિતે રાહૌ દેહવાધાં વિનિર્દિશેત્ ।
તદ્દોષપરિહારાર્થં મૃત્યુઞ્જયજપં ચરેત્

છાગદાનં પ્રકુર્વીત સર્વસૌખ્યમવાપ્નુયાત્ ।
દેવપૂયપ્રસાદેન રાહુતુષ્ટ્યા દ્વિજોત્તમ