Brihat Parashara Hora Shastra · Chapter 55

atha rahvantardaśāphalādhyāyaḥ

kulīre vṛścike rāhau kanyatyāṃ cāpage'pi vā |
tadbhukto rājasammānaṃ vastravāhanabhūṣaṇam

vyavasāyātphalādhikyaṃ catuṣpājjīvalābhakṛt |
prayāṇaṃ paścime bhāge vāhanāmbaralābhakṛt

lagnādupacaye rāhau śubhagrahayutekṣite |
mitrāṃśe tuṅgabhāgāṃśe yogakārakasaṃyute

rājyalābhaṃ mahotsāhaṃ rājaprītiṃ śubhāvaham |
karoti sukhasampattiṃ dāraputrādivarddhanam

lagnāṣṭme vyaye rāhau pāpayukte'tha vīkṣite |
caurādivraṇapīḍā ca sarvatraivaṃ bhaveddvija

rājadvārajanadveṣa iṣṭabandhuvināśanam |
dāraputrādipīḍā ca bhavatyeva na saṃśayaḥ

dvitīyadyūnanāthe vā saptamasthānamāśrite |
sadā rogo mahākaṣṭaṃ śāntiṃ kuryādyathāvidhi |
ārogyaṃ sampadaścaiva bhaviṣyanti tadā dvija

rāhurantargate jīve lagnātkendratrikoṇage |
svocce svakṣetrage vāpi tuṅgasvarkṣāṃśage'pi vā

sthānalābhaṃ manodhairyaṃ śatrunāśaṃ mahatsukham |
rājaprītikaraṃ saukhyaṃ jano'tīva samaśnute

dinedine vṛddhirapi sitapakṣe śaśī yathā |
vāhanādidhanaṃ bhūri gṛhe godhanasaṃkulam

nairṛtye paścime bhāge prayāṇaṃ rājadarśanam |
yuktakāryārthasiddhiḥ syātsvadeśe punareṣyati

upakāro brāhmaṇānāṃ tīrthayātrādikarmaṇām |
vāhanagrāmalābhaśca devabrāhmaṇapūjanam

putrotsavādisantoṣo nityaṃ miṣṭhānnabhojanam |
nīce vā'staṅgate vāpi ṣaṣṭhāṣṭavyayarāśige

śatrukṣetre pāpayukte dhanahānirbhaviṣyati |
karmavighno bhavettasya mānahāniśca jāyate

kalatraputrapīḍā ca hṛdrogo rājakārakṛt |
dāyeśātkendrakoṇe vā lābhe vā dhanage'pi vā

duścikye balasampūrṇe gṛhakṣetrādivṛddhikṛt |
bhojanāmbarapaśvādidānadharmajapādikam

bhuktyante rājakopācca dvimāsaṃ dehapīḍanam |
jyeṣṭhabhrāturvināśaśca mātṛpitrādipīḍanam

dāyeśātṣaṣṭharandhre vā riḥphe vā pāpasaṃyute |
tadbhuktau dhanahāniḥ syāddehapīḍā bhaviṣyati

dvitīyadyūnanāthe vā hyapamṛtyurbhaviṣyati |
svarṇasya prtimādānaṃ śivapūjaṃ ca kāryate

sr/īśambhośca prasādena grahastuṣṭo dvijottama |
dehārogyaṃ prakurute śāntiṃ kuryādvicakṣaṇam

rāhorantargate mande lagnātkendratrikoṇage |
svocce mūlatrikoṇe vā duścikye lābharāśige

tadbhuktau nṛpateḥ sevā rājaprītikarī śubhā |
vivāhotsavakāryāṇi kṛtvā puṇyāni bhūriśaḥ

ārāmakaraṇe yukto taḍāgaṃ kārayiṣyati |
śūdraprabhuvaśādiṣṭalābho godhanasaṃgrahaḥ

prayāṇaṃ paścime bhāge prabhumūlāddhanakṣayaḥ |
dehālasyaṃ phalālpatvaṃ svadeśe punareṣyati

nīcārikṣetrage mande randhre vā vyayage'pi vā |
nīcārirājabhītiśca dāraputrādipīḍanam

ātmabandhumanastāpaṃ dāyādajanavigraham |
vyavahāre ca kalahamakasmādbhūṣaṇaṃ labhet

dāyeśātṣaṣṭhariṣphe vā randhre vā pāpasaṃyute |
hṛdrogo mānahāniśca vivādaḥ śatrupīḍanam

anyadeśādisañcāro gulmavadvayādhibhāgbhavet |
kubhojanaṃ kodravādi jātiduḥkhādbhayaṃ bhavet

dvitīyadyūnanāthe tu hyapamṛtyurbhaviṣyati |
kṛṣṇāṃ gāṃ mahiṣīṃ dadyāddānemārogyamādiśet

rāhorantargate saumye bhāgye vā svarkṣage'pi vā |
tuṅge vā kendrarāśisthe putre vā balage'pi vā

rājayogaṃ prakurute gṛhe kalyāṇavarddhanam |
vyāpāreṇa dhanaprāptividyāvāhanamuttamam

vivāhotsavakāryāṇi catuṣpājjīvalābhakṛt |
saumyamāse mahatsaukhyaṃ svavāre rājadarśanam

sugandhapuṣpaśayyādi strīsaukhyaṃ cātirobhanam |
mahārājaprasādena dhanalābho mahadyaśaḥ

dāyeśātkendralābhe vā duścikye bhāgyakarmage |
dehārogyaṃ hṛdutsāha iṣṭasiddhiḥ sukhāvahā

puṇyaślokādikīrtiśca purāṇaśravaṇādikam |
vivāho yajñadīkṣā ca dānadharmadayādikam

ṣaṣṭhāṣṭamavyaye saumye mandenāpi yutekṣite |
dāyeśātṣaṣṭhariḥphe vā randhre vā pāpasaṃyute

devabhāhmaṇanindā ca bhogabhāgyavivarjitaḥ |
satyahīnaśca durbuddhiścaurāhinṛpapīḍanam

akasmātkalahaścaiva guruputrādināśanam |
arthavyayo rājakopo dāraputrādipīḍanam

dvitīyadyūnanāthe vā hyapamṛtyubhayaṃ vadet |
taddoṣaparihārārthaṃ viṣṇusāhasrakaṃ japet

rāhorantargate ketau bhramaṇaṃ rājato bhayam |
vātajvarādirogaśca catuṣpājjīvahānikṛt

aṣṭamādhisaṃyukte dehajāḍyaṃ manovyathā |
śubhayukte śubhairdṛṣṭe dehasaukhyaṃ dhanāgamaḥ |
rājasammānabhūṣāptirgṛhe śubhakaro bhavet

lagnādhipena sambandhe iṣṭasiddhiḥ sukhāvahā |
lagnādhipasamāyukte lābho vā bhavati dhruvam

catuṣpājjivalābhaḥ syātkendre vātha trikoṇage |
randhrasthānagate ketau vyaye vā balavarjite

tadbhuktau bahurogaḥ syāccorāhivraṇapīḍanam |
pitṛmātṛviyogaśca bhātṛdveṣo manorujā

dvitīyadyūnanāthe tu dehabādhā bhaviṣyati |
taddoṣaparihārārthaṃ chāgadānaṃ ca kārayet

rāhorantargate śukre kagnātkendgatrikoṇage |
lābhe vā balasaṃyukte yogaprābalyamādiśet

vipramūlāddhanaprāptirgomahiṣyādilābhakṛt |
putrotsavādisantoṣo gṛhe kalyāṇasambhavaḥ

sammānaṃ rājasammanaṃ rājyalābho mahatsukham |
svocce vā svarkṣage vāpi tuṅgāṃśe svāṃśage'pi vā

nūtanaṃ gṛhanirmāṇaṃ nityaṃ miṣṭhānnabhojanaṃ |
kalatraputravibhavaṃ mitrasaṃgaḥ subhojanam

annadānaṃ priyaṃ nityaṃ dānadharmādisaṃgrahaḥ |
mahārājaprasādena vāhanāmbarabhūṣaṇaṃ

vyavasāyātphalādhikyaṃ vivāho mauñjibandhanam |
ṣaṣṭhāṣṭamavyaye śukre nīce śatrugṛhe sthite

mandāraphaṇisaṃyukte tadbhuktau rogamādiśet |
akasmātkalahaṃ caiva pitṛputraviyogakṛt

svabandhujanahāniśca sarvatra janapīḍanam |
dāyādakalahaścaiva svaprabhoḥ svasya mṛtyukṛt

kalatraputrapīḍā ca śūlarogādisambhavaḥ |
dāyeśātkendrarāśisthe trikoṇe vā samanvite

lābhe vā karmarāśisthe kṣetrapālamahatsukham |
sugandhavastraśayyādi gānavādyasukhaṃ bhavet

chatracāmarabhūṣāptiḥ priyavastusamanvitā |
dāyeśādripurandhrasthe vyaye vā pāpasaṃyute

viprāhinṛpacaurādimūtrakṛcchrānmahadbhayam |
pramehādraudhiro rogaḥ kutsitānnaṃ śirovyathā

kārāgṛhapraveśaśca rājadaṇḍāddhanakṣayaḥ |
dvitīyadyūnanāthe vā dāraputrādināśanam

ātmapīḍā bhayaṃ caiva hyapamṛtyubhayaṃ bhavet |
durgālakṣmījapaṃ kuryāt tataḥsukhamavāpnuyāt

rāhorantargate sūrye svocce svakṣetrakendrage |
trikoṇe lābhage vā'pi tuṅgāṃśe svāṃśage'pi vā

śubhagraheṇa sandṛṣṭe rājaprītikaraṃ śubham |
dhanadhānyasamṛddhiśca hyalpamāna sukhavāham

alpagrāmādhipatyaṃ ca svalpalābho bhaviṣyati |
bhāgyalagneśasaṃyukte karmeśena nirīkṣite

rājāśrayo mahākīrtirvideśagamanaṃ tathā |
deśādhipatyayogaśca gajaśvāmbarabhūṣaṇam

mano'bhiṣṭapradānaṃ ca putrakalyāṇasambhavam |
dayeśādriḥpharandhrasthe ṣaṣṭhe vā nīcage'pi vā

jvarātisārarogaśca kalaho rājavigrahaḥ |
prayāṇaṃ śatruvṛddhiśca nripacaurāgnipīḍanam

dāyeśātkendrakoṇe vā daścikye lābhage'pi vā |
videśe rājasammānaṃ kalyāṇaṃ ca śubhāvaham

dvitīyadyūnanāthe tu mahārogo bhaviṣyati |
sūryapraṇāmaṃ śāntiṃ ca kuryādārogyasambhavām

rāhorantargate candre svakṣetre svoccage'pi vā |
kendratrikoṇalābhe vā mitrarkṣe śubhasaṃyute

rājatvaṃ rājapūjyatvaṃ dhanārthaṃ dhanalābhakṛt |
ārogyaṃ bhūṣaṇṃ caiva mitrastrīputrasampadaḥ

pūrṇe candre phalaṃ pūrṇaṃ rājaprītyā śubhāvaham |
aśvavāhanalābhaḥ syadgṛhakṣetrādivṛddhikṛt

dāyeśātsukhabhāgyasthe kendre vā lābhage'pi vā |
lakṣmīkaṭākṣacihnāni gṛhe kalyāṇasambhavaḥ

sarvakāryasiddhiḥ syāddhanadhānyasukhāvahā |
satkīrtilābhasammānaṃ devyārādhanamācaret

dāyeśātṣaṣṭharandhrasthe vyaye vā balavarjite |
piśācakṣudravyāghrādysirgṛhakṣetrārthanāśanam

mārge caurabhayaṃ caiva vraṇādhikya mahodayam |
dvitīyadyūnanāthe tu apamṛtyustadā bhavet

śvetāṃ gāṃ mahiṣīṃ dadyād viprāyārogyasiddhaye |
tataḥ saukhyamavāpnoti candragrahaprasādataḥ

rāhorantargate bhaume lagnāllābhatrikoṇage |
kendre vā śubhasaṃyukte svocce svakṣetrage'pi vā

naṣṭarājyadhanprāptirgṛhakṣetrābhivṛddhikṛt |
iṣṭadevaprasādena santānasukhabhāgbhavet

kṣiprabhojyānmahatsaukhyaṃ bhūṣaṇaśvāmbarādikṛt |
dāyeśātkendrakoṇe vā duścikye lābhage'pi vā

raktavastrādilābhaḥ syātprayāṇaṃ rājadarśanam |
putravargeṣu kalyāṇaṃ svaprabhośca mahatsukham

senapatyaṃ mahotsāho bhrātṛvargadhanāgamaḥ |
dāyeśādrandhrariḥphe vā ṣaṣṭhe pāpasamanvite

putradārādihāniśca sodarāṇāṃ ca pīḍanam |
sthānabhraṃśo bandhuvargadāraputravirodhanam

caurāhivraṇabhītiśca svadehasya ca pīḍanam |
ādau kleśakaraṃ caiva madhyānte saukhamāpnuyāt

dvitīyadyūnanāthe tu dehālasyaṃ mahadbhayam |
anaḍvāhaṃ ca gāṃ dadyādārogyasukhalabdhaye