Brihat Parashara Hora Shastra · Chapter 43

athāyurdāyādhyāyaḥ

dhanādhnākhyayogau ca kathitau bhavatā mune |
narāṇāmāyuṣo jñānaṃ kathayasva mahāmate

sādhu pṛṣṭaṃ tvayā vipra janānāṃ ca hitecchayā |
kathayāmyāyuṣo jñānaṃ durjñeyaṃ yat surairapi

āyurjñānavibhedāstu bahubhirbahudhoditāḥ |
teṣāṃ sārāṃśamādāya prvadāmi tavā'grataḥ

svoccanīcādisaṃsthityā grahā āyuḥpradāyakāḥ |
svasvavīryavaśairnaivaṃ nakṣatrāṇ ca rāśayaḥ

piṇḍāyuḥ prathamaṃ tatra grahasthitivaśādaham |
kathayāmi dvijaśreṣṭha śraṇuṣvekāgramānasaḥ

kramāt sūryādikheṭeṣu svasvoccasthānageṣviha |
nandendavastacvamitāstithayo'rkāḥ śarendavaḥ

prakṛyato viṃśatiścābdā āyuḥpiṇḍāḥ prakīrtitāḥ |
nīcageṣvetadardhañca jñeyaṃ madhye'nupātataḥ

svaccaśuddhau grahaḥ śodhyaḥ ṣaḍbhādūno bhamaṇḍlāt |
svapiṇḍaguṇito bhakto bhādimānena vatsarāḥ

astagastu haretsvārdha vinā śukraśanaiścarau |
vakracāraṃ vinā tryāṃśāṃ śajñurāśau hared grahaḥ

sarvārdhatricatuḥpañcaṣaṣṭhabhāgaṃ kramād grahaḥ |
vyayādvāmaṃ sthitaḥ pāpo haret saumyaśca taddalam

ekabhe tu bahuṣveko haretsvāṃśāṃ balī grahaḥ |
nā'tra kṣīṇasya candrasya pāpatvaṃ munibhiḥ smṛtam

lagnāṃśaliptikā hatvā pratyekaṃ vihagāyuṣā |
bhājyā maṇḍalaliptābhirlabdhaṃ varṣādi śodhayet

svāyuṣo lagnage sūrye maṅgale ca śanaiścare |
tadardhaṃ śubhasaṃdṛṣṭe pātayed dvijasattama

lagnarāśisamāścābdā bhāgādyairanupātataḥ |
māsādikā itīcchanti lagnāyuḥ ke'pi kovidāḥ

lagnādāyoṃ'śatulyaḥ syādantare cā'nupātataḥ |
tatpatau balasaṃyukte rāśitulyaṃ ca bhāghipe

atha vipra nisargāyuḥ kheṭānāṃ kathayāmyaham |
candrārajñasitejyārkaśanīnāṃ kramaśobdakā

ekadvayaṃkanakhā dhṛtyaḥ kṛtiḥ paṃcāśadeva hi |
janmakālāt kramāj jñeyā daśāścaitā nisargajāḥ

athāṃśāyu salagnānāṃ kheṭānāṃ kathayāmyaham |
navāṃśrāśitulyāni kheṭo varṣāṇi yacchati

bhādiṃ khagaṃ khagaiḥ sūryairhatvā tadbhagaṇādikam |
kṛtvā'rkraśeṣitaṃ jñeyamabdādyaṃśāyuṣaḥ sphuṭam

piṇḍāyuriva tatrāpi hāniṃ kuryād vicakṣaṇaḥ |
atrā'paro viśeṣo'pi kaimcid vijñairudāhṛtaḥ

sādhitāyuḥ khage svocce svarkṣe vā triguṇaṃ smṛtam |
dviguṇaṃ svanavāṃśasthe svadreṣkāṇe tathottame

ubhayatra gate kheṭe kāryaṃ triguṇameva hi |
hānidvaye'rdhahāniḥ syādityāyuḥ prasphuṭaṃ nṛṇām

evaṃ saṃsādhya cānyeṣāṃ hanyāt svasvaparāyuṣā |
nṛṇāṃ parāyuṣā bhaktvā teṣāmāyuḥ sphuṭaṃ bhavet

athāyuḥ paramaṃ vakṣye nānājātisamudbhavam |
anantasaṃkhyaṃ devānāmṛṣīṇāṃ ca dvijottama

gṛdhrolūkśukadhvāṃkṣasarpāṇāṃ ca sahasrakam |
śyenavānarabhallukamaṇḍūkānāṃ śatatrayam

paṃcaśaduttaraśataṃ rākṣasānāṃ prakīrtitam |
nagaṇāṃ kuñjarāṇāṃ ca viṃśottaraśataṃ tathā

dvātriṃśad ghoṭakānāñca paṃcaviṃśat kharoṣṭrayoḥ |
vṛṣāṇāṃ mahiṣāṇāṃ ca caturviṃśativatsaram

viṃśatyāyurmayūrāṇāṃ chāgādīnāṃ ca ṣoḍaśa |
haṃsānāṃ paṃcanava ca pikānāṃ dvādaśābdakāḥ

śunāṃ pārāvatānāṃ ca kukkuṭānāṃ dvādaśābdakāḥ |
budbudādyaṇḍajānāṃ ca parāyuḥ saptavatsarāḥ

yadetadadhunā proktaṃ tridhāyudvijasattama |
teṣu kiñca kadā grāhyamiti te kathayāmyaham

vilagnape balopete śubhadṛṣṭeṃśśasambhavabh |
ravau piṃḍodbhavaṃ grāhyaṃ candre naisargikaṃ tathā

balasāmye dvayoryogadalamāyuḥ prakīrtitam |
trayāṇāṃ triyutestryaṃśasamaṃ jñeyaṃ dvijottama

athā'nyadapi vakṣyāmi śrriṇu tvaṃ dvijasattama |
kaiścillagnāṣṭameśābhyāṃ mandendubhyāṃ tathaiva ca

lagnahorāvilagnābhyāṃ sphuṭamāyuḥ prakīrtitam |
ādau lagnāṣṭameśābhyāṃ yogamekaṃ vicintayet

dvitīyaṃ mandacandrābhyāṃ yogaṃ paśyed dvijottama |
lagnahorāvilagnābhyāṃ tṛtīyaṃ paricintayet

cararāśau sthitau dvau cit tadā dīrghamudāhṛtam |
ekaḥ sthire'paro dvandve dīrghamāyustathāpi hi

ekaścare sthire'nyaścet tadāmadhyamudāhṛtam |
dvau vā dvandve sthitau vipra madhyamāyustathāpi ca

ekaścare'paro dvandve dvau vā sthiragatau tadā |
jātakasya tadā'lpāyurjñeyamevaṃ dvijottama

yogatrayeṇa yogābhyāṃ siddhaṃ yad grāhyameva tat |
yogatrayavisaṃvāde lagnahorāvilagnataḥ

lagne vā saptame candre grāhyaṃ mandendutastadā |
hrāso vṛddhiśca kakṣyāyā vicintyā sarvadā budhaiḥ

dīrghe yogatrayeṇaivaṃ nakhacandrasamābdakāḥ |
yogadvayena vasvāśā yogaikena rasāṃkakāḥ

madhye yogatrayeṇaivaṃ khāṣṭatulyābdakāḥ smṛtāḥ |
dvyagā yogadvayenā'trayogaikenābdhiṣaṇmitāḥ

alpe yogatrayeṇā'tradvātriṃśanmitavatsarāḥ |
yogadvayena ṣaṭtriṃśāt yogaikena ca khābdhayaḥ

evaṃ dīrghasamālpeṣu khābdhayo rasavahnayaḥ |
khaṇḍā dantamitāstebhyaḥ sphuṭamāyuḥ prasādhayet

pūrṇa rāśyādige cānte hānirmadhye'nupātataḥ |
yogakārakakheṭāṃśayogastatsaṃkhyayā hṛtaḥ

labdhāṃśāstu yathāprāptakhaṇḍaghnāstriṃśatoddhṛtāḥ |
labdhavarṣādibhirhīnaṃ prāptāyuḥ prasphuṭaṃ bhavet

yogahetau śanau kakṣyāhrāso'nyairvṛddhirucyate |
na svarkṣatuṅgage no vā pāpamātrayutekṣite

lagnasaptamage jīve śubhamātrayutekṣite |
kathitasyāyuṣo vipra kakṣyāvṛddhiḥ prajāyate

anāyuśced bhavedalpamalpānmadhyaṃ prajāyate |
madhyamājjāyate dīrghaṃ dīrghāyuścettato'dhikam

yogahetau guravevaṃ kakṣyāvṛddheśca lakṣaṇam |
etasmād vaiparītyena kakṣyāhrāsaḥ śanau bhavet

āyuṣo bahudhā bhedāḥ kathitā bhavatā'dhunā |
katidhā sā kadā'nāyuramitāyuḥ kadā bhavet

bālāriṣṭaṃ yogāriṣṭamalpaṃ madhyañca dīrghakam |
divyaṃ caivā'mitaṃ caivaṃ saptadhāyuḥ prakīrtitam

bālāriṣṭe samā aṣṭau yogāriṣṭe ca viṃśatiḥ |
dvātriṃśad vatrarā alpe catuṣṣaṣṭistu madhyame

viṃśādhikaśtaṃ dīrghe divye varṣasahasrakam |
tadūrdhvamamitaṃ puṇyairamitairāpyate janaiḥ

candrejyau ca kulīrāṃge jn! asiatu kendrasaṃsthitau |
anye tryāyārigāḥ kheṭā amitāyustadā bhavet

saumyāḥ kendratrikoṇasthāḥ pāpāstryāyārigāstathā |
śubharāśau sthite randhre divyamāyustadā bhavet

gopurāṃśe gurau kendre śukre pārāvatāṃśake |
trikoṇe karkaṭe lagne yugāntāyustadā dvija

devalokāṃśake mande kuje pārāvatāṃśake |
gurau siṃhāsanāṃśe'ṅge jāto munisamo bhavet

suyogairvardhyate hyāyuḥ kuyogairhīyate tathā |
ato yogānahaṃ vakṣye pūrṇamadhyālpakārakān

kendre śubhagrahairyukte lagneśe ca śubhānvite |
sandṛṣṭe guruṇā vā'pi pūrṇamāyuyustadā bhavet

kendrasthite vilagneśe guruśukrasamanvite |
tābhyāṃ nirīkṣite vā'pi pūrṇamāyurvinirdiśet

uccasthitaistribhiḥ kheṭairlagnarandhraśasaṃyutaiḥ |
aṣṭame pāpahīne ca pūrṇamāyurvinirdiśet

aṣṭamasthaistribhi kheṭaiḥ svoccamitrasvavargagaiḥ |
lagneśe balasaṃyukte dīrghamāyustadā bhavet

svabhoccasthena kenāpi nabhaugena samanvitaḥ |
aṣṭameśaḥ śanirvāpi dīrghamāyurvinirdiśet

triṣaḍāyagataiḥ pāpaiḥ śubhaiḥ kendratrikoṇagaiḥ |
lagneśe balasaṃyukte dīrghamāyurvinirdiśet

ṣaṭsaptarandhrabhaveṣu śubhakheṭayuteṣu ca |
tribhaveṣu ca pāpeṣu pūrṇamāyurvinirdiśet

śatruvyayagatāḥ pāpā lagneśo yadi kendragaḥ |
ravimitraṃ ca randhreśaḥ pūrṇamāyustathāpi hi

āyuḥ sthānasthitāḥ pāpāḥ karmeśaḥ svoccago yadā |
tathāpi dīrghamāyu syāt vijñeyaṃ dvijasattama

dvisvabhāvagṛhe lagne lagneśe kendrasaṃsthite |
svoccarāśitrikoṇe vā dīrghamāyurvinirdiśet

dvisvabhāvagṛhe lagne lagneśād balasaṃyutāt |
dvau pāpau yadi kendrasthau dīrghamāyustadā bhavet

lagnāṣṭameśayormadhye yaḥ kheṭaḥ prabalo bhavet |
tasmin kendragate dīrgha madhyaṃ paṇapharasthite

āpoklime sthite svalpamāyurbhavati niścitam |
lagneśe ca ravermitre dīrghaṃmāyuḥ same samam

śatrau svalpaṃ vadeditthamaṣṭameśādapi smṛtam |
mitramadhyā'ribhāvasthe tasminnevaṃ phalaṃ vadet

sahajādhīśabhūputrau dvau randhreśaśanaiścarau |
astau vā pāpadṛgyuktau svalpamāyuḥ prayacchataḥ

ṣaṣṭhe'ṣṭame vyaye vā'pi lagneśe pāpasaṃyute |
sva pāyuranapatyo vā śubhadṛgyogavarjite

catuṣṭyagate pāpe śubhadṛṣṭivivarjite |
balahīne viglaneśe svalpamāyurvinirdiśet

vyayārthau pāpasaṃyuktau śubhadṛgyogavarjitau |
svalpamāyustadā jñeyaṃ nirviśaṃkaṃ dvijottama

lagnarandhreśayorevaṃ duḥsthayorbalahīnayoḥ |
svalpamāyurbudhairjñeyaṃ miśrayogācca madhyamam