Brihat Parashara Hora Shastra · Chapter 42

atha dāridrayyogādhyāyaḥ

bahavo dhanadā yogā śrutāstvatto mayā mune |
daridrajanmadān yogān kṛpayā kathaya prabho

lagneśe ca vyayasthāne vyayeśe lagnamāgate |
mārakeśayute dṛṣṭe nirdhano jāyate naraḥ

lagneśe ṣaṣṭhabhāvasthe ṣaṣṭheśe lagnamāgate |
mārakeśena yugdṛṣṭe dhanahīnaḥ prajāyate

lagnendū ketusaṃyuktau lagnape nidhanaṃ gate |
mārakeśayute dṛṣṭe jāto vai nirdhano bhavet

ṣaṣṭhāṣṭamavyayagate lagnape pāpasaṃyute |
dhaneśe ripubhe nīce rājavaṃśyo'pi nirdhanaḥ

trikeśena samāyukte pāpadṛṣṭe vilagnape |
śaniyukte'dhavā saumyairadṛṣṭe nirdhano naraḥ

mantreśo dharmanāthaśca kramāt ṣaṣṭhavyayasthitau |
dṛṣṭau cenmārakeśena nirdhano jāyate naraḥ

pāpagrahe lagnagate rājyadharmādhipau vinā |
mārakeśayute dṛṣṭe jātaḥ syannirdhano bhavet

trikeśā yatra bhāvasthā tadbhāveśāstrikasthitāḥ |
pāpadṛṣṭayuta bālo duḥkhākrāntaśca nirdhanaḥ

candrākrāntanavaṃśeśo mārakeśayuto yadi |
mārakasthānago vā'pi jāto'tra nirdhano naraḥ

lagneśalagnabhāgeśau riśpharandhrārigau yadi |
mārakeśayutau dṛṣṭau jāto'sau nirdhano naraḥ

śubhasthānagatāḥ pāpāḥ pāpasthānagatāḥ śubhāḥ |
nirdhano jāyate bālo bhojanena prapīḍitaḥ

koṇeśadṛṣṭihīnā ye trikeśaiḥ saṃyutā grahāḥ |
te sarve svadaśākāle dhanahānikarāḥ smṛtāḥ

kārakād vā vilagnād vā randhreriṣphe dvijottama |
kārakāṅgapayodṛṣṭyā dhanahīnaḥ prajāyate

kārakeśo vyayaṃ svasmāt lagneśo lagnato vyayam |
vīkṣate cet tadā bālo vyayaśīlo bhaveddhruvam

atha dāridryayogāṃst kathayāmi sabhaṅgakān |
dhanasaṃsthau tu bhaumārkī kathitau dhananāśakau

budhekṣitau mahāvittaṃ kuruto nātra saṃśayaḥ |
niḥsvatāṃ kurute tatra ravirnityaṃ yamekṣitaḥ

mahādhanayutaṃ khyātaṃ śanyadṛṣṭaḥ karotyasau |
śaniścāpi raverdṛṣṭyā phalamevaṃ prayacchati