Brahmavaivarta Purana · Chapter 4.131

adhai katriṃśadadhikaśatatamo'dhyāyaḥ
śaunaka uvāca
atyapūrvamupākhyānaṃ śrutaṃ paramamādbhutam /
sugopyaṃ ca sugopyaṃ ramyaṃ ramyaṃ navaṃ navam

kimanirvacanīyaṃ ca kamanīyaṃ manoharam /
sudurlabhā kathā proktā purāṇeṣu purātanī

evaṃbhūtaṃ ca sudinaṃ kadā'smākaṃ phaviṣyati /
tajjanma saphalaṃ dhanyaṃ yatra vaiṣṇavasaṃgamaḥ

garbhavāsocchedanaṃ ca karmamūlanikṛntanam /
haridāsyapradaṃ śuddhaṃ bhaktānāṃ bhaktivardhanam

asādhusaṅgadurbuddhipāponmūlanakāraṇam /
gaṇeśajanmopakhyānaṃ purāṇeṣu sudurlabham

tulasīrādhikākhyānaṃ kimapūrva śrutaṃ param /
anyadyadyadgopanīyaṃ vyaktamavyaktamīpsitam

sarvaṃ śrutaṃ mahābhāga paribūrṇaṃ manoharam /
adhunā śrotumicchāmi vahnerutpattimīpsitām
svarṇasya ca mahābhāga tanme vyākhyātumarhasi

sūta uvāca
sāmagrīkaraṇaṃ sṛṣṭerjalameva hutāśanaḥ /
tathaiva prakṛtirnityā mahāneva tathaiva ca

yathā diśo mahākāśo yayaiva sṛṣṭigolakam /
prakṛtermahataśca syādya thā'haṃkāra eva ca

yathaiva śabdastanmātraṃ tathaiva ca hutāśanaḥ /
tathā'pi tatsamutpattiṃ kathayāmi niśāmaya

ekadā sṛṣṭikāle ca brahmānantamaheśvarāḥ /
śvetadvīpaṃ yayuḥ sarve draṣṭuṃ viṣṇuṃ jagatpatim

parasparaṃ ca saṃbhāṣāṃ kṛtvā siṃhāsaneṣu ca /
ūcuḥ sarve sabhāmadhye suramye purato vibhoḥ

viṣṇugātrodbhavāstatra kāminyaḥ kamalākalāḥ /
tatra nṛtyanti gāyanti viṣṇugāthāśca //
susvaram

tāsāṃ ca kaṭhināṃ śroṇiṃ kaṭhinaṃ stanamaṇḍalam /
sasmitaṃ mukhapadmaṃ ca dṛṣṭvā brahmā sukāmukaḥ

manonivāraṇaṃ kartuṃ na śaśāka pitāmahaḥ /
vīryaṃ papāta cacchāda lajjayā vāsasā vibhuḥ

tadvīryaṃ vastrasahitaṃ prataptaṃ kāmatāpataḥ /
kṣīrode prerayāmāsa saṃgīte virate dvija

jalādutthāya puruṣaḥ prajvalanbrahmatejasā /
uvāsa brahmaṇaḥ kroḍe lajjitasya ca saṃsadi

etasminnantare ruṣṭo jalādutthāya satvaraḥ /
praṇamya varuṇo devānbālaṃ netuṃ samudyataḥ

bālo dadhāra brahmāṇaṃ bāhumyāṃ ca bhayādrudan /
kiṃ cinnovāca jagatāṃ vidhātā lajjayā dvija

bālakasya kare dhṛtvā cakāra''karṣaṇaṃ ruṣā /
varuṇaśca sabhāmadhye taṃ cikṣepa prajāpatiḥ

papāta dūrato devo varuṇo durbalastataḥ /
mūrchāṃ saṃprāpa mṛtavatkopadṛṣṭyā vidheraho

cetanaṃ kārayāmāsāmṛtadṛṣṭyā ca śaṃkaraḥ /
saṃprāpya cetanaṃ tatra tamuvāca jaleśvaraḥ

varuṇa uvāca
bālo jale samudbhūto mama putro'yamīpsitaḥ /
ahaṃ gṛhītvā yāsyāmi brahmā māṃ tāḍayetkatham

brahmovāca
vālakaḥ śaraṇāpanno mayi viṣṇo maheśvara /
kathaṃ dāsyāmi bhītaṃ ca rudantaṃ śaraṇāgatam

śaraṇāgatadīnārtaṃ yo na rakṣedapaṇḍitaḥ /
pacyate niraye tāvadyāvaccandradivākarau

ubhayorvacanaṃ śrutvā prahasya madhusūdhanaḥ /
uvāca tatra sarvajñaḥ sarveśaśca yathocitam

śrībhagavānuvāca
dṛṣṭvā tu kāminīśroṇiṃ vīryaṃ dhātuḥ papāta tat /
lajjayā prerayāmāsa kṣīrode nirmale jale

tatau babhūva bālaśca dharmato vidhiputrakaḥ /
kṣetrajñaśca sutaḥ śāstre varuṇasyāpi gauṇataḥ

mahādeva uvāca
yo vidyāyonisaṃbandho vedeṣu ca nirūpitaḥ /
śiṣye putre ca samatā ceti vedavido viduḥ

mantraṃ dadātu varuṇo vidyāṃca bārakāya ca /
putro vidhāturvaṅniśca śiṣyaśya varuṇasya ca

viṣṇurdadātu bālāya dāhikāṃ saktimujjvalām /
sarvadagdho hutāśaśca nirvāṇo varuṇena ca

viṣṇuśca dāhikāṃ śaktiṃ dadau tasmai śivājñayā /
mantraṃ vidyāṃ ca varuṇo ratnamālāṃ manoharām

kroḍe kṛtvā ca taṃ bālaṃ cucumba māyayā suraḥ /
brahmaṇe ca dadau sākṣādviṣṇuśaṃkarayorapi

praṇamya viṣṇuṃ brahmā ca yayau śaṃbhuḥ svamandiram /
agnyutpattiśca kathitā svarṇotpattiṃ niśāmaya

vilokya rambhāṃ suśroṇiṃ sakāmo vahnireva ca /
papāta vīryaṃ cacchāda lajjayā vāsasā tathā

vilokya rambhāṃ suśroṇiṃ sakāmo vahnireva ca /
papāta vīrya cacchāda lajjayā vāsasā tathā

uttasthau svarṇapuñjaśca vastraṃ kṣiptvā jvalatprabhaḥ /
kṣaṇena vardhayāmāsa sa sumerurbabhūva ha

hiraṇyaretasaṃ vahniṃ pravadanti manīṣiṇaḥ /
iti te kathitaṃ sarvaṃ kiṃ bhūyaḥ śrotumicchasi

iti śrībrahmao mahāo śrīkṛṣṇajanmakhao uttao nārādanāo
vahnisuvarṇotpattirnāmaikatriṃśadadhikaśatatamo'dhyāyaḥ