Brahmavaivarta Purana · Chapter 4.130

atha triṃśadadhikaśatatamo'dhyāyaḥ
nārada uvāca
sarvaṃ śrutaṃ mahābhāga nāraśeṣamabhīpsitam /
kimapūrva purāṇaṃ ca brahmavaivartamiṣṭadam

adhunā kiṃ kariṣyāmi tanmāṃ brūhi jagadguro /
ājñāṃ kuru tapasyāṃ ca kartu yāmi himālayam

nārāyaṇa uvāca
uvabarhaṇagandhardaḥ pañcaśatkāminīpatiḥ /
janmāntare bhavānāsīdadhunā brahmaputrakaḥ

tāsvekā ca satī ramyā tapasā śaṃkaraṃ param /
ārādhya ca varaṃ lebhe vāñchitaṃ nāradaṃ patim

sā ca sṛñjayakanyā ca svarṇaṣṭhīvīsahodarā /
tāṃ vivāhaṃ kuruṣveti śaṃkarājñā kathaṃ vṛthā

sundarī sundarīṣvevaṃ komalāṃ kamalākalām /
pativratāṃ mahābhagāṃ ramyāṃ supriyavādinīm

kāmukīṃ kamanīyāṃ ca śaśvatsusthirayauvanām /
vidhātrā likhitaṃ karma prāktanaṃ kena vāryate

nābhuktaṃ kṣīyate karma kalpakoṭiśatairapi /
avaśyameva bhoktavyaṃ kṛtaṃ śubhāśubham

sūta uvāca
nārāyaṇavacaḥ śrutvā hṛdayena vidūyatā /
praṇamya prayayau śīghraṃ nāradaḥ sṛñjayālayam

śaunaka uvāca
aho sūta mahābhāga śrutaṃ kiṃ paramādbhutam /
kimapūrvaṃ rahasyaṃ ca sarasaṃ ca purātanam

adhunā śrotumicchāmi vivāhaṃ nāradasya ca /
atīndriyasya ca munerbrahmaputrasya sāṃpratam

sūta uvāca
nārado mū(gu)ḍharupaśca dṛṣṭāvā sṛñjayakanyakām /
tapasvinīṃ mahābhāgāṃ viṣṇuvrataparāyaṇām

yayau brahmasabhāṃ ramyāṃ sarvadevaiḥ samāvṛtām /
praṇamya pitaraṃ śāntaḥ sarvaṃ tattvamuvāca tam

brahmā prahṛṣṭavadanaḥ śrutvā vārtāṃ śubhāvahām /
tapasvinaṃ ca putraṃ ca saṃprāpya jagatāṃ patiḥ

ratnanirmāṇayānena sārdhaṃ devaiḥ śubhe kṣaṇe /
putraṃ kṛtvā ca purato yayau sṛñjayamandiram

tacchrutvā sṛñjayo rājā ratnabhūṣaṇabhūṣitām /
gṛhītvā kanyakāṃ ramyāṃ nāradāya dadau mudā

sarvasvaṃ dakṣiṇāṃ dattvā maṇimuktādikaṃ tathā /
puṭāñjaliyuto bhūtvā parihāre cakāra saḥ

kanyāṃ samarpya brahmāṇaṃ rājā ca yogināṃ varaḥ /
ruroda bhṛśamuccaiśca vatse vatsa itīritam

kva yāsi tyaktvā madgehaṃ śūnyaṃ ka malalocane /
ahaṃ yāmi vanaṃ ghoraṃ tvāṃ tyaktvā jīvito mṛtaḥ

praṇamya pitaraṃ kanyā rudantaṃ mātaraṃ tathā /
rudatīṃ tāṃ rudantī sā'pyāruroha rathaṃ vidheḥ

gṛhītvā ca sabhāryaṃ ca putraṃ dhātā mudā'nvitaḥ /
prayayau brahmalokaṃ ca devandrairmunibhiḥ saha

brāhmaṇānbojayāmāsa sāṅge maṅgalakarmaṇi /
devānapi ca siddhāṃśca vādayāmāsa duṃdubhim

nāradastu muniśreṣṭho bādhitaḥ pūrvakarmaṇā /
yasya yatprāktanaṃ vipra durlaṅdhya kena vāryate

suramye puṣpatalpe ca sugandhicandanārcite /
sa reme rāmayā sārdha bubudhe na divāniśam

evaṃ kṛtvā vivāhaṃ ca virato munisattamaḥ /
uvāsa brahmalokeṣu vaṭamūle manohare

tatrā''jagāma nagnaśca prajvalanbrahmatejasā /
sanatkumāro bhagavānsākṣācca bālako yathā

sṛṣṭeḥ pūrvaśca vayasā yathaiva pañcahāyanaḥ /
ayūḍo'nupanītaśca vedasaṃdhyāvihīnakaḥ

kṛṣṇeti mantraṃ japati yasya nārāyaṇo guruḥ /
anantakālakalpaṃ ca bhrātṛbhiśca tribhiḥ saha

vaiṣṇavānāmagraṇīśo jñānināṃ ca gurorguruḥ /
ārāddṛṣṭvā nārādastaṃ bhrātaraṃ ca satāṃ varam

sahasā śirasā bhūmau daṇḍavatpraṇanāma tam /
uvāca nāradaṃ bālaḥ prahasya paramārthakam

sanatkumāra uvāca
aye bhrātaḥ kiṃ karoṣi kuśalaṃ yuvatīpateḥ /
strīpuṃsorvardhate prema nityaṃ tannityanūtanam

argalaṃ jñānamārgasya bhaktidvārakapāṭakam /
mokṣamārgavyavahitaṃ ciraṃ bandhanakāraṇam

garbhavāsasya bījaṃ ca paraṃ narakakāraṇam /
pīyūṣabuddhyā garalaṃ bhuṅkte pāpī narādhamaḥ

paraṃ nārāyaṇaṃ tyaktvā yasyā''ste viṣaye manaḥ /
sa vañcito māyayā cāmṛtaṃ tyaktvā viṣaṃ bhajet

sarveṣāṃ karmabhoge'sti karmiṇāmīśvaraṃ vinā /
vayaṃ vidhātuḥ putrāśca sā buddhiriti dehinām

yadi te nāsti bhogaśca kathaṃ gandharvajanma ca /kathaṃ dāsīsutastvaṃ ca muktaśca bhaktasaṅgataḥ

nirgaccha tapase bhrātastyaja mayāmayīṃ priyām /
supuṇye bhārate varṣe tapasā bhaja mādhavam

sthite nārāyaṇe sveśe pare svapadadātari /
viṣayī viṣayāndhaśca vañcito māyayā dhruvam

gṛhāṇa mama mantraṃ ca kṛṣṇa ityakṣaradvayam /
sarveṣāmeva santrāṇāṃ sārātsāraṃ parātparam

sarveṣu ca purāṇeṣu vedeṣu ca caturṣu ca /
dharmaśāstraiṣu tantraiṣu nāstyevāsmātparo manuḥ

nārāyaṇena datto me puṣkare sūryaparvaṇi /
asaṃkhyakalpa japtvā'haṃ bhramāmi sarvapūjitaḥ

ityuktvā snāpayitvā taṃ dadau dasmai paraṃ manum /
divāniśaṃ sa japati pūtayā maṇimālayā

tasmai śubhāśiṣaṃ dattvā mantraṃ ca vaiṣṇavāgraṇīḥ /
golokaṃ prayayau draṣṭuṃ bhagavantaṃ sanātanam

nāradastu manu prāpya sarvasiddhipradaṃ varam /
śrīkṛṣṇe niścalāṃ bhaktiṃ pūrvakarmanikṛntanīm

tyaktvā māyāmayīṃ bhāryāṃ bhārataṃ tapase yayau /
kṛtamālānadītīre dadarśa śaṃkaraṃ param

dṛṣṭvā ca sahasā mūrdhnā praṇanāma śivaṃ muniḥ /
tamuvāca jagannātho bhaktaṃ ca bhaktavatsalaḥ

mahādeva uvāca
aho nārada dṛṣṭvā tvāṃ prasanno'haṃ svatejasā /
bhaktānāṃ darśanaṃ yatra sudinaṃ taccharīriṇām

ayaṃ hi paramo lābho dehināṃ baktasaṃgamaḥ /
sa snātaḥ sarvatīrtheṣu yo dadarśa ca vaiṣṇavām

api prāpto mahāmantraḥ sarvatantrasudurlabhaḥ /
mayā datto gaṇeśāya skandāya svātmajāya ca

mahyaṃ dattaśca kṛṣṇena goloke rāsamaṇḍale /
brahmaṇe cāpi dharmāya dharmo nārāyaṇāya ca

brahmā sanatkumārāya tumyaṃ dattaśca tena vai /
mantragrahaṇamātreṇa jano nārāyaṇo bhavet

vicāraṇaṃ ca nāstyatra kālākālaṃ śubhāśubham /
pañcalakṣajapenaiva puraścaraṇamasya ca

dhyānaṃ ca sāmavedoktaṃ tena dhyāyecca vaiṣṇavaḥ /
dhyānaṃ ca pāpadahanaṃ karmamūlanikṛntanam

kṛṣṇaṃ navaghanaśyāmaṃ kiśoraṃ pītavāsasam /
śatakoṭīndusaundaryaṃ dadhānamatulaṃ param

bhūṣitaṃ bhūṣaṇaughaistairamūlyaratnanirmitaiḥ /
candanokṣitasarvāṅgaṃ kaustubhena virājitam

mayūrapicchacūḍaṃ ca mālatīmālyamaṇḍitam /
īṣaddhāsyaprasannāsyaṃ nityopāsyaṃ śivādibhiḥ

dhyānāsādhyaṃ durārādhyaṃ nirguṇaṃ prakṛteḥ param /
sarveṣāṃ paramātmānaṃ bhaktānugrahavigraham

vedānirvacanīyaṃ ta varaṃ sarveśvaraṃ bhaje /
dhyānenānena taṃ dhyātvā bhagavantaṃ sanātanam

bhaja taṃ paramānandaṃ satyaṃ nityaṃ parātparam /
ityuktvā svapadaṃ śaṃbhūrjagām parameśvaraḥ

taṃ praṇamya jagannāthaṃ nāradastapase yayau /
nāradaḥ śrīhariṃ smṛtvā yogāttyaktvā kalevaram
nilīnaḥ pādapadme ca pāda (padmā) padmārcite hareḥ

iti śrībrahmao mahāo śrīkṛṣṇajanmakhao uttao nāradanāo nāradavivāhādiprakaraṇaṃ
nāma triṃśadadhikaśatatamo'dhyāyaḥ