Brahmavaivarta Purana · Chapter 4.132

atha dvātriṃśadadhikaśatatamo'dhyāyaḥ
śaunaka uvāca
śrutaṃ sarvaṃ nāvaśeṣaṃ dharmeśa vrahmaṇaṃ ca mām /
kathayasva mahābhāga purāṇaṃ punareva hi

evaṃvidhaṃ purāṇaṃ ca janmanaiva na hi śrutam /
nadhṛṣṭaṃ na śrutaṃ tāta tā (tvā) dṛśaṃ vājakaṃ tathā

sūta uvāca
śrūyatāṃ bho mahābhāga sāvadhānaṃ ca saṃyatam /
adhyāyaśravaṇenaiva purāṇaphalamālabhet

brahmakhaṇḍaṃ ca kathitaṃ paraṃ brahmanirūpaṇam /
tadanirvacanīyaṃ ca yeṣāmapi yathāgamam

sākāraṃ ca nirākāraṃ saguṇaṃ nirguṇaṃ pṛthak /
yeṣāmapi yathā śaktistathaiva dhyānameva ca

golokādervarṇanaṃ ca krameṇa ca pṛthakpṛthak /
tatropayuktopākhyānaṃ yadyatprāsaṅgikaṃ dvija

jātīnāṃ nīrṇayaścaiva saṃkarāṇāṃ tathaiva ca /
yadyadviśiṣṭopākhyānaṃ tattatpraśanānurodhataḥ

rādhāmādhavayoḥ krīḍā mahāviṣṇoḥ samudbhavaḥ /
nirūpaṇaṃ ca viśveṣāṃ samāsena dvijottama

brahmanāradayoścaiva saṃvādaḥ paramārthataḥ /
vipeko nāradasyaiva munīndrasya tathaiva ca

ājñayā brahmaṇaścaiva naranārāyaṇāśramam /
gamanaṃ nāradasyaiva tena sārthaṃ ca darśanam

tayoḥ saṃbhāṣaṇaṃ caiva nāradādya(ya) nivedanam /
tatra deva brahmakhaṇḍaṃ krameṇoktaṃ dvijottama

śrūyatāṃ prakṛteḥ khaṇḍaṃ sudhākhaṇḍasamaṃ mune /
prakṛterlakṣaṇaṃ proktaṃ prakṛtīnāṃ ca varṇanam

upāśyānaṃ ca tāsāṃ ca varṇanaṃ būjanādikam /
lakṣmīḥ sarasvatī durgā sāvitrī rādhikā tathā

etāsāṃ caritaṃ caivamanyāsāṃ ca pṛthakpṛthak /
upākhyānaṃ mahālakṣmyāḥ sarasvatyāstathaiva ca

apūrvaṃ rādhikākhyānaṃ sāvitryāśca tathaiva ca /
saṃvādo yamasāvitryoḥ satyavajjīvadānakam

kṛṇḍānāṃ varṇanaṃ proktaṃ teṣāṃ ca lakṣaṇaṃ tathā /
jīvitarmavipākaśca bhoganirṇaya eva ca

apūrva rādhikākhyānaṃ purāṇeṣu sugopyakam /
suyajñasca nṛpendrasya caritaṃ paramādbhutam

proktaṃ tulasyupākhyānaṃ purāṇeṣu sugopyakam /
mahāyuddhaṃ ca saṃvāde maheśaśaṅkhacūḍayoḥ

tulasīkṛṣṇasaṃvādastayoḥ saṃbhoga eva ca /
nidhanaṃ śaṅkhacūḍasya śrīdāmnaḥ śāpamokṣaṇam

padaprāptiḥ surāṇāṃ ca vipadāṃ khaṇḍanaṃ tathā /
jīvināṃ mokṣabījaṃ ca gaṅgopākhyānamīpsitam

tathaiva manasākhyānaṃ paraṃ harṣavivardhanam /
svāhāsvadhākhyānamevamanyāsāṃ ca nirūpaṇam

yadyataprāsaṅgikākhyānaṃ vaktuḥ praśnānurodhataḥ /
proktaṃ tatprakṛteḥ khaṇḍaṃ khaṇḍaṃ gaṇapateḥ śrṛṇu

atīva madhuraṃ ramyaṃ svādu svādu pade pade /
sugopyaṃ tatpurāṇeṣu ramyaṃ ramyaṃ navaṃ navam

sudurlabhamupākhyānaṃ śrotṛprītikaraṃ param /
proktā krīḍā ca paramā pārvatīparameśayoḥ

skandotpattiḥ prathamataḥ krīḍābhaṅgastayostathā /
pārvatītoṣaṇaṃ caivamabhimānavimokṣaṇam

puṇyakaṃ ca vrataṃ viṣṇordevyāścaritamuttamam /
varadānaṃ harereva suvratāṃ pārvatīṃ prati

hareśca darśanaṃ caiva brāhmaṇātithirūpiṇaḥ /
āvirbhāvo gaṇeśasya kṛpayā śivamandire

darśanaṃ putravaktrasya pārvatīparameśayoḥ /
paramānandarūpaṃ ca śivagehe mahotsavam

devādyā dadṛśuḥ sarve bālaṃ nityamajaṃ vibhum /
satyasvarūpaṃ paramaṃ parabrahmasvarūpiṇam

sarvavighnaharaṃ śāntaṃ dātāraṃ sarvasaṃpadām /
tapasāṃ japayajñānāṃ vratānāṃ phaladaṃ vibhum

atīva kamanīyaṃ ca ramaṇīyaṃ ca yoṣitām /
prāṇādhikaṃ priyatam pārvatīparameśayoḥ

paramātmasvarūpaṃ ca bhagavantaṃ sanātanam /
sarveśaṃ sarvabījaṃ ca sākṣānnārāyaṇātmakam

yaddarśanācca stavanātpraṇāmātpūjanāttathā /
dhyānāsādhyaṃ durārādhyaṃ janmakoṭyaghanāśanam

kārtikoddharaṇaṃ proktaṃ tasyābhiṣeka eva ca /
gaṇeśapūjanaṃ caiva sarvavighnavināśanam

jamadagneśca yuddhaṃ ca kārtavīryārjunena ca /
surabhīharaṇaṃ caiva nidhanaṃ ca munestathā

pativratāreśukāyāścitārohaṇameva ca /
pratijñātaṃ bhṛgoścaiva dāruṇaṃ ca sudāruṇam

niḥkṣatrīkaraṇaṃ caivamekaviṃśatikaṃ dvija /
saṃvādo jñānalābhaśca gaṇeśaparśurāmayoḥ

tayoryuddhaṃ dārumaṃ ca herambadantabhañjanam /
durgāyāśca vilāpaścābhiśāpo bhārgavaṃ prati

smaraṇe parśurāmasyāpyāvirbhāvo harerapi /
pārvatīṃ bodhayāmāsa svayaṃ nārāyaṇaḥ prabhuḥ

varṇanaṃ śivalokasya paramāścaryamīpsitam /
pradattaṃ parśurāmāya mahāstraṃ śaṃkareṇa ca

mantraṃ ca kavacaṃ caiva kṛṣṇasya paramātmanaḥ /
varadānaṃ cābhayaṃ ca pradānaṃ sarvasaṃpadām

triḥsaptakṛtvo bhūpānāṃ nidhanaṃ ca cakāra saḥ /
babhūva bhṛguṇā vipra bhuvaśca bhāramīkṣaṇam

praśnānurodhakramataḥ pūrvāpākhyānameva ca /
proktaṃ gaṇapateḥ khaṇḍaṃ samāsena dvijottama

śrīkṛṣṇajanmakhaṇḍaṃ ca śrūyatāṃ sāvadhānataḥ /
janmamṛtyujarāvyādhiharaṃ mokṣakaraṃ param

haridāsyapradaṃ śuddhaṃ suśrāvyaṃ ca sudhopamam /
atyabūrvamuṇākhyānaṃ ramyaṃ ramyaṃ navaṃ navam

na śrutaṃ canmanā yadyatsvadu svādu pade pade /
pradīpaṃ sarvasattvānāṃ bhavābdhitāraṇaṃ param

karmepabhogarogāṇāṃ mardanaṃ ca rasāyanam /
śrīkṛṣṇacaraṇāmbhojaprāptisopānakāraṇam

śrīdāmarādhākalahavarṇanaṃ dāruṇaṃ dvija /
tayoḥ śāpaprakathanaṃ tatasteṣāṃ visarjanam

brahmaṇa prārthitasyaiva harerjanam mahītale /
proktaṃ ca janmakhaṇḍe ca paramādbhutameva ca

āvirbhāvo harereva vasudevasya mandire /
kaṃsāsurabhayenaiva gokule gamanaṃ hareḥ

vṛṣabhānasutā rādhā śrīdāmnaḥ śāpahetunā /
bālakrīḍāvarṇanaṃ ca gokule paramātmanaḥ

daityādinidhanaṃ caiva kīrtitaṃ hariṇā tathā /
gargasyā''gamanaṃ proktaṃ śubhānnaprāśanaṃ hareḥ

nidhanaṃ pūtanāyāśca sadyaḥ śakaṭabhañjanam /
śrīkṛṣṇabandhamokṣaṃ ca yamalārjunabhañjanam

trailokyadarśanaṃ vaktre govatsāharaṇaṃ tathā /
kṛtvā govatsanirmāṇaṃ brahmaṇaḥ stavanaṃ hareḥ

sahasā gokulaṃ tyavatvā puṇyaṃ vṛndāvanaṃ vanam /
bhayājjagāma nandaśca sārdhaṃ ca nandanena ca

vṛndāvanasya nirmāṇaṃ proktaṃ ca paramādbhutam /
sārdhaṃ ca bālakaiḥ sārdha tatra saṃkrīḍanaṃ hare

sadannaṃ brāhmaṇīnāṃ ca bhojanaṃ kathitaṃ hareḥ /
varadānaṃ ca tāsāṃ vai prāktanena nirūpaṇam

kratūnāṃ varṇanaṃ caiva vastrāpaharaṇaṃ tathā /
varadānaṃ ca gopīnāṃ kṛṣṇenaiva kaṛtaṃ dvija

kātyāyanīvrataṃ proktaṃ śrīdurgāpūjanaṃ tathā /
pārvatyā ca varo datto gopībhyo yamunātaṭe

tālānāṃ bhakṣaṇaṃ proktaṃ śakrayāmāvimardanam /
rādhayā saha kṛṣṇasya viraho melanaṃ tathā

gopīkrīḍā ca saṃproktā kṛṣṇakroḍe ca rādhikā /
chāyā rāyaṇagehe ca saṃproktā māyayā hareḥ

śṛṅgāraṃ ṣoḍasavidhaṃ kṛtvā tu rāsamaṇḍale /
antardhānaṃ harereva rādhayā saha kānane

malayāgamanaṃ caiva tayā sārdhaṃ dvijottama /
rādhāmādhavayoścaiva saṃvādastatra nirjane

kaivalyamapi gopīnāṃ proktaṃ nānāvidhaṃ mune /
punarāgamanaṃ caiva puṇyaṃ vṛndāvanaṃ vanam

śrīkṛṣṇadarśanaṃ caiva gopīnāṃ harṣavarthanam /
nānāprakārakrīḍā ca proktā tasya jale sthale

gopīnāmapi saubhāgyaṃ rādhāyāśca viśeṣataḥ /
proktaṃ vyāsena saundarya ramyaṃ ramyaṃ navaṃ navam

nabhaḥsthitānāṃ devānāṃ darśanaṃ proktameva ca /
manasaḥ skhalanaṃ caiva devīnāṃ rāsamaṇḍale

aṃśena lebhire janma devyaścoktamidaṃ dvija /
akrūrāgamanaṃ caiva gopīnāṃ ca vilāpanam

proktaṃ sarvaṃ kramegaiva cākrūrabhartsanaṃ tathā /
mathurāgamanaṃ viṣṇoḥ śokaṃ gokulavāsinām

rādhikāvirahajvālājālaṃ proktaṃ yathocitam /
svamūltidarśanaṃ caivamakrūraṃ yamunātaṭe

mathurāveśanaṃ proktaṃ nidhanaṃ rajakasya ca /
kubjayā saha saṃbhogastasyā mokṣaṇameva ca

prasādanaṃ kuvindasya mālākārasya mokṣaṇam /
dhanudho bhañjanaṃ śaṃbhorhastino nidhanaṃ tathā

sabhāpraveśanaṃ proktaṃ nānārūpapradarśanam /
kaṃsasya nidhanaṃ proktaṃ tadbandhūnāṃ vilāpanam

saṃskāraṃ tasya vidhivadrājatvaṃ tatpitustathā /
vilāpanaṃ ca nandasya stavanaṃ paramādbhutam

proktastayośca saṃvādo nirjane tātaputrayoḥ /
paramādhyātmikaṃ jñānaṃ nandāya ca dadau vibhuḥ

munīnāṃ gamanaṃ caiva dhanyopākhyānameva ca /
kathitaṃ ca kumāreṇa proktameva sudurlabham

uddhavāgamanaṃ proktaṃ rādhāsthānaṃ ca nirjanam /
jñānaṃ tayośca saṃvāde proktameva śubhāvaham

yajñopavītaṃ kṛṣṇasya vidyādānaṃ gṛrorgṛhe /
mṛtaputrapradānaṃ ca proktaṃ tadgurave purā

jarāsaṃdhasya damanaṃ nidhanaṃ yavanasya ca /
dvārakāyāśca nirmāṇaṃ viśvakārodyamaṃ tathā

dvārakāveśanaṃ proktamugrasenavilāpanam /
rukmiṇīharaṇaṃ caiva nṛpāṇāṃ damanaṃ tathā

sarvāsaṃ kāminīnāṃ ca proktamudvāhanaṃ tathā /
māyāvatīmokṣaṇaṃ ca nidhanaṃ śambarasya ca

dharmaputrarājasūye śiśupālasya mokṣaṇam /
dantavaktrasya ca muneḥ śālvasya nidhanaṃ tathā

maṇeśca haraṇaṃ caiva pārijātasya svargataḥ /
kurupāṇḍavayuddhe ca bhuvaśca bhāramokṣaṇam

ūṣāyā haraṇaṃ proktaṃ bāṇasya bhujakṛntanam /
baleśca stavanaṃ proktamaniruddhasya vikramaḥ

rādhāyaśodāsaṃvādaḥ proktaḥ paramadurlabhaḥ /
mokṣaṇaṃ ca śṛgālasya proktaṃ ca paramādbhutam

tīrthayātrāprasaṅgena gaṇeśapūjanaṃ tathā /
darśanaṃ rādhikāsārdhaṃ kuṣṇasya paramātmanaḥ

rādhāyā darśanaṃ devyā rādhātejaḥprakāśanam /
rādhāya ramaṇaṃ tīrthe bhramaṇaṃ rahasi smṛtam

nidhanaṃ yaduvaṃśānāṃ brahmaśāpena śaunaka /
mokṣaṇaṃ pāṇḍavānāṃ ca svapade gamanaṃ hareḥ

vivāho nāradasyaivotpattirvahnisuvarṇayoḥ /
proktaṃ sarva mahābhāga punareva samāsataḥ

catuḥkhaṇḍaiḥ purāṇaṃ ca brahmavaivartameva ca /
ataḥ paraṃ muniśreṣṭha kiṃ bhūyaḥ śrātumicchasi

iti śrībrahmao mahāo śrīkṛṣṇajanmakhao uttao nāradanāo anukramaṇikaṃ
nāma dvātriṃśadadhikaśatatamo'dhyāyaḥ