Bhṛgusaṃhitā · Chapter 8

iti śrīvaikhānase bhagavacchāstre
bhṛguproktāyāṃ saṃhitāyāṃ prakīrṇādhikāre
saptamo 'dhyāyaḥ.
athāṣṭamo 'dhyāyaḥ.
athāṣṭamo 'dhyāyaḥ.
pīṭhamānam
atha pīṭhodayaṃ paścātthsānakasya viśeṣataḥ /
bhuvaṅgasya samaṃ vātha adhyarthaṃ triguṇaṃ tu vā

paritaḥ pāvayorasya nītvāvai bhāgamaṅgulam /
dhruvārcāyāmaśeṣeṇa ṣaṇmānasahitaṃ śubham

vakṣyāmi devyormānaṃ tatkaṇṭhāntaṃ nāsikāntakam /
hanvastaṃ bāhusīmāntaṃ nābhyantaṃ vādha kārayet

caturdhaikāṃśakaṃ vāpi tṛtīyaikāṃśakaṃ tu vā /
dhruvārcāyāṃ viśeṣeṇa pīṭhamevaṃ prakalpayet

caturaśraṃ suvṛttaṃ vā dalaiṣṣoḍaśabhiryutam /
sthānakaṃ cāsanaṃ vāpi yānakaṃ vā samācaret

garbhāgāratribhāgaikaṃ caturaśraṃ trimekhalam /
tasyordhvavedivistāraṃ caturaṅgulameva hi

utsedhaṃ tasya cārdhantuparitaścaturaṅgulam /
vistārotsedhamānantu madhyenimnaṃ ṣaḍaṅgulam

udīcyāntu pratīcyāntu vārimārgantu kārayet /
prāṅmukhodaṅmukhaṃ sūtraṃ daśa sapta samarcayet

madhye kalāpadaṃ brāhmaṃ parito daivikaṃ tathā /
vaidāthikāśītipadaṃ mānuṣaṃ ca tathaiva ca

padaṃ syāt ṣaṇnavatikaṃ ṣaṣṭiḥpaiśācikaṃ bhavet /
arcāsthānaṃ tu brahmāṃśaṃ tridhā kṛtya ca daivikam

tathaiva paścime bhāge madhye vā sthānakāya ca /
asanaṃ vāpi ca tadhā devamānuṣamadhyame

śayānaṃ mānuṣe pīṭhe sthāpayitvā viśeṣataḥ /
dhruvārcane viśeṣeṇa nāgasūtrān samarpya ca

koṣṭamekāna pañcāśadbhavati brāhmamandiram /
daivikaṃ cāṣṭabhāgantu mānuṣaṃ cārtvijaṃ padam

śeṣaṃ paiśācamevaṃ syācchāntipauṣṭikadaivikam /
brahmasthāne viśeṣaṇa sthāpayedyogavīrakau

bhogameva dhruvārcāyāṃ devamānuṣamadhyame /
vīrakaṃ sthāpayedvidvān paiśāce kramaśassudhīḥ

grāmamadhye dhruvārcāyāṃ sthāpayed bhogameva tu /
yogapīṭhe dhruvārcā cettadgrāmasya vipadbhavet

anyeṣāṃ tu dhruvārcāyāṃ bhogaṃ vā yogameva vā /
ālayoddakṣiṇe vāpi vūrve vāpi prapāṃ tathā

vediṃ tanmadhyame kuryādbiṃbādhyardhapramāṇataḥ /
sabhyāgnikuṇḍaṃ tatprācyāṃ snānavediṃ tathottare

bhūmiyajñaṃ ca kṛtvātu paryagni prokṣaṇaṃ caret /
kalaśaissaptabhissnāpya vedyāmāropayettathā

ācchādya navavastreṇa kautukaṃ bardhayettathā /
prākṣīraśśāyayettatra śrībhūmyorubhayorapi

mahākāyakṛte bere prokṣayetpañcagavyakaiḥ /
anyatsarvakriyāṃ kṛtvāhautraśaṃsanamācaret

ādimūrtyādi sarvāstamāvāhanamathācaret /
avāhanakrameṇaiva nirupyājyāhutīryatet

vaiṣṇavaṃ pauruṣaṃ sūktaṃ viṣṇusūktaṃ tathaiva ca /
śrībhūsūktaṃ tato hutvā brāhmaṃ raudrantathaivaca

nṛttairgeyaiśca vādyaiśca rātriśeṣaṃ vinīya ca /
snātvā prabhāte tvācāryo devamutthāpya cādarāt

garbhāgāraṃ praviśyaiva sthāpite vihite 'pi vā /
nyasya pīṭhantu tanmadhye ratnādīnvinyasettadā

dhruvasūktena saṃsthāpya ato devādimuccaran /
tattanmantreṇa devyādīn sthāpayedvihite pade

vidhinā cāṣṭabandhantu saṃyojyaiva tu pūrayet /
antahomaṃ tato hutvā dadyādācāryadakṣiṇām

śilbinaṃ ca samāhūya śarkarāṃ lepayetkramāt /
śilāpratiṣṭhā caivaṃ syāddārusaṃgrahaṇaṃ tataḥ

dārusaṃgrahaṇam candanaṃ khadiraṃ tālamasanaṃ /
raktacandanam
rājānaṃ ciribilvañca aśokaṃ stimitaṃ tathā

khādiraṃ dhanvinaṃ caivaśirīṣaṃ padmakaṃ tathā /
ityevamādayo vṛkṣā gṛhyante berakarmaṇi

caṇḍālasthānapārśve tu duṣṭaprāṇiniṣevite /
mātṛsthānasamudbūte? śmaśāne devamandire

kūpavāpītaṭākānte munivāse sahālaye /
yogasthānapade dharmaśālāyāṃ mārgamadhyame

pretabhūtālaye corasattvānāṃ ca niṣevite /
prasthānaśalabhasthāne kalpāsdhinilaye 'pi ca?

sauṣṭābhūtasamudbhūtadeśe? rauṇika deśake /
evaṃ sthāne samudbhūtaṃ na gṛhṇanti drumaṃ tataḥ

pādānapāvanaṃ tardhi maśaneryātipīḍanam /
asākṣikaṃ sarpanilayaṃ bahuvalmīka saṃyutam

sujanaṃ taruṇaṃ rūkṣaṃ bahupakṣasamākulam /
asthiraṃ bahucakraṃ ca suśākhaṃ caikaśākhinam

karmāntaragṛhitaṃ ca karmāntaraprayojanam /
evamīdṛgvidhaṃ vṛkṣaṃ varjayedberakarmaṇi

āmūlāgraṃ samaṃ vṛttamṛjuṃ caiva pradakṣiṇam /
vistārayāmasaṃpannaṃ śubhāyaiva samāyutam

sumadhyavayasopetaṃ kālapuṣpaphalapradam /
īdṛgvidhaṃ mahāvṛkṣaṃ śūlārthaṃ parigṛhṇate

evaṃ lakṣaṇa saṃpannaṃ drumaṃ gatvā prasannadhīḥ /
tanmūle gomayenāpi lepayeccaturaśrakam

divyalakṣaṇasaṃyuktaṃ drumaṃ kṛtvā pradakṣiṇam /
"vanarājebhya' ityuktvāpāyasaṃ ca baliṃ dadet

paraśaṃ ca samādāya secayetpañcagavyakaiḥ /
mūlamantraṃ japitvā tu dhmāyedviṣṇuṃ parātparam

paraśuñca samādāya bhedayettu vicakṣaṇaḥ /
payaḥ parisrave tatra śubhamevaṃ vidhīyate

śoṇitaprasrave tatra nirdaśedaśubhaṃ punaḥ /
pūrvaṃ tupatanaṃ śastamāgneyyāṃ tu bhayāvaham

yāmyāyāṃ maraṇaṃ vindyānnairṛtyāṃ vyādhimādiśet /
paśmimetu janānāṃ tu kṣutpipāsāvivardhanaṃ

vāyavye ca bhavellābha uttare dhanadhānyakaṃ /
aiśānyāṃ śāntikaṃ tatra sarvavṛddhikaraṃ nṛṇām

tadvṛkṣapatane kālekośassarvomṛdurbhavet /
sihavyāghragajādīnāṃ sarvasaṃpatkaraṃ bhavet

vṛkṣāgraṃ bhevayitvā tu tvacaṃ samyagvyapohya ca /
prakṣālyavāriṇā śvetacandanenānulepayet

śvetavastreṇa saṃdeṣṭya jayamaṅgalaghoṣaṇaiḥ /
rathevā śakaṭe vāthaskanthe vā kṣipya veśayet

grāmaṃ pradakṣiṇaṅkṛtyā svastisūktaṃ samuccaran /
śiṣṭacchāyesame deśetālukopariśāyayet

hemarūpyakṛtaṃ śūlaṃ sarvasaṃpatsamṛddhidam /
lohairanyairnakartavya mabhicārasya kāraṇam

viṣṇuśūlaṃ tu keśānāṃ śreṣṭhaṃ paṭṭikameva ca /
dhyeyaṃ meḍhrādayaśbordhvaṃ samaṃ bhāgasya yattrayam

ūrukeśāntaparyantaṃ tasyārthaṃ ca takaṃ mukham /
sarandhrayavakaṃ cordhve mānaśūlaṃ śirodharam

hikkāyāṃ ṣaḍyavaṃ pañcāṅgulaṃ nābhyantakaṃ matam /
trayodaśāṅgulayavaṃ tato meḍhrantu nābhyadhaḥ

yonernābhesturyādaśraṃ brāhmamaṣṭaumataṃ tataḥ /
hikkāstaṃ vaiṣṇavaṃ bhāgaṃ tato vṛttaṃ śivāṃśakam

uṣṇīṣaṃ mātṛkaṃ śūlaṃ sthānādīnāṃ sanātanam /
sthānāsanaśayānānāṃ caturaśrāṣṭavartulam

yathākrameṇa yuñjīyādevaṃ vā pūrvamuktavat /
sarveṣāṃ devatānāṃ ca sāmānyaṃ ca turaśrakam

caturmātrārdhavistāraṃ śūlamūlaviśālakam /
agratāraṃ caturmātramaṣṭāṃśonamathāpi vā

dvātriṃśadaṅgulāyāmaṃ vakṣodaṇḍasya cocyate /
tarma? vistṛtayorbāhye mātṛsūtrasamordhayoḥ

vakṣodaṇḍāyataṃ svena mukhena dviguṇaṃ matam /
uktvāsamantu bāhyagretatsaptāṃśavihīnakam

tāraṃ saptāṅgulaṃ teṣāṃ yena sārthaṃ trimātrakam /
ṣoḍhaśāṣṭa caturmātrāyāmatārasamanvitam

kaṭidaṇḍaṃ bhavettasya pārśvamadhyamanimnakam /
kṛtvaiva nimnakaṃ vakṣodaṇḍamadhye prakalpayet

śeṣayorvaṃśadaṇḍe tu nābhyantaṃ nimnamadhyakam /
dakṣiṇe mūlamadhye tu agraṃ kuryāddvayorapi

vakṣodaṇḍasyamūlāgre śikhā sūdasradāyatam /
kālāṅgulakalātāraṃ kalārdhavipulaṃ matam

evaṃ caturbhujaṃ kṛtvādvibhuje dviśikhaṃ tathā /
catasraśśibikā stasmāttasyā mevāṣṭabāhuke

yāvanto bāhavastasmiṃ stāvatyaśca śikhā matāḥ /
adhyardhāṅgulavistāraṃ śikhāyāmaṃ tadeva hi

kaṭidaṇḍaṃ śikhāyāmaṃ tāre dvitṣaṅgule kramāt /
vina?dvimātrameva syāddviśikhaṃ kaṭidaṇḍakam

śroṇibhāgādadhastena śeṣayedvaṃśadaṇḍakam /
ūrudaṇḍālayaṃ saptaviṃśadaṅgulamucyate

jānubhāgaṃ tato jaṅghā pyūrdhvadaṇḍasamāyatā /
pādabhāgābhave dūrurjaṅghayorjhānumānakam

āropya mānayejjānudaṇḍasyāsaṃbhavādapi /
pādadaṇḍe samāropya mānayettalatuṅgakam

ūrudaṇḍaviśālaṃ syānmūlebhāgaṃ tadaśrake /
kalāṅgulaṃ tadekaṃ syājjaṅghāmūlaviśālakam

kalāviśālaṃ jaṅghāgraṃ kalāyāmaṃ daśāṅgulam /
trimātrakalamūlasya tāramagre 'dhikāṃgulam

saptaviṃśati vāgroṣaṃ daṇḍadīrghaṃ tataḥ kalā /
korparassyātprakoṣṭhasya dīrghaṃ daśakalāṅgulam

prakoṣṭhabāhvairāropya korparaṃ jānuvadbhavet /
tṣaṅgulaṃ dvyaṅgulaṃ bāhudaṇḍamūlāgravistaram

prakoṣṭhaṃ daṇḍamūlasya viśālaṃ cadvimātrakam /
adhyardhāṅgulamagrasya viśālaṃ lakṣaṇānvitam

vakṣodaṇḍaśikhāmadhye bāhumūlagate śikhe /
bāhumūlagatābhyāṃ tu vakṣodaṇḍaśikhāgatām

śeṣayedagrabhāgebhyaḥ korpare śeṣayettataḥ /
prakoṣṭhamūlagābhyāṃ tu vakṣodaṇḍaśikhāgatām

kaṭidaṇḍorudaṇḍābhyāṃ taccheṣaṃ bāhudaṇḍavat /
jānukorparamuddiṣṭaṃ tasyatu dviśikhematam

śeṣayennalakānāntu prakoṣṭhe tu bhavedbudhāḥ /
prasāritānāṃ pādānāṃ jānusandhautu gṛhyatām

tathaiva visṛjānāṃ ca budhānāṃ korparaṃ matam /
sthānādīnāṃ kramāschūlasaṃghātaṃ vakṣyate 'pi ca

vaṃśadaṇḍaṃ tathā vakṣye daṇḍaṃ ca kaṭidaṇḍakam /
jānudaṇḍadvayaṃ caiva pādadaṇḍadvayaṃ tathā

bāhudaṇḍāśca catvāra ścatvāraśca prakoṣṭhakāḥ /
tathā caraṇadaṇḍau dvau daṇḍāssapta daśa smṛtāḥ

kaṭidaṇḍārdhamārabhya yāvadāsīnarapi /
tārassyātpṛṣṭhaphalakā tāramūrau ca bandhayet

kaṭidaṇḍādadhastācca vakṣodaṇḍadharas tathā /
yojayedupayānīlaṃ? pṛṣṭhato vṛttameva vā

vaṃśadaṇḍaṃ tathā tena kleśayedviśikhena tu /
śikhāgrasuṣīre kīlaṃ lohaṃ vā skāmathāpi vā

dārḍhyārthaṃ yojayecchūlaṃ sthitaṃ vai śūlakarmaṇi /
anyatkīlaṃ tu suṣiraṃ kartavyaṃ kathañcana

evaṃ sthānasya saṃproktamāsanasya pravakṣyate /
meḍhramūlādadhomūlaṃ nāhamaṣṭāṃgulaṃ bhavet

bhāgamāsanamānasya bhāgaṃ śvabhrapraveśanam /
meḍhrasūtrasame samyak śeṣayetkaṭidaṇḍakam

kaṭidaṇḍaśikhāhyūru daṇḍamūlaśikhāni ca /
āsane śayane caiva jānusandhiḥ praśasyate

ekonaviṃśatiśśūladaṇḍānāṃ tu samākṛtiḥ /
neṣyate korpare saṃdhiśayane daṇḍahastake

tasmādatha daśa proktā śūlasaṃkhyā caturbhuje /
pañcānye dvibhuje daṇḍa daṇḍā haste caturdaśa

dakṣiṇe vakṣodaṇḍasyāyatamekādaśāṃgulam /
śikhā pūrvavaduddiṣṭā bāhumūlaśikhānvitā

tayorupari cābhogaṃ chāyayecchāstravittamaḥ /
kaṭīḍaṇḍadvayādanyat sthānasyoktavadācaret

uktaṃ hi śayane yāne vakṣyatetha trivikramam /
uddaṇḍasyorudaṇḍasya śikhā bhāgāyate smṛte

tāvatyaḥ kaṭidaṇḍasya śikhāyāssamyaganvaye /
tadāyataṃ tu kāryārthaṃ taladaṇḍaṃ tu taddvitam

sthitāṅghristhsitimān proktaśśeṣaṃ cedaṃ śayānavat /
evamaṣṭabhujopetaṃ caturbhujasamanvite

śūlasaṃkhyānurūpeṇa yojayettu vicakṣaṇaḥ /
śūlaṃ cakratanau vakramavakre vakratāṃ nayet

strīṇāṃ śūlavibhāgantu lakṣmyādīnāṃ pravakṣyate /
nāsāmānavibhāgaṃ ca śūladaṇḍāyataṃ matam

bhāgatāraṃ bhavedvaṃśaṃ daṇḍaṃ taccaturaśrakam /
yaduktaṃ bāhuparyantaṃ tāraṃ tasmāddvipārśvayoḥ

bāhumūlaviśālārdhaṃ tyaktvā yāvattadantaram /
tāvattu paramaṃ vakṣodaṇḍasyāyāmamucyate

kacchāṃśonaṃ karākāraṃ kaṭidaṇḍāyataṃ matam /
ūrutāraṃ tu turyāṃśā dūrudaṇḍaviśālakam

jaṅghādaṇḍaṃ
tribhāgaikaṃ tāvaśce?daṣṭāṃśadaṇḍakam /
mūlameva mataṃ caiṣāmagramaṣṭāṃśahīnakam

pārśvadaṇḍaṃ na yoktavyaṃ strīṇāṃ śūle kathaṃ cana /
puruṣāṇāṃ prayoktavya madhyardhāṅgulivistaram

sarveṣāmasi tālānāṃ śūlamevaṃ vidurbudhāḥ /
bhuvaṅgasya samaṃ proktaṃ sthānake pīṭhakonnatam

bhuvaṅgoparitālaṃ syāddhruvapīṭhasya connatiḥ /
dhruvaberasya pādasya pratidikcaturaṅgulam

vistāramūrdhvavedyāntu padmapatradalair yutam /
maṇḍalaṃ caturaśraṃ vā pīṭhaṃ kuryāttadarhakam

daivikaṃ tu tridhā kṛtvā dvibhāgaṃ puratastyajet /
apare sthānakaṃ sthāpya madhyabhāge 'tha vā pulaḥ

devamānuṣayārmadhye vā'sanaṃ saṃprakalpayet /
kiṃ ciddaivikasaṃyukte mānuṣe śayanaṃ smṛtam

evaṃ samyagviditvaiva māsane ca pravakṣyate /
dhruvaberaṃ tathā kṛtvā cordhvaṃ siṃhāsanocchrayam

tadarhavistṛtaṃ prokta mupadhānena saṃyutam /
pādāśrayeṇa pīṭhena padmākārau? ca saṃyutam

yathāsaindaryakaṃ kṛtvā śeṣaṃ yuktyā samācaret /
berāyāmaṃ caturbhāgaṃ śayanocchrāyamucyate

tatturīyāṃśakotsedhaṃ śirobhāge viśeṣataḥ /
pādayorubhayoścaiva samaṃ tatraiva mūhya ca

śeṣabhogaṃ trirāveṣṭya pañcavarṇasamāyutam /
adhaḥpucchaṃ śiraścordhvaṃ sarpadehe tu veṣṭite

tadutsaṃgagataṃ devaṃ śayānaṃ saṃpracakṣate /
phaṇānāṃ pañcakaṃ kuryādviṣavegasamanvitam

evameva prakurvīta sthānāsanaśayānakān /
pīṭhaṃ kṛtvā prayatnena sthāpanāraṃbhamācaret

aṅkurānarpayitvaiva yāgaśālāṃ prakalpayet /
śilāsthāpanasārgeṇa sarvaṃ kṛtvāprayatnataḥ

athācāryaḥprabhāte tu snātvā nityaṃ samāpya ca /
yajamānasamāyukto garbhagehaṃ praviśya ca

sthānāsanaśayānānāṃ padamuktaṃ vicārya ca /
pīṭhaṃ tadarhakaṃ kuryādyuktenaiva vidhānataḥ

pratiṣṭhoktakrameṇaiva ratnanyāsaṃ samācaret /
ācāryasthāpakādīnāmṛtvijāṃ dakṣiṇāṃ dadet

śūle sārthaṃ samādāya gāyatrīṃ vaiṣṇavaṃ japan /
sthāpayeddevadevasya śūlaṃ devyostataḥkramāt

ādhāradaṇḍayoḥ paścācchiṣṭadaṇḍānniyojayet /
puṇyāhaṃ vācayitvātu sabhyamagniṃ visṛjya ca

tataśśilpinamāhūya śāstrīyaṃ priyadarśanam? /
vastrairābharaṇaiścāpi pūjayitvānvavekṣya ca

rajjubandhādikaṃ karma beroktaṃ tatra kārayet /
atrānuktaṃ tataḥ kuryācchilpaśāstroktamārgataḥ