Bhṛgusaṃhitā · Chapter 9

iti śrīvaikhānase bhagavacchāstre bhṛsuproktāyāṃ
saṃhitāyāṃ prakīrṇādhikāre 'ṣṭamo 'dhyāyaḥ.
atha navamo 'dhyāyaḥ.
atha navamo 'dhyāyaḥ.
rajjubandhanam
athātas saṃpravakṣyāmi rajjubandhavidhiṃ kramāt /
yathoktaṃ ca mṛdassarvāssamāhṛtya vidhānataḥ

saṃpiṣya śodhayitvaiva yathoktaṃ sarva mauṣadham /
cūrṇāni ca yathoktāni kaṣāyāṇi vidhānataḥ

yojayitvā yathābhāgaṃ gavyairapi ihaivaca /
niryāsena kapiddhasya yuktaṃ nādeyavāriṇā

peṣayitvā mṛdā samyaksaṃpiṣya ca vidhānataḥ /
sādhayitvātha vā vāmaṃ sārdhaṃvāpi nidhāya ca

nālikerasya sāreṇa trivṛtāṃ rajjumāharet /
sarajjuṃ bandhayec chūlaṃ yathātatsudṛḍhaṃ tathā

bandhayitvāṣṭabandhaṃ ca śūlamālipya sarvaśaḥ /
mṛdaṃ ca tāṃ samādāya śūla mālopayettathā

śūlopari pramāṇaṃ yaccaturbhāgaṃ vibhajyaca /
tattribhāgaṃ mṛdākuryā drajjubandhasamāyutam

ghaṭaśarkarayā vastramauktikair varṇakair yutam /
pūraye danyabhāgaṃ ca tatpramāṇavidhānataḥ

śarkarāṃ ca samālipya paṭaṃ saṃyojya pūrvavat /
mauktikākṛti mālipya bhūṣaṇāni prakalpyaca

yathoktena vidhānena varṇānapi suyojayet /
mṛṇmayaṃ dhravaberaṃ cetkāraye devamaiva tat

ardhacitraṃ na kurvīta dhruvaberaṃ tu mṛṇmayam /
śūlārdhaṃ tu dvayaṃ kuryāttāmranālasamāyutam

khādiraṃ tāmradaṇḍaṃ vābhittisthaṃ sudṛḍhaṃ caret /
chidraṃ kṛtvātadādhāre śūlaṃ yantreṇa yojayet

dṛḍhaṃ tadyojayitvaiva berapṛṣṭhasya madhyame /
tatpṛṣṭheskandhamadhye ca tadādhāreṇa yojayet

śūle chidraṃ nakartavyaṃ kuryācchetsa vinaśyati /
tāmreṇa dhruvaberaṃ cenmadhūcchiṣṭavidhānataḥ

mṛṇmayaṃ dvividhaṃ prokta mapakvaṃ pakvamityapi /
pūrvoktaṃ mṛṇmayaṃ yattadapakva mabhidhīyate

mṛdākṛtvāgvinādagdhaṃ yattatpakvamitīritam /
apakvaṃ mṛṇmaye viṣṇoḥ kārayettu vidhānataḥ

yadi pakvaṃ tu kuryācchettadvināśakaṃ bhavet /
yogādisthānāni
sthānaṃ caturvidhaṃ vindyādyogaṃ bhogaṃ tathaiva ca

sṛṣṭiḥ saṃhāra ityeṣāṃ sthānabhedaḥ pravakṣyate /
sarvato bhadrakaṃ nandyāvartakaṃ śrīpratiṣṭhitam

svastikaṃ parvatākāraṃ vṛttabhedaṃ tathaivaca /
pralīnaka mathodyogaṃ padmañcaiva caturmukham

brahmādīśānaparyantaṃ krameṇaiva niveśayet /
yogakāntaṃ bhavedyogaṃ sthānakasya vidhīyate

caturaśraṃ vṛttagehaṃ prāsādaṃ sthānakasya tu /
āsanānāṃ caturbhedaṃ pūrvoktena krameṇa tu

pralīnaṃ sarvatobhadraṃ vimānaṃ vā caturmukham /
viṣṇuchandavimānaṃ ca śrīpratiṣṭhitakaṃ tathā

parvatākṛtikañcaiva nandyāvartaṃ tathaiva ca /
mahāpadmavimānaṃ ca pralīnaka vīmānakam

aṣṭāṅgaṃ sarmatobhadraṃ citraśilpaṃ tathaiva ca /
mahāpadmaṃ ca vṛttaṃ ca caturmukhavimānakam

evaṃ vimānakaṃ caiva āsanasya vidhīyate /
svastikaṃ vṛttabhadraṃ ca vṛttagarbha mavedikam

prekṣya gṛhālpabhūrājachandaṃ ca śrīpratiṣṭhitam /
martalaṃ ca śanairyogaṃ mārtāṇḍaṃ ca catuṣphuṭam

gaṇikāviśālaṃ saṃśuddhaṃ svastikaṃ dhvajamānakam /
evamākhyāya tantrāṇi vartulādyāyutāni ca

śayānakena yogyāni kathitāni manīṣibhiḥ /
āyādivicāraḥ
āyavyayādi ṛkṣāṃścayoniḥ paścādvidhīyate

berodayaṃ triguṇitaṃ śiṣṭamāyaṃ nage hṛte /
caturbhirguṇitaṃ sapta sauravārādikaṃ dinam

berocca maṣṭaguṇitaṃ saptaviśadibhirhṛtam /
śiṣṭa maśvyādibhaṃ vindyāttaccheṣaṃ syāccaturguṇam

randhrehṛte navāṃśaṃ taccheṣaṃ bhāṃśayugairhṛtam /
berodayaṃ triguṇitaṃ yonissyā daṣṭabhirhṛtam

āyādhikye śubhaṃ prokta mṛṇavṛddhir vyayādhike /
vāreṣu saurisūryārairvinānye śubhadāssmṛtāḥ

taskaraṃ bhuktiśaktī ca dhanaṃ rājyaṃ klibādi ca /
nirhṛtya cādhanaṃ preṣyaṃ tannāmasadṛśaṃ phalam

nāmakartṛnṛparkṣādyā nāmarkṣānuguṇaṃ bhavet /
yadākāraṃ dhruvākāraṃ tadākāraṃ ca kautukam

āsane sthānakaṃvāpi śayāne sthāna māsanam /
deve sthite na devyau ca āsīne sthānakāsane

viparītaṃ na kurvīta sarvaśāstraviśāradāḥ /
tālaniyamaḥ
śreṣṭhaṃ prādurbhavaṃ tālaṃ kevalaṃ keśavasya tu

taddevīnāṃ sarasvatyā madhyamaṃ daśatālakam /
candrendrānalakīnāśavaruṇānilaśūlinaḥ

ṛṣayo vasavo rudrā mārkaṇḍeyo 'mito bhṛguḥ /
āryāścaiva guho hīnadaśatālamitā matāḥ

maruto 'pi ca yakṣeśadevavadhvaśśubhāgrahāḥ /
tadhānyetu tridhā sādhyā navatālamitā matāḥ

daityayakṣeśa? randhāśca siddhagandharvacāraṇāḥ /
kujārkarāhava śśreṣṭhanavatālena sammatāḥ

navatālair munīṃścaiva gaṇāṃścaiva tu mānayet /
uṅgāścāraṇāścānye navatālamitodayāḥ

martyāścāṣṭāyatāḥ proktāḥ pretānāṃ saptatālakam /
ṣaḍyamāḥ kubjakāḥ proktā vāmanāḥ pañcatālagāḥ

bhūgatānāṃ catustālaṃ kinnarāstu tritālakāḥ /
kūśmāṇḍā dvitayāścaiva kabandhā stvekatālakā?

śreṣṭhamadhyakaniṣṭhāni tritālānāntu tatra nai /
pravakṣyāmi madhūcchiṣṭakriyāṃ pratividhānataḥ

yajamānagṛhevāpi ālaye vā manorame /
alaṅkṛtya vitānādyaiḥ kuṇḍa maupāsanaṃ kriyāt

āghāraṃ vidhivatkṛtvā vaiṣṇavaṃ ca yajettathā /
viṣṇusūktaṃ ca hutvātu brāhmaṃ raudraṃ tathaiva ca

vīśaśaiṣikacakrāṃśca vighneśaṃ ca suhūyate /
tasyāgner dakṣiṇe kuryā dvrīhibhi sthsaṃḍilaṃ tathā

caturaśraṃ tato vṛttaṃ samāstīrya yathā śubham /
cakraśaiṣikavīśāṃśca krameṇaiva supūjayet

śodhitaṃ tu madhūcchiṣṭa mādāya praṇavena tu /
"iṣetvorje'tveti mantreṇa pradhānāṃgaṃ prakalpayet

akṣarāṇi ca sannyasya caivaṃ dhyātvābhimṛśya ca /
vaiṣṇavaṃ ca tato hutvā devā nanyān visṛjya ca

devyādīn pārṣadāṃ statra tattanmantreṇa hūyatām /
tatsiddhaṃ śilpihaste tu nidhāyaiva hariṃsmaran

yathā nagendriyaṃ grāhyaṃ yoniṣveva samarpayet /
tathā tantu gṛhītvaiva sthāpanīyantu garbhakam

mānonmānapramāṇena matimān śilpinācaret /
śanairālipya saṃśoṣya mṛdbhiśca bahirāyasaiḥ

paṭṭairābaddhya vidhinā punarālipya śoṣayet /
yajamānānukūlarkṣe pūrvavaddhoma mācaret

tathā tulyaṃ ca saṃsthāpya jalatulyakrameṇa vai /
yuktāṃ siddhiṃ ca saṃprāpya taṃ ca garbhaṃ pratāpayet

śanair mṛdbhedanaṃ kṛtvā vidhinā beramāharet