Bhṛgusaṃhitā · Chapter 7

iti śrīvaikhānase bhagavaccāstre bhṛguproktāyāṃ saṃhitāyāṃ prakīrṇādhikāre ṣaṣṭho 'dhyāyaḥ.
atha saptamo 'dhyāyaḥ.
atha saptamo 'dhyāyaḥ.
parivārālayalakṣaṇam.
athātaḥ parivārāṇāmālayasya ca lakṣaṇam /
vimānātpādahīnaṃ vā tadardhaṃ vā samācaret

varṇayuktaṃ tataśśreṣṭhaṃ kaniyovarṇahīnakam /
someśānadvayormadhye viṣvaksenaṃ prakalbayet

dvārasya dakṣiṇe cendra māgneyyāṃ pacanālayam /
tasya paścimadeśetu pānīyasthānamevaca

yāmye śayanamuddiṣṭaṃ tatpūrve yāgamaṇḍapam /
aiśānye puṣpadeśantu dakṣiṇe vastrasaṃcayam

īśānasomayormadhye sthāpanaṃ ... tathā /
indrāgnyormadhyamecaiva dhānyasthānaṃ praśasyate

sopānamadhye śrībhūtamarcayedbahirānanam /
purastādgaruḍaṃ tasya devābhimukhamarcayet

vimānapālān dikpālān bhāskareṇa samāyutam /
cakraṃ dhvajaṃ ca śaṅkhaṃ ca bhūtaṃ vai bhūtanāyakam

prathamāvaraṇe dehustattaddeśe samarcayet /
utsavaṃ balimārabhya anapāyiviśeṣataḥ

amitasyāpi tantatra pradakṣiṇamathācaret /
devasya kaṇṭhasīmāntaṃ bāhyantaṃ stanasammitam

nābhyantaṃ vā viśeṣeṇa parivārodayaṃ kramāt /
dhātrādibhūtaparyantaṃ parivārānviśeṣataḥ

varṇavāhanaketvādyairnāmanakṣatrapūrvakam /
mayākriyādhikāre tu vyaktamuktantulakṣaṇam

beralakṣaṇam-(śailādi bhedaḥ)
atha vakṣye viśeṣeṇa beralakṣaṇamuttamam /
śailajaṃ ratnajaṃ caiva dhātujaṃ dāravaṃ tathā

mṛṇmayaṃ syāttathaiveti pañcadhāberamucyate /
caturvidhaṃ tu śailaṃ syātsaptadhā ratnajaṃ tathā

aṣṭadhā dhātujaṃ proktaṃ dārujaṃ ṣoḍaśocyate /
mṛṇmayaṃ dvividhaṃ proktaṃ kramāllakṣaṇamucyate

śailajalakṣaṇam
śvetaṃ raktaṃ tathā pītaṃ kṛṣṇaṃ caiva catuṣṭayam /
śailajaṃ bhedamākhyātaṃ tasya lakṣaṇamucyate

gokṣīrasannibhācaiva śaṅkhakundendu sannibhā /
śīlā śvetā samākhyātā sā tu vaśyapradāyikā

japākusumasaṃkāśā śilā śoṇitasannibhā /
bandhūkapuṣpapratimā jātihiṅgulikopamā

śilā raktā samākhyātā jayadā lakṣaṇānvitā /
pītā suvarṇasadṛśā rajanīcūrṇasannibhā

śilā lakṣaṇasaṃyuktā dhanadhānyasukhapradā /
māṣamudgala?saṃkāśā tathājaṃbūphalopamā

bhṛṅga? mutpalasaṃkāśā prajāvṛddhikarāsmṛtā /
śilā kṛṣṇā tu sarveṣāṃ sarvasiddhipradāyikā

viprakṣatriyavaiśyānāṃ śūdrāṇāñca yadhāvidhi /
śvetā raktā tathā pītā kṛṣṇā caiva yathākramam

dvijānāṃ ca trivarṇānāṃ śilā raktā jayapradā /
śvetā mokṣapradā proktā brāhmaṇānāṃ viśeṣataḥ

etaintudhruvaberantu kārayedyadibhaktitaḥ /
māṇikyaṃ ca pravālaṃ ca vaidūryaṃ sbhaṭikaṃ tathā

maratakaṃ puṣyarāgaṃ ca nīlaṃ caiteṣuratnajāḥ /
māṇikyaṃ śrīkaraṃ proktaṃ pravālaṃ vaśyakārakam

ākarṣaṇaṃ tu vaiḍhūryaṃ sphāṭikaṃ putravṛddhidam /
vidveṣaṇaṃ maratakaṃ staṃbhanaṃ pūṣyarāgakam

nīlaṃ turamaṇaiḥ kāryaṃ ratnajānāṃ phalaṃ bhavet /
eteṣāṃ kautukaṃ kuryā danyeṣāṃ ca vidhīyate

haimaṃ raipyaṃ tathātāmraṃ kāṃsyaṃ caivārakūṭakam /
āyasaṃ sīsakaṃ caiva trapukaṃ ceti dhātujam

haimantu śrīpradaṃ proktaṃ raupyaṃ rājyapradāyakam /
tāmraṃ putrasamaddhyarthaṃ kāṃsyaṃ vidveṣakārakam

proccāraṇe cārakūṭa māyasaṃ kṣayakāraṇam /
sīsaṃ nīraugakaraṇaṃ trapurāyurvināśanam

evaṃ tu lohajaṃ proktaṃ tato dārujamucyate /
devadāruśśamīvṛkṣaṃ pippalaṃ nandanaṃ tathā

asanaṃ khadirañcaiva vakulaṃ śaṅkhi vātanam /
mayūrapadmaḍuṇḍūka karṇikāraṃ tathaiva ca

nibūkāñjanikācaiva plakṣamauduṃbaraṃ tathā /
etairvarjyāstu? catvāro dvijātikramayogataḥ

mṛṇmayaṃ dvividhaṃ proktaṃ pakvāpakvaṃ tathaiva ca /
pakvaṃ ca nāśakaṃ caivam apakvaṃ sarvasiddhitam

nimittadarśanam-(śubhanimittāni)
yasmin deśe śilāstīti gacchenniścitamānasaḥ /
prayāṇakāle śakunā śśubhāśśubha phalapradāḥ

śubhavākyodakuṃbhāsthi gajarājadvijottamāḥ /
carmamāṃsadadhikṣīra dundabhidhvanayaśśubhāḥ

(aśubhanimittāni)
aśobhanāṃstathāvakṣyeśapamānā yathāyati /
vikīrṇakeśāvipraikyaghṛtatailāktadarśanam

riktakuṃbhanirodhokti tailabhājanadarśanam /
prayāṇakāle naṣṭāstu viparītaphalapradāḥ

śubhe prayāṇaṃ kartavyaṃ sthitvā śobhanalakṣaṇam /
śilāṃ prāpya śubhesthāne vāstuhomaṃ samācaret

vaiṣṇavaṃ pauruṣaṃ sūktaṃ śrībhūsūktaṃ tathaiva ca /
pariṣekaṃ tataḥkṛtvā kalaśān pañca sunyaset

mṛdgandhākṣatajapyāṃśca sarvauṣadhyudakantathā /
saṃsthāpyābhyarcya pādyādyai ntattaddevāṃ tsamarcayet

abhiṣiñcecchilāṃ sūtre? muhūrtekaraṇānvite /
atodevādimantreṇa śilāṃ chitvāvicakṣaṇaḥ

adhobhāgaṃ mukhaṃ tatra śira ūrdhva prakalpayet /
pūrvataścottare vātha śirobhāgaṃ prakalpayet

mukhaṃ pṛṣṭhaṃ tathāpādaṃ pārśvaṃ caiva śirastathā /
lāñchayitvā vidhānena tatastakṣaṇa mācaret

bālā ca yuvatī vṛddhājñātavyā lakṣaṇānvitā /
snigdhā mṛdvī natā caiva bālā kṣīrasvarātathā

susvarā kā ntisaṃyuktā yuvatī sā śilā smṛtā /
asitā jhargharā rūkṣā vṛddhā yā nissvarāśilā

bālā kṣayapradā proktā yuvatī susamṛddhidā /
kāryanāśakarī vṛddhā grāhyā jñātvāśilāstathā

mūrdhanastakṣaṇaṅkṛtvā śilādoṣāṃntu lakṣayet /
śilāṃ pralipyakṣīreṇa sarpiṣā sīsagairikaiḥ

ekarātroṣitaśilāṃ saṃprakṣālyāṃbhasātataḥ /
śilādoṣaṃ parīkṣyaiva kartavyaṃ vidhicoditam

rekhābinduḥ kalaṅkaśca śilādoṣāḥ prakīrtitāḥ /
maṇḍalaṃ tu bhavettatra yatra garbhaṃ vinirdiśet

site tu maṇḍale sarporaktetu kṛkalāsakam /
pīte tu maṇḍale godhā mañjiṣṭhe darduro bhavet

kapile mūṣikā proktāsitavarṇe tu vṛścikaḥ /
śvetaraktavimiśretu vṛścikaśśvetaraktake

raktamiśretu maṇḍūko maṇḍalobhavet /
siṃdūravarṇe khadyotaḥ kapote gṛhagaulikā

guḍavarṇetu pāṣāṇaṃ nissvaśobhe jalaṃ bhavet /
varjayedgarbha saṃyuktāṃ vimalair añcintāṃ tathā

vimalaṃ hemakāṃsyākhyaṃ lohākhyaṃ catridā smṛtam /
parīkṣyaivaṃ prakartavyameva meva pramāṇataḥ

prāsādagarbhamānaṃ vā hastamānamathāpi vā /
pratyekaṃ tritribhedaṃ syāddvāramānaṃ pravakṣyate

dvārādadhyardhakaṃ caiva dvārātpādādhikaṃ tathā /
madhyamaṃ ca kanīyassyāddvāramevaṃ vidhīyate

adhamottamayormadhye tvaṣṭadhā kārayedbudhaḥ /
kanīyastrīṇi vijñeyaṃ trīṇi madhyamakaṃ tathā

trīṇi cottamakaṃ vidyādutsedhaṃ navathā bhavet /
staṃbhādadhyardhakaṃ tuṅgamuttamaṃ tu viśeṣuḥ

uttamādhamayormadhye dvāramānena yojayet /
garbhagehasamaṃ madhyaṃ tripādaṃ cādhamaṃ bhavet

pādādhikaṃ tu vijñeyaṃ śreṣṭhamevaṃ vidhīyate /
(uttamādhamayormadhye dvāramānena yojayet) /
hastamānaṃ tadhāvakṣye navahastaṃ tadhottamam

ṣaḍaṅgulaissahānyāntu sārdhadvihastakāvadhi /
evamutsedhamānantu sthāvarasya praśasyate

jaṅgamānāṃ bhavennāma mūlaberavaśāttathā /
biṃbodayaṃ caturviṃśadbhāgānaṣṭāṃśakaṃ tathā

biṃbodayaṃ caturviṃśadbhāgānaṣṭāṃśakaṃ tathā /
vedāṃśaṃ tu bhaveduccaṃ jaṅgamasya prakīrtitam

mānāṅgulena saptādi dvidvyaṅgulavidhānataḥ /
pañcāśatsavanāṅgulyā vidhissarvovidhīyate

mūlaberāṃgulānmānamārabhyaikādaśāṃgulam /
dvidvyaṅgulavivṛddhyātu saṣaṣṭitṣaṅgulaṃ? bhavet

pratyekaṃ tu tribhedaṃ syāduttamādhamamadhyataḥ /
utkṛṣṭaṃ navatuṅgaṃ syānmadhyamaṃ navatuṅgakam

nikṛṣṭaṃ tu tathā proktaṃ saptaviṃśatituṅgakam /
etairuttamamānaṃ syāsmadhyamaṃ ca tathaiva hi

karmārcotsavasnānācca yojyaṃ syādanyadhā natu /
adhamaistu bhavedyatra baliberaṃ vidhīyate

mātrāṃgulena yanmāraṃ gṛhārcāṇāṃ tu nānyathā