Bhṛgusaṃhitā · Chapter 33

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre. dvātriṃśo 'dhyāyaḥ.
athatrayastriṃśo 'dhyāyaḥ.
arcāvatāramahattvam.
atha vakṣye viśeṣeṇa devadevasya śārṅgiṇaḥ /
pañcadhāvasthitaṃ rūpaṃ paravyūhādibhedataḥ

anugrahāya lokānāṃ bhaktānāmanukaṃpayā /
paravyūhādibhedena devadevaḥ pravartate

ādyena pararūpeṇa vyūhākhyenetareṇa tu /
tathāvibhavarūpeṇa nānābhāvamupeyuṣā

antaryāmisvarūpeṇa caturthena tathā punaḥ /
arcāvatārarūpeṇa pañcadhāvasthito hariḥ

anaupama manirdesyaṃ punassa bhajate param /
viśvāpyāyanakaṃ kāntyā pūrṇendvayutulyayā

parandhāma parañjyotissarvaśaktimayo 'malaḥ /
nirdvandvo nirvikalpo 'cchonityo 'cintyassanātanaḥ

aprameyo nirādyanto dṛśyo 'dṛśyo hyatīndriyaḥ /
susūkṣmatvādanirdeśyassarvajñassadasadvibhuḥ

ānādimatparaṃ brahma sarvaheyavivarjitam /
vyāpi yatsarvabhūteṣu sthitaṃ sadasatoḥ param

śaṅkhacakragadāpadmadivyāyudhapariṣkṛtaḥ /
sahasrādityasaṃkāśe pakame vyomni saṃsthitaḥ

nityamuktaikasaṃbhāvyaścaturbhujadharohariḥ /
anyūnānatarigtaissvairguṇaiṣṣaḍbhiralaṅkṛtaḥ

samassamavibhaktāṅgassarvāvayavasundaraḥ /
divyairābharaṇairyuktassudhākallolasaṃkulaiḥ

śriyā nityānapāyinyā sevyamāno jagatpatiḥ

pañcadhātu punarvyūhaḥ procyate śrutisammataḥ /
devo viṣṇvādibhedeva pañcadhā vyavatiṣṭhate

sa vā eṣa puruṣaḥ pañcadhā pañcātmeti ca śrutiḥ /
tathā popūyamānaḥ pañcabhissvaguṇairiti

ādimūrtistu pañcānāṃ viṣṇurbhedāśca tasyatu /
catasraḥ puruṣādyāssyurmūrtayo bhinnalakṣaṇāḥ

tadviṣṇośśramāpanudāya caturguṇā''yeti caśrutiḥ /
tasmādbrahma catuṣpādityucyate vedavedibhiḥ

pādādardhāttripādācca kevalācchaktibhedataḥ /
krameṇa dharmajñānaiśvaryavairāgyākhyairguṇairyutāḥ

bhavantimūrtayastasmāccatasro viṣayairnijaiḥ /
cāturātmyādādimūrteścatasrastatramūrtayaḥ

viṣṇuścaiva mahāviṣṇussadāviṣṇuriti kramāt /
vyāpī nārāyaṇa iti tannāmāni tataḥkramāt

viṣṇoraṃśastu puruṣo mahāviṣṇostu satyakaḥ /
sadāviṣṇoracyutassyādyyāpino 'ṃśo 'niruddhakaḥ

dharmādibhirbrahmaguṇaiścaturdhābheda īritaḥ /
tṛtīyaṃ vibhavākhyantaṃ viśvamantaramadhyamam?

nānākārakriyākartṛ rūpaṃ vakṣye mahātmanaḥ /
vibhavā matsyakūrmādyā hayagrīvādayo matāḥ

antaryāmisvarūpaṃ tu turīyamidamucyate /
nīvāraśūkavattanvī pītābhā syāttanūpamā

tasyāśśikhāyā madhye paramātmā vyavasthitaḥ /
ityuktaśśrutyabhihito hṛdayāṃbujamadhyame

jvalanmahāgnau viśvārcirjvālānte viśvato mukhe /
āpādatalacūḍāgraṃ santāpayati santatam

śikhā tatra ca pītābhā tanvī nīvāraśūkavat /
madhye śikhāyāstasyāśca jyotiḥ prajvalitaṃ mahat

svasaṃkalpaviśeṣeṇa taptajāṃbūnadaprabhaḥ /
pītāṃbaradharassaumyassuprasannaśśucismitaḥ

padmākṣo raktanetrāsyapāṇipādaścaturbhujaḥ /
cakraśaṅkhābhayadharaḥ kaṭinyastānyahastakaḥ

śrīvatsāṃko mahābāhussarvābharaṇabhūṣitaḥ /
hṛdi tiṣṭhati sarvātmā śrībhūmibhyāṃ ca pārṣadaiḥ

bhrāmayan sarvabhūtāni yantrārūḍhāni māyayā /
antaryāmīti vijñeyassarvakāraṇakāraṇaḥ

anyadarcāsvarūpaṃ tu sarvottaraphalapradam /
nityamuktopabhogyatvātparavyūhātmanohareḥ

tatkālasannikṛṣṭaikalakṣyatvādvibhavātmanaḥ /
viśuddhairyogasaṃsiddhaiścintyatvādantarātmanaḥ

arcātmanyeva sarveṣāmadhikāro niraṅkuśaḥ /
viśeṣabhaktihetutvātpratimārādhanaṃ param

arcāvatārassarveṣāṃ bāndhavo bhaktavatsalaḥ /
arcāvatāraviṣaye mayāpyuddeśatastathā

uktā guṇā na śakyante vaktuṃ varṣaśatairapi /
vicitrā dehasaṃpattirīśvarāya niveditum

kalpitā brahmaṇā pūrvaṃ hastapādādisaṃyutā /
mudhaiva jihvā kṛṣṇeti keśaveti na vakṣyati

mudhā cittaṃ natadgāmi yadanyatkimito 'dhikam /
sā jihvā yā hariṃ stauti taccittaṃ keśavārpitam

tatkarmacārcanaṃ tasya tadanyattu nirarthakam /
sattāmātraṃ paraṃ brahma viṣṇvākhyamaviśeṣaṇam

durvicintyaṃ yataḥpūrvaṃ tatprāptyarthamihocyate /
vātormicañcalaṃ cittamanālaṃbanamasthiram

sūkṣmatvādbrahmaṇo 'jasya nigrāhyaṃ grāhmadharmaṇaḥ /
samyagabhyasyato 'jasramupabṛṃhitaśaktimat

janmāntaraśatasyāpi brahmagrāhyeva jāyate /
yadyastarāyadoṣeṇa nāpakarṣo vicintyate

yogino yogarūḍhasya tālāgrātpatanaṃ yathā /
tadāpnoti paraṃ brahmakleśena mahatāpi ca

janmāntarābhyāsoddhena vijñānena samādhinā /
viṣṇvākhyaṃ brahmaduṣprāpaṃ viṣayākrāntacetasā

manuṣyeṇālpasāreṇa tatprāptau sādhanaṃ tvidam /
surūpāṃ pratimāṃ viṣṇoḥ prasannavadanekṣaṇām

kṛtvātmanaḥ prītikarīṃ suvarṇarajatādibhiḥ /
tāmarcayettāṃ vraṇamettāṃ namettāṃ vicintayet

viśatyapāstadoṣastu tāmeva brahmarūpiṇīm