Bhṛgusaṃhitā · Chapter 32

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre ekatriṃśo 'dhyāyaḥ.
athadvātriṃśo 'dhyāyaḥ.
prakīrṇakam.
ataḥparaṃ pravakṣyāmi jyeṣṭhāyāmutsavakramam /
jyeṣṭhe māsi tu saṃprāpte jyeṣṭhānakṣatra saṃyute

viṣṇoreva viśeṣassyātsugandhaṃ tailamāharet /
tailakramaṃ pravakṣyāmi śruṇudhvaṃ munipuṅgavāḥ

yāgaśālāṃ prakalpyaiva sarvālaṅkālasaṃyutām /
sabhyaṃ ca paiṇḍarīkaṃ ca kārayitvā salakṣaṇam

taddinasya tu pūrvedyustṛtīye pañcame 'pi vā /
saptame 'hani vā cāpi aṅkurārpaṇamācaret

āghāraṃ vidhivatkṛtvā sarvakāryamadaḥ param /
vedyāstathottare pārśve bhūmyāmapaṭamācaret

catustālapramāṇeva vistāraṃ nimnameva ca /
nimnetu vinyasedbhāṇḍaṃ dvidroṇaparimāṇakam

"bhūḥ prati'' ṣṭheti mantreṇa nimne bhāṇḍaṃ sunikṣipet /
malayāgurudārūṇi devadāru tathaiva ca

yāni cātra sugandhīni devayogyāni tāni vai /
guggulaṃ ca samāhṛtya mardayitvāsakṛt sakṛt

viṣṇu'gāyatriyā bhāṇḍe tāni dravyāṇi nikṣivet /
śarāveṇa pidhāyātha mṛdā ca parilepayet

gokarīṣāṇi kāṣṭhāni tasyopari vinikṣipet /
mandāgninā pacettattu yāvattailāgamaṃ bhavet

tāvatkālaṃ pacedvidvān tailamāhṛtya saṃbhṛtam /
vāsitāni tu vastūni parihṛtya tu tatra vai

sugandhidailabhāṇḍaṃ ca dhyānyapīṭhopari nyaset /
pūrvoktenaiva mantreṇa tantunā pariveṣṭayet

pitṝn somaṃ tathābhyarcya vanatpatimataḥ param /
taile tasmin vidhānena arghyāntamabhipūjayet

vaiṣṇavaṃ viṣṇusūktaṃ ca narasūktaṃ tathaiva ca /
japtvātu viṣṇugāyatrīmaṣṭottarasahasrakam

ācāryastvarito gatvā sabhyāgnestu samīpataḥ /
dvitālavistṛtaṃ vṛttaṃ caturaṅgulamunnatam

kūrmākṛtivadākāraṃ bilvādyaiḥ parikalpitam

pratiṣṭhāyāmutsave ca japahomārcanādiṣu /
devakāryeṣu sarveṣu tathānyeṣu ca karmasu

kūrmapīṭhaṃ tu gṛhṇīyādanyathā niṣphalaṃ bhavet /
asīnaḥ kūrmapīṭhe tu sabhyāgnau juhuyāttathā

vaiṣṇavaṃ viṣṇusūktaṃ ca narasūktaṃ tatheva ca /
juhuyātsarvadaivatyaṃ pāramātmikameva ca

mahāvyāhṛtibhirhutvā antahomaṃ samācaret /
praṇidhyāṃ śaṅkhapātre vā agnimāropayetsudhīḥ?

tailasyālepanātpūrvaṃ dhruvādagniṃ samāharet /
sragvastrakuṇḍalādyaiśca ācāryaṃ pūjayettataḥ

paricārakamāhūya yathārhaṃ pūjya taṃ tataḥ /
uṣṇīṣaṃ dhārayitvātaṃ paricārakamūrdhani

sugandhitailabhāṇḍaṃ tu yatnenāpi vinikṣipet /
śanaiśsanaiśca gatvā tu sarvavādyasamanvitam

sarvālaṅkārasaṃyuktaṃ brahmaghoṣasamanvitam /
vīthiṃ pradakṣiṇīkṛtya devasyāgretu nikṣipet

arghyāntamabhipūjyaiva deveśaṃ saṃpraṇamya ca /
vaiṣṇavaṃ viṣṇusūktaṃ ca narasūktaṃ japetkramāt

tailenālepayeddevamācārya stvaritastathā /
devībhyāṃ ca tataḥ paścāttattanmantreṇa lepayet

sarveṣāṃ parivārāṇāṃ tattanmantraiśca kārayet /
ācāryastvaritogatvā cautsavasya samīpataḥ

"parilikhita'miti mantreṇa kavacaṃ pariśodhayet /
jīrṇe bhinne ca kavace śilpinaina susannayet

prakṣālya pañcagavyena jalena pariśodhayet /
kṛtvāpi vāstuśuddhiṃ ca yathoktāṃ niṣkṛtiṃ caret

viṣṇornukādimantraiśca saṃdadhyātkavacaṃ tathā /
dṛḍhīkṛtya tu pūrvoktaṃ yatnena parikalpayet

sahasrakalaśairdevaṃ snāpayitvā yathāvidhe /
nityapūjāvidhānena devamārādhya pūrvavat

mahāhaviḥprabhūtaṃ vā pāyasaṃ ca nivedayet /
"kṣamasve''ti vadan bhūyaḥ praṇametpuruṣottamam

brahmaghoṣaṃ tataḥ kuryāddadyādācāryadakṣiṇām /
dine pakṣe ca māse ca tathā saṃnatsare caret

yadyadrūpaṃ tathādhyāyettattadbiṃbeṣu yojayet /
tasmātsarvaprayatnena biṃbarakṣāṃ samācaret

pavitrāropaṇam
atha vakṣye viśeṣaṇa pavitrāropaṇaṃ hareḥ

sarvadoṣopaśamanaṃ sarvayajñaphalapradam /
sarvakāmapradaṃ caiva sarvatuṣṭikaraṃ param

sarvalokasya vṛddhyarthaṃ sarvalokasya śāntidam /
yadyanmantrakriyāhīnaṃ dravyahīnaṃ ca yatkṛtam

taddoṣaśamanāyaiva pavitrāropaṇaṃ caret /
pavitrāropaṇe hīne yā pūjā niṣphalā bhavet

saṃkṣobho jāyate tatra tasmādyatnena kārayet /
āṣāḍhe śrāvaṇe māsi proṣṭhapadyāṃ viśeṣataḥ

dvādaśyāṃ śuklapakṣe tu viṣṇupañcadine 'tha vā /
saṃsarpamadhimāsaṃ ca tithivāraṃ ca śūnyakam

daśamyekādaśīmiśraṃ taddinaṃ ca vivarjayet /
haritithyāṃ ca nirduṣṭe pavitrāropaṇaṃ śubham

navāhaṃ vātha saptāhaṃ pañcāhamatha vā tṣaham /
uktalakṣaṇasaṃpannamācāryaṃ varayetkramāt

ṛtvijo varayettadvacchiṣyāṃś ca varayettataḥ /
taddinātpūrvarātrau tu deveśaṃ prārthayedguruḥ

"bhagavato bale''neti procya namrāṅgassusamāhitaḥ /
pādyādyaiśca viśeṣeṇa devamabhyarcya satvaraḥ

prārthanāsūktamuccārya vedādhyayanamārabhet /
parito yāgaśālāyāśśiṣyaiḥ parivṛtoguruḥ

caturṣu dvāradeśeṣu kramātprāgādiṣu svayam /
caturvedāndimantrāṃśca śaktyādhyayanamācaret

puṇyāhaṃ ca tataḥ kṛtvā mṛtsaṃgrahaṇamācaret /
aṅkurānalpayitvaiva mudgānnaṃ ca nivedayet

aupāsanāgnikuṇḍe tu āghāraṃ vidhivadyajet /
vāstuhomaṃ ca hutvā tu gavyaṃ kṛtvā vidhānataḥ

paryagni pañcagavyābhyāṃ yogaśālāṃ viśodhayet /
"tamekanemi'' mityuktvā "āmāvājasya'' ityapi

"tantuntavva''nniti procya "yanmegarbha'' itīrayan /
ṣaḍbhiśca vaiṣṇavairmantrairviṣṇugāyatriyā tathā

pavitrāṇi susaṃprokṣya vidhinā pañcagavyakaiḥ /
"pratadviṣṇustavata'' iti "idaṃ viṣṇu'' ritīrayan

viṣṇugāyatriyā paścāt pavitraṃ saṃpraṇamya ca

uttamaṃ svarṇasūtraṃ ca madhyamaṃ raupyasūtrakam /
kārpāsamadhamaṃ gṛhya sarvadoṣavivarjitam

sumaṅgalībhiryugmābhirbrāhmaṇībhirviśeṣataḥ /
alābhe kanyakābhirvā nirmitaṃ sūtramuttamam

gṛhṇīyādbiṃbamānena cāṣṭottarasahasrakam /
granthayoṃguṣṭhamātrāssyustābhirmālāṃ ca kārayet

vanamālā samākhyātā viṣṇoḥpriyatamā bhavet /
viṣṇusūktaṃ ca japtvātu "aṇoraṇīyā''niti brurna

prokṣya hāridratoyena "ime dhū'' peti dhūpayet /
caturvedādimantraiśca toraṇādyairalaṅkṛtam

nabhyāgnikuṇḍaṃ kṛtvaiva āghāraṃ vidhivadyajet

biṃbādhyardhapramāṇena śayyāvediṃ prakalpayet /
tilataṇḍuladhānyaiśca dhānyapīṭhaṃ prakalpya ca

darbhāṃstatra samāstīrya cāṇḍajādīni cāstaret /
"pratadviṣṇu''riti procya pavitraṃ sannidhāya ca

pañcamūrtabhirāvāhya samabhyarcya praṇamya ca /
japtvā pratisaraṃ mantraṃ dhūpadīpādi darśayet?

"ato devā'' dinā paścāddeveśaṃ prārthayedguruḥ /
pādyādibhissamabhyarcya dhūpadīpādidarśayet

baddhvā pratisaraṃ devaṃ śrībhūmyau ca tathaiva ca /
ācāryasyartvijāṃ caiva baddhvāpratisaraṃ tathā

"yadvaiṣṇavaṃ samuccārya pavitraṃ śayanaṃ caret /
sūkṣmavastreṇa cācchādya cārpayetpuṣbamakṣatam

viṣṇusūktaṃ ca godānasūktaṃ caivātmasūktakam /
ekākṣarādisūktaṃ ca vaiṣṇavaṃ sūktameva ca

nṛsūktaṃ rudra sūktaṃ ca durgāsūktaṃ tathaiva ca /
sārasvataṃ tathā sūktaṃ rātrisūktamataḥ param

"ṛtaṃ ca satyaṃ'' japtvaiva "sahasraśīrṣa''meva ca /
śrībhūsūktañca japtvaiva kārayeddeśikottamaḥ

daśānāṃ caiva pañcānāṃ sūktānāṃ japa uttamam /
madhyamaṃ daśasūktānāṃ pañcānāmadhamaṃ bhavet

prāgādidikṣu ca tathā vidikṣu ca caturṣvapi /
kramācchāntaṃ khagādhīśaṃ cakraṃ śaṅkhaṃ tathaiva ca

vimānapālāṃścāvāhya samabhyarcya viśeṣataḥ /
mudgānnaṃ vinivedyaiva praṇāmaṃ muhurācaret

sarvarakṣākaraṃ cakraṃ pavitropari cārcayet /
nivedayettadānnena śāntādīnāṃ baliṃ dadet

pādau prakṣālya cācamya yathoktena vidhānataḥ /
hautraṃ praśaṃsya vidhivadāvāhana mathācaret

juṣṭākāraṃ ca kṛtvā tu juhuyācca yathākramam /
hāvayetpañcabhissuktaistattaddaivatyameva ca

vaścādagniṃ visṛjyaiva rātriśeṣaṃ nayedguruḥ /
tataḥ prabhāte dharmātmā snātvā snānavidhānataḥ

nityapūjā vidherante deveśaṃ prārthayedguruḥ /
aṣṭottaraśatairdevaṃ snāpayetkalaśaistataḥ

alaṅkṛtyaca deveśaṃ dhūpadīpādikaṃ dadet

audyantam'' itimantreṇa pavitraṃ mūrdhni dhārayan /
sarvavādyasamāyuktaṃ to yadhārāpurassaram

pradakṣiṇaṃ śanairgatvādevāgresannidhāyaca /
"surya'' ca mantreṇa śatañjaptvā tu pallavam

ācāryassuprasannātmā svātmarakṣāṃ vidhāyaca /
viṣṇusūktaṃ samuccārya kaniṣṭhādi ca ropayet

pādyādyairdevamabhyarcya mukhavāsāntamādarāt /
kuṃbhāṃstu saptadaśa ca alaṅkṛtya yathāvidhi

vedyāmāropayetkuṃbhān svastike sannidhāya ca /
śayyāvedi ca tatprācyāṃ sabhyakuṇḍaṃ prakalpyaca

abjāgnikuṇḍamāgneyyāmīśe caupāsasaṃ tathā /
aupāsanāgnikuṇḍe tu āghāraṃ vidhivadyajet

śayyāvedyāstūttare ca trihastāyatavistṛtām /
caturaśrāṃ samāṃ kṛtvāyantravediṃ salakṣaṇam

pañcavarṇairviśeṣeṇa yantraṃ vikhya manoharam /
atha yantraṃ pravakṣyāmi śruṇudhvaṃ munisattamāḥ

sarvarakṣākarasudarśana yantraḥ:-
ādau ṣaṭkoṇaṃ vilikhya tanmadhye sādhyanāma vilikhya
om kṣrām, hrīm, śrīm, vilikhya, tatpārśvayoḥ,
irm, im,
iti
dṛṣṭibījaṃ, um, ūm,
iti śrotrabījaṃ ca vilikhya,
ṣaṭkoṇeṣu, sahasrārahum phaṭ
iti sudarśanaṣaḍakṣarīṃ vilikhya, koṇasaṃdhau
om ham lam ram yam? likhitvā,
tadbahirvṛttamaṣṭadalaṃ vilikhya, daleṣu
om na ma ssu dar śa nā ya iti vilikhya,
dalasaṃdhau
om ja ya ja ya nṛ siṃ ha iti vilikhya,
tadbahirvṛttaṃ ṣodaśadalaṃ vilikhya,
dalamadhye om na mo bha ga va te mahā su dar śa nāya svāhā iti vilikhya,
dalasaṃdhau om hum na mo bha ga va te va jra va rā hā ya svā hā iti vilikhya,
tadupari vṛttadvayaṃ vṛttadvayamadhye akārādikṣakārāntaṃ mātṛkāvarṇān vilikhya,
tadupari bhūpuradvayaṃ catuṣkoṇaṃ vilikhya,
caturdvāre om ām hrīm krom iti vilikhya,
tattaddigdevatābījāni likhitvā,
lam ram ham ṣam vam yam sam śam iti bījaṃ likhitvā,
āgneyā dīśānāntaṃ prāṇapratiṣṭhāmantraṃ,
mantrarājagāyatrīṃ,
yantrarājagāyatrīṃ,
cavilikhya,
tanmantreṇāvāhyabhyarcya sudarśanamūla mantraṃ daśasahasraṃ japitvā,
tadgrāyatṣā taddaśāṃśaṃ japitvā mantrarājaṃ ca daśāṃśaṃ japitvā taddaśāṃśaṃ tarpaṇaṃ taddaśāṃśaṃ homaṃ taddaśāṃśaṃ brāhmaṇabhojanaṃ kārayet. yantradaśāṅgam:- bījaṃ prāṇaṃ ca śaktiśca dṛṣṭirvaśyādikaṃ tathā mantrayantrasya gāyatrī bījasthāpanameva ca bhūtadikpālabījaṃ ca yantrasyāṅgāni vai daśa.
yantragāyatrī:-
yantrarājāya vidmahe mahāyantrāya dhīmahi
tanno yantraḥ pracodayāt.
sudarśanagāyatrī:-
ugraṃ vīraṃ mahāviṣṇuṃ jvalantaṃ sarvatomukham
nṛsiṃhaṃ bhīṣaṇaṃ bhadraṃ matyumṛtyuṃ namāmyaham
tatra sarvatrānukramaṇikāsu yantrasyāsya pāṭhodṛśyate.
mūlagranthetvasya mātṛkākośena dṛśyate.
tathāpi bahūnāṃ mātṛkākośānāmanupalaṃ
bhādasyasthitiratra 'śaṅkitāpi niveśyate.
parastīrya vidhānena pāvakaṃ vidhivadyajet

lājāpūpai rājya miśrairmūlamantraṃ samuccaran /
aṣṭāttaraśatenaiva homayeddeśikottamaḥ

puruṣasūktaṃ ca juhuyāttato dvātriṃśasaṃkhyayā /
paścādagniṃ paristīrya "kṣaya''sveti praṇamya ca

evaṃ pratidinaṃ kuryādante devaṃ tu ropayet /
sāyaṃ saṃdhyāmupāsitvā yāgaśālāṃ praviśya ca

sabhyāgniṃ paiṇḍarīkāgniṃ cāsādyāghāramācaret /
abjāgnau śāntihomaṃ ca hutvaiva gururatvaraḥ

kuṃbhaṃ vinā mahāśāntihomaṃ ke cidvadantihi /
vedyāṃ tu puratastiṣṭhan prāṇāyāmādikaṃ caret

navamūrtibhirāvāhya dikpālānāvahetkramāt /
aṣṭopacārairabhyarchya mudgānnaṃ vinivedayet

pānīyācamanaṃ datvā mukhavāsaṃ dadettataḥ /
"āpo vā'' iti mantreṇa pavitraṃ dhārayedghaṭam

"agnāvagni''riti procya pavitraṃ cāgnikuṇḍake /
kuṇḍasyaiva tu mānena samalaṅkṛtya pāvakam

"pavitrantu'' iti procya pavitraṃ dhārayedguruḥ /
saminthyaiva tu sabhyāgniṃ pariṣicya vidhānataḥ

hautraṃ praśaṃsya vidhivatsamidbhirhāvayedguruḥ /
tadālayagatān ścaiva devānāvāhayetkramāt

juṣṭākāraṃ tataḥ paścātsvāhākālaṃ tataḥ param /
viṣṇusūktaṃ suhutvā tu puruṣasūktamataḥ param

caruṃ lājāṃs tathāpūpānājyamiśrāṃśca hāvayet /
paścāttu vaiṣṇavairmantraiścatamaṣṭottaraṃ yajert

iṅkārādīṃstataḥ paścātpāramātmikasaṃyutam /
aṣṭāśītiṃ tato hutvā tattaddaivatyameva ca

sarvadaivatyamantrāṃśca dhātādīn pañca vāruṇam /
mūlahomaṃ tato hutvā tathānte pariṣicya ca

yāgaśālācaturdvāre caturvedānathoccaret /
aiśānyāṃ tu viśeṣeṇa japedaṣṭākṣaraṃ manum

dvādaśākṣaramantraṃ ca gāyatrīṃ vaiṣṇavaṃ tathā /
nārāyaṇākhyagāyatrīṃ pāramātmikamityapi

vyāpakatrayasaṃyuktaṃ viṣṇugāyatriyā yutam /
tataśca vaiṣṇavaṃ japtvā "yo vā bhū'' teti pañcakam

puṣbāñjaliṃ japitvaiva nyaseddevasya pādayoḥ /
nṛttagītādivādyaiśca rātriśeṣaṃ nayedguruḥ

tataḥ prabhāte dharmātmā snātvā saṃdhyāmupāsya ca /
yāgaśālāṃ praviśyaiva deveśaṃ prārthayettataḥ

"bhūragnaya'' iti procya vediṃ saṃprokṣya cātvaraḥ /
kuṃbhārādhanahomādīn sarvaṃ pūrvavadācaret

kuṃbhamārādhayetpūrvaṃ biṃbapūjā tvanantaram /
paścāddhomaṃ prakurvīta balidānaṃ tataḥ param

evaṃ kuryādvidhānena dinaṃ prati gurūttamaḥ /
samāpte tu dine sāyaṃ pūrṇāhuti mathācaret

tadagniṃ triyahādūrdhvaṃ sādhayedagnikuṇḍake?

kuṃbhamādāya śirasā toyadhārāpurassaram /
pradakṣiṇaṃ śanairgatvā devāgre sannidhāya ca

"hiraṇya pavamānā'' dyaiḥkuṃbhatoyena prokṣayet /
devamabhyarcya pādyādyaiḥ prabhūtaṃ ca nivedayet

pānīyācamalaṃ datvā mukhavāsaṃ dadetpunaḥ /
kṣamāmantraṃ samuccārya "kṣama'' sveti namenmuhuḥ

yajamāno 'pi śuddhātmā bhaktinamrassamāhitaḥ /
ācāryaṃ pūjayettatra gandhamāryānulepanaiḥ

pañcāṅgabhūṣaṇaiścaiva dukūlaiśca navaistathā /
tato guruḥ prasannātmā prayuñjyādāśiṣastadā

taduktaṃ bhagavatproktaṃ pratigṛhṇīyurādarāt /
evaṃ kurvīta pratyabdaṃ pavitrāropaṇaṃ hareḥ

ihaloke sukhībhūtvā sa yāti paramāṃ gatim /
priyatāṃ bhagavānviṣṇuḥ prārthanāsūktamucyate

"kanikradā''pimantrāśca śākunaṃ sūktamīritam /
"svastino mimī''tetyuktvā svastisūktamiti smṛtam

"śuddhā ime paśava'' iti gosūktaṃ samudāhṛtam /
"ṛtaṃ ca satyaṃ'' cetyādi aghamarṣaṇamucyate

"aṇoraṇīyā'' nityuktvāsūktaṃ prokṣaṇamīritam /
"apo hiraṇyavarṇāśca pavamāna'' iti trayaḥ

prokṣaṇaṃ sūktamiti tu kecidvaikalpikaṃ jaguḥ /
"yā jātā'' iti mantrāśca oṣadhīsūktamucyate

"kṛṇuṣva pāja'' ityādi sūktaṃ pratisarāhvayam /
("atodevā''di ṣaḍbhistu vaiṣṇavaṃ sūktamucyateḥ)

"atodevādi ṣaṇmantrā''ṣ,ḍvaiṣṇavapadāhvayāḥ /
"viṣṇornu''kādi ṣaṇmantrā viṣṇusūktamudīritam

"sahasraśīrṣā puruṣa'' iti pauruṣasūktakam /
"hiraṇya varṇā'' ityādi śrīsūktaṃ sarvakāmadam

"bhūmirbhūmne''tyādimantrā bhūmisūktamudāhṛtam /
"upa śvāsaya'' ityādi dundubhīsūktamucyate

"suparṇo 'si garutmā''nityuktaṃ sūktaṃ ca gāruḍam /
"hiraṇyagarbha''ityādi brahmasūktamudhṛtam

"indraṃ vo viśvata'' iti indrasūktamihocyate /
"agne nayetyā''diṣaḍbhiragnisūktaṃ pracakṣate

"āyātudeva'' ityādiyamasūktaṃprakīrtitam /
"namassute nirṛte'' sūktaṃnairṛtamucyate

"astabhnādyāmṛṣabha''iti vāruṇasūktakam /
"pīvonnāṃrayi vṛdhassumedhā''iti vāyavam

"adbhyastirodhā''ityādi kauveraṃ sūktamucyate /
"stuhi śrutaṃ garta''iti rudrasūktaṃ prakīrtitam

"omāsaścarṣaṇī''tyādi sūktaṃ sārasvataṃ bhavet /
"viśvajitedhana''iti viśvajitsūktamucyate

"rātrī vyakhya''dityādi rātrisūktamudāhṛtam /
"jātavedasa''ityādi ṣaḍdurgāsūktamucyate

"ā godānā''diti procyagodānaṃ sūktamucyate /
"ekākṣaram'' itiprocya sūktamekākṣarādikam

"ātmātmā parametyādi ātmasūktaṃ prakīrtitam

vaiṣṇavaṃ viṣṇusūktaṃ ca puruṣa sūktamataḥ param /
śrībhūsūktaṃ ca pañcaitaṃ pañcasūktamihocyate

viṣṇusūktaṃ nṛsūktaṃ ca śrībhūsūktamataḥ param /
ekākṣarādi sūktaṃ ca pañcasūktaṃ jaguḥpare

viṣṇusūktaṃ nṛsūktaṃ ca śrībhūsūktaṃ ca vaiṣṇavam /
ekākṣarādisūktaṃ ca viṣṇugāyatriyā sahā

āhatya saptabhiścaitaissaptasūktaṃ samīritam /
rudrasūktaṃ dhruvasūktaṃ durgāsūktaṃ tataḥ param

rātrisūktaṃ tathā sūktaṃ sārasvatamapi kramāt /
viśvajitsūktamatha ca sahasraśīrṣamityapi

aghamarṣaṇasūktaṃ ca godānaṃ sūktameva ca /
ātmasūktena saṃyuktaṃ daśamūktamudāhṛtam

daśasūktaṃ pañcasūktaṃ kṛtvā saṃhṛtameva ca evaṃ /
bhavetpañca daśasūktamiti saṃjñā prabhāṣitā

ataḥparaṃ pravakṣyāmi śruṇudhvaṃ munisattamāḥ /
maṇḍalārādhanaṃ nityaṃ puṇyāhaṃ snapanaṃ caret

catpāriṃśaddhinādūrdhvaṃ maṇḍalaṃ dinapañcakam /
puṇyāhaṃ vidhivatkṛtvā vrīhibhistaṇḍulopari

navaṃ kalaśamādāya pūrvoktena vidhānataḥ /
samabhyarcya japaṃ kuryādbrāhmaṇairbrahmavādibhiḥ

vaiṣṇavaṃ viṣṇusūktaṃ ca puruṣasūktamataḥ param /
śrībhūsūktaṃ tathā pañcaśāntiṃ caiva pṛthak pṛthak

caturāvartya japtvā tu snāpayeddhruvamacyutam /
tathaiva kautukādīṃśca snāpayedvidhinā budhaḥ

dadhyodanaṃ guḍānnaṃ ca pāyasaṃ ca viśeṣataḥ /
nivedya devadevasya mukhavāsaṃ pradāpayet

ācāryadakṣiṇāṃ dadyādṛtvijāṃ ca tathaiva ca /
pratiṣṭhādinamārabhya maṇḍalāntaṃ dinaṃ prati

evameva krameṇaiva kārayettu viśeṣataḥ /
maṇḍalārdhaṃ tu kuryācchenmadhyamaṃ tatpracakṣate

maṇḍalānte viśeṣeṇa kārayeddvijabhojanam /
sabhyāgnikuṇḍaṃ kṛtvaiva puṇyāhamasi vācayet

āghāraṃ vidhivaddhutvā vaiṣṇavaṃ sūktameva ca /
viṣṇusūktaṃ tato hutvā puruṣasūkta samanvitam

śrībhūsūktaṃ samuccārya pañcaśāntimataḥ param /
pāramātmikamīṅkārādyaṣṭāśītiṃ kramāddhunet

aṣṭākṣaraṃ samuccārya tathaiva dvādaśākṣaram /
pūrṇāhutiṃ tato hutvā antahomaścahūyate

saṃsnāpayeccha kalaśairaṣṭādhikaśataiḥkramāt /
varṇayuktandhruvaṃ beraṃ prāṅgayet(?) snāpayennatu

dvādaśārādhanaṃ kuryānmadhye madhye vidhānataḥ /
grāmaṃ pradakṣiṇīkṛtya sarvavādyasamanvitam

pakṣirājopari sthāpya rakṣādīpaṃ ca darśayet /
jīvasthāne susaṃsthāpya praṇāmaṃ kārayettataḥ

evaṃ yaḥkurute bhaktyā maṇḍalārādhanaṃ hareḥ /
sarvān kāmānavāpyaiva sa yāti paramāṅgatim