Bhṛgusaṃhitā · Chapter 31

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre triṃśo 'dhyāyaḥ.
athaika triṃśo 'dhyāyaḥ.
saṃprokṣaṇatrayam.
atha vakṣyāmi tatroktaprāyaścittasya saṃgraham /
jalasaṃprokṣaṇaṃ caiva laghusaṃprokṣaṇaṃ tathā

mahāsaṃprokṣaṇaṃ ceti prāyaścittaṃ tridhā smṛtam /
nimitte samanuprāpte jñātvā gauravalāghavam

vakṣyamāṇakrāreṇa sadyassaṃprokṣaṇaṃ caret /
saṃprokṣaṇavidhānasya na kālaniyamassmṛtaḥ

na kuryānmāsanakṣatra tithivārādyavekṣaṇam /
tasmānnimitte saṃprāpte sadyassaṃprokṣaṇaṃ caret

deśakālādyavekṣāyā nimitte sati gauravam /
bahubereṣu caikasmin sthāvare jaṅgame 'tha vā

arcanāyāṃ vihīnāyāṃ kālātīte viparyaye /
nirmālyapūjane caiva niveditanivedane

ekāhe 'pyarcanāhīne nityasnāpanavarjane /
balihomādihīneca nityotsavavivarjane

prākārābhyantare prāpte pramādādaśubhe sati /
aspṛśyāgamane tatra caṇḍālādyaiḥ praveśane

śvakukkuṭa varāhoṣṭragardabhānāṃ praveśane /
udakyayā sūtikayā pāṣaṇḍādyairathāpi vā

kuṇḍagolavratabhraṣṭaturuṣkādipraveśane /
anyasūtridvijaisspṛṣṭe mohādajñānato 'pivā

mahāvātahate biṃbe saṃsikte varṣabindubhiḥ /
viṇmūtrarudhirasrāve bahujalpe ca maithune

evamādinimitte tu jalasaṃprokṣaṇaṃ caret /
naivāsaṃprokṣite biṃbe harirvasati niścayaḥ

tasmādbiṃbaviśuddhyarthaṃ saṃprokṣyaiva samarcayet /
doṣādhikye samutpanne laghusaṃprokṣaṇaṃ caret

rāṣṭrakṣobhe ca durbhikṣe tantrasaṃkaradūṣaṇe /
śūdrairvāthānulomairvāpāṣaṇḍairbhramitairapi

udakyayā sūtikayā patitairvātha pātakaiḥ /
caṇḍālādyaiḥ praviṣṭe ca garbhāgāre viśeṣataḥ

sūtairvā kuṇḍagolādyaistathā devalakādibhiḥ /
śvakukkuṭa varāhādyaiḥ praviṣṭe gārdabhādibhiḥ

ulūkagṛdhrakākādyaiḥ praviṣṭe 'ntargṛhe tathā /
turuṣkādyaiḥpraviṣṭe vā śukraṇoṇitayorapi

viṇmūtrādervisarge vā garbhāgārerdhamaṇḍape /
tṣahādūrdhvaṃ vihīne tu pūjane dīpavarjane

eka rātramatikramya devegrāmāntarasthite /
āgnidāhe 'śanīpāte garbhāgārer'dhamaṇḍape

anyasūtṣarcite biṃbespṛṣṭe vā buddhipūrvakam /
anyairanuktairdeṣaiśca laghusaṃprokṣaṇaṃ caret

mahānimitte saṃprāpte mahāsaṃprokṣaṇaṃ caret /
dvādaśāhātsamārabhya vatsarāntaṃ vidhānataḥ

hīnāyāmarcanāyāṃ ca nitye naimittike tathā /
kriyāhīne viparyāse hīne māsotsavādike

nityasnapanahīne 'pi mātrādānavihīnake /
balihomādihīne ca saṃprāpte śāstrasaṃkare

evamādiṣu hīneṣu vatsarāntaṃ pramādataḥ /
parṣadāṃ parivārāṇāmāśritālayasevinām

dhvajārohaṇapūrvaṃ tu kṛte kālotsavādike /
viprādimaraṇe prāpte devāgāre viśeṣataḥ

gardabhāśvalulāyoṣṭraśvasūkaramukhe mṛte /
gajādimṛganāśe ca devāgāre pramādataḥ

caṇḍālādyantyajātīnāṃ maraṇe vā viśeṣataḥ /
śūdrairvāthānulomairvā pāṣaṇḍaiḥ patitādibhiḥ

saṃspṛṣṭe vaiṣṇave biṃbe turuṣkādyairmalimlucaiḥ /
spṛṣṭe caṇḍālakādyairvā mahāpātakadūṣitaiḥ

vimāne 'śanipāte vā maholkā patane 'pi vā /
lohito palavarṣe ca vāṃsuvarṣe viśeṣataḥ

bhūkaṃpāccalite biṃbe valmīkasya samudbhave /
śithilibhavane vāpi cāṣṭabandhe viśeṣataḥ

jīrṇe staṃbhādipatane devāgārena vīkṛte /
agnisparśe ca berasya manuṣyaprasave tathā

suthākarmaṇi sarvatra garbhagehādike punaḥ /
biṃbeṣu garbhagehe vā kṛmikīṭādidarśane

hasane rodane caiva bhāṣaṇe ca viśeṣataḥ /
svedaśoṇitayorvāpi darśane varṇasaṃkṣaye

vimāne maṇḍape vātha yatra kutrāpi vā hareḥ /
devāgāre samutpanne doṣeṣveteṣu vā pṛthak

durbhikṣe rāṣṭrasaṃkṣobhe durnimitteṣu caiva hi /
dussvapne bhūmikaṃpe vā pararājādyupadrave

bhūgupte coddhṛte biṃbe ciramanyālaye sthite /
atikramya trirātraṃ tu deve grāmāntare sthite

kuṇḍagolakasūtādyairdīkṣitairarcane kṛte /
anuktāni ca karvāṇi duritānyadbhutāni ca

dṛṣṭvātu yajamānaśca ye tatparisare janāḥ /
grāmasthitā canāścaiva rājā rāṣṭraṃ ca yatnataḥ

jñātvā śāstroktavidhinā doṣajaṃ bhaktitaḥ phalam /
mahāsaṃprokṣaṇaṃ kuryānmahādoṣāpanuttaye

mahadoṣeṣu sarvatra mahāśāntirvithīyate /
pūrvaṃ sthāpitabiṃbasya na sādhāraṇahetunā

syātpunasthsāpanaṃ tasmānmahāsaṃprokṣaṇaṃ caret /
mahāsaṃprokṣaṇavidhernūtanasthāpanasya ca

svalpo bheda iti proktamṛṣibhiḥ kāśyapādibhiḥ /
jalasaṃprokṣaṇavidhiṃ pravakṣyāmi tapodhanāḥ

yajamānābhyanujñāto gurussnātvā vidhānataḥ /
ālayābhimukhe vāpi dakṣiṇe vā manorame

sthaṇḍile saikate śuddhe puṇyāhāgnimukhātvaram /
vāstuhomāvasāne ca doṣaduṣṭaṃ tu yat sthalam

paryagnipañcagavyābhyāṃ saṃskratya vidhinā budhaḥ /
biṃbaṃ puruṣasūktena kalaśairabhiṣicya ca

ṣaṭdroṇadhānya rāśau tu pañcakuṃbhānnidhāya ca /
vastrayugnena saṃveṣṭya pratimāsteṣu nikṣipet

nālikerāmrapatrādyairalaṅkṛtya pṛthak ghaṭān /
pañcasūktaṃ japitvaiva pañcaśāntibhireva ca

pañcamūrtibhirāvāhya samabhyarcyāṣṭavigrahaiḥ /
paścādagniṃ paristīrya pañcasūktaṃ hunetsudhīḥ r

iṅkārādīṃśca juhuyādaṣṭāśītimataḥ param /
pañcavāruṇamantraiśca mahāvyāhṛtibhissaha

paścādagniṃ visṛjyaiva gurave dakṣiṇāṃ dadet /
niṣkāhīnasuvarṇaṃ ca vastrābharaṇakuṇḍalān

paścātkuṃbhajalenaiva prokṣayitvā samantrakam /
prabhūtaṃ ca nivedyaiva nityārcanamathācaret

anena vidhinā doṣā naśyatyeva na saṃśayaḥ /
tadbiṃbe devasānnidhyaṃ bhavedityāha cāṅgirāḥ

etāvāneva saṃprokto jalasaṃprokṣaṇakramaḥ /
laghusaṃprokṣaṇaṃ kuryādyajamānena vai guruḥ

yathārhaṃ pūjitaḥ pūrvamāraṃbhadivasādadhaḥ /
tṣahe vā dviyahe vāpi kṛtvā caivāṅkurārpaṇam

aupāsanāgnau śvobhūte vāstuhomaṃ vidhāya ca /
paryagni pañcagavyābhyāṃ śodhayitvā samantataḥ

abhiṣicya ca deveśamaṣṭottaraśatairghuṭaiḥ /
śothayitvā vidhānena vastuvāstuparicchadān

paścātpadmāgnimāsādya kṛtāghāraṃ vidhānataḥ /
kuṃbhapūjāṃ tataḥ kuryātsamyak dhyānayuto guruḥ

dvātriṃśatprasthasaṃpūrṇān kuṃbhānāhṛtya śobhanān /
tantunā veṣṭayitvā tu toyairāpūrya mantrata

ṣaḍbhāradhānyarośau tu vedyāṃ saptadaśa kramāt /
vastrayugmena saṃveṣṭya pratimāsteṣu nikṣipet

niṣkatrayakṛtāṃstatra nava ratnāni yatnataḥ /
ratnālābhe suvarṇaṃ vā pratyekaṃ nikṣipedghaṭe

gandhapuṣpaissamabhyarcya nālikerāmrapallavaiḥ /
āyudhaiḥpañcabhistadvattoraṇairaṣṭamaṅgalaiḥ

alaṅkṛtya gururdhīmānt pṛṣṭvā kūrcena tān ghaṭān /
pañcasūktaṃ pañcaśāntiṃ tato dvādaśasūktakam

sārasvatādisūktaṃ ca diksūktaṃ pañcavāruṇam /
svastisūktaṃ japitvaiva tathaivauṣadhisūktakam

navamūrtibhirāvāhya devībhyāṃ saha pārṣadaiḥ /
dvātriṃśadvigrahaissamyagabhyarcya tu nivedayet

paiṇḍarīkāgnimāsādya pariṣicya ca pāvakam /
pañcasūktena juhuyādvyāpakatrayamantrataḥ

aṣṭottaraśataṃ tadvadaṣṭāviṃśatireva vā /
r iṅkārādīṃśca juhuyādaṣṭāśītimataḥ param

dhātādiṃ mūlahomaṃ ca pañcavāruṇameva ca /
hutvā kūśmāṇḍahomaṃ ca pañcavāruṇameva ca

paṅkajairbilvapatrairvā viṣṇugāyatriyā tataḥ /
aṣṭottaraśataṃ hutvā paścādagniṃ visarcayet

paścādguruḥ pūjitassan vastrābharaṇakuṇḍalaiḥ /
kuṃbhamādāya śiraso grāmamālayameva vā

pradakṣiṇaṃ parītyātha devadevasya sannidhau /
kūrcenādāya tattoyaṃ prokṣayetpañcamūrtibhiḥ

"śucī vo havya'' mantreṇa prokṣayetsarvamandiram /
upacāraissamabhyarcya "kṣama''sveti praṇamya ca

mahāhaviḥ prabhūtaṃ vā deveśāya nivedayet /
brāhmaṇānāṃ sahasraṃ ca bhojayedguruṇā saha

gurave dakṣiṇāṃ dadyātsuvarṇaṃ pañcaniṣkakam /
pradadyādbhūmimiṣṭāṃ ca pronmiṣatsasyamālinīm

daśadānaṃ tataḥ kṛtvā nityārcanamathācaret /
evaṃ yaḥ kurute bhaktyā laghusaṃprokṣaṇaṃ hareḥ

viṣṇusānnidhyamāpnoti doṣaśāntiśca jāyate /
rājarāṣṭrābhivṛddhiśca jagatpuṣṭikaraṃ bhavet

laghusaṃprokṣaṇavidhirmayā prakhyāpitaḥ kila /
kāśyapādyaiśca munibhirevameva pracoditaḥ

mahāsaṃprokṣaṇa vidhau viśeṣo vakṣyate mayā /
jalādhivāsarahitaṃ netronmīlanavarjanam

pratiṣṭhoktavidhānena sarvaṃ pūrvavadācaret /
netrayostejane tadvaddṛṣṭidoṣe viśeṣataḥ

jalādhivāsanaṃ kuryādakṣṇorunmīlanaṃ punaḥ /
mahāśāntividhānasya viśeṣo 'tra prakīrtitaḥ

jaṅgamapratimāssarvā adhivāsapurassaram /
prokṣayitvā vidhānena devaṃ pūrvavadarcayet

mahānimitte saṃprāpte yajamānārthito guruḥ /
pratiṣṭhoktadine vidvān ṛtvigbhirlakṣaṇānvitaiḥ

vastrairābharaṇaiścāpi pūrvoktamiva bhūṣitaḥ /
prokṣaṇādivasātsūrvamaṅkurārpaṇamācaret

dravyāṇyapi susaṃbhṛtya yāgaśālāṃ praviśya ca /
kadalīpūgamālādyaiḥ patākādyairalaṅkṛtām

tanmadhyekalpayedvediṃ śayanārthaṃ vidhānataḥ /
tasyāstu pūrvadigbhāge kuṃbhavediṃ salakṣaṇam

paritaścāgnikuṇḍāṃśca paiṇḍarīkaṃ ca kārayet /
devālayaṃ ca saṃśodhya mṛṣṭasiktopalepanaiḥ

ācāryassuprasannātmā yajamānārthito muhuḥ /
snātvāsnānavidhānena gāyatrīṃ ca sahasraśaḥ

japtvā dvādaśasūktāni puṇyāhamapi vācayet /
vāstuhomaṃ tataḥ kṛtvā kuṇḍe tvaupāsane guruḥ

paryagni pañcagavyābhyāṃ saṃśodhyaiva ca sarvataḥ /
gārhapatyādikuṇḍeṣu kramādāghāramācaret

pakvabiṃbasamākāraghaṭānāṃ pañcaviṃśatim /
tantunā trivṛtā veṣṭya śodhayitvā sudhūpitān

ādāya mantravaddivyaṃ jalamāhṛtya yatnataḥ /
pūtābhiradbhirāpūrya nālikerāmrapallavaiḥ

alaṅkṛtya tathā kūrcairgandhapuṣpākṣatādibhiḥ /
yavairvāhrīhibhirvātha vedyāṃ dvādaśabhārakaiḥ

āstīrya teṣu saṃsthāpya pṛthagvastreṇa veṣṭayet /
sauvarṇapratimāstatra pañcaniṣkakṛtāḥ pṛthak

gajakūrmādirūpāṇi navaratnādi ca kṣipet /
dhyānamārgeṇa kuṃbheṣu madhyamādiṣu cakramāt

navamūrtikrameṇaiva mantreṇāvāhayedguruḥ /
vedyadhastheṣu kuṃbheṣu ceṃ dādīnaṣṭadikpatīn

āvāhya gandhapuṣpādyaissamabhyarcya nivedayet /
sahasrakalaśaissnāpya snapanoktaprakārataḥ

sauvarṇaṃ kautukaṃ baddhvā pratiṣṭhoktavidhānataḥ /
śayyāvediṃ samabhyukṣya pañcatalpān prākalpyaca

śālivrīhiyavaiścāpi ṣaḍbhāraiśca pṛthak pṛthak /
tadardhaistaṇḍulaiścātha tadardhaiśca tilaistathā

uparyupari cāstīrya carmajādīn samāstaret /
śayane śāyayedvedyāmautsavaṃ biṃbamuktavat

kūrcādhivāsaṃ kurvīta dhruvamātraṃ yadikramāt /
vedānadhyāpayeddikṣu "ṛcāṃ prācī''riti śrutiḥ

gārhapatyādikuṇḍeṣu pratiṣṭhoktavidhānataḥ /
ṛtvigbhiḥ kārayeddhomaṃ tattaddaivatyapūrvakam

gurussabhyāgnimāsādya pariṣicya ca pāvakam /
pañcasūktaṃ krameṇaiva mahāvyāhṛtipūrvakam

vyāpakatrayamantraṃ ca viṣṇugāyatriyā punaḥ /
aṣottaraśataṃ hutvā vyāhṛtyā ca tathaiva ca

tato 'bjāgniṃ samāsādya pañcasūktaissahaiva tu /
dhātādimūlahomaṃ ca pañcavāruṇasaṃyutam

mahāśāntyuktamantrāṃśca trirāvartya hunettataḥ /
kuṃbhavediṃ samāsādya samabhyarcyāṣṭavigrahaiḥ

spṛṣṭvā kūrcena tatkuṃbhān ṛtvigbhissaha vai guruḥ /
ātmasūktaṃ japitvaiva pañcasūktamataḥ param

svastisūktaṃ ca daurgaṃ ca rātrimekākṣaraṃ tathā /
aṣṭadikpālasūktāni pañcaśāntimataḥ param

"āpo hiraṇyavarṇā''bhyāṃ pāvamānībhireva ca /
japtvā dvādaśasūktaṃ ca tatassabhyānale kramāt

hautrapraśasanaṃ kuryātsarvaṃ hot tu pūrvavat /
caturmūrtikrameṇaiva sahasrāhutinā saha

"yaddevā''dyaiśca kūśmāṇḍaissarvadaivatyamantrakaiḥ /
hutvātu doṣaśāntyarthaṃ lojaistadvattilairapi

sāpūpairviṣṇugāyatṣā hutvākuṇḍeṣu pūrvavat /
aṣṭottaraśataṃ tadvadaṣṭāviṃśatireva vā

pariṣegaṃ tataḥ kṛtvā paiṇḍarīke viśeṣataḥ /
padmairvā bilvapatrairvā viṣṇugāyatriyā tataḥ

aṣottarasahasraṃ tu ghṛtenāplutya vai hunet /
pāramātmikamantraiśca r iṅkārādyaiśca yatnataḥ

aṣṭāśītiṃ tato hutvā mahāvyāhṛtipūrvakam /
hutvā taddoṣanāśāya rājarāṣṭrābhivṛddhaye

sabhyāgniṃ pauṇḍarīkāgniṃ hitvānyeṣvantahomakam

nṛttagītādivādyaiśca rātriśeṣaṃ nayedguruḥ /
prātassnātvā vidhānena kalaśaissnapanaṃ caret

pañcasūktaiśca saṃsnāpya pañcaśāntisamanvitam /
paścāddevamalaṅkṛtya suvastrābharaṇādikaiḥ

gandhapuṣpaissugandhaiśca yāpannetramanaḥpriyam /
muhūrte samanuprāpte kuṃbhamādāya deśikaḥ

svastisūktaṃ japan grāmamālayaṃ vā pradakṣiṇam /
kṛtvā devāgrataḥ kuṃbhaṃ dhyānyapīṭhe niveśayet

yajamānena śaktyāvai gurussaṃpūjitastadā /
kūryādanantaroktāṃśca saṃskārān bhagavatpriyān

vastrerābharaṇaiśśubhraiḥ kuṇḍalaiśca viśeṣataḥ /
yajamānassusaṃpūjya paśubhūmyādibhirgurum

gurave dakṣiṇāṃ dadyānniṣkāṇāmekaviṃśatim /
ṛtvigbhyaśca tathā dadyātsuprīto bhagavān hariḥ

guruḥ paścātsamāvāhya samabhyarcyāṣṭavigrahaiḥ /
mahāhavirni vedyaina pāyasāpūpasaṃyutam

sājyaṃ savyañjanaṃ datvā mukhavāsaṃ nivedayet /
puṣpāñjaliṃ tato datvā "kṣaya'' sveti praṇamya ca

sahasraṃ brāhmaṇānāṃ ca bhojayecchāntihetave /
daśadānaṃ viśeṣeṇa devaprītikaṃ bhavet

evamādvādaśābdāttu pratiṣṭhāmācarettataḥ /
punasthsāpanasaṃskārātprāyaścittaṃ na hītarat

tasmātsarvaprayatnena śāstroktaṃ sarvamācaret /
evaṃ yaḥkurute bhaktyā viṣṇossaṃprokṣaṇatrayam

pratiṣṭhāphalamāsādya vaiṣṇavaṃ lokamāpnuyāt