Bhṛgusaṃhitā · Chapter 29

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre 'ṣṭāviṃśo 'dhyāyaḥ
athaikonatriṃśo 'dhyāyaḥ.
prāyaścittam
athavakṣye viśeṣeṇa dhruvaberasya niṣkṛtim /
tāmrajaṃ śailajaṃ caiva mūrtikaṃ dāravaṃ tviti

cāturvidhyaṃ dhruvasyātra pūrvameva mayoditam /
ṣaṇmānasahitaṃ kṛtvāsanālaṃ pādapadmakam

kṛtvā tu tāmrajaṃ biṃbaṃ kautukasyoktavartmanā /
kṛtvākṣyunmocanaṃ cādhivāsān saṃsthāpya cācalam

sthāpayetsaha devyauca śuddhyarthaṃ pratiparvatu /
śuddhodairabhiṣicyaiva bhūṣaṇaiśca vibhūṣyaca

puṣpanyāsaṃ ca kṛtvaiva sarvān pariṣadaḥ kramāt /
śailāneva prakurvīta yathā śātātapo 'bravīt

śailaṃ dhruvaṃ tathā citraṃ citrārdhaṃ vā vidhāya ca /
pūrvoktena vidhānena paraṃ saṃskṛtya tatkramāt

devyāvanyāṃśca devāṃśca tadālayagatānapi /
taddravyeṇa prakurvīta dhruvaṃ ṣaṇmānasaṃyutam

kṛtvākṣṇośca bhruvostadvadoṣṭhayorubhayorapi /
karapādatale caiva nakheṣu mukuṭe 'pi ca

bhūṣaṇeṣu vidhānena tattadvarṇena lepayet /
mṛṇmayaṃ dāravaṃ vā cettaddravyeṇaiva devatāḥ

tadālayagatāḥ kuryādanyathā viparītakṛt /
atha vā varṇahīnaṃ tu śailaṃ sarvatra kārayet

ardhacitrasya śailasya hīneṣvaṃ geṣu caiva hi /
pratyaṅgeṣu tathopāṅgeṣvaniṣṭaṃ tadbhavediha

bālāgāre 'tha tacchaktiṃ nītvā biṃbaṃ samāharet /
bhūmau pidhāya tasyordhve padmāgniṃ parikalpya ca

hutvā ca mahatīṃ śāntiṃ śilāgrahaṇavattathā /
tattadaṅgasamutpattiṃ yuktyā takṣṇā tu kārayet

hīne mahāṅge tadberamayuktaṃ cetsamīkṛtau /
tyaktvā tadvidhinā beraṃ punaranyatsamāharet

beraṃ saṃdhānayogyaṃ yastyajetpāpī bhavetsa hi /
vinaṣṭaṃ ca bhavetsarvaṃsaṃdhānaṃ śaktitaścaret

dhruvaberamathār'cāṃ ca kartuṃ pūrvamivadvayam /
aśaktaśceddhruvārcāntu kṛtvā caikaṃ svaśaktitaḥ

pratiṣṭhāpyārcayetsamyagiti ke cinmanīṣiṇaḥ /
ekaberapratiṣṭhāyāmeṣa eva vidhissmṛtaḥ

aśaktaśceddhruvaṃ beramarcāberamathāpi vā /
sahitaṃ rahitaṃ vātha devībhyāṃsthāpya cārcayet

mṛdālaye brahmasthāne dhruvārcāberamāharet /
taṃ devīsahitaṃ kṛtvā vimānaṃ ca viśeṣataḥ

śailaṃ tu kartumicchecced devo daivikamāśrayet /
yathā tathā prakalpyaiva vimānaṃ kautukaṃ punaḥ

lohajaṃ jaṅgamaṃ kṛtvā braṅmasthāne samācaret /
kautukaṃ śailajaṃ cettu sthāvaraṃ tveva sthāpayet

laghuberaṃ pratiṣṭhāpya vimāne mṛṇmaye 'rcite /
kartumiccheddhruvaṃ beraṃ vimānaṃ caiva śailajam

vimānaṃ parikalpyaiva vidhinā hastamānataḥ /
devībhyāṃ sahitaṃ devaṃ daivikāṃśe vidhāya ca

pūrvārcitāṃ gṛhītvaiva beraṃ kautukakarmaṇi /
tasyottare cautsavādīn pratiṣṭhāpya samarcayet

pūrvaṃ dhruvārcāberetu arcyamāne mṛdālaye /
śilābhiriṣṭakābhirvā vimānaṃ kartumicchayā

rakṣārthaṃ tasya berasya śilpisparśanivṛttaye /
kāṣṭhena pañjaraṃ kṛtvā bālāgāraṃ dṛḍhaṃ tataḥ

saṃśodhya śalyaṃ cādhastādyuktyā paramāyā punaḥ /
vimānaṃ yugmahastena tadberasya vaśādapi

yathāvibhavavistāraṃ saudhaṃ kṛtvā surakṣayet /
tadberasamamadhyardhaṃ dviguṇaṃ caturaśrakam

adhamaṃ madhyamaṃ tadvaduttamaṃ trividhoditam /
kṛtvā tasya caturbhāgaṃ tribhāgaṃ cārdhamevavā

garbhāgāraṃ bhaveccheṣaṃ bhittiviṣkaṃbhameva ca /
samaṇṭapaṃ vimānaṃ tu pūrvavatkārayedvidhiḥ

śileṣṭakāvimāne tu vargasyānte parasya vā /
kārayenmiśramatha cedaśaktaḥ kartumīdṛśam

adhiṣṭhānasya cordhvaṃ hi yatheṣṭasthānake punaḥ /
miśradravyeṇa kuryāttu śaktilobhaṃ na kārayet

varṇakṣayedhruve doṣasaṃphade sphuṭitādibhiḥ /
alpadoṣe 'pi vāśaktiṃ dhruvaberasthitāṃ tadā

kuṃbhe 'ṃbhasi samāvāhya tatkuṃbhaṃ kautukādi ca /
samādāya vidhānena mālikāyāṃ tu maṇḍape

sannyasya kautukādau tu samāvāhya samarcayet /
kāle kuṃbhe samāropya kriyāssarvāssamācaret

atīte dvidine kuṃbhamanyadādāyacātvaraḥ /
kuṃbhācchaktiṃ samādāya kuṃbhe 'nyasmin vidhālataḥ

arcayettridine caivaṃ kuṃbhasaṃśodhanaṃ caret /
paścācca varṇalepādīn kṛtvā saṃśodya caivahi

vāstuhomaṃ ca puṇyāhaṃ dhruvaśuddhiṃ ca kārayet /
kuṃbhaṃ biṃbaṃ samādāya praviśyābhyantaraṃ tataḥ

kautukādīn susaṃsthāpya nyāsādīṃśca vidhāya ca /
kuṃbhasthāṃ śaktimādāya dhruvabere 'varopayet

dhruvātpunaḥ kautukādiṣvāvāṅya tu samarcayet /
doṣāṇāṃ goravānmāsādūrdhvaṃ kāletvapekṣite

devaṃ bālālaye sthāpya śodhayenmṛṇmayaṃ punaḥ /
yāvacchūlaṃ punaśśailaṃ śilāntaṃ śodhayetkramāt

navaṣaṭpañcamūrtīnāṃ vimāne doṣasaṃyutam /
yattalaṃ tattalaṃ gṛhya bālasthānaṃ prakalpya ca

kautukādīn susaṃsthāpya vidhinā samyagarcayet /
paścāttale tu nirduṣṭe kautukādīn pragṛhya ca

sthāpayitvā punaścaiva vidhināpi samarcayet /
atha vakṣye jīrṇaberaparityāgavidhiṃ kramāt

dhruvasyāṅgavihīne tu tyajettatsadya eva hi /
kartrārādhakayorgrāhyamanyathā syānmahadbhayam

tasmātsarvaprayatnena jīrṇaṃ saṃśodhya sarvataḥ /
navavastraissamācchādya baddhvā ca kuśarajjubhiḥ

brāhmaṇairvāhayitvaiva nadīṃ sphārāṃ samudragām /
aśoṣyaṃ vā jalādhāramanyannītvātha tattaṭe

prapāṃ kṛtvāgnimādhāya caupāsanamatandritaḥ /
āghārānte tu juhuyādvaiṣṇavaṃ śataśastataḥ

"dadbhyassvā''hetyaṅgahomaṃ vyāhṛtyantaṃ hunedbhudhaḥ /
vastrabandhaṃ vimocyaiva prāṅmukhodaṅmukho guruḥ

vāruṇaṃ vaiṣṇavaṃ caiva prakṣipyaiva ca tajjale /
snāyātsaṃsmṛtya deveśaṃ dārave tu viśeṣataḥ

dagdhvāgninātha tadbhasma nikṣipettādṛśe jale /
devyādīnāṃ parṣadāṃ ca tattanmantraṃ savaiṣṇavam

hunejjalekṣipetpaścāddadyādācārya dakṣiṇām /
atha cetkautukādīnā maṅgahānistaducyate

mahāṅgāni śiraḥ kukṣi vakṣaḥ kaṇṭhān pracakṣate /
pādauhastau bāhavaścetyaṅgāni pravadantihi

aṅgulyaḥ karṇanāsādyāḥ pratyaṅgāni vidurbudhāḥ /
śiraścakraṃ ca pīṭhaṃ ca prabhāmaṇḍalameva ca

upāṅgānyūcire bhūṣaṇāyudhāṃbarapūrvakān /
tatropāṅgasya hīne tu kuṃbhaṃ saṃsādhya pūrvavat

āvāhya kuṃbhe tacchaktiṃ biṃbaṃ saṃdhāya pūrvavat /
kṛtvā jalādhivāsādīn vāstuhomaṃ vidhāya ca

saṃśodya pañcagavyaiśca kuśodaiśca viśeṣataḥ /
saptabhiḥ kalaśaisthsāpya kuṃbhasthāṃ śaktimādarāt

samāvāhya punarbiṃbe vidhinā samyagarcayet /
pratyaṅgahīne tacchaktiṃ mahābere 'varopya ca

udhrutya biṃbaṃ saṃprokṣya pañcagavyaiḥ kuśodakaiḥ /
tulyalohena saṃdhāya cādhivāsya kuśādiṣu

punaḥ pratiṣṭhāmārgeṇa pratiṣṭhāṃ punarācaret /
aṅgahīnetu saṃdhānayogyaṃ saṃdhāya pūrvavat

arcayedanyathā yuktehīne vāpi mahāṅgake /
bhūmau pidhāya tadberaṃ tadūrdhve juhuyātkramāt

aṅgahomaṃ mahāśāntimapohyaiva ca taddinam /
uddhṛtya biṃbaṃ prakṣālya pañcagavyaiḥ kuśodakaiḥ

triragnau saṃparikṣipya śodhayedāmlavāriṇā /
rājataṃ dvissakṛdraukmaṃ dahedagnāviti kramaḥ

kṛtvātenaiva dravyeṇa biṃbaṃ pūrvavaduttamam /
punaḥpratiṣṭhāṃ kṛtvaiva kārayedarcanaṃ kramāt

paṭe kuḍye 'tha vā likhya bere vidhivadarcite /
jīrṇamālokya tacchaktimāropyaivārkamaṇḍale

navīkṛtya punastasmin pratiṣṭhāpya samarcayet /
ācāryeṇa ca yenādau karṣaṇādyāḥ kṛtāḥ kriyāḥ

pratiṣṭhā vā kṛtā viṣṇostenaivānyāṃśca kārayet /
nityārcanotsavādīṃśca prāyaścittādikānapi

tadabhāve ca tatputraṃ pautraṃ naptārameva ca /
tadvaṃśajaṃ vā tacchiṣyaṃ tanniyuktamathāntataḥ

ācāryasannidhau nānyamācāryaṃ varayetkvacit /
varayedyadi rāṣṭrasya rājñaścāpi mahadbhayam

bhavecca niṣphalā pūjā sarvaṃ kāryaṃ vinaśyati /
tasmātsarvaprayatnena na kuryādgurusaṃkaram

ajñānādarthalobhādvā kṛte tvācāryasaṃkare /
abjānale mahāśāntiṃ hutvā saṃprārthyavai gurum

yācayitvā "kṣama''sveti pūjayitvā viśeṣataḥ /
panastenaiva tatkarma kārayediti śāsanam

ācāryadīnāmalābhe tu tadrūpaṃ lekhayetpaṭe /
tatsannidhau yuktamanyamācāryaṃ varayettathā

ekasminnālaye syāccetsannipātastu karmaṇām /
ācāryaṃ saṃpraṇamyaiva tatputrādyairvidhānataḥ

kārayettadalābhetu kārayettantrato guruḥ /
pūrvaṃ tu yogamārgeṇa pratiṣṭhāpyārcite punaḥ

devībhyāṃ saha paścāttu kārayet sthāpanaṃ yadi /
ābhicārikameva syādrājarāṣṭravināśakṛt

dhruvakautuka saṃyukte pūjyamāne purā tataḥ /
vimānadhruvayornāśe brahmasthāne dhruvārcanam,

kautukaṃ cotsavasthāne sthāpayediti ke cana /
sthānake cāsanaṃ kuryācchayanaṃ vāpi cecchayā

asaneśayanaṃ kuryātthsānakaṃ na tu kārayet /
śayane nāsanaṃ caiva sthānakaṃ kārayedvidhiḥ

kautukaṃ sthitamāsīna mautsavaṃ kārayettathā /
asīnaṃ kautukaṃ kuryātthsitamautsavameva vā

snapanaṃ baliberaṃ ca sthitaṃ sarvatra kārayet /
avatāragaṇasyaiva mūrtīnāṃ pañcakasya ca

anyonyasaṃkareṇaiva sthāpane kautukasya ca /
mahattaro bhaveddo, staddoṣaśamavāya vai

hutvā tu mahatīṃ śāntiṃ yathāsthāne tu sthāpayet /
atha vakṣye viśeṣeṇa śāntipañcakakalpanam

narāṇāṃ pāpabāhulyādaparādhaviśeṣataḥ /
devāssṛjantyadbhutāni teṣu dṛṣṭeṣu satvaram

kuryācchāntiṃ yathoktāntu viparīte tvanarthakṛt /
kartrārādhakayoścaiva rājño rāṣṭrasya vāstuvaḥ

saṃkṣobho jāyate sadyo vināśo bhavati dhruvam /
dvādaśāhāntare tasmācchāntiṃ kuryādvidhānataḥ

atīte dvādaśāhetu mahāśāntipurassaram /
saṃpūjya vaiṣṇavān śaktyādatvā vai bhūridakṣiṇām

ārabheduttaraṃ karma māse 'tīte viśeṣataḥ /
saptāhaṃ tu mahāśāntiṃ hutvā vipraśataṃ tathā

bhojayitvā ca deveśamanumānya tu kārayet /
ṣaṇmāse samatīte tu ramate tatra nohariḥ

tasmātsarvaprayatnena kuryācchāntiṃ yathoditām /
bhaumāntarikṣadivyākhyabhedāttrividhamadbhutam

grahayuddhaśca bhedaśca vikāro grahamaṇḍale /
sarvagrāsoparāgaśca durbhikṣaścākṣabhedanam

evamādīni divyāni tvadbhutāni pracakṣate /
āntarikṣāṇi cārkendvoḥ pariveṣo nirantaraḥ

varṇāntareṇa bāhulyātpariveṣastathāvidhaḥ /
rātrāvindradhamardevasadma cākāśamaṇḍale

aśanyulkādipātaśca rāhupucchādidarśanam /
nakṣatrapatanaṃ ketordhūmasyendrasya darśanam

gandharvanagarasyāpi darśanaṃ patanaṃ tu vā /
pratisūryābjanakṣatradarśanaṃ saṃpracakṣate

bhaumānyanekathoktāni carasthiravibhedataḥ /
deśakālasvabhāvādiviruddhaṃ prasavādikam

pṛṣadaṃśakasarpāśvayonijānāṃ viśeṣataḥ /
gonāgamahiṣādyeṣu tiryakṣu jananaṃ tathā

kṛmikīṭapataṅgeṣu viṣkireṣvaṇḍajādiṣu /
vivarṇākāravāsādirāśrayādistathālaye

raktastrīdarśanādīni cādbhutāni careṣu tu /
divyāni cāntarikṣāṇi teṣāmatrottamottamam

nārāṇi cottamāni syurmāhiṣādyāni madhyamam /
sarīsṛpādiṣu bhavānyathamāni vadantihi

rodanaṃ hasanaṃ jalpo jvalanaṃ parivartanam /
svedaśca rudhirasrāvaḥ kṛmikīnādisaṃbhavaḥ

akālasphoṭanaṃ dhūmaścāṅgakaṃpanameva ca /
svāpanāsvādanecaiva tṛṇavalmīka saṃbhavaḥ

pratimāyāṃ bhaveccettu raktastrīdarśanaṃ tathā /
pāṣaṇḍapratilomāntyajātibhiḥ patitaisthathā

sṛgālādibhiraspṛśyaissparśane ca praveśane /
sthūṇāvirohaṇe caiva calane parivartane

tathāpasarpaṇe caiva kavāṭaśayanāsane /
bhittyāyudhāṃbare tadvadagnihotrādyupaskare

vimāne ca vikāraśca makṣikāvṛkṣapātane /
pravartane copasarpe parṇapuṣpaphaleṣu ca

śākhādau viparītasya darśanaṃ ca viśeṣataḥ /
raktasrāvo jalasrāvaścādbhutāni sthireṣu tu

teṣu garbhakṛhe caiva pīṭhe caiva bhavāni tu /
rājñorāṣṭrasya viprāṇāṃ nāśakāni viśeṣataḥ

kartrārādhakayornāśa iti śātātapo 'bravīt /
prāsādajāni rājñāṃ syuḥ prāsāde 'pi viśeṣataḥ

adhiṣṭhāne ca pāde ca prastare ca gale 'pi ca /
śikhare ca bhavāni syuḥkṣatriyāṇāṃ krameṇa tu

abhiṣekasya yogyasya yuvarājasya caiva hi /
abhiṣiktasya samrājaścātyāhitakarāṇi tu

prathamāvaraṇe vaiśyajātīnāṃ mantriṇāṃ tathā /
purohitasya tanmaṇḍalādhipānāṃ mahadbhayam

śūdrajātivipaddhetdvitīyāvaraṇādiṣu /
sasyanāśo gajāśvādipaśunāśasca jāyate

purodhasaścāgnikuṇḍe brahmasthāne dvijanmanām /
rudrālaye tu sarveṣāṃ nṛpasya tu guhālaye

seneśānāṃ vipattiḥ syādvakratuṇḍālaye tathā /
śṣālaye rājapatnīnāṃ durgāsthāne 'nyayoṣitām

mātṛsthāne 'ntyajātīnāmoṣadhīnāṃ kuberake /
nṛpavāhanaśastropajīvināṃ bhāskarālaye

anyadevālaye tattadbhoktānāmapi lakṣayet /
āsthānamaṇḍapasaṅgamaṇḍabaprāṅgaṇeṣu ca

mahānase nṛpāvāse krīḍāsthāne viśeṣataḥ /
ācāryayajamānādipadārthinilayeṣu ca

caityavṛkṣādiṣūdbhūtā raktastrīdarśanādayaḥ /
valmīkādyāśca phaladāstattaddiśyuktamārgataḥ

bhaumeṣu devaberārcāpīṭhagarbhagṛhārte /
jātādoṣāntu saṃproktā uttamottamasaṃjñitāḥ

uttamāstupunarjātāḥ prākāremukhamaṇḍape /
madhyamāḥ prathamāvaraṇe śeṣeṣūktāstathādhamāḥ

tathā rājāṅgaṇe cottamottamāḥ paritastataḥ /
aṅkaṇeṣūttamā antarvāstuke madhyamāssmṛtāḥ

adhamā vāstuno bāhye tāratamyamiti smṛtam /
divyāntarikṣayornāsti cikitsā śāntiriṣyate

bhaumeṣu tu careṣvatra nimittaṃ ca nimittinam /
deśāntare vāsayitvā śāntintatra samācaret

sthireṣu pratimānāṃ tu rodane hasane tathā /
jvalane ca tathā devaṃ saṃsthāpya taruṇālaye

tadberasthāṃ samāropya śaktiṃ tatra vidhānataḥ /
śāntiṃ kṛtvā punaḥ kuryātthsāpanaṃ cārcanaṃ kramāt

parivṛttau punasthsāpya kuryācchāntyādi pūrvavat /
svede ca rudhirasrāve sarvaṃ rodanavaccaret

kṛmikīṭapataṅgānāṃ kṛṇādīnāmathodbhave /
āropya pūrvavacchaktiṃ punassaṃdhāya yuktitaḥ

śāntyādīnācaredevamakālasphoṭanādike /
berārcāpīṭhake tadvadālayābhyantarepe ca

valmīkādyudbhave devaṃ saṃsthāpya taruṇālaye /
yāvaddoṣaṃ khanitvaiva gavyairabhyukṣya pañcabhiḥ

saṃśodhya sarvaṃ saṃdhāya punasthsāpana mācaret /
prāsādabāhye cotpanne vivare viśadīkṛte

peṣayitvā marīcyādijalenāpūrya cāśmanā /
ālipya śarkarāṃ kuryāc chāntiṃ divyapracoditām

punarapyudite kuryādevameva tuyuktitaḥ /
makṣikādarśane tattyadvyapohyatvavilaṃbitam

śodhayitvā tataśśāntimārabheta vicakṣaṇaḥ /
aspṛśyaspakśane tadvatkṛtvā śāntiṃ samācaret

sthūṇāvirohaṇādau ca punassaṃdhāya cācaret /
haṭhādvṛkṣādhipatine śānti stattyāgapūrvikā

rājāṅgaṇe samutpanne rājānaṃ sabalaṃ punaḥ /
veśmāntaraṃ vāsayitvā śāntiṃ kṛtvā yathocitām

abhiṣicya punaryuktedine rāṣṭraṃ praveśayet /
athottamottamasyottamasya syānmadhyamasya ca

adhamasyāpi cāspṛśyasparśanasya yathākramam /
krameṇādbhutaśāntistu prabhūtā mahatī tathā

śāntiśśuddhiriti prājñaiḥ pañcadhā śāntirucyate /
ālayābhimukhe tadvadaiśānyāṃ cottare 'tha vā

parvatāgre taṭākasya tīre vā maṇḍapaṃ prapām /
kūṭaṃ vā ṣoḍaśastaṃbhasaṃyuktāṃ sumanoharam

caturhastapramāṇāntastsaṃbhāntarasamāyutām /
tānonnatācalāyuktāṃ? kṛtvā madhye vidhānataḥ

kuṇḍaṃ śrāmaṇakoktaṃ tu kṛtvādho dvādaśāṅgulam /
khanitvaiva cat prācyāṃ dvihastāyata vistṛtam

hastamātrasamutsedhaṃ kṛtvā sthaṇḍilamuttamam /
prāgādiṣu caturdhikṣu krameṇāhavanīyakam

anvāhāryaṃ cāvasathyaṃ gārhapatyaṃ ca kārayet /
agneyādiṣu koṇeṣu kuṇḍānyaupāsanāni ca

kṛtvādvāreṣu vidhinā toraṇādi prakalpayet /
pūrmakaṃbhairaṅkuraiśca kadalībhirdhvajairapi

staṃbha veṣṭanakādyaiśca darbhamālābhireva ca /
alaṅkṛtya vitānādyairyathāvibhavastaram

sthaṇḍile dhānyarāśiṃ tu kṛtvā tasya ca madhyame /
padmamaṣṭadalaṃ kṛtvā taṇḍulaistasya madhyame

sauvarṇaṃ rājataṃ tāmraṃ kṛṇmayaṃ vā svaśaktitaḥ /
dvātriṃśatprasthasaṃpūrṇaṃ kaṃbhamādāya śāstravat

tantunā pariṣṭyaiva yavāntaramanantam /
vastrayugmena saṃveṣṭya bhūṣaṇaiśca vibhūṣya ca

sauvarṇa maṅgalānyaṣṭau tathā pañcāyudhāni ca /
varṇacihnāni tādṛṃśi cāhīnānyaṅgulādapi

ratnāni hema rajataṃ tāmraṃ kāṃsyaṃ tathā trapu /
sīsāyastīkṣṇukāntāni graharūpāṇi caiva hi

nikṣipyāpūrya toyeva śuddhena tu vidhānataḥ /
karpūracandanośīralavaṅgailādikānapi

gandhadravyāṇi cānyāni nyasya cūtādipallavān /
tanmukhaṃ tu pidhāneva pidadhyātsadṛśenavai

ācāryamṛtvijaścāpi vṛtvā śāstravidhānataḥ /
navavastrottarīyādyaiḥ pañcāṅgārpitabhūṣaṇaiḥ

alaṅkṛtyāgnikuṇḍeṣu hutvāghāraṃ yathoditam /
madhye sūryaṃ tathendrādi bhārgavāṅgārakau tathā

mandaṃ guruṃ pāvakādi candrarāhudhvajān budham /
pradakṣiṇavaśenaiva dhyātvāvāṅyār'cayet tataḥ

aṣṭākṣareṇāyutaṃ vā sahasraṃ cāṣṭasaṃyutam /
abhimṛśya vidhānena grahayajñoditena vai

hunecca tattaddaivatyaṃ samiccarughṛtaiḥ kramāt /
hutvāṣṭottarasāhasraṃ tato vaikhānasānale

ghṛtāplutairbilvadalairaṣṭottara sahasrakam /
hunedaṣṭākṣaraṃ nityaṃ tathā bilvasamidghetaiḥ

dūrvāpūpavrīhitilacarulājābjasaktubhiḥ /
vaiṣṇavyācaiva gāyatṣā pūrvavajjuhuyādguruḥ

ghṛtenāṣṭākṣareṇaiva sahasraṃ cāṣṭasaṃyutam /
hutvānte tu ghṛtenaiva vaiṣṇavaṃ viṣṇusūktakam

juhuyātpauruṣaṃ sūktaṃ nṛttairgeyaiśca ghoṣayet /
yathādiśaṃ caturvedānnityamadhyāpayetkramāt

kalpasūtramathaukheyaṃ praṇītaṃ guruṇā purā /
svādhyāyo yatra yatroktastatrādhyeyaṃ vidhānataḥ

ṛtvigbhyo dakṣiṇāṃ dadyādevaṃ saptāhamācaret /
yadi devālaye doṣaḥ kuṃbhapārśvetha sthaṇḍile

devaṃ taṃ sthāpya cābhyarchya nivedya ca mahāhaviḥ /
devasyābhimukhe hutvā homamante yathāvidhi

navāhaṃ vātha stāham utsavaṃ kārayedvidhiḥ /
divyāntarikṣayoḥ kuṃbhajalenā plāvayennṛpam

bhaumeṣu tatthsalaṃ prākṣya śiṣṭatoyena vai nṛpam /
tatpatnīṃ cābhiṣiñcecca guruṃ saṃpūjya pārthivaḥ

suvarṇapaśubhūmyādīn dadyādṛtvigbhya eva ca /
dakṣiṇāṃ bahulāṃ dadyājjīvo yajñasya dakṣiṇā

yadi rājagṛhe doṣaḥ kṛtvā maṇḍapamantike /
pūrvavadgrahayajñaṃ ca homaṃ śrāmaṇake 'nale

kuṃbhasya sādhanaṃ kṛtvā saptāhānte prabhuṃ tathā /
snāpayetkuṃbhatoyena pratiṣṭhāntakrameṇa vai

dakṣiṇāṃ gurupūrvebhyo datvā kṛtvāṃkurār'paṇam /
śubhe 'nukūle nakṣatre kṛtvā caivābhiṣecanam

praviśetpūrvagehaṃ tu dharmasiddhyaigurūditaḥ /
eṣa eva vidhiḥ prokto gṛhiṇāmapi sammataḥ

rājñāṃ parārthavṛttitvātso 'tra tu prakṛtīkṛtaḥ /
sarvagrāsoparāgādidivyādbhutaśamāyavai

yathāśakti brāhmaṇebhyassvarṇaṃ bhūmiṃ paśūnapi /
dadyāttathā viśeṣeṇa dakṣiṇāṃ bhūrisammitām

anāvṛṣṭinivṛttyarthaṃ kuṃbhaṃ saṃgṛhya pūrvavat /
sarvatīrthaṃ samāvāhya samabhyarcyāgrato hareḥ

dhyānyapīṭhe tu sauvarṇaṃ padmamaṣṭadalairyutam /
hemapātre tu sannyasya devamāvāhya tatra ca

abhyarcya tasya cordhvetu pīṭhe kuṃbhaṃ nidhāya ca /
kuṃbhamūle tu suṣiraṃ sūcīmātraṃ vidhāya ca

taddhārayā tvavicchinnarūpayā secayeddharim /
samidbhirvaitasībhistu pālāśībhirathāpi vā

aṣṭhottarasahastraṃ tu juhuyātpañjavāruṇam /
agnau śrāmaṇake paścāddiśāhomeṣu pūrvavat

aṣṭāttarasahasraṃ tu pratyekaṃ pañcavāruṇam /
samidbhirjuhuyādvidvān vaitasībhiryadhāvithi

samidbhiḥ punarājyena vaitasībhiḥ pṛthagghunet /
aṣṭādhikasahasraṃ tu "indraṃ praṇayanta'' mityapi

śrāmaṇāgniṃ vidhāyaikaṃ dakṣiṇe tasya vajriṇam /
āvāhya tu samabhyarcya "śacīsahā''yeti homayet

devaṃ viśeṣato 'bhyarcya kārayetsnapanādikam /
evaṃ jñātvā vidhānena tattatkarmasu gauravam

tṣahādi triṃśadghasrāntaṃ śrāmaṇāgnau yathāvithi /
dine dine pūrayitvā kuṃbhaṃ tenaiva secayet

sarvānte devamāsnāpya samabhyarcya havirdadet /
karmānte syānmahāvṛṣṭistasmādyatnena kārayet

atha vā varṣa kāmī vā mokṣārthī paśukāmanaḥ /
sarvopadravaśāntyarthī vijayārthī viśeṣataḥ

snapanālayamāsādya alaṅkṛtya ca pūrvavat /
karmagauravamājñāya saṃbhṛtya bahudhā payaḥ

pūjayetprathamaṃ yatnādācāryaṃ sahi dhārakaḥ /
ācāryassuprasannātmā śvabhrātprācyāṃ tu taṇḍulaiḥ

kṛtvā paṅktiṃ dakṣiṇottarāyatāṃ vipulāntarām /
śvabhrāddakṣiṇataḥ kṛtvā kuṇḍaṃ śrāmaṇakasya tu

agnimādhāya kuṃbhāṃ stu nava saṃveṣṭya tantunā /
adbhiḥ prakṣālya cotpūya kuśakūrcena cātvaraḥ

kṣīreṇa pūrayitvaiva cotbūtena krameṇa vai /
paṅktiṃ nidhāyāpidhānairapidhāyopari kramāt

vastreṇācchādayecchvabhraṃpūjāntebhyarcya vai harim /
svastisūktena cānamya saṃsthāpya śvabhramadhyame

arcanoktavidhānena sarvaṃ pūrvanadāyaret /
tantunā veṣṭite kṣīraṃ kṛhītvākarake pūnaḥ

viṣṇusūktena "ceṣe''tvetyādyairmantraiḥ kramādguruḥ /
tayā saṃsnāpayeddenamuktayo kṣīradhārayā

tathaiva pariṣicyāgniṃ mantrai"rviṣṇornu''kādibhiḥ /
"atodevādi''bhistadvadaṣṭārṇa manunā tathā

juhuyādviṣṇugāyatṣā aṣṭādhikasahasrakam /
atha vā snapanaṃ yāvattāvadudvartya mantrataḥ

hāridrena tu cūrṇena saṃśodhyāmlādibhistataḥ /
gandhodena susaṃsnāpya plotena vimṛjettataḥ

vastrādibhiralaṅkṛtya samabhyarcya vidhānataḥ /
pāyasādi havirdadyāddapyādācāryadakṣiṇām

anena sarvān kāmāṃśca labhetāviśayaṃ naraḥ /
dhruvaberārcane cettu saṃsnāpya pramukhe ghaṭam

tasmādānīya tatraiva snāpayeduktagauravāt /
saptapañcatṣahānyatra kṣīrasnānaṃ prakalpayet

evaṃ ghṛtābhiṣekaṃ ca kārayetsadṛśaṃ phalam /
imāmadbhutāśāntintu kāśyapādyāḥ pracakṣate

atha prabhūtaśāntiṃ tu pravakṣyāmi tapodhanāḥ /
pūrvavanmaṇṭapādīni kārayitvā yathāvidhi

viśāhomaṃ cakṛtvaiva śrāmaṇāgnau yathoditam /
kuṃbhaṃ saṃsādhya ca prāgvatsaptāhānte viśeṣataḥ

aṣṭottaraśataṃ vāṣṭacatvāriṃśadathātha vā /
saṃgṛhya kalaśānāntu samabhyarcya'bhiṣecya ca

devaṃ viśeṣato 'bhyarcya havirdadyādayaṃ vidhiḥ /
mahāśāntikramaṃ vakṣye vinā kuṃbhasya sādhanam

agnau śrāmaṇake bilvapatrairājyāplutaiḥkramāt /
aṣṭādhikasahasraṃ vai hunedaṣṭākṣareṇa tu

ājyena vaiṣṇavaṃ viṣṇusūktaṃ pauruṣameva ca /
hutvā tṣahānte saṃsnāpya śuddhasnapanavartmanā

samabhyarcya havirdadyānmahāśāntiriyaṃ bhavet /
aupāsanāgnāvekāhaṃ hutvā śāntiṃ vidhānataḥ

brāhmaṇān bhojayitvaiva dadyādācāryadakṣiṇām /
atha śuddhividhiṃ vakṣye vāstuhomaṃ hunettataḥ

bilvapatrādibhirhutvā pṛthagaṣṭottaraṃ śatam /
puṇyāhānte guruṃ pūjya bhojayedbrāhmaṇānapi

sarvatratu vikalpena ghaṭasaṃskāramācaret /
athātassarvaśāntissyādapamṛtyubhaye tathā

grahakope mahāvyādhau paracakrabhaye tathā /
arthabandhuvināśe ca durbhikṣe ca parājaye

abhicārabhaye caiva tāpatrayanipīḍane /
viruddhe 'cātmanaḥ prāpte sarvaśāntiṃ samācaret

saptāhaṃ vā navāhaṃ vā dvādaśārṇena vai pṛthak /
aṣṭottara sahasraṃ tu juhuyādvidhinā kramāt