Bhṛgusaṃhitā · Chapter 28

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre saptaviṃśo 'dhyāyaḥ.
athāṣṭāviṃśo 'dhyāyaḥ.
athāṣṭāviṃśo 'dhyāyaḥ.
prāyaścittam
athāspṛśyasparśanetuprāyaścittaṃ pravakṣyate /
sarpamūṣakamaṇḍūkamārjāranakulādiṣu

garbhāgāraṃ praviṣṭeṣu viṇmūtrādivisarjane /
vyapohya tatpañcagavyaistathābliṅgābhireva ca

vaiṣṇavaṃ viṣṇugāyatrīṃ śatamaṣṭottaraṃ japet /
dhruvaṃ cai vādhitiṣṭhatsu viṇmūtrādivisarjane

kṣipraṃ vastreṇa saṃśodya mārjayitvā kuśena ca /
"āpo hiraṇyavarṇā'bhiḥ "pāpamānī'bhireva ca

saṃsrokṣya cārcayeddevamanyatā viparītakṛt /
sparśetaireva biṃbānāṃ śuddhodaissnāpayedvidhiḥ

udakyayā sūtikayā rajakenāntyajātibhiḥ /
prathamāvaraṇe viṣṭe cārcāsthāne ca parṣadām

praviṣṭe cātha saṃspṛṣṭe dārbheṇoddīpya vahninā /
hutvā ca vāstu yajñeva pañcagavyaissamukṣya ca

kṛtvā puṇyāhamante tu nityāgnau juhuyāttataḥ /
dauvārikamanuṃ caiva dvārapālaṃ ca vaiṣṇavam

bāṅyāvaraṇapakṣe tu mārjanenopalepanaiḥ /
prokṣaṇairvāstuyajñeva śuddhirbhavati sarvataḥ

arcākāne tu dṛṣṭeṣu caiteṣu vidhinā harim /
saṃsnāpya pañcagavyaintu śuddhodaissnāpya cātvaraḥ

prokṣaṇaiḥ prokṣya hutvā tu pūrvavacchārcayettataḥ /
eteṣu saṃpraviṣṭeṣu cālayābhyantare tathā

tatspṛṣṭahaviṣāṃ caiva pramādāttu nivedane /
śodhayitvātha taddravyaṃ yathāvidhi viśeṣataḥ

vāstuhomaṃ ca hutvātha paryagnikaraṇaṃ caret /
pañcagavyaissamabhyukṣya puṇyāhamapi vācayet

saṃsnāpya kalaśairdevaṃ hutvā nityānale tataḥ /
vaiṣṇavaṃ viṣṇusūktaṃ ca nṛsūktaṃ raudrameva ca

brāhmaṃ ca śrīmahīsūkte brāhmaṇān bhojayettataḥ /
spṛṣṭetu caitairbiṃbeṣu dhruvādiṣu viśeṣataḥ

kṛtvātu pūrvavacchuddhiṃ vāstuhomaṃ ca kārayet /
paryagnipañcagavyābhyāṃ śodhayitvā tataḥparam

saṃsnāpya kalaśairdevamabjāgnau vidhivattadā /
mahāśāntiṃ ca hutvaiva pratiṣṭhāṃ punarācaret

śūdrādyairanulomaiśca spṛṣṭaṃ datvā havistataḥ /
pañca gavyaiśca śuddhodairdevaṃ saṃsnāpya cādarāt

puṇyāhaṃ kārayetpaśchāddviguṇaṃ tu nivedayet /
mahāpātakibhiścaiva caṇḍālai pulkasādibhiḥ

ālaye saṃpraviṣṭe tu tatspṛṣṭhe vinivedite /
saptāhaṃ mahatīṃ śāntiṃ hutvābjāgnau vidhānataḥ

saṃsnāpya kalaśairdevaṃ pratiṣṭhāṃ punarācaret /
punaścadhruvabere vā biṃbeṣyanyeṣu mandire

spṛṣṭeṣu pūrvavacchuddhiṃ kṛtvā dviguṇameva ca /
hutvā tu mahatīṃ śāntiṃ saṃsnāpya kalaśairvibhum

pratiṣṭhoktakrameṇaiva pratiṣṭhāṃ punarācaret /
patite caiva pāṣaṇḍe cānyatantreṇa dīkṣite

praviṣṭe garbhagehe tu vāstuśuddhiṃ vidhāya ca /
hutvā tu mahatīṃ śāntiṃ pratiṣṭhāṃ punarācaret

ukteṣveteṣu satataṃ prathamāvaraṇe tathā /
dvitīye vā saṃcaratsu māse 'tīte viśeṣataḥ

māsamekaṃ mahāśāntiṃ hutvā kṛtvā vidhānataḥ /
karṣaṇādi punaḥkṛtvā pratiṣṭhāṃ punarācaret

tathā saṃvatsare 'tīte tyaktvā cāvāhanādikam /
kautukādīntsusaṃrakṣya garbhāgārādi sarvataḥ

vāsayedgā viśeṣeṇa māse 'tīte viśeṣataḥ /
sarvatra śuddhiṃ kṛtvātu hutvā māsatrayaṃ tataḥ

mahāśāntiṃ tathā kṛtvā karṣaṇādi punaḥkriyāḥ /
bālālayaṃ ca saṃkalpya biṃbaśuddhimāthācaret

jalādhivāsanādyaiśca tathā vittānusārataḥ /
aśītyadhikasāhasraissaṃsnāpya kalaśairharivim

brāhmaṇān bhojayitvaiva saṃpūjyāpi ca vaiṣṇavān /
bālālaye pratiṣṭhāpya deveśaṃ vidhivattataḥ

ālayaṃ caiva sarvatra navīkṛtya viśeṣataḥ /
mahāpratiṣṭhāṃ kṛtvaiva devadevaṃ samarcayet

etaissaṃsargiṇāṃ sparśe sūtikāktaiva niṣkṛtiḥ /
sparśe tatsaṃsargiṇāṃ ca śuddhissyātsnapanādinā

tatassaṃsargiṇāṃ caiva na doṣaḥ parikathyate /
aśaumavaddvijaspṛṣṭahaviṣāṃ ca nivedane

ekāhaṃ tu mahāśāntiṃ hutvā saṃsnāpya caudakaiḥ /
puṇyāhaṃ vācayitvaiva pūrvavacca samarcayet

spṛṣṭeṣu cātha biṃbeṣu kautukādiṣu vā dhruve /
pūrvavanmahatīṃ śāntiṃ hutvā saṃsthāpayetpunaḥ

praviṣṭe cālayādbāṅye sarvatra ca yathārhakam /
gauravaṃ lāghavaṃ jñātvā sarvamūhyaiva kārayet

khadyaitapakṣijātādipraveśe cālayāntare /
sparśane caiva biṃbānāṃ kṛtvā paryagni pūrvavat

saṃśodya pañcagavyaistu śuddhodairabhiṣicya ca /
prokṣaṇaiḥ prokṣyanityāgnau chullyāṃ vā vaiṣṇavaṃ hunet

biṃbādīn tatsamīpasthān saṃśodhyaiva ca pūrvavat /
śuddhodaissnāpya puṇyāhaṃ kṛtvoktaṃ homamācaret

pūrvamukteṣu deśeṣu śvādīnāṃ vā nṛṇāmapi /
chedane tāḍane caiva raktasrāve mṛtau tathā

tadvyapauhya ca taddeśaśuddhiṃ kṛtvā vidhānataḥ /
vāstuhomaṃ ca hutvaiva kalaśaissnāpya saptabhiḥ

taddoṣaśamanārthaṃ ca mahāśāntiṃ hunettataḥ /
abhyarcya pūrvavaddevaṃ havissamyaṅni vedayet

saṃbhūte tvālayādbāhye kṛtvā paryagni pūrvavat /
devaṃ śuddhodakaissnāpya śāntiṃ hutvā vidhānataḥ

saṃpūjya vaiṣṇavāṃścaiva pūrvavatsamyagarcayet /
deveśasya śave dṛṣṭe saṃsnāpya kalaśairharim

vaiṣṇavaṃ viṣṇusūktaṃ ca pauruṣaṃ juhuyāttataḥ /
gajāśvapaśumukheṣu prathamāvaraṇe punaḥ,

mṛteṣu tadvyapohyaiva khanitvā tādṛśaṃ sthalam /
vāstuhomaṃ ca hutvā tu śaddhodairabhiṣicya ca

vaiṣṇapaṃ viṣṇusūktaṃ ca pauruṣaṃ juhuyādvidhiḥ /
prasvede rudhirasrāve rodane jalpane tathā

hāse dṛṣṭe mahābere satsu dhūmādiṣu svataḥ /
ālayābhimukhe 'bjāgniṃ sādhayitvātha vaiṣṇavam

viṣṇusūktaṃ nṛsūktaṃ car iṅkārān pāramātmikam /
hutvā saṃsnāpya deveśaṃ kalaśaissaptabhiḥ kramāt

samabhyarcya havirdatvā brāhmaṇān bhojya sādaram /
vaiṣṇavāṃśca susaṃpūjya dadyādāyāryadakṣiṇām

tṛṇavalmīkakīṭādāvutpanne tatra pūrvavat /
śāntiṃ pūrvoditāṃ hutvābhojayitvāpi brāhmaṇān

devaṃ bālālaye sthāpya navīkaraṇamācaret /
vimāne tu haṭhādbhinne patite vā vidhānataḥ

śāntiṃ māsatrayaṃ hutvā karṣaṇādi vidhāya ca /
bālālayaṃ ca saṃkalpya kṛtvā cāpsvadhivāsanam

biṃbaśuddhiṃ tu kṛtvaiva saṃsnāpya kalaśairharim /
aśītyadhikasrāhasrairyathāvibhavavistaram

brāhmaṇān bhojayitvaiva saṃpūjyaiva tu vaiṣṇavān /
devaṃ bālālaye sthāpya navīkṛtyālayādikam

sarvatra cāviśeṣeṇa pratiṣṭhāṃ punarācaret /
tatrāśanihate caiva makṣikādiphirāvṛte

saṃsnāpya kalaśairdevaṃ pūjāṃ kṛtvā viśeṣataḥ /
prabhūtaṃ tu nivedyaiva hutvā śāntiṃ vidhānataḥ

brāhmaṇān bhaujayitvaiva punassaṃdhānamācaret /
sthūpikīle vinaṣṭe tu vimānopari saṃsthite

vimānakalpavatkṛtvā punassaṃdhānamācaret /
akāśe pratisūryasya darśane vaiṣṇavaṃ tathā

sauraṃ ca daśakṛtvantu hutvābhyarcya viśeṣataḥ /
digdāhe vaiṣṇavaṃ digdaivatyamāgneyameva ca

śilāvarṣe vāruṇaṃ ca vaiṣṇavaṃ triścatriṃśatā /
akāle śaśinaḥ pūrtaukṣaye vā pratidarśane

mahotpāte ca mahatīṃ hutvā śāntiṃ vidhānataḥ /
devaṃ viśeṣato 'bhyarca brāhmaṇān bhojayettataḥ

ālayābhyantare bāhyaprākāre vā viśeṣataḥ /
raktastrīdarśanecaivaṃ taṃ deśaṃ pariśodhya ca

devaṃ viśeṣato 'bhyarcya havissamyaṅnivedayet /
dhruvabere kautukādau spṛṣṭe caiva dhruvoditām

śuddhiṃ jalādhivāsaṃ ca kṛtvā saṃsthāpayetpunaḥ /
garbhālaye tu sarpādidarśane tadvyapohya ca

gomayenopalipyaiva gavyairabhyukṣya pañcabhiḥ /
aupāsanāgnimādhāya vaiṣṇavaṃ śāntimācaret

puṇyāhaṃ vācayitvaiva brāhmaṇān bhojayettataḥ /
sarpādau tu mṛte tatra tadvyapauhyopalipya ca

pañcagavyaintu saṃprokṣya vāstuśuddhiṃ vidhāya ca /
saṃsnāpya kalaśair devaṃ caturviṃśatibhistadā

ekāhaṃ paiṇḍarīkāgnau mahāśāntiṃ vidhāya ca /
dhruvādiṣu tu biṃbeṣu muhusspṛṣṭeṣu taistathā

devaṃ śuddhodakaissnāpya mahāśāntiṃ vidhāya ca /
puṇyāhaṃ vācayitvaiva viśeṣārcanamācaret

mṛte prāsādabāhye tu tadvyapohya ca pūrvavat /
prokṣaṇaiḥ prokṣya ca huneddigdaivatyaṃ ca vaiṣṇadam

pākasthāne gopurādau mṛte sarpe vyapohya ca /
upalipya ca nityāgnau vaiṣṇavaṃ ca viśeṣataḥ

tatthsānādhipadaivatyaṃ daśaśo juhuyādvidhiḥ /
ālayābhyantare caiva sarpatrāvaraṇe 'pi vā

mahāvāte 'vivṛṣṭau vā śatrucorādyupaplave /
saṃsmāpya kalaśairdevaṃ vāstuhomaṃ vidhāya ca

paryagni pañcagavyābhyāṃ śodhayitvā vidhānataḥ /
puṇyāhaṃ vācayitvaiva vaiṣṇavaṃ viṣṇusūktakam

nṛsūktaṃ śrīmahīmantrān brāhmaṃ raudraṃ viśeṣataḥ /
prājāpatyaṃ ca hutvaiva brāhmaṇān bhojayedvidhiḥ

atha vakṣye viśeṣeṇa bhayarakṣārthaniṣkṛtim /
corairamitrairatha vā paracakreṇa saṃkule

lohajapratimānāṃ ca tirodhānaṃ prakalpayet /
śucau deśe sugupte tu khanitvā cāvaṭaṃ ghanam

sikatābhiḥ prapūryaiva kuśānāstīrya copari /
avaṭe 'bhyarcya bhūdevī "mapo hi'ṣṭheti prokṣya ca

devāgāraṃ praviśyaiva yajamānayuto guruḥ /
devadevaṃ praṇamyaiva samabhyarcyānumānya ca

"yāvatkālaṃ bhayaṃ bhūyāttāvadīśa janārdana /
hariśyā sahita statra śayīdhā' iti sanmanum

vījñāpya śaktiṃ biṃbasthāṃ dhruvabere 'varopayet /
berābhāve tu hṛdaye samāropya vidhānataḥ

"paraṃ raṃha' iti procya pīṭhādādāya cātvaraḥ /
"pratadviṣṇu stavata' ityavaṭe nyasya rakṣitam

"yadvaiṣṇava'miti procya prākchiraśśāyayettataḥ /
avaṭaṃ sikatābhirvā mṛdā vā pūrva yatnataḥ

acchidraṃ sudṛḍhaṃ kuryādavaṭaṃ parirakṣitam /
paścādabhyantaraṃ gatvā devadevaṃ praṇamya ca

grathitaṃ pañcadaśabhirdarbhaiḥ kūrcaṃ pragahya ca /
dvādaśāṃguladīrghantu jīvasthāne nidhāya ca

dhruvaberātsamādāya tatkūrcer'canamācaret /
bālālayaṃ bhavecchettu arcāpīṭhe viśeṣataḥ

kūrcaṃ sannyasya hṛdayātpraṇidhyāṃ viniveśyaca /
kūrcaṃ tu biṃbavatsmṛtvā manasaivākṣarāṇi tu

tattatthsāne tu saṃskṛtya sannyasyāvāhya cārcayet /
snapanādau tu saṃprāpte kuryādabhyukṣaṇaṃ budhaḥ

māsādūrdhvaṃ tu tatkūrcaṃ vyapohyānyaṃ nidhāpayet /
kāle tu biṃbamuddhṛtya saṃśodhyāmlādibhistadā

puṇyāhāntekṛte 'spṛśya sparśane tvavilaṃbitam /
kṛtvā jalādhivāsādīnaṅkurārpaṇapūrvakam

ālayābhimukhe vāpi dakṣiṇe vā manorame /
prapāyāṃ maṇḍapekūṭe yatvābjāgniṃ vidhāyaca

taduttare vāstahomaṃ hutvābiṃbasamīpataḥ /
paryagnikaraṇaṃ kṛtvā gavyaissaṃśodhya pañcabhiḥ

abjāgnau paścime bhāge biṃbārdhādhikavistṛtām /
bhāgonnatāṃ yathālobhonna tāṃ dhānyairvidhāya ca

vediṃ manoharāṃ caiva vāsāṃsyāstīrya pañca ca /
saṃsnāpya kalaśairdivyaiścaturdaśabhireva ca

puṇyāhānte pratisaraṃ baddhvā kautukapūrvakam /
berāṇi devīsahitaṃ śāyayecchayane śubhe

avatārāṇāṃ tu śayanaṃ pṛthageva vidhīyate /
pariṣicya ca padmāgnau hautraśaṃsanamācaret

deveśasya ca devyāśca avatāragaṇasya ca /
dakṣiṇapraṇidhau caiva pārṣadānāmathottare

āvāhya kṛtvā nirvāpaṃ hunedājyāhutīḥkramāt /
vaiṣṇavaṃ viṣṇusūktaṃ ca puruṣasūktaṃ tathaiva ca

gāyatrī vaiṣṇavī caiva dvādaśākṣarameva ca /
prājāpatyaṃ mindāhutī vicchinnaṃ juhuyādayam

śāntihoma iti proktā mahāśāntiṃ jaguḥpare /
ṣaṇmāne samatīte tu hutvā śāntiṃ viśeṣataḥ

saktulājatilāpūpairājyamiśraistu vaiṣṇavam /
viṣṇusūktaṃ ca pratyekaṃ śataśo juhuyādvidhiḥ

śvetaṃ raktaṃ sarojātamalābhe bilvakacchadam /
ghṛtāplutaṃ tu vaiṣṇavyā gāyatṣājuhuyāttathā

sarvadaivatyamante ca juhuyātpāramātmikam /
enameke mahāśāntihomamācakṣate budhāḥ

paścādapyavatārāṇāṃ tattanmantraṃ viśeṣataḥ /
pṛthagaṣṭottaraśataṃ hutvā rātriṃ nayettataḥ

snātvā prabhāte deveśaṃ praṇamya praṇavena tu /
bodhayitvābhivandyaiva "karuṇābdhe kṣamasya me

śataṃ sahasramayutamasaṃkhyeyaṃ muhurmuhuḥ /
kṛtānāmaparādhānā'miti saṃprārthya bhaktitaḥ

prācīna vastramālyādīn dyapohyanyairvibhūṣya ca /
sarvavādya samāyuktaṃ śākunaṃ sūktamuccaran

toyadhārāṃ puraskṛtya gacchettu purato guruḥ /
sthāpakā devamuddhṛta kṛtvā dhāmapradakṣiṇam

abhyantaraṃ praviśyaiva sthāpayeyuśca pūrvavat /
devapādau gurusspaṣṭvā vaiṣṇavaṃ viṣṇusūktakam

pauruṣaṃ cātmasūktaṃ ca japtvā dhyātvā vidhānataḥ /
dhruvādvā hṛdayācchaktiṃ praṇidhyāṃ tu niveśya ca

kṛtvākṣarāṇāṃ vinyāsamāvāhanamathācaret /
tadālayagatāṃś caiva devānanyāṃ tsamāhvayet

puṇyāhaṃ vācayetpaścādyathoktaṃ pūrvamācaret /
yajamānopi śuddhātmā dadyādācāryadakṣiṇām

paścādagniṃ paristīrya śāntihomaṃ samācaret /
yathāvibhavavistāramutsavaṃ snapanaṃ caret

aśaktassnapanaṃ kuryādanyatsarvaṃ ca pūrvavat /
kūrcādāvarcane hīne tanniṣkṛtimathācaret

evaṃ caidvatsa re 'tīte punasthsāpanamācaret /
avatāraviśeṣasya pṛthakkuryāditītare

teṣāṃ punaḥpratiṣṭhā cettattaddhomaṃ tu ke cana /
idthaṃ syādbhayarakṣārthaniṣkṛtissarvasiddhitā

atha vakṣye viśeṣeṇa punarbālālayaṃ budhāḥ /
mahābere vimāne ca patite jarite tathā

bhinneṃgahīne nihate vātyayāśaninātha vā /
varṇakṣaye sthalabhraṃśe garbhagehasya cānyathā

pīṭhagarbhādināśe vā aspṛśyairvā praveśane /
unnatasthāpanecchāyāṃ kuryādbālālayaṃ hareḥ

bālālaye 'bhyarcyamāne saṃbhūte sthānasaṃkaṭe /
caṇḍālādhiṣṭhite caiva sthānanāśe hradādibhiḥ

anyatra tūcite deśe kṛtvā pūrvoktamārgataḥ /
karṣaṇādikriyāssarvā biṃbamānīya cādarāt

pratiṣṭhāpya tu tatraiva kuryānmūlālayaṃ tataḥ /
bāhye caiva vimānasya cāṅgopāṅgakṣatau tathā

makṣikātṛṇavalmīkapādapādyairvibhedane /
vinā bālālayasthānaṃ śaktiṃ gṛhya vimānagām

tadaṅgadevatānāṃ ca samāropya dhruve punaḥ /
navīkṛtya vimānoktapratiṣṭhāṃ punarācaret

akṛtvā devatāropaṃ mahābere viśeṣataḥ /
vimānaṃ nādhitiṣṭheta sarvatrāyaṃ vidhissmṛtaḥ

vimānadhruvayornāśe yugapattatraniṣkṛtiḥ /
kautukādīn pratiṣṭhāpya vihāya prārthanāmanum

bālālayaṃ prakalpyaiva vidhinā tatra cārcayet /
tasya kāle 'pyatīte tu tadā tatra na doṣakṛt

yasyāṅgasya bhaveddhānistatra bālālayaṃ bhavet /
kṛtvā tasya tu saṃskāraṃ yathoktaṃ tatpunaścaret

kautukādivināśe ca doṣayukte dhruve tathā /
vimāne ca tathā duṣṭe kṛtvā bālālayaṃ punaḥ

yathālābhena mānena biṃbamāhṛtya dāravam /
pratiṣṭhāpyādyataruṇālayoktavidhinā tataḥ

kautukādīṃśca saṃkalpya pratiṣṭhāpyārcayetkramāt /
alābhe kautukādīnāṃ doṣayukte tu dārave

biṃbamasyaṃ samāhṛtya pratiṣṭhāpyaiva dāravam /
tadberaṃ vidhivattyaktvā kṛtvā mūlālaye punaḥ

vidhinā mūlaberaṃ tu pratiṣṭhāpya samarcayet /
bālālayasya saṃsthānaṃ vakṣye mūlālayasya tu

madhyasūtrāddakṣiṇe ca prathamāvaraṇe tathā /
dvitīyāvaraṇe vātha maṇṭapādau manorame

yatrāvakāśastatraivaṃ bālāgāraṃ prakalpayet /
dvitīyāvaraṇādūrdhvaṃ na bālāgārakalpanam

ekādi tu trihastāntaṃ vistāraṃ tu vidhīyate /
adhyardhaṃ caiva pādonamutsedhaṃ dviguṇaṃ tu vā

utsedhaṃ pañcadhā kṛtvādhiṣṭhānaṃ caikamaṃśakam /
bhittyuccaṃ dvyaṃśamatha ca dvyaṃśaṃ tu śikharaṃ matam

lupopare tṛṇācchannaṃ mṛṇmayaṃ kārayetsudhīḥ /
bhittiviṣkaṃbhamānaṃ syānmūlālayasamaṃ tathā

dviguṇaṃ caturguṇaṃ kṛtvā yacchiṣṭaṃ vidhinā kṛtam /
nālīgṛhaṃ bhavedvindyāttameva taruṇālayam

maṇḍapādiṣu cedbhittyā saha tasya yathārhakam /
nālīgṛhaṃ maṇḍapena pramukhe rahitaṃ tu vā

sahite tu samaṃ kuryāttripādaṃ cārdhameva vā /
pūrvāparayutaṃ vātha dakṣiṇottaramāyatam

samaṃ vā taruṇāgāraṃ śilpaśāstroktavaccaret /
pañcaviṃśatibhāgaṃ tu kṛtvā garbhālayaṃ tataḥ

madhye brāhmaṃ padaṃ caikaṃ parito 'ṣṭau tu daivikam /
mānuṣaṃ tasya paritaḥ padānyanyāni ṣoḍaśa

kautukaṃ brahmaṇasthsāne sthāpayeduttamaṃ bhavet /
daivike mānuṣe sthāpya madhyamaṃ cādhamaṃ bhavet

trīṇi tu snapanādīni berāṇi sthāpayetsadā /
antyayoreva nānyatra sthānabhedaḥ praśasyate

prāṇasthānetu pīṭhaṃ syādramyamekatrimekhalam /
yathālābhāyataṃ tadvadvistāro tsedhasaṃyutam

ratnanyāsavihīnaṃ vā kṛtvā vibhavavistarāt /
ālayāgre 'tha vā bālāgārāgre pūrvavadbudhaḥ

yāgaśālāṃ tu kṛtvaiva toraṇādīnvidhāya ca /
subhṛtyaiva ca saṃbhārānṛtvijovarayetkramāt

śālāmadhye prakalpyaiva śayyāvediṃ manoharam /
caturaśrāṃ pādahīnāmardhahīnāṃ viśeṣataḥ

tadbhittyātu samāṃ tatturīyāṃśotsedhasammittām /
pañcatrīnathavai kāgniṃ saṃkalpyaiva ca pūrvavat.

paryagni pañcagavyābhyāṃ saṃśodhya vidhinā tataḥ /
bālāgāraṃ yajñaśālāṃ puṇyāhamapi vācayet

hutvāgnikuṇḍeṣvāghāraṃ pradhānāgniṃ samindhya ca /
gāyatrīṃ vaiṣṇavīṃ caiva vaiṣṇavaṃ viṣṇusūktakam

pauruṣaṃ caikākṣarādi śrībhūsūktaṃ ca vāruṇam /
pañcamantrān jayānabhyātānān rāṣṭrabhṛtastathā

midāhutī ca vicchinnamṛddhiṃ vaiṣṇavasaṃyutam /
pratyekaṃ pratimantraṃ ca hutvāṃ ca samanantaram

śvetābjaṃ viṣṇugāyatṣāghṛtāktaṃ bilvapatrakam /
hunedaṣṭottaraśataṃ sarvadoṣavināśanam

rātripūjāvasāne tu devamabhyarcya yatnataḥ /
havirnivedya tāṃ śaktiṃ kautukādiṣu saṃgatām

mahābere samāropya kuṃbhamāhṛtya pūrvavat /
tantunā pariveṣṭyaiva "śucī vo havya'mantrataḥ

prakṣālyotpavanaṃ kṛtvā "dhārāsvi'ti ca mantrataḥ /
adbhirāpūryābhimṛśya "idamāpaśśivā' iti

vastrayugmena cāveṣṭya navaratnādi vinyaset /
uccāryaviṣṇugāyatrīṃ tatra kāryaṃ samācaret

tato 'bhyantaramāviśya devāgre dhānyamaṇḍale /
sannyasya kuṃbhamāsitvā devāgre tūttarāmukhaḥ

samāhito hariṃ dhyāyan prārthayenmantramuccaran /
"anarhametattvadgehaṃ jīrṇaṃ tūrṇaṃ vyapohya ca

kiñcitkālaṃ ca deveśa tvayātra sthīyatāṃ vibho /
yāvadvayaṃ navaṃ kṛtvā pratiṣṭhāṃ kārayāmahe

prasādaṃ kuru tāvattvamasmin gehe jagatpate' /
ityuktvābdamatha dvautrīn saṃkalpyāvadhimādarāt

devyādisahitaṃ devamāvāhyāṃbhasi kuṃbhake /
ācāryaśśirasā kuṃbhaṃ dhārayannagratastviyāt

tadanu sthāpakābiṃbanyādāya snapanāvaṭe /
yajñālaye pratiṣṭhāpya caturdaśabhireva ca

kalaśaissnāpya vastrādyairalaṅkṛtya samarcyaca /
śayyāvedyāṃ dhānyapīṭhe śayanāni tu pañcavai

āstīrya cātha vāsāṃsi baddhvā pratisaraṃ tataḥ /
tathaiva śāyayetkuryāduttarācchādanaṃ punaḥ

pariṣicya pradhānāgniṃ hautraśaṃsanamācaret /
kṛtvā cāvāhanādīni hunedagniṣu pūrvavat

pradhānāgnau sruveṇājyamādāyaiva tu vaiṣṇavam /
gāyatrīṃ vaiṣṇapaṃ viṣṇusūktaṃ pauruṣameva ca

ekākṣarādisūktaṃ ca śrībhūdaivatyameva ca /
trirhutvā sarvadaivatyaparṣadāṃ mantrameva ca

hutvā vyapohya vidhinā rātriśeṣaṃ samāhitaḥ /
snātvā prabhāte deveśaṃ praṇamya pramavena tu

vibodhya dakṣiṇāṃ dadyādyajamāno mudānvitaḥ /
tato 'gniṃ sādhayitvā tu gurussviṣṭakṛtaṃ tathā

pūrṇāhutiṃ ca hutvaiva visṛjyāgniṃ vidhānataḥ /
dhārayan śirasā kuṃbhaṃ śākunaṃ sū"ktamuccaran

ācāryaḥ purategacchetthsāpakāstadanastaram /
hastābhyāṃ devamādāya sarvavādyasamāyutam

sarvālaṅkārasaṃyuktaṃ to yadhārāpurassaram /
ālayaṃ parito gatvā praviśyābhyantaraṃ punaḥ

vihāya sthirarāśiṃ tu sumuhūrteviśeṣataḥ /
"pratadviṣṇu'riti procya prāṇapīṭhe hariṃsmaran

pratiṣṭhāpya tu deveśaṃ tasya dakṣiṇavāmayoḥ /
śriyaṃ bhuvaṃ ca mantrābhyāṃ tayossaṃsthāpayetkramāt

devapādau spṛśan paścādviṣṇusūktaṃ japan guruḥ /
kṛtvākṣarāṇāṃ nyāsādī "nidaṃ viṣṇuṃ'ti bruvan

kūrcenādāya kuṃbhasthāṃ śakti"māyātu' mantrataḥ /
"viṣṇumāvāhayā'mīti kautukasya tu mūrdhavi

"śriyaṃca "hariṇīṃ'ceti devyau dakṣiṇavāmayoḥ /
saṃsrāvyāvāhayeddevāṃstataḥ pāriṣadānapi

kautukāddakṣiṇe vāme snapanādīni kautukāt /
saṃsthāpya tu samāvāhya tāvatkālaṃ samarcayet

sthāpakaissaha puṇyāhaṃ kṛtvābhyarcyāsanādibhiḥ /
havirnivedya deveśaṃ hutvā homaṃ ca naityikam

baliṃ nirvāpya kurvīta balibhramaṇameva ca /
snapanaṃ cotsavādīni pūrvavatkārayetkramāt

bālālayārcane kuryādarcanaṃ tu dhruvārcayoḥ /
āvāhanaṃ visargaṃ ca hitvā sarvaṃ samācaret

mahānasādinirmāṇaṃ bālālayavidhau punaḥ /
sūlālayoktavatkuryādviparītaṃ na kārayet

ajñānādarthalobhādvā kālasyātikrame sati /
devaṃ viśeṣato 'bhyarcyaśāntiṃ vaiṣṇavasaṃyutam

hutvā saṃpūjya pūjyāṃśca yajamāno gurustathā /
saṃprārthya devaṃ kālasya cāvadhiṃ jñāpayetpunaḥ

bhaktinamra stataḥkutyācchīghraṅkarmedamādarāt /
evaṃ dvādaśavarṣāntaṃ kārayeccha tataḥ param

na ra meta haristatra tasmā duktaṃ samācaret /
aśaktaścettathā kartuṃ bālāgālāntaraṃ punaḥ

saṃkalpyasthāpayettatra viparītakṛdanyathā /
dehāddehāntaraprāptau yathā saṃskriyate naraḥ

tathā sthānāntanaprāptau pratiṣṭhāṃ kārayeddhareḥ /
prathame 'tha dvitīye nā naṣṭe bālālaye 'rcite

duṣṭe vā yena kenāpi maṇḍapādau manoramam /
deśaṃ tu samalaṅkṛtya saṃśodhya vidhivatpunaḥ

saṃsthāpya kautukādīṃśca samabhyarcyedvidhānataḥ /
bālālayaṃ navīkṛtya tadeva tvaritaṃ yathā

vāstuśuddhiṃ ca puṇyāhaṃ kṛtvā saṃsthāpya cārcayet /
ayuktetu tatastasminnidhāyānyatra mandiram

punaḥ pratiṣṭhāmārgeṇa pratiṣṭhāpya samarcayet