Bhṛgusaṃhitā · Chapter 27

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre ṣaḍviṃśo 'dhyāyaḥ.
atha saptaviṃśo 'dhyāyaḥ
prāyaścittam
ācāryasyartvijāṃ caiva pūjakasya viśeṣataḥ /
yathoktavaraṇe hīne śāntiṃ kuryādyathāvidhi

abjāgnau tu mahāśāntiṃ daśavāraṃ hunettataḥ /
yathoktaṃ varaṇaṃ kṛtvā paścātkarma samācaret

aṅkurārpaṇakāle tu brahmādīnāmathār'cane /
havirnivedane vāpi hīne śāntiṃ samācaret

taddaivatyaṃ vaiṣṇavaṃ ca hutvā-bhyarcya nivedayet /
aṅkurārpaṇahīne tu vaiṣṇavaṃ viṣṇusūktakam

puruṣasūktaṃ ca brāhmaṃ ca vyāhṛtīśca hunettathā /
punarapyaṅkurān kṛtvā paścātkāryaṃ samācaret

kṛtvāṃkurārpaṇaṃ paścānnācaretkarma cettataḥ /
rājarāṣṭravināśassyānmahāśāntiṃ samācaret

"kṣama'sveti praṇamyaiva punaraṅkuṃmācaret /
akṣyunmeṣāttu pūrvaṃ cetpīṭhasaṃghātakarmaṇi

alābhe caiva ratnānāṃ vaiṣṇavaṃ viṣṇusūktakam /
sūktaṃ tu pauruṣaṃ brāhmaṃ saumyaṃ caiva tu vyāhṛtiḥ

hutvā suvarṇaṃ bahuśa stattatthsāne vinikṣipet /
akṣyunmeṣaṇakāle tu gavādīnāmasaṃbhave

darśanadravyarūpāṇāṃ yathālābhaṃ pragṛhya ca /
tattaddravyādhidaivatyaṃ vaiṣṇavaṃ juhuyātkramāt

tattaddravyaṃ ca saṃpādya vidhivaddarśayetpunaḥ /
akṣyunmeṣaṇahīne vā rāhusaurodaye 'tha vā

andhakecaiva nakṣatre kṛte caivākṣimocane /
sarvanāśo bhavettasmādvaiṣṇavaṃ viṣṇusūktakam

navagrahādimantrāśca hutvākṣyunmīlanaṃ caret /
pañcagavyādiṣu dravyeṣvadhivāse vivarjite

hutvā vaiṣṇavamārṣañca viṣṇusūktaṃ tathaiva ca /
jalādhivāsaṃ triyahamekāhaṃ vāpi kālayet

yajñālaye mahāvedyāṃ kṛtāyāmapramāṇataḥ /
anyadeśakṛtāyāṃ vā vihīnāyāṃ ca śobhanaiḥ

tattaddeśādhidaivatyaṃ vaiṣṇavaṃ viṣṇusūktakam /
śrībhūdaivatyaṃ ca hutvaiva yathoktaṃ punarācaret

dhruvaberākṣimokṣānte yadi beraṃ na śodhayet /
viparīte 'pi vā hutvā vaiṣṇavaṃ viṣṇusūktakam

puruṣasūktaṃ raudramārṣaṃ vāruṇaṃ ca punaścaret /
agnikuṇḍānyavidhinā kṛtānyālakṣya satvaram

brāhmaṃ saumyamathāgneyaṃ vidhinā kārayettataḥ /
apramāṇeṣu kūrcādiṣvājyapātra sruvādiṣu

mindāhutī ca sāvitraṃ vyāhṛtīśca hunedbadhaḥ /
pañcāgniṣu yathāsthānaṃ prokṣaṇollekhane kṛte

mathitāgnāvalābhe tu prāpya cācāryamandiram /
atha vā śrotriyāgārādāhṛtyāgniṃ samācaret

nidhāya gārhapatyegnimāghāraṃ juhuyādbudhaḥ /
vaiṣṇavaṃ bhūmidaivatyamāgneyaṃ ca hunetkramāt

tamagniṃ vardhayitvātu dakṣiṇāgnau praṇīya ca /
tata āhavanīyāgnāvāvasadhye tataḥ param

sabhye padmānale caivaṃ kramātpraṇayanaṃ caret /
viparīte praṇayane tattanmantravivarjite

vaiṣṇavaṃ pāvakaṃ brāhmaṃsaumyaṃ hutvā punaścaret /
tattadagniṣu cāghārātpūrvaṃ teṣāmathāntarā

nagacchedyadi gacchettu tattaddikpāladaivatam /
vaiṣṇavaṃ pāvakaṃ ceti prāyaścittaṃ hunaitkramāt

utpanne mathitāgnau tu śānte tatra pramādataḥ
ādau praṇayanādarvāgathavāgniṣu sarvaśaḥ śāntiṃ yathoditāṃ kuryādagni sūktaṃ sahasraśaḥ) /
taṇḍulair ekajātīyairdviprasthaiḥ pācayeccarum gavyaṃ ca navanītaṃ ca laukikānalasaṃskṛtam

saṃskārakāle saṃskuryāttadagniṃ mantravattadā /
ājyasthālyāmatha carau makṣikādiḥ patedyadi

tadvyapohyānyadādāya prājāpatyaṃ ca pāvakam /
vaiṣṇavaṃ ca hunedājye tvalabdhe nūtane pūnaḥ

vyapohya doṣaṃ taṃ darbhairuddīpyotpūya cācaret /
āghārite 'gnau naṣṭe tu "ayaṃ te yoni' muccaran

āropayecca samidhaṃ tadbhasmani yathārhataḥ /
"udbuddhya'sveti nikṣipya vidhinā laukike 'nale

vicchinnaṃ mindāhutī ca vaiṣṇavaṃ vyāhṛtipūrvakam /
paristarādidravyāṇāṃ dāhe bhede 'tha nāśane

punastattacca saṃyojya mahāvyāhṛtipūrvakam /
āgneyaṃ mindāhutī ca vaiṣṇavaṃ ca hunedbudhaḥ

pātre 'nukte sruvaṃ pātraṃ gṛhṇīyāddhomakarmaṇi /
havirviśeṣe 'nu ktetu ghṛtaṃ vā saghṛtaṃ caru

dravye pramāṇahīne tu kāpilena ghṛtena vai /
vaiṣṇavaṃ viṃśatirhutvā paścātkāryaṃ samācaret

prāyaścittānale 'nukte chullyāṃ nityānale 'pi vā /
kriyāhīne viparyāse mantrāṇāṃ saṃkare 'pi vā

vaiṣṇavaṃ vyāhṛtīścaiva vyāhṛtyantaṃ hunetkramāt /
puṇyāhahīne puṇyāhamantrān dvādaśaśo japet

vāstuhomavihīne tu tanmantrān daśaśo hunet /
prāyaścittaviśeṣe yadyanukte vaiṣṇavaṃ tataḥ

viṣṇusūktaṃ pauruṣaṃ ca sūktaṃ hutvā samācaret /
ratnapratinidhī rukmaṃ dhātūnāṃ pāradaṃ tathā

bījānāṃ ca yavāḥ proktāḥ pūrvālābhe parassmataḥ /
ratnānāṃ praṇidhiṃ gṛhya vaiṣṇavaṃ viṣṇusūktakam

digdaivatyaṃ vaiṣṇavaṃ ca dhātūnāmatha tatparam /
bījānāṃ praṇidhiṃ gṛhya vāyavyaṃ vaiṣṇavaṃ tathā

hune dviṃśativāraṃ tu pratyekaṃ doṣaśāntaye /
vastrelakṣaṇahīne vā yukte chedādinā tataḥ

tattyaktvānyaṃ samāhṛtya śrīdaivatyaṃ ca vaiṣṇavam /
aṇḍajādidvalabdheṣu vastraṃ pratyekamāharet

vaiṣṇavaṃ śrībhūdaivatyaṃ hutvā kāryaṃ samācaret /
pramāṇahīneṣu punastoraṇādiṣu cātvaraḥ

pṛthagdvārādhidaivatyaṃ juhuyādviṃśatiṃ budhaḥ /
darbharajjvāṃ vihīnāyāṃ hunaidārṣaṃ ca vaiṣṇavam,

kuṃbhe pramāṇahīne vā doṣayukte 'pi vā tathā /
vastrābhyāṃ varṇacihnaiśca hīne nātravaseddhariḥ

yatnena tāni nikṣipya vaiṣṇavaṃ viṣṇusūktakam /
puruṣasūktaṃ brāhmaṃ ca munimantrāṃśca pāvakam

juhuyāddaśakṛtvantu viprāṇāṃ bhojanaṃ caret /
ācāryadakṣiṇāndadyātsaphalaṃ bhavati dhruvam

bhinne tu sādhite kuṃbhe vaiṣṇapaṃ viṣṇusūktakam /
puruṣasūktaṃ brāhmamaindramāgneyaṃ cārṣameva ca

hutvā viṃśatikṛtvantu dadyādācāryadakṣiṇām /
brāhmaṇān bhojayitvaiva saṃpūjyaiva ca vaiṣmavān

anyatkuṃbhaṃ samāhṛtya pūrvavatsādhayedbudhaḥ /
spṛṣṭe tu sāthite kuṃbhe patitaiḥ kukkuṭādibhiḥ

tadvyapohyāryadādāya pūrvavatsādhayettathā /
vaiṣṇavaṃ viṣṇusūktaṃ ca puruṣasūktaṃ tathaiva ca

brāhmaṃ sauramathāgneyamaṣṭādhikaśataṃ yajet /
ācāryadakṣiṇāṃ dadyādvaiṣṇavān pūjayedvidhiḥ

sparśaduṣṭe tathā bere snapanaṃ śāstrataścaret /
pūrvoktāṃ niṣkṛtiṃ kṛtvā paścātkāryaṃ samācaret

nruvādīnāmalābhetu sruveṇaiva huneddhaviḥ /
śvakukkuṭādyaissaṃspṛṣṭe kuṇḍe taṃ taṃ vyapohya ca

kuṇḍaṃ tu pūrvavatkṛtvā kṛtvāghāraṃ yathāvidhi /
āgneyaṃ vaiṣṇavaṃ pañcavāruṇaṃ mūlahomakam

śataśo juhuyātkuryādbrāhmaṇānāṃ ca bhojanam /
alābhe samidhāṃ kṛhya pālāśīrvaṭasaṃbhavāḥ

āgneyaṃ vaiṣṇavaṃ brāhmaṃ hutvākāryaṃ samācaret /
darbhān kuśānvā samidho māsātītān pragṛhya ca

vāruṇaṃ vaiṣṇavaṃ brāhmaṃ saumyamāgneyameva ca /
ādityaṃ juhuyāccaiva doṣa śāntirbhavettathā

dadhi kṣīraṃ gṛhītaṃ cedājaṃ māhiṣameva vā /
vaiṣṇavaṃ brāhmamāgneyaṃ sauraṃ ca vyāhṛtīrhunet

anuktadeśādānītā mṛdo vā vālukās tathā /
agnikuṇḍārthamāhṛtya vāruṇaṃ vaiṣṇave hunet

ārdraṃ sadhūmaṃ durgandhaṃ lepayuktaṃ sakaṇṭakam /
jantuyuktaṃ kṣipedvahnāvindhanaṃ tatparityajet

anyatprakṣipya cāgneyaṃ vaiṣṇavaṃ vyāhṛtīrhunet /
vastrādidravye darbheṣu prapāyāṃ kūṭa eva vā

dagdhāyāmagninā brāhmaṃ vaiṣṇavaṃ saurameva ca /
āgneyaṃ vaiṣṇavamiti pratyekaṃ daśaśo hunet

kalaśanyāsaracanāviparyāne tu vaiṣṇavam /
paṅktīśadaivatyaṃ ca hunettataśśāstravadācaret

snapane tu viparyāne berasya juhuyādbudhaḥ /
pañcavāruṇamantrāṃśca vaiṣṇavaṃ ca yathāvidhi

śayane cedviparyāso vaiṣṇavaṃ śrīmahīmanūn /
kalaśasnānaśayane pratyekaṃ daśaśo hunet

hīne vā viparīte vā tatra hautrapraśaṃsane /
brāhmaṃ munīndramantrāṃścahunetpāriṣadāmapi

avāhanādāvarcāyāṃ viparīte vivarjite /
vaiṣṇavaṃ viṣṇusūktaṃ ca brāhmaṃ raundraṃ huneddaśa

sarveṣāmuktahomānāṃ viparīte vivarjite /
padmāgnau vaiṣṇavaṃ viṣṇusūktaṃ sūktaṃ ca pauruṣam

śayānamuddhareddevamakāle cāpyamantrakam /
hutvā śrībhūmidaivatyaṃ catuṣkṛtvantu śāyayet

hīne cādhyayane sārasvatamaṣṭādhikaṃ śatam /
prāyaścittaṃ ca hutvaiva yathāśāstraṃ samācaret

yathālābhaṃ ca gṛhṇīyādalābhe ṣoḍaśartvijām /
tantreṇa kārayetsarvameṣa śāstravidhissmṛtaḥ

pratiṣṭhāyāmutsavevā tathānyacchubhakarmaṇi /
kurvatāṃ tu puraścaryāmācāryasya rtvijāṃ tathā

āsnānāddīkṣitānāṃ tu nāśaucaḥparikīrtitaḥ /
mohādanuṣṭhitāśaucāḥpatantinarake 'śucau

gṛhṇīyā tsaṃskṛtāṃstānvā punaranyānathāpi vā /
ācārya sthsāpakādīṃstu bhartsanādikamācaran

vaiṣṇavaṃ viṣṇusūktaṃ ca sūktaṃ pauruṣameva ca /
brāhmaṃ sārasvataṃ hutvā tānanujñāpya cācaret

ācāryadakṣiṇākāle 'tīte hutvā tu vaiṣṇavam /
munimantrañca juhuyātpṛthagaṣṭottaraṃ śatam

yathoktadakṣiṇāṃ dadyādarthalobhaṃ na kārayet /
brāhmaṇānāmannadāne vihīne śāntimācaret

triyahaṃ tu mahāśānti staddoṣavinivāriṇī /
hantyalpadakṣiṇo yāgaḥ phalaṃ dadyātsadakṣiṇaḥ

yajñasya dakṣiṇā jīvastasmādyatnena pālayet /
iyaṃ tātkālikījñeyā bhūmimagre pradāpayet

arcakasyārcanārdhaṃ ca kuṭuṃbārthaṃ viśeṣataḥ /
bhūmibhogamakalpyaiva mahāśāntiṃ samācaret

asaṃkalpitavṛttistu devāvāso na vardhate /
arcakaḥ praṇidhiryasmādrājño rāṣṭrasya kalpate

tasmātsamāhitaḥ kuryādyathā pūjā na lupyate /
āpadyapi ca kaṣṭāyāṃ pūjāmetāṃ na lopayet

yadaiva lupyate pūjā yena kenāpi hetunā /
agrer'cakamiyāddoṣa ārdrameṣo 'parādhyati

tasmāddāyena bhūmyādi sthiradānena sādaram /
rūḍhādhikāra evāgre pravartetār'caner'cakaḥ

yasmādarcanahīne tu rājarāṣṭrādisaṃkṣayaḥ /
tadgrāmavāsinastasmādrājā rāṣṭragatā api

bhagavatpūjanāheto rupakuryuḥ prayatnataḥ /
ārdrāparādho bhavati yasmāddoṣeṣu pūjakaḥ

taṃ vṛttikarśitaṃ dṛṣyvā rājā ca grāmavāsinaḥ /
sukhitaṃ taṃ tathā kuryuryathā devastathārcakaḥ

datvṛttimadhikāṃ cāpina śaṅkeyurasūyavaḥ /
yathārhamupayuñjīran svaśaktiṃ tatsukhāya vai

pratiṣṭhānte tu vidhivadarcake tvaprakalpite /
āsurī sā bhavedarcā kartā naivāpnu yātphalam

devena sārthamuddiṣṭaṃ yatkulaṃ pūjakasya tu /
tadatikramya pūjāṃ tu kārayeditareṇa cet

rauravaṃ narakaṃ yāti kartā kārayitā ca yaḥ /
tasmā tsarvaprayatnena śāstroktaṃ paripālayet

śvaḥ kāryamadya kurvīta pūrvāhṇe cāparāhṇikam /
na hi pratīkṣate mṛtyuḥ kartavyo dharmasaṃgrahaḥ

na tya ktavibhavo jātu bhavecca vibhave sati /
yathāśakti prakurvīta vibhavāṃśca na lobhayet

alābhe kautukādīnāṃ suvarṇaṃ nyasya vaiṣmavam /
viṣṇusūktaṃ nṛsuktaṃ ca vāyavyaṃ digadhīśvaram

sabhye 'ntahomahīne tu vaiṣṇavaṃ pāvakaṃ tathā /
vyāhṛtīśca hunedvidvān daśakṛtvassamāhitaḥ

agnigrahaṇahīne tu hutvā pūrvoktaniṣkṛtim /
śrotriyāvasathādagnimāhṛtyāghāravūrvakam

nityahomaṃ ca juhuyāttataḥ prabhṛti cācaret /
dhruvādāvāhayedyasmātkautukādi caturṣvapi

pramādātkuṃbhatīrthena teṣāmāvāhane kṛte /
"iṣetve'tyādinā snāpya śīghraṃ śuddhena vāriṇā

anumānya ca deveśaṃ vaiṣṇavaṃ viṣṇusūktakam /
juhuyātpauruṣaṃsūktaṃ dhruvādāvāhayetpunaḥ

athanityārcanāyāntu prāyaścittaṃ pravakṣyate /
sūryodayācca madhyāhnātpūrva mastamayādapi

kavāṭodghāṭane hīne nityāgnau vā mahānane /
vaiṣṇavaṃ dhātrādidaivatyaṃ hutvā dauvārikaṃ tathā

śīghramudghāṭayeddvāraṃ devadevaṃ praṇamya ca /
amantrakamathānyairvā kavāṭodghāṭane kṛte

pūrvoktaṃ juhuyācchāntiṃ japeddvādaśasūktakam /
mārjanādiṣu hīneṣu nirmālyecāpyaśodhite

vaiṣṇavaṃ vāruṇaṃ hutvā vāyavyaṃ śāntameva ca /
yathāvatkārayetsarvaṃ mantreṇaiva punarguruḥ

dravyapratinidhistoyamalābhe tena cācaret /
devasya snapane hīne vaiṣṇave vāruṇaṃ hunet

"apo hi'ṣṭhādibhirmantraissnāvayen niṣkṛtirbhavet /
paśnānnityaṃ prakurvīta snānaṃ nityārcanoditam

aśaktausnāpane prokṣyaṃ mantreṇa kuśavāribhiḥ /
vastrādīṃśca vyapohyaiva dhautavastraṃ samarpayet

nityaṃ snānamaśakyaṃ cedviṣṇupañcadineṣu vai /
snāpayeddevadeveśamiti kecidvadantihi

dhruvapīṭhetu nirmālyaṃ saṃśodhya punareva ca /
puṣpanyāsaṃ prakurvīta dhruve nityārcanaṃ bhavet

puṣpanyāsaṃ vinākuryātkautukasyārcanaṃ yadi /
vaiṣṇavaṃ viṣṇusūktaṃ ca puruṣasūktaṃ tadhaiva ca

hutvā ca viṣṇugāyatrīṃ puṣbanyāsaṃ kramāccaret /
saṃbandhakūrcahīnetu vaiṣṇavaṃ munimantrakam

hutvāsannyasya kūrcaṃ tu paścātkāryaṃ samācaret /
dhātrādyarcanahīne tu taddaivatyaṃ savaiṣṇavam

hutvārcayed dhātṛmukhān tathā pariṣadaḥ kramāt /
upacāraviparyāse "kṣama'nveti praṇamya ca

anumānyārcayed devaṃ hīne caiva tu vigrahe /
taddevatāmanuṃ japtvā vaiṣṇavaṃ ca viśeṣataḥ

punastadupacārādi pūjaye tsarvavigrahaiḥ /
uktadravye ṣvalabdheṣu puṣpaṃ toyamathākṣatam

gṛhītvā caiva tatsarvaṃ dhyātvā devaṃ samarcayet /
arcākāle 'nyakālaṃ vā smaye vā mūṣikādibhiḥ

marutā vāpi vicchinnamajasraṃ dīpamādarāt /
dviguṇaṃ tu samuddīpya sauraṃ raudraṃ ca pāvakam

vaiṣṇavaṃ ca tathāhutvā punararcanamācaret /
tatkāle sarvadīpānāṃ nāśe doṣo mahattaraḥ

devaṃ śuddhodakaissnāpya kuśodairabhiṣicya ca /
pūrvoktāṃ niṣkṛtiṃ hutvā dviguṇaṃ tu nidevayet

bahudīpeṣucaikasminnaṣṭe tenana duṣyati /
mantrāṇāṃ skhalane mūrtyāpraṇavena sahācaret

arcākāle yavanikāhīne caiva prajāpatim /
vaiṣṇapaṃ caiva hutvā tu paṭaṃ kṛtvār'cayetpunaḥ

vedadūṣaka pāṣaṇḍa pāparogānvitairjanaiḥ /
pratilomādibhirlmecchairantyajātibhireva ca

tatkāle darśane hutvā vaiṣṇavaṃ brāhmameva ca /
raudraṃ ca pāvakaṃ hutvā vyāhṛtīśca tator'cayet

yadi cāvaraṇādbāhye pañcāśaddaṇḍakāntare /
manuṣyāṇāṃ mṛtissyāttaduddhṛtyaivārcayeddharim

naivārcanaṃ havirdānaṃ tataḥ pūrvaṃ samācaret /
dhruvakautukayoḥ kuryātpuṣpanyāsāvasānakam

paścātkālātyaye śāntiṃ hutvā dviguṇamarcayet /
ekakālārcane hīne dvitīye dviguṇaṃ caret

tṛtīye triguṇaṃ kuryādekāher'cāvivarjite /
vaiṣṇavaṃ viṣṇusūktaṃ ca puruṣa sūktaṃ tathaiva ca

hunecchrībhūmidaivatyaṃ dvyahe tu dviguṇaṃ bhavet /
tṣahe triguṇamevantu dvādaśāhāntamācaret

atīte dvādaśāhetu saṃdhāyaupāsanānale /
vaiṣṇavaṃ viṣṇusūktaṃ ca puruṣasūktaṃ tathaiva ca

ālaye pariṣaddeva mantrān hutvā ca śaktitaḥ /
kalaśaissnāpya deveśamabhyarcya havirarpayet

māsaṃ hīner'cane kuryādālayābhimukhe guruḥ /
sabhyāgnau vaiṣṇavaṃ viṣṇusūktaṃ sūktaṃ ca pauruṣam

hutvā śrībhūmidaivatyaṃ sarvadaivatyameva ca /
kalaśairaṣṭabhiśca tvāriṃśadbhissnāpayeddharim

viśeṣeṇa havirdadyāddvitīyedviguṇaṃ tathā /
tṛtīye triguṇaṃ caivaṃ vatsarānantu vardhayet

atīte vatsare caivaṃ padmāgnau saptavāsaram /
mahāśāntiṃ tu hutvaiva kṛtvā vaiṣṇavapūjanam

brāhmaṇān bhojayitvaiva śatāṣṭakalaśaiḥ punaḥ /
saṃsnāpya devadeveśaṃ punasthsāpana mācaret

akṣyunneṣādhivāsau tu punasthsāpanakarmaṇi /
hitvānyatsakalaṃ karma pūrvavattu samācaret

havirhīne janāssarvetadgrāmasthāssamīpagāḥ /
pīḍitāḥ kṣutpipāsādyairbhaveyurvyādhitā api

tasmādatiprayatnena havissamya ṅnivedayet /
hīne haviṣyeka kāle dvitīye dviguṇaṃ bhavet

tṛtīye triguṇaṃ kuryādekasmin divase gate /
vaiṣṇavaṃ śrīmahīmantrān mūrti homaṃ tathā hunet

devaṃ śuddhodakaissnāpya prabhūtaṃ tu nivedayet /
sopadaṃśamapakvaṃ ca śītaṃ paryuṣitaṃ tathā

pātrāntareṣvanikṣiptaṃ sāvaśeṣaṃ ca laṅghitam /
vivṛtaṃ srāvitaṃ caiva vikṛtaṃ dṛṣṭi dūṣitam

aprokṣitamathāspṛṣṭa magṛhītamamudritam /
havirnivedayeccettu vaiṣṇavaṃ śrīmahīmanūn

āgneyaṃ vāruṇaṃ caiva vāyavyaṃ daśaśo hunet /
dviguṇaṃ tu punaḥkṛtvā prabhūtaṃ tu nivedayet

nivedya cāśumispṛṣṭaṃ devaṃ saṃsnāpya mantrataḥ /
vaiṣṇavaṃ viṣṇugāyatrīṃ trayastriṃśatkramāddhunet

juhuyādvidhināśāntiṃ prokṣaṇairapi prokṣayet /
puṇyāhaṃ vācayitvaiva dviguṇaṃ cārcanaṃ haviḥ

vrīhyaṅgāratuṣairyukteśarkarādivimiśrite /
nivedite tu haviṣi mantreṇāṣṭākṣareṇa tu

vaiṣṇapyā caiva gāyatṣā mantraissaṃstūya vaiṣṇavaiḥ /
"kṣama'svetyanumānyaiva praṇamayaiva ca yācayet

makṣikādyairjantubhiśca keśādyairapi dūṣite /
nivedite tu haviṣi śuddhodaissnāvyavai harim

vaiṣṇavaṃ viṣṇusūktaṃ ca śrībhūdaivatyameva ca /
aṣṭottaraśataṃ hutvā dviguṇaṃ tu nivedayet

mahāhaviṣi caitaintu saṃyukte tatra dūṣitam /
puruṣāśanamātraṃ tu vyapohya tadanantaram

bhasmāṃbhasākuśai "rāpo hiraṇya pavamāna'kaiḥ /
prokṣya devaṃ susaṃprārdhya tadgṛhītvā nivedayet

pūrvamarkodayātpakva mupadaṃśamatho haviḥ /
koṣṇaṃ cedarpayet prātararcanāntena doṣabhāk

pūrva mastamayātpakvaṃ tathā sāyaṃ nivedayet /
asaṃskṛtaṃ tu tāṃbūlaṃ lepakeśānvitaṃ tathā

jantuspṛṣṭaṃ nivedyaiva vaiṣṇavaṃśrīmahīmanun /
hutvā saṃskṛtya tāṃbūlaṃ punaranyannivedayet

arcanāṃgeṣu cānyeṣu padārtheṣvevameva hi /
dūṣiteṣvadha hīneṣu tasya tasyādhidaivatam

mantraṃ sa vaiṣṇavaṃ hutvā punaranyaissamarcayet /
alābhe caiva sarveṣāṃ puṣpaṃ toyaṃ pragṛhyaca

saṃkalpyaiva pratinidhiṃ tattatsmṛtvā samarcayet /
nityahome vihīnetu vaiṣṇavaṃ daśaśo hunet

yathoktahomaṃ dviguṇamācarettadanantaram /
agnisaṃrakṣaṇe 'śaktā "vayante yo'nimuccaran

samidhyāropayetkuṇḍātpaścātsaṃsthāpya laukike /
nyasya "copāvaro'hetipratyahaṃ juhuyātkramāt

surarṣimanujānāṃ tu balaṃ yasmātpṛvardhate /
tasmādbalissamākhyātastadarthaṃ pratyahaṃ harim

uktadravyeṣu cāvāhya triṣu kāleṣu deśikaḥ /
abhyarcya bhrāmayedevamaśaktaḥ kartumuttamam

yathoktapātre nikṣipya balidkavyantu kevalam /
tasyopari yathoktaṃ tu baliberaṃ ca vinyaset

śirasā dhārayan pātraṃ trirdvirvā sakṛdeva vā /
dene tataḥ parīyācca devāgāraṃ pradakṣiṇam

atha hitvā balidravyaṃ śibikādau gaje 'thavā /
aropya yāne vidhivatkārayecca pradakṣiṇam

prātarbhramaṇahīne tu vaiṣmavaṃ saurasaumyakam /
prājāpatyaṃ ca juhuyāddhīne coktapradakṣiṇe

vaiṣṇavaṃ gāruḍaṃ hutvā balibhramaṇamācaret /
hīne prātarbalau kuryānmadhyāhne dviguṇaṃ balim

tathā hīne ca madhyāhne rātrau triguṇamācaret /
ekāhe tu balau hīne nityāgnau vā mahānane

vaiṣṇavaṃ viṣṇusūktaṃ ca puruṣasūktaṃ tathaiva ca /
digdaivatyaṃ ca hutvā tu pradakṣiṇanuthācaret

devālaṅkārahīne tu śrīdaivatyaṃ yajedbudhaḥ /
chatrapiñchādyalābhe tu vāruṇaṃ juhuyāttathā

alābhe cāmarādīnāṃ vāyavyaṃ caiva hūyate /
dīpālābhe pāvakaṃ ca vyāhṛtyantaṃ yajettrayam

dvyahe tu dviguṇaṃ kurvāttṣahe triguṇameva ca /
dvādaśāhāntamevaṃ syāddvādaśāhe gate tataḥ

aupāsanāgnimādhāya vaiṣṇavaṃ viṣṇusūktakam /
puruṣasūktaṃ ca śrībhūmidaivatyaṃ brāhma meva ca

raudraṃ digdevatāmantraṃ hutvaiva bhramaṇaṃ caret /
māne 'tīte tu padmāgnau vaiṣṇavaṃ viṣṇusūktam

nṛsūktaṃ pāramātmīkamīṅkārādīṃ stadālaye /
pariṣaddevamantrāṃśca hutvā bhramaṇamācaret

dvimāse dviguṇaṃ kuryāttrimāse triguṇaṃ caret /
vardhaye dvatsarāntaṃ cāpyatīte vatsare punaḥ

sabhyaṃ saṃsādhya devābhimukhe vā dakṣiṇe nalam /
vaiṣṇavaṃ viṣṇusūktaṃ ca sūktaṃ pauruṣameva ca

śrībhūmyoścaiva daivatyaṃ sarvadaivatyameva ca /
hutvā cāryaṃ ca saṃpūjya balyuddharaṇamācaret

patite 'nnabalau bhūmyāṃ bhinne jīrṇe ca pūrvavat /
balimāpādya hutvā ca vaiṣṇavaṃ gāruḍaṃ tathā

prājāpatyaṃ tu vidhinā tataḥ kuryātpradakṣiṇam /
balyuddharaṇakāle tu vighnaścedāpatettadā

sauraṃ saumyaṃ vaiṣṇavaṃ ca hutvā punarathācaret /
pātrālābhe haviḥpātraṃ hunaidādāya vaiṣṇavam

pramāṇahīne 'nnabalau vaiṣṇavaṃ ca prajāpatim /
juhuyāddoṣaduṣṭe tu havirniṣkṛtimācaret

āvāhanaṃ vinā cānnabalau tu bhramaṇekṛte /
vaiṣṇavaṃ viṣṇusūktaṃ ca puruṣasūktaṃ tathaiva ca

hutvā śrībhūmidaivatyaṃ vidhinā bhramaṇaṃ caret /
balyagrakhaṇḍe vidhinā śāntāya tvanivedite

vaiṣṇavaṃ mūrtimantraṃ ca hutvaiva daśaśaḥ kramāt /
nivedya viṣvakcenāya pradāya mukhavāsanam

punaśca balyuddharaṇaṃ vidhinā kārayettataḥ /
akṛte balidāne tu prāśya pādodakaṃ hareḥ

prasādaṃ cāpi saṃprāśya punardviguṇamarcayet /
pravṛttāyāṃ tu pūjāyāṃ havirdānāntameva ca

tīrthaprasādadānaṃ vā pādukāgrahaṇaṃ tathā /
naśastamanyathā kṛtvā śāntihomaṃ samācaret

pūjānte pūjakātpūrvamanyastīrthādikaṃ pibet /
prasādaṃ vāpi gṛhṇīyāttatpūjā niṣphalā bhavet

mahāśāntiṃ tathā hutvā punaḥpūjāṃ samācaret /
tīrthaṃ puṣpaṃ tataḥ kṣīraṃ gandhaṃ ca tadanantaram

sarvāṇvapi havīṃṣyatra nāgavallīdalānyapi /
yadyanniveditaṃ deve dadyādagrer'cakāya ca

arcakastu harissākṣāccararūpo yatassmṛtaḥ /
nitye karmaṇi sarvatra pūjakaṃ pūrvamarcayet

ācārya marcakaṃ vātha tathā naimittiker'cayet /
yadyavaikhānaso vipraḥ kadāpi harimandire

samicchedagrasanmānaṃ taddevasya vimānanam /
yajamāno vipannassyādrājarāṣṭraṃ vinaśyati

ajñānādatha vā mohādācale danyathāyadi /
dviguṇaṃ tu samabhyarcya cānyaddviguṇa mācaret

aśucirvāpyanācāraḥ sadāvaikhānasa śśuciḥ /
pitā mṛṣyati putrāṇāṃ viśaṅkaṃ doṣasaṃcayam

pitā hi bhagavān viṣṇuputrāssyuḥ pūjakā hareḥ /
tasmātteṣu na kupyeta dīrghamāyurjijīviṣuḥ

ataḥparaṃ pravakṣyāmi niṣkṛtiṃ snapanāśritām /
nityaṃ naimittikaṃ kāmyaṃ trividhaṃ snapanaṃ bhavet

viṣuve cāyanadvandve snapanaṃ nityamucyate /
candra sūryoparoge yannaimittikamiti smṛtam

śeṣeṣu snapanaṃ yattatkāmyaṃ tu parikīrtitam /
nityasnāpanahīne tu vaiṣṇavaṃ viṣṇusūktakam

puruṣasūktaṃ vāruṇaṃ ca daśakṛtvo hunetpunaḥ /
snapanaṃ vidhivatkuryānni tyasnapana niṣkṛtiḥ

grahaṇe snapane hīne pūrvavanniṣkṛtiṃ caret /
kāmye ca pūrvavatkṛtvā śuddhodairabhiṣecayet

anyathā cenmahādoṣo yajamāno vinaśyati /
ālayātpurataścaiva uttare vā manorame

uttamaṃ snapanāgāramaiśānyāṃ madhyamaṃ bhavet /
paścime dakṣiṇe caivamadhamaṃ saṃprakīrtitam

āgneyyādiṣu koṇeṣu snapane vaiṣṇavaṃ tathā /
viṣṇusūktaṃ nṛsūktaṃ ca digīśānāṃ manuṃ hunet

snapanaṃ kārayetpaścādeṣā vyatyaya niṣkṛtiḥ /
saṃdhyākāletu saṃprāpte nimittasnapane tathā

naimittikaṃ samāpyaiva nityapūjaṃ samācaret /
anyathā vaiṣṇavaṃ mantraṃ śatavāraṃ japetsudhīḥ

pūrvarātrau pratisare hīne ca śayane tathā /
vaiṣṇavaṃ śrīmahīmantrān hutvā saudarśanaṃ tathā

śayyādhivāsanaṃ hitvā bandhayetkautukaṃ punaḥ /
emabere kautuke tu kartavye śayanaṃ vinā

baddhvā pratisaraṃ sadyassnapanaṃ samyagācaret /
kṛte 'ṃkurārpaṇe hīne snapane vaiṣṇapaṃ tathā

saumyaṃ śrībhūmidaivatyaṃ vaighnaṃ hutvābhiṣecayet /
vināṃkurārpaṇaṃ cātha snāpayediti kecana

pramāṇahīne 'dhike vā paṅktau snānāvaṭe 'pi ca /
vaiṣṇavaṃ bhūmidaivatyaṃ paṅktīśasya manuṃ yajet

hīne śāntādyarcane ca vaiṣṇavaṃ śāntameva ca /
paṅktīśasyārcane hīne tanmantraṃ ca jayādīkān

indrādyarcanahīne tu tanmantraṃ vaiṣṇavaṃ hunet /
kalaśeṣvapramāṇeṣu vaiṣṇavaṃ vāyudaivatam

āgneyaṃ juhuyānmṛtsu hīnāsvatra ca vaiṣṇavam /
bhūdaivatyaṃ ca juhuyānmṛtsu sarvāsvayaṃ vidhiḥ

parvateṣyapramāṇeṣu vaiṣṇavaṃ pāvakaṃ hunet /
dhānyeṣu vaiṣṇavaṃ caiva vāyavyaṃ ca hunedbudhaḥ

aṅkureṣu vihīneṣu vaiṣṇavaṃ gāruḍaṃ tathā /
juhuyādvyāhṛtīścaiva yathārhaṃ saṃbharetpunaḥ

varṇahīneṣvamāneṣu maṅgaleṣu tu vaiṣṇavam /
aindraṃ ca juhuyātkuryādyathārhaṃ saṃbharedapi

pañcagavye mantrahīne vihīne yogakarmaṇi /
juhuyādvaiṣṇavaṃ raudraṃ mantreṇaiva suyojayet

uktapramāṇahīneṣu pañcagavyādiṣu kramāt /
pradhāneṣu jalaiḥpūrva dravyādhipamanuṃ tathā

vaiṣṇavenaiva mantreṇa saha hutvā samācaret /
prāśanaṃ prokṣaṃ vāpi śāstre 'smin yatra codyate

ayameva vidhirjñeyaḥ pañcagavyasya sarvataḥ /
sādhite kalaśebhinne tvanyamādāya pūrvavat

āpūryābhyarcya daśaśo vaiṣṇavaṃ juhuyāttataḥ /
kalaśānāṃ viparyāme taddhṛtenaiva cāplute

vaiṣṇavaṃ dravyadaivatyaṃ hutvā saṃśodhya tatpunaḥ /
śuddhodaissnāpayec caiva yathāvacca punarnyaset

kṛte tu kalaśanyāse śvakākādibhireva vā /
aspṛśyairvāpi saṃsparśe saṃsādhyānyattu pūrvavat

śāntiṃ vaiṣṇavamantrāṃśca hutvā kāryaṃ samācaret /
kṛmikīṭādipatane tattaddravyaṃ parityajet

anyadādāya juhuyādvaiṣṇavaṃ dravyadaivatam /
ratnālābhe vaiṣṇavaṃ tu hutvā svarṇaṃ tu nikṣipet

vastrālābhe vaiṣṇavaṃ ca śrīdaivatyaṃ ca hāvayet /
yathoktasnapane hīne kathaṃ citsnapanaṃ caret

atha vā kārayec chuddhasnapanaṃ vā vidhānataḥ /
ata ūrdhvaṃ pravakṣyāmi prāyaścittamathotsave

kālādibhedanteṣāṃ ca lakṣaṇaṃ ca puroditam /
puraskṛtya tithiṃ kecit kecinnakṣatrapūrvakam

saṃkalpayantyavabhṛthaṃ varamṛkṣāpavargakam /
akṛte niyate kālaṃ kṛte vāniyate tathā

kālotsave mahān doṣastatra kuryāttuniṣkṛtim /
utsavātpūrvamuddisya mahāśāntiṃ tṣahaṃ caret

vijñāpya devadeveśaṃ tataḥ kālotsavaṃ caret /
anyathā tu kṛtaṃ kāryamakṛtaṃ syādasaṃśayam

anyasmin vāpi māse tu na kuryādyadi cotsavam /
eṣa eva vidhiḥ proktaḥ parasminvatsare kṛte

evaṃ trivatsarebhyassyādata ūrdhvaṃ viśeṣataḥ /
saptāhantu mahāśāntiṃ kṛtvā tūtsava mācaret

eve dvādaśavarṣāntaṃ tataścasthāpanaṃ punaḥ /
tatra devo na ramate yo 'sāvutsava daivatam

yatra devālaye viṣṇusthsāpyate prathamaṃ tataḥ /
tenaiva kārayetsarvamācāryeṇār'cakena ca

tadabhāve tu tatputraiḥpautrais tadvaṃśajaistathā /
tanniyuktais tadīyairvāpūrvābhāve paraiścaret

anyathā kriyate cettu yajamāno vinaśyati /
utsavāhassu hīneṣu prāyaścittaṃ samācaret

vardhayedvaiṣṇavaṃ kāryaṃ hrāsayenna kadā cana /
pramādādvāpyaśaktau vā kṛtvā saṃprārthayeddharim

mahāśāntiṃ tu hutvaiva śeṣaṃ kuryātprayatnataḥ /
eṣa eva vidhirvṛddhau sa tu śreyo 'bhivṛddhidaḥ

yadā tvavabhṛthedaivātkṛte vinimayena tu /
asaṃkalpitavatkuryāttatra pūrvokta niṣkṛtiḥ

pramādādbuddhipūrvaṃ vā tattadvelotsavādiṣu /
akṛteṣu yathāśāstraṃ kṛtvā tantreṇa vaipunaḥ

mantreṇa vā punassūkṣmaṃ kāle 'vabhṛthamācaret /
yajñasyāpabhṛtho 'ntassyānnotsavastadanantaram

akṛtotsavakāryāṇi yathoktaṃ pūrvamācaret /
nityotsavaṃ hareḥ kuryānnityaśrī rnityamaṅgalaḥ

harirnārāyaṇo devo nālaṃ devā stamarcitum /
ācārye yajamāne vā pūjake 'nyapadārthini

naṣṭe sadyastadānyantu varayitvā samācaret /
na daivaṃ pratibadhnāti kāryaṃ yatkarma mānuṣam

deveśamanumānyātha mahāśāntiṃ tu padmake /
samṛto brahmamedhār'haḥ pūtaṃ tadgātramucyate

sarve padārthinaḥ proktā gurupūrvāḥpadārthinaḥ /
grāmāntaraṃ prayāte tu dīkṣāmadhye padārthini

aspṛśyasparśadoṣeṇa surāpānādinā tathā /
anuktadoṣairvā duṣṭe rogācchaucādyasaṃbhave

śāvādyāśausayogye vā śavānugamane tathā /
vāhane dāhane caiva pretānnaśrāddhabhoktari

śrāddhasya yājake śrāddhaśiṣṭabhoktaribhoktari /
doṣassyādvidhinā tatra mahāśāntimathācaret

śrāddhakartiri no doṣa statra dātā bhavetsahi /
parānnena mukhaṃ dagdhaṃ hastau dagdhau pratigrahāt

parastrībhirmanodagdhaṃ brahmaśāpaḥ kutaḥ kalau /
dīkṣāmadhye nānyadīkṣāṃ garbhadīkṣāṃ vinā caret

vidhure yajamāne tu dīkṣitaḥ puruṣo bhavet /
sadāro vā pyadārovā dīkṣitassyātkalatravān

daṃpatī yajamāno cedayamabhyudayo bhavet /
anagnimatyadāre vā gurau taṃ tu na dīkṣayet

anyasmin padabhājī syādyathāsaṃbhavamādaraḥ /
vaidhuryasaṃbhave tveṣāṃ madhye duṣyanti naiva te

vatsarāśaucamitaraccāśaucaṃ na pravartate /
mātāpitrormṛtau yattu proktamabhyudaye punaḥ

dhvajārohaṇahīne tu kṛte niṣphala utsavaḥ /
kṛtvaivārohaṇaṃ tasmāddhvajasyotsavamācaret

dhvajasyārohaṇaṃ kṛtvā nācaredyadi cotsavam /
ajñānādarthalobhādvāmāse ' nyasmintsamācaret

nakuryācceddvitīye tu māse kartā vinaśyati /
tasmānniṣkṛtimabjāgnau hutvā tūtsavamācaret

vaiṣṇavaṃ viṣṇusūktaṃ ca nṛsūktaṃ caiva gāruḍam /
dhvājaṃ śāntaṃ ca cakraṃ ca tathaivotsavadaivatam

vyāhṛtyantaṃ ca hutvā tu vaiṣṇavān pūjya cācaret /
dhvajasya lakṣaṇaṃ vakṣye yena mānena kārayet

vimānena samaṃ vātha pādenār'dhena vādhikam /
pādenārdhena hīsaṃ vā pañcadhāpi prakalpayet

jayaśrīkīrtivijayamaṅgalākhyāḥ prakīrtitāḥ /
ardhahīnaṃ na kurvīta tadevāgatikaṃ bhavet

tasmāccahīnaṃ naiva syādadhikaṃ syāttu śaktitaḥ /
avakramṛjumanyenāsaṃbaddhaṃ kīlitādibhiḥ

ślakṣṇaṃ manoharaṃ dāru gṛhītvākhaṇḍamuttamam /
taṃ caturdaśadhā kuryāmmālāgre tena kārayet

bhāgamekaṃ vihāyāgre tatra kuryāttrimekhalāḥ /
mekhalānāmathāyāmastadbhāgena samo bhavet,

tritālavistṛtaṃ kuryāddaṇḍavistṛtameva vā /
antaraṃ ca samaṃ teṣāṃ tisraḥ kuryāttu yaṣṭikāḥ

yaṣṭī dve purataḥ kuryātpaścādekā vidhīyate /
sarvatra kiṅkiṇīnāṃ tu kuryācchatama śeṣataḥ

paścāccheṣaṃ tridhā kuryāccaturdhā vā dhvajaṃ budhaḥ /
aṣṭāśraṃ ca ṣaḍaśraṃ ca caturaśraṃ ca vṛttakam

mūlādārabhya kurvīta caturdhā vihitaṃ dhvajam /
tridhā kṛte na kuryāttu ṣaḍaśraṃ śeṣamācaret

ādyaṃ bhāgaṃ tridhā kṛtvā kecidevaṃ prakurvate /
śikharaṃ śira ityāhurardhena śikharaṃ bhavet

pramādātpatitaṃ gṛhya śikharaṃ sthāpayedvidhiḥ /
spuṭitevātha bhinne vā biṃbasyoktavadācaret

adhiṣṭite tu śikhare dvijairgṛdhrādibhissakṛt /
viṣṭhādikaraṇe vāpi uṣite vā nirantaram

vāstuhomaṃ ca hutvaiva paryagnikaraṇaṃ caret /
eṣa eva vidhiḥ prokto vimānaśikharādiṣu

adhiṣṭhānena pādena prastareṇa ca saṃyutam /
dhvajamūle tviṣṭakābhirvediṃ kuryānmanoharām

na tāmapyadhitiṣṭheta naro dīrghaṃ jijīviṣuḥ /
kiṃ punastatra vaktavyamālayādyavarohaṇe

vimānaṃ viṣṇurūpaṃ syānna tatpādādivā kramet /
dhāmapradakṣiṇe pūrvaṃ kuryāttatra namastriyāḥ

na laṅghayeddhvajachāyāṃ pradakṣiṇavidhiṃ vinā /
gopurasya vimānasya prākārasyālayasya ca

pramādādatilaṅghyaiva prāṇāyāmaśataṃ caret /
śivadṛṣṭiṃ viṣṇuvṛṣṭhaṃ durgāyāḥ pārśvato dṛśam

vighneśasyordhvadṛṣṭiṃ ca tīkṣṇamāhurmanīṣiṇaḥ /
yāvacchāvatarec chāyā tāvatī doṣabhūmikā

doṣabhūmiṃ parityajya nivāsaṃ parikalpayet /
tyāge saṃpatsamṛddhissyādanyathā viparītakṛt

radhyādibhiryathā bhūyādantaraṃ tanna doṣakṛt /
atha vā śatadaṇḍāntaṃ tyaktvānve vasatiṃ jaguḥ

yāvaddhāmāyataṃ dāvatpṛṣṭhaṃ vā mughameva vā /
tatodhikaṃ tacca tacca kecidāhurmanīṣiṇaḥ

dhvajaṃ nityamuśantyeke yatraiko hyanavāyiṣu /
tatrārohaṇakarmādi necchanti paramarṣayaḥ

autsavaṃ dhvajamāsthāpya tatra kāryaṃ prakurvate /
dhvajamekaṃ tu sarvatra kecidāhurmanīṣiṇaḥ

ataḥ paraṃ pravakṣyāmi dhvajadaṇḍe tu niṣkṛtim /
pramādātpatite bhūmyāṃ dhvaje vātādinā dṛḍhe

abhagne vātha bhagne vā dhvajaṃ tatra pūnaḥ kṣipet /
abhagne taṃ dhvajaṃ gṛhya kṛtvā mantreṇa takṣaṇam

adhivāsādikaṃ kṛtvā tatthsāne sthāpayedbudhaḥ /
bhagne dhvaje na sagrāhyastamapsu vidhinā tyajet

tato 'nyaṃ dhvajamādāya sthāpayedavilaṃbitam /
corādyairbuddhipūrvaṃ vā pātite pūrvavadvidhiḥ

tatrādhikaṃ prakurvīta śilpibhistakṣaṇaṃ punaḥ /
abhagnadhvajavatkuryādanyatpūrvavadatvaraḥ

bhāgenānupayuktasya dhvajasya tyājyataiva hi /
duṣṭabhāgasya dānena na kadācitparigrahaḥ

atha vā sudṛḍaṃ gṛhya pratiṣṭhāṃ mahatīṃ caret /
duṣṭaṃ bhāgaṃ vyapohyaiva pramāṇaṃ lakṣayetpunaḥ

pramāṇamapramāṇaṃ vā dhvajaṃ nānyena dāruṇā /
saṃyutāṃ vardhitāṃ kuryādeṣa sārvatriko vidhiḥ

yantu tāmrādinā kuryāllohena kavacādikam /
bālālayaṃ prakalpyaiva tatrakāryaṃ samācaret

sthitameva dhvajaṃ kuryānna tu taṃ cālayetkvacit /
dagdhaṃ dhvajaṃ parityajya punaranyaṃ samāharet

dhvaje 'ntyajātibhisspṛṣṭe mahāśāntimathācaret /
taissamīpamupetaintu sahasrāhutimācaret

patite vātyayā caivaṃ dhvajasya śikhare tathā /
mekhalāsu ca tatsarvaṃ navīkṛtya yathāvidhi

dhvajadaṇḍe tu saṃyojya pratiṣṭhāṃ punarācaret /
dhvajasya calane cāpi pramādādvraścane tathā

bhagnābhagna dhvajasyoktaniṣkṛtiṃ tu samācaret /
eṣa eva vidhiḥ prokto daṇḍeṣvanveṣu sarvataḥ

aśanyādinipātena dhāmanyantarite yadi /
deve naṣṭe dhvaje susthe dhvajasyārādhanaṃ bhavet

ālayaṃ ca punaḥkṛtvā tamevārādhayeddhvajam /
nirīkṣyatrīṇi varṣāṇi devāgāre tvanirmite

tatra devo na ramate taddhvajaṃ tu tyajetsudhīḥ /
atha vā yatra kutrāpi pratiṣṭhāpya samarcayet

atha vakṣye dhvajasthānaṃ yathāśāstraviniścitam /
piṭhagopurayormadhye pañcabhāgaṃ prakalpya ca

pīṭhāttyaktyā caturbhāgaṃ pañcame dhvajasaṃsthitiḥ /
tatsaṃdhau tu praśastaṃ syādyathā saṃphavamācaret

yadi prākārabāhye syāddhvajaśśāstravadācaret /
anuktasthānanihitaṃ taṃ ca śāstravadācaret

aśaktau punaranyaṃ ca prākāraṃ kārayetkramāt /
devadṛgviṣayaṃ kuryāddhvajaṃ laivāparokṣayet

yadā cānyālayairvāpi gopurādibhireva vā /
abhyantaraṃ bhaveccettu chidraṃ kuryāttu dṛkpathe

vṛkṣādyaiḥpatitairnaṣṭe cālite 'vanate 'pi ca /
taddhyajaṃ pūrvavatkuryāttrimāsābhyantare 'tvaraḥ

kṛmyādibhirvihaṅgairvākoṭarādau kṛte dhvaje /
kṛtvā bālālayaṃ paścātsamīkṛtyārcayetpunaḥ

rajjubandhādikaraṇe dhvajasyārohaṇe kṛte /
bālālayaṃ na tatra syādvāstuśuddhiṃ samācaret

prākṣayetpañcagavyaistu dhvajamantreṇa hūyate /
ata ūrdhvaṃ pravakṣyāmi niṣkṛtāvarcanakramam

uktena vidhinā yatra naṣṭe duṣṭe 'pi vā dhvaje /
punasthsāpanaparyantaṃ kuryādveṇudhvajaṃ śubham

atha vā kārayedvidvān suvarṇarajatādibhiḥ /
dhvajaṃ tālonnataṃ sthāpya garbhagehe tu pūjayet

adhivāsādi tatsarvaṃ pratiṣṭhoktavadācaret /
acalo veṇudaṇḍaḥ syādgarbhagehe bhaveccalaḥ

utsavādau tu sarvatra veṇudaṇḍaṃ samācaret /
caladaṇḍo veṇudaṇḍa iti syādutsavedvayam

utsavādau pravṛtte tu uktadoṣe tvayaṃ vidhiḥ /
dhvajasthaṃ garuḍaṃ tasmādavamucya samāhitaḥ

nītvātu yāgaśālāyāṃ saṃsthāpya tu samarcayet /
veṇudaṇḍaṃ pratiṣṭhāpya sadyastasmin prayojayet

mahāśāntiṃ tathā kuryātsahasrāhutimeva ca /
vaiṣṇavaṃ viṣṇudaivatyaṃ gāruḍaṃ dhvājameva ca

saudarśanaṃ ca kūśmāṇḍān śatamaṣṭādhikaṃ yajet /
tathaiva dīpadaṇḍasya bhavetsarvatra cakramaḥ

dhvaje nāropayeddīpaṃ dīpadaṇḍaḥ pṛthagbhavet /
tatra dīpaṃ samāropya na labhetphalamavyayam

dhvaje dīpaṃ samāropya vaiṣṇavaṃ śataśo yajet /
āpatkalpaṃ pravakṣyanti dhvaje dīpāvarohaṇam

dīpayukte dhvaje naṣṭe pūrvavanniṣkṛtiṃ caret /
vīśapratiṣṭhāhīne tu dhvajasyārohaṇe kṛte

vaiṣṇavaṃ viṣṇusūktaṃ ca nṛsūktaṃ dhvājameva ca /
gāruḍaṃ daśaśo hutvā pratiṣṭhāṃ punarācaret

dhvajadevasya cakrasya śāntanandīśayos tathā /
hīner'cane vaiṣṇavaṃ ca taddaivatyasamanvitam

hutvaiva punarabhyarcya paścātkāryaṃ samācaret /
bherītāḍanahīne ca raudraṃ ca vyāhṛtīstathā

hutvā mahāvyāhṛtīśca bherītāḍanamācaret /
arcanādiṣu sarvatra yatra ghaṇṭāninādanam

eṣa eva vidhiḥ proktaḥ prāyaścittaṃ samācaret /
āropite tu garuḍe hīne caiva nivedane

vaiṣṇavaṃ dhvaṃmetrau ca hutvā gāruḍameva ca /
nivedayettudviguṇaṃ "kṣama'svetyanumānayet

mudgānne tu tathā hīne vaiṣṇavaṃ vāyudaivatam /
āgneyamīṅkārādīṃśca gāruḍaṃ dhvājameva ca

hutvā yatnena bahuśo maudgikaṃ ca nivedayet /
varṣavātātapaissamyagupaghātādisaṃbhave

viṣṭhādyupahate caiva pakṣiṇāmasakṛtsakṛt /
rajjvāditruṭane caiva pramādātpatane 'pi ca

pātite buddhipūrvaṃ vā akāle 'pyavaropite /
śūdrādyairanulomairvā spṛṣṭe dhvajagate paṭe

aśuciṃ śodhayitvānyatsamīkṛtyāsamīkṛtam /
utsavādhipadaivatyaṃ ṣaḍvāraṃ juhuyādguruḥ

gāruḍaṃ dhvajamantraṃ ca sahastaṃ caiva hūyatām /
tataśśeṣaṃ samāpyeta viparītaṃ na kārayet

pramādādbuddhipūrvaṃ vā paṭe dagdhe 'nyamāharet /
śāntiṃ pūrvoditāṃ kṛtvā pratiṣṭhāṃ punarācaret

avarohaṇamudvāsantaṃ ca mantreṇa kārayet /
avarohaṇahīne tu mantreṇodvāsanaṃ bhavet

tataśśeṣaṃ prakūrvīta aśaktāvavarohaṇe /
apramāṇaṃ paṭaṃ gṛhya mahāśāntiṃ samācaret

punaranyaṃ samādāya karmaśeṣaṃ samācaret /
hīne tu cotsavāraṃbhasnapane vaiṣṇavaṃ tathā

viṣṇusūktaṃ nṛsūktaṃ ca vāruṇaṃ caiva hūyate /
śuddhodadair abhiṣākassyātprāyaścittavidhissmṛtaḥ

hīne kautukabandhe tu vaiṣṇavaṃ śāntameva ca /
saudarśanaṃ ca hutvā tu kautukaṃ bandhayetpunaḥ

yajñāgāre kuṃbhavedyāhīne vāpyadhike 'pi vā /
vaiṣṇavaṃ pāvakaṃ bhūmidaivatyaṃ ca hunedbudhaḥ

toraṇānāmalābhe tu huneddauvārikānmanūn /
hīnāyāṃ darbhamālāyāmārṣaṃ hutvetarāṅkriyāt

alaṅkāravihīne tu śrīdaivatyaṃ tadhā hunet /
prātarbaliṃ tu nirvāpya hīne nityotsave tathā

vaiṣṇavaṃ śāntavīśau ca hutvā cotsavadaivatam /
sāyaṃ kuryādutsavaṃ tu dviguṇaṃ kārayetkramāt

sāyaṃ hīnaṃ tu dviguṇaṃ prātarutsavamācaret /
ekakālotsavaścettu kṛtvā kāladvayaṃ balim

sāyāhne cotsavaṃ kuryātkālātīte 'pyayaṃ vidhiḥ /
digdevatāssamāvāhya prathame 'hani pūjayet

prācyādi balidānaṃ syādīśānāntaṃ pradakṣiṇam /
devāhvāne vyatyayassyādvyatīhāro 'tha vā bhavet

pūrvoktāṃ niṣkṛtiṃ kṛtvā dviguṇaṃ tu baliṃ dadet /
brahmaṇaśca digīśānāṃ balidānaṃ tu naityikam

adāne niṣkṛtiṃ kṛtvā pūrvoktaṃ ṣaḍguṇaṃ baliḥ /
catuṣpathādhidevānāṃ vṛkṣādīnāmathecchayā

prathamāvāhanādarvāgvyatyaye pūrvaniṣkṛtiḥ /
prathamaṃ vāstuśuddhissyādya vai dīyate baliḥ

antaṃ śuddhyanti rathyāstāśśurdhyanti samaye punaḥ /
akṛtāyāṃ vāstuśuddhau dadyādrathyāsu cedbalim

śāntiṃ kṛtvātu pūrvoktāṃ vāstuśuddhiṃ panarbaliḥ /
antaśśace vāstuni tu na balibhramaṇaṃ caret

śavamuddhṛtya paścāttu paryagni karaṇaṃ bhavet /
akāle balidānaṃ syādasuraprītivardhanam

akāle tu baliṃ datvā kāle tu triguṇaṃ baliḥ /
balibhramaṇadeśassyāddevasya bhramaṇāya hi

nānyatra caryā devasya laghuprokṣaṇa manyathā /
na hi śraddhotsave doṣamuśantyenaṃ sa hītaraḥ

vāstuvṛddhau tathā hrāse grāmasīmānavīkṛtau /
anumānya ca deveśaṃ śatāṣṭakalaśāplavaḥ

kṛtvā sīmāṃ viniścitya tataḥ kāryaṃ samācaret /
astarā cotsavaṃ kuryātsahasrakalaśāplavaḥ

devatāvāhanaṃ kṛtvā tathaivotsava mācaret /
devādīnāṃ balaṃ yasmādvardhate sa balissmṛtaḥ

śvasūkarādibhirduṣṭairnabhakṣyo balirucyate /
balibhugvāyasaḥ prokto gomukhyā medhyajantavaḥ

viparīte mahān doṣastanmantrairhāvayecchatam /
baliśeṣaṃ na śūdro 'dyādarcako baliśeṣabhāk

balāvamantrakaṃ kṣipte saṃkṣipte vidhivarjite /
bhakṣite cānulomādyaiḥpūrvoktāṃ niṣkṛtiṃ caret

balau paryuṣite 'tyuṣṇe tathā caivānivedite /
nivedanātprāgarvāgvādṛṣṭe śūdrādibhirbalau

pūrvoktāṃ niṣkṛtiṃ kṛtvā sarvatra dviguṇaṃ baliḥ /
devatāvāhanaṃ yatra deśeprāk kriyate tataḥ

tatraiva balidānaṃ syādyāvadudvāsanaṃ bhavet /
maṇḍalaṃ ca jalaṃ kūrcamāhvānādhāra ucyate

rathyāsu balidānāya pīṭhaṃ śailādibhirbhavet /
balidānaṃ tu guptaṃ syānna tatbaśyantyavaidikāḥ

tatthsāvaṃ tu tiraskuryātkāle yavanikādibhiḥ /
balipradānahīne tu vaiṣṇavaṃ balirakṣakam

hutvā tu niṣkṛtiṃ kuryādbalidānaṃ punastadā /
balidravye 'tha vā pātre patite bhūtale tathā

bhinne naṣṭe ca pūrvoktaṃ hutvānyaṃ balimāharet /
balidānaṃ tu kṛtvaiva bhutapīṭhe kṣipettataḥ

baliśeṣamanukte tu sthāne buddhyā tu nirvapet /
vaiṣṇavaṃ cākṣahamanuṃ vaiṣvakcenaṃ ca gāruḍam

saudarśanaṃ ca hutvaiva bhūtapīṭhe bali kṣipet /
havirnivedane hīnehīne ca dviguṇārcane

śāntiṃ ca vaiṣṇavaṃ hutvā tathābhyarcya nivedayet /
yathoktahome hīne tu vaiṣṇavaṃ viṣṇusūktakam

nṛsūktaṃ ca trayastriṃśatkṛtvo hutvā hunetpunaḥ /
cakravīśāmitānāṃ ca kuṃbhasthānāmathāpivā

devānāmarcane hīne vaiṣṇavaṃ viṣṇusūktakam /
nṛsūktaṃ sāntamantrau ca gāruḍaṃ cākrameva ca

hutvā punassamabhyarcya viśeṣeṇa nivedayet /
devālaṅkaraṇe hīne śrīdaivatyaṃ ca vaiṣṇavam

hudvālaṅkāramāsādya vidhīnā bhūṣayedguruḥ /
alaṅkāreṣu dravyeṣu niryāsaṃ candanaṃ sumam

taddhitvānyatsamādāya dravyaṃ prakṣālyamantrataḥ /
pañcagavyaissamabhyukṣya tenālaṅkāra ucyate

nṛtte geye 'tha vā hīne vaiṣṇavaṃ rudradaivatam /
stotrahīne tathā brāhmaṃ hutvā sārasvataṃ tataḥ

bhaktabṛndaiḥ parivṛtau hīnāyāṃ vāruṇaṃ tathā /
vaiṣṇavaṃ śāntadaivatyaṃ hīne picchādike tathā

vaiṣṇavaṃ juhuyāttadvaddhavirakṣamanuṃ tataḥ /
yānātkāle yāgaśālāṃ deve na pratigacchati

bhavennityārcanaṃ tatra yatradevo 'dhivāsitaḥ /
dhruvārcanaṃ yathā pūrvaṃ na tatrāsti vyatikramaḥ

devaṃ pratyāgataṃ dṛṣṭyā punaranyotsavaṃ caret /
dinavyapāye kuryācca tatkālaniyatotsavam

atītamutsavaṃ cāpi tantreṇātra samācaret /
taddinepyapramādāccedbhūyātkālasya yāpanam

na jahyā devakuryācca tatkālocitamutsavam /
atra pramādetu bhavetpūrvoktaiva hi niṣkṛtiḥ

dīkṣito vastramālyādyaiḥ pañcāgārpitabhūṣaṇaiḥ /
carennityaṃ viśuddhātmā viparīte tu doṣakṛt

dīkṣāṅgasya tu vastrasya tathā pratisarasya vā /
nāśe tatra mahān doṣastadānyatpunarāharet

sahasraṃ viṣṇugāyatrīṃ hutvā śāntimathācaret /
yāvaddīkṣābhavettāvaddīkṣāṅgasya parigrahaḥ

antetu tadgatāśaktissvayamevāvahīyate /
atha vā mocanaṃ kuryādite ke cidvadantihi

tatra pūrṇāhutiṃ kālaṃ pravadanti vipaścitaḥ /
pratiṣṭhānte tu sā dīkṣā bhavedutsavasaṃgatā

na tatra dīkṣāsāṃkaryaṃ dvayamekatra cedyadi /
anyonyaṃ kalahāyante yadyācāryādayaḥkratau

mahānanarthastatra syātpratibhūrgururatra hi /
guruvākyaṃ ca rājājñāṃ samamāhurmaharṣayaḥ

dīkṣite vartamāne tu nānyaṃ tatra praveśayet /
nahyekasmin bhavetkārya ācāryadvaya saṃgatiḥ

pramādādbuddhipūrvaṃ vā kalahe kṣatajasrutiḥ /
kṣatāni vā bhaveyustaṃ visṛjyānyena kārayet

na tasya tu bhaveddīkṣā mahāśāntiṃ tu kārayet /
sa dīkṣito bhavedeva pūrvasya pkaṇidhissa hi

yāvadāśaucasaṃkrānti rāśaucetvaśucirbhavet /
punaranyaṃ samādāya śeṣaṃ pūrvavadāyaret

ādau madhye tadhānte ca hīne brāhmaṇabhojane /
trivākaṃ tu mahāśāntiṃ hutvā brāhmaṇabhojanam,

dviguṇaṃ kārayeccaiva vaiṣṇavānāṃ tu pūjanam /
punāti pūjitassadyaḥ pāpmabhyo vaiṣṇapassakṛt

avaiṣṇavaiśca pāṣaṇḍairūḍhe deve dvanarthakṛt /
taddoṣaśāntaye kuryātsahasrakalaśāplavam

avaiṣṇavakṛtāpūjā hanti puṇyaṃ purātanam /
yānāttu patite deve śīghramuddhṛtya sādaram

"kṣama'svetyanumānyaiva śuddhodairabhiṣicyaca /
vaiṣṇavaṃ viṣṇusūktaṃ ca nṛsūktaṃ sahitaṃ kramāt

dinādhipasya daivatyaṃ hutvā cotsavamācaret /
cakravīśākhamitādīnāṃ biṃbābhāve pṛthak pṛthak

taṇḍuloparipātreṣu kūrceṣvāvāhya mantrataḥ /
tattadrūpaṃ tu saṃsmṛtya samabhyarcya vidhānataḥ

hutvā ca tattaddaivatyaṃ paścādutsavamācaret /
patane tu tathaiteṣāmuddhṛtyaiva ca pūrvavat

snāpayitvā hunettattaddaivatyaṃ vaiṣṇavaṃ tathā /
yānāttu patite biṃbe hīnāṅge doṣagaurave

padmānale mahāśāntiṃ hutvā taddoṣaśāntaye /
dhruvabere samāropya taccaktiṃ vidhinā tataḥ

kautukaṃ snāpanaṃ vātha baliberamathāpi vā /
yathārhaṃ samalaṅkṛtya samāvāhya yathāvidhi

samabhyarcyotsavaṃ kuryānna tatrasyādvyatikramaḥ /
berāntarasyālābhe tu ratnaṃ vā kāñcanaṃ tathā

nyasya pātre samāvāhya samabhyarcya dine dine /
mahāśāntiṃ ca hutvaiva punarutsavamācaret

hīnāṅgaṃ ca punarberaṃ saṃdhānavidhinā punaḥ /
saṃdhāya cātvareṇaiva pratiṣṭhāṃ punarācaret

patane gāyagādīnāṃ śrīdaivatyaṃ ca vaiṣṇavam /
vādakānāṃ tu patanai brāhmaṃ raudraṃ tathaiva ca

ācāryādīnāṃ tu patane saṃkṣobhe ca tathākṛte /
ārṣabhaṃ vaiṣṇavaṃ tadvaddhvajādīnāṃ ca pātane

dhvājaṃ ca vāruṇaṃ caiva vāyavyaṃ ca hunedvidhiḥ /
varṣadhārāsu vātyāyāṃ vidyudvrajasamāhatau

kāle na cotsavaṃ kuryātkuryāccedvaiṣṇavaṃ tathā /
viṣṇusūktaṃ nṛsūktaṃ ca śrībhūdaivatyameva ca

hutvotsavaṃ prakurvīta viparīte tu doṣakṛt /
vīthyantare varṣadhārāpraveśe 'śanigarjite

tṛṇapāṃsu samāyuktavātasparśe viśeṣataḥ /
kalahadhvanisaṃyukte devaṃ saṃsnāpya mantravit

vaiṣṇavaṃ digdaivatyaṃ ca vāruṇaṃ vāyudaivatam /
yaddevādīṃśca hutvaiva punarutsavamācaret

kalahe rudhirasrāve dāhe cāpyutsave tataḥ /
vaiṣṇapaṃ cāgnidaivatyaṃ brāhmaṃ raudraṃ tathaiva ca

taddinādhipadaivatyaṃ juhuyātprārthayeddharim /
ālayābhyantare caiva śastrādyairmaraṇe sati

tacchīghramapahāyaiva padmāgnau juhuyāttathā /
mahāśāntiṃ taddinādhidaivatyaṃ ca viśeṣataḥ

vīthyāṃ cenmarahaṇādautu tacchīghraṃ tu vyapohya ca /
śāntihomaṃ ca hutvaiva punarutsavamācaret

nāḍikāyā athāryākcetpunarutsavamācaret /
ālayasyāśītidaṇḍābhyantare tu śave sati

tatrotsavaṃ na kuryāttu kuryāccetsa vinaśyati /
tacchīghramapahāyeva prāyaścittaṃ yathoditam

mahāśāntiṃ pārṣadaṃ ca cahutvā cotsavamācaret /
lagare vidhireṣassyādgrāmenaiṣa vikalpyate

antaśsavenaiva kuryādutsavaṃ grāmavṛddhaye /
dhvajasvārohaṇādurdhvaṃ yāvattīrthadinaṃ bhavet

anyātsavaṃ śubhaṃ karma kuryāccedābhicārikam /
taddoṣaśamanāyaiva vaiṣṇavaṃ viṣṇusūktakam

nṛsūktaṃ pārṣadaṃ caiva hutvā viprāṃstu bhojayet /
tīrthāhātpūrvarātrau tu hīne kautuka bandhane

śayane vā vaiṣṇavaṃ ca śrībhūdaivatyameva ca /
saudarśanaṃ ca hutvānte yathoktaṃ tu samācaret

tīrthasnāne tu kālasyātīte hīne ca vaiṣmavam /
vāruṇaṃ skandadaivatyaṃ hutvā cauktaṃ samācaret

dhvajāvarohaṇe hīne tadrātrau dhvājameva ca /
gāruḍaṃ vaiṣṇavaṃ hutvā deveśaṃ prārthayedguruḥ

avarohaṇakāre tu balau hīne viśeṣataḥ /
dhvajadevaṃ susaṃpūjya vaiṣṇavaṃ viṣṇusūktakam

tadālayasthadevānāṃ mantrāṃścaiva viśeṣataḥ /
hutvā deveśamabhyarchya dhvajaṃ samavarohayet

utsavāntāplavehīne vaiṣṇavaṃ viṣṇusūktakam /
puruṣasūktaṃ jayādīnaśca mūrtimantrāśca hāvayet

atrānukteṣu doṣeṣu prāyaścittaṃ bhavedidam /
vaiṣṇavaṃ viṣṇusūktaṃ ca nṛsūktaṃ ca tathaiva ca

hūyate viṣṇugāyatrī sarvapāpaprāṇāśini /
evamaṣṭāviṃśatirvā śaktāvaṣṭottaraṃ śatam