Bhṛgusaṃhitā · Chapter 26

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre pañcaviṃśo 'dhyāyaḥ.
atha ṣaḍviṃśo 'dhyāyaḥ
atha ṣaḍviṃśo 'dhyāyaḥ
prāyaścittam
ataḥparaṃ pravakṣyāmi bhūparīkṣādiniṣkṛtim /
nyūne 'tirikte vyāghāte prāyaścittaṃ samācaret

prāyodoṣassamuddiṣṭaścittaṃ tasya nivāraṇam /
prāyaścittaṃ samākhyātaṃ kuryātkarmasamṛddhaye

prāyaścittamakurvāṇassati doṣe vinaśyati /
tasmātsarmaprayatnena kuryādyatnena niṣkṛtim

ālayasya ca nirmāṇaṃ pūjādyāstatra yāḥkriyāḥ /
asmācchāstrādatikramya niṣphalāḥprabhavantihi

taddoṣaśamanāyaiva mahāśāntipurassaram /
sarvāḥkriyāḥkrameṇaiva punaśśāstroktavaccaret

yacchāstravidhimutsṛjya kriyate kāmakārataḥ /
noktaṃ dadyātphalaṃ karma pratyutānarthadaṃ bhavet

śilpaṃ ca jyotiṣaṃ vāstu tada'nye cāgamāḥ pare /
tāvatā hi pramāṇaṃ syādyāvadetena nāntaram

vaikhānasamidaṃ śāstra manyaśāstrānapekṣitam /
praṇivāyābjajaḥ pūrvaṃ sarvaśāstrārthasaṃgraham

mohādajñānato vāpi vicikitsāpadeṣu yaḥ /
śāstrānta rānurodhena śāstrametadvimānayet

sa yāti narakaṃ ghoraṃ yāvadābhūtasaṃplavam /
tasmānniṣkāsya taṃ mūḍhaṃ śāstroktaṃ samyagācaret

yadāgacchedbahirdvāraṃ bhūmiṃ samyak parīkṣitum /
apatedantarāyaścetprāyaścittaṃ hunedbudhaḥ

japecca vaiṣṇavaṃ vaighnaṃ śataśaḥ punarācaret /
durdarśane japetsauraṃ hunetpūrvoktavadbudhaḥ

durvākye tu śrute brāhmaṃ japetsārasvataṃ tathā /
tatkāle kalahe caiva śoṇitaprasrave tathā

agnidāhādike caiva vaiṣṇavaṃ saumyasaṃyutam /
vaiṣvaksenaṃ tathā saudarśanaṃ gāruḍameva ca

laukikāgnau huneddhyātvā devaṃ paścātsamācaret /
bhūparīkṣaṇakāle tu yadi pāṃsukṣayo bhavet

pūrṇāhutiṃ ca juhuyāttathā mindāhutī budhaḥ /
parīkṣitā yadā bhūmiḥ pūrvamevānyavartmanā

aupāsanāgnimādhāya vyāhṛtyantaṃ tu vaiṣṇavam /
juhuyāddaśaśaḥ kuryāttataḥ karmāṇi mantrataḥ

vṛṣabhasyāṅgahānautu karṣaṇe doṣaśāntaye /
raudraṃ brāhmaṃ ca juhuyāttato 'nyaṃ vṛṣamāharet

halādīnāṃ tu nirmāṇe yajñavṛkṣetaraiḥ kṛte /
tathā pramāṇahīne ca juhuyādvaiṣṇavaṃ tathā

saumyaṃ caiva tathāgneyaṃ prājāpatyaṃ ca deśikaḥ /
rajjabhede vāruṇaṃ ca sītābhedeśriyaṃ tathā

dātrabhede tu juhuyājjyeṣṭhāmantraṃ vicakṣaṇaḥ /
ṛṣibhede tu vāyavyaṃ kṣiṇīye vāsavaṃ tathā

yuge nāgaṃ pratode tu yāmye vyāhṛtisaṃyutam /
kapālāsthituṣāṅgārakeśavalmīkakharparāḥ

dṛṣṭāḥkarṣaṇakāle cettadvyapohyāvilaṃbitam /
abhyukṣya pañcagavyena saumyāgneyau hunetkramāt

tatra cedarcane hīne śāntavīśānapāyinām /
vaiṣṇapaṃ juhuyāttattaddaivatyaṃ cār'cayetpunaḥ

bījāvāpanahīne tu juhuyādvaiṣṇavaṃ tathā /
saumyaṃ hutvā ca vāyavyaṃ punarbījāni vāpayet

gavāṃ nivedane hīne vaiṣṇapaṃ cāmitaṃ hunet /
gāruḍaṃ cakramantraṃ ca daśaśassusamāhitaḥ

palālabhārānāhṛtya gogaṇebhyo nivedayet /
padadevabalau hīne hunettanmantrapūrvakam

vaiṣṇavaṃ brāhmamaindraṃ ca yāmyaṃ vāruṇameva ca /
kauberaṃ ca kramāddhutvā baliṃ tatra samarpayet

brahmapadmakriyāhānau vaiṣṇavabrāhmavāruṇān /
bhūdaivatyaṃ ca juhuyātpunaḥ kāryaṃ samācaret

dikpharicchedahīne tu digdaivatyaṃ ca vaiṣṇavam /
sauraṃ caiva punarhutvā kuryāddiksādhanaṃ tataḥ

vimānārthaṃ yadā bhūmiḥkhanyate tatra saṃbhave /
śarkarāśalyaloṣṭādau vaiṣṇavaṃ brāhmameva ca

pañcabhūtādhidai vatyaṃ vyāhṛtīśca hunetkramāt /
hīne 'dhike vā māne tu śīlāyā iṣṭakasya vā

vaiṣṇavaṃ viṣṇusūktaṃ ca hutvā vidhivadācaret /
viparyāse tu vinyāse digdaivatyaṃ ca vaiṣṇavam

hutvā yathoktavatkṛtvājapedvedādikānmanūn /
ratnanyāsavihīne tu hunettadadhipānmamān

viṣṇusūktantato hutvā ratnanyāsaṃ samācaret /
garbhanyāsavihīne tu vaiṣṇavaṃ viṣṇusūktakam

hutvā śrībhūmi daivatyaṃ garbhanyāsaṃ punaścaret /
pramāṇahīne tu vaiṣṇavaṃ viṣṇusūktakam

sauraṃ saumyamathāgneyaṃ yajetkuryādvidhāvataḥ /
nirmāṇakāle dravyāṇāṃ sthāpane saṃkareṇavai

viparyāse ca saṃprāpte vaiṣṇavaṃ juhu yātkramāt /
tattatthsānādhidaivatyaṃ hutvā vidhivadācaret

anuktadeśe nyāse ca viṣṇusūktaṃ ca pauruṣam /
hunecchrībhūmidaivatyaṃ tattatthsāne niveśayet

apramāṇe śilāyāṃ vā tathā mūrdheṣṭakādiṣu /
juhuyānniṣkṛtiṃ vidvānādyeṣṭakavidhānataḥ

sthūpikīle tadādhāre pramāṇaparivarjite /
alābhe coktadārūṇāṃ vaiṣṇavaṃ saumyapāvake

bhūdaivatyaṃ ca hutvā tu vidhinā kālayedbudhaḥ /
vimāne nirmite paścātsudhākarmaṇyakalpite

vaiṣṇavaṃ viṣṇusūktaṃ ca sūktaṃ pauruṣameva ca /
hunecchrībhūmidaivatyaṃ vidhinā punarārabhet

āgneyaṃ bhūmidaivatyaṃ hutvā kāryaṃ samācaret /
hīne dhāmnaḥkavāṭādau dhātrādīn juhuyācca ṣaṭ

vaiṣṇavaṃ śrīmahīmantrān hutvā nirmāpayetpunaḥ /
prākāre gopure hine doṣo bhūyānmahattaraḥ

vaṃśahānirdviṣadvṛddhirarthanāśo mahadbhayam /
śāntehine mahāpatsyātkulaṃ cotsīdati dhruvam

bhūtapīṭhavihīne tu dhanadhānyāyuṣāṃ kṣayaḥ /
kūpārāmahaviśśālapuṣpasaṃcayavāṭikāḥ

snānapānīyaśālā ca tathaivāsthānamaṇḍapam /
nṛttagītaprapāścaivaṃ maṇḍapādāvanirmite

saṃpadyeta mahān doṣaḥ kṛtaṃ syādakṛtaṃ punaḥ /
tasmātsarvaprayatnena kārayecchaktito budhaḥ

vaiṣṇavaṃ viṣṇusuktaṃ ca pauruṣaṃ sūktameva ca /
hutvā śrībhūmidaivatyaṃ tattaddaivatyameva ca

yathoktaṃ tu prakurvīta vittaśāṭhyaṃna kārayet /
prathameṣṭakāṃ samārabhya sthūpikīlāvasānake

ānuktānāṃ ca doṣāṇāmiyaṃ syātsarvaniṣkṛtiḥ /
ālayātpuratovātha dakṣiṇe vā manorame

śucau deśe pratiṣṭhāpya padmāgnau juhuyātkramāt /
vaiṣṇavaṃ viṣṇusūktaṃ ca pauruṣaṃ sūktameva ca

hunecchrībhūmidai vatyamaṅga homaścahūyate /
sthūpyādyupānaparyantavimānāṅgāni nāmataḥ

"dadbhyassvā'hādi juhuyādbrāhmaṃ raudraṃ vināyakam /
āgneyaṃ durgāsūktaṃ ca prājāpatyaṃ ca hāvayet

samāpite vimāne tu dhanalobhādinā punaḥ /
dhruvaberaṃ vinākṛtvā kautuke sthāpite yadi

ābhicārikametatsyādrāja rāṣṭravināśanam /
taddoṣaparihārārthaṃ mahāśāntiṃ tṣahaṃ caret

vaiṣṇavāṃśca susaṃpūjya bhojayedbrāhmaṇān bahūn /
"kṣama'sveti namaskṛtya devadevaṃ tu kautukam

bālālaye pratiṣṭhāpya dhruvaberaṃ samācaret /
dhruvārcāberamatha vā kṛtvā sthāpanamācaret

vimānasya samāptau tu māsādūrdhvaṃ tu tatra vai /
dhruvasthāpanahīne tu vaiṣṇavaṃ juhuyāttataḥ

viṣṇusūktaṃ tathā raudramaindramāgne yameva ca /
vāruṇaṃ bārhaspatyaṃ ca śrībhūdaivatyameva ca

śāntiṃ hutvā vidhānena dadyādācāryadakṣiṇām /
brāhmaṇān bhojayitvaiva pūjayitvā tu vaiṣṇavān

dhruvaberaṃ pratiṣṭhāpya vidhinā samyagarcayet /
evaṃ māsadvaye 'tīte dviguṇaṃ niṣkṛtirbhavet

māsatraye tu triguṇamevamāvatsaraṃ bhavet /
saṃvatsare vyatīte tu doṣo bhūyānmahattaraḥ

saptāhaṃ tu mahāśāntiṃ hutvābjāgnau vidhānataḥ /
brāhmaṇān bhojayetpaścādvidhinā sarvamācaret

saptavarṣeṣu saptāhaṃ prathamādikrameṇa vai /
kecidicchanti munayassaptāhāntamidaṃ caret

ata ūrdhvaṃ karṣaṇādi punassaṃskāramācaret /
jalādhivāsanātpūrvamaṅgahānau dhruvasyatu

vaiṣṇavaṃ viṣṇusūktaṃ ca sūktaṃ pauruṣameva ca /
hunecchrībhūmidaivatyaṃ "dadbhyassvāhā'dikaṃ tathā

ācāryadakṣiṇāṃ dadyādberaṃ samyak parīkṣayet /
saṃdhānayogyaṃ saṃdadhyātpunaḥ kāryaṃ samācaret

śaktaścennūtanaṃ beramāhṛtya tu samācaret /
śilāgrahaṇasaṃskāramakṛtvā śilpinā kṛtam

beramādāya juhuyācchāntiṃ vaiṣṇavamantrataḥ /
bhūmau pidhāya tadberaṃ vāstuhomaṃ samācaret

paryagnipañcagavyābhyāṃ beraṃ saṃśodhya yatnataḥ /
paritaḥ pūrvavadgatvā baliṃ devaṃ samarcya ca

paścātsamantrakaṃ kṛtvāvidhinā sthāpayedbudhaḥ /
jalādhivāsanādarvākthsāpanātpūrvameva ca

devasya devyādīnāṃ vā aṅgahānirbhavedyadi /
vaiṣṇavaṃ viṣṇusūktaṃ ca pauruṣaṃ sūktameva ca

śrīsūktaṃ ca mahīsūktaṃ brāhmaṃ raudraṃ tathaiva ca /
munyormantramathānyeṣāṃ tattanmatraṃ suhūyatām

saṃdhānayogyaṃ saṃdadhyādayogyaṃ vidhivattyajet /
saṃdhāya vānyaṃ cāhṛtya punasthsāpanamācaret

sthāpite tu mahābere māsādūrdhvamasaṃskṛte /
abjāgnau vaiṣṇavaṃ caiva viṣṇusūktaṃ tathaiva ca

sūktaṃ tu pauruṣaṃ hutvā śrībhūdaivatyameva ca /
brāhmaṃ raudraṃ pārṣadaṃ ca hutvā kāryaṃ samācaret

māsadvaye tu dviguṇaṃ trimāse triguṇaṃ bhavet /
saṃvatsarāntamevaṃ syāttadante sthāpayetpunaḥ

atīte dvādaśe varṣe karṣaṇādi punaḥ kriyāḥ /
śilāsaṃgrahaṇādyanyatkṛtvā sthāpanamācaret

atha vakṣye karṣaṇādau punassaṃskāra mācaret /
tṛṇagulmalatādīni śodhayetpūrvamālaye

kuryācchileṣṭakādāruprakṣepaṇavidhiṃ kramāt /
sudhāvarṇānulepādīn samāpya gurutvaraḥ

alayasyottare kuryādvāstuhaumaṃ yathāvithi /
puṇyāhaṃ vācayedvidvān paryagniṃ caiva kārayet

pañcagavyaissamabhyukṣya tatassaṃkarpya karṣaṇam /
ālayābhimukhe kṛtvā vrīhibhisthsaṃḍilaṃ budhaḥ

śāntānapāyinau vīśaṃ cābhyarca ca nivedayet /
suvarṇena halaṃ kṛtvā garbhāgārādi sarvaśaḥ

gṛhītvā dakṣiṇe haste mantrairviṣṇornukādibhiḥ /
karṣayitvā yathoktāni bījānyāhṛtya deśikaḥ

abhyukṣya somamabhyarcya viṣṇugāyatrimuccaran /
abhimantṣa tato bījān "somaṃ rājāna'muccaran

sarvatra vāpanaṃ kuryāddūrvādīṃścāharettṛṇān /
āstīryopari tā ntṛrvān sūktaṃ gaudānikaṃ punaḥ

uccārya gogaṇebhyastānnivedya ca pradāpayet /
ālayaṃ tu susaṃśodhya brahmādīnāṃ dadedbalim

droṇaistadardhairvā paktvā taṇḍulaissaghṛtaṃ carum /
pūrvaṃ toyaṃ tataḥ puṣpaṃ baliṃ to yaṃ samarpayet

punassaṃśodhayeddhāma śāntihomapurassaram /
tattatsaṃskārahomaṃ ca hutvā kuryātkriyāstataḥ

ādyeṣṭakārthamāsādya kuṇḍamaupāsanaṃ budhaḥ /
vaiṣṇavaṃ viṣṇusūktaṃ ca pauruṣaṃ sūktameva ca

degdaivatyaṃ ca juhuyāddevaṃ dhyāyan samāhitaḥ /
japedvedādimantrāṃstu saṃspṛśyādyeṣṭakāsthalam

kṛtvāntaḥ pariṣekaṃ ca pariṣicyānalaṃ punaḥ /
garbhanyāsārthamāgūrya vaiṣṇavaṃ viṣṇusūktakam

puruṣasūktaṃ ca śrīsūktaṃ mahīsūktaṃ tathaiva ca /
degdaivatyaṃ ca juhuyā"nnāgarājāya'setyapi

"sarvaratnebhya'ityuktvā "sarvadhātubhya'ityapi /
"sarvabījebhya'ityuktvā"sarvalohebhya'ityape

"nadībhyaḥpātālebhya'śca "nāgebhyo'juhuyāttataḥ /
"diggajebhyo viṣṇave' ca svāhāntaṃ juhuyātkramāt

tata ābhyantaradvāradakṣiṇantaṃbhadakṣiṇe /
medinīṃ tu samabhyarcya japetsūktaṃ tu pauruṣam

medinyādīṃstato japtvātattatthsāvaṃ spṛśedbudhaḥ /
kṛtvāntaḥ pariṣekantu tatra kāryaṃ samācaret

naṣṭe garbhe ca hutvaivaṃ saṃpādya sthāpayetpunaḥ /
anyaiṣṭakārthaṃ juhuyādvaiṣṇavaṃ viṣṇusūktakam

puruṣasūktaṃ ca hutvātu juhuyādvidhinā budhaḥ /
vimānapāladaivatyaṃ japan vedādikānmanūn

vimānasyopariṣṭāttu sthūpikīlādadhastathā /
japanvaiviṣṇusūktaṃ ca kuryāccaivābhimarśanam

dhruve pramāṇahīne ca paristīrya ca pāvakam /
dhruvasthāpanavaddhutvā ratnanyāsoditānmanūn

japetthsāpanasūktaṃ ca navīkṛtya prayatnataḥ /
kautukādīṃśca kṛtvaiva pratiṣṭhāṃ kārayedbudhaḥ

naṣṭe dhruve punaḥkuryādutkṛṣṭadravyanirmitam /
atha vā vūrvavatkṛtvā sthāpayedvidhinātvaraḥ,

narairvṛṣairmṛgādyairvāberamutpāṭitaṃ yadi /
ahīnāṅgaṃ tu saṃgṛhya śuddhyarthamadhivāsayet

jalādhivāsaṃ kṛtvā tu tatthsāne vidhinā budhaḥ /
ratnanyāsaṃ ca kṛtvaiva pratiṣṭhāṃ punarācaret

anyālayādapahṛtamaniṣpannakriyaṃ tathā /
śilāberaṃ yadi syāttadbhūmau samyak pidhāya ca

vidhināhṛtya saṃskāryaṃ kṛtvā sthāpanamācaret /
śilpinā vithipūrvaṃ tu kṛtaṃ belaṃ tathā caret

yathāvidhi yathāsthānaṃ sthāpitaṃ doṣavarjitam /
beraṃ na cālayedyasmādrājarāṣṭravināśanam

taddoṣaśamanārthāya padmāgnau juhuyātkramāt /
saptāhaṃ tu mahāśāntiṃ kuryādbrāhmaṇabhojanam

dadyātsuvarṇaṃ gāṃ bhūmiṃ pratiṣṭhāṃ punarācaret /
avidhijñairathācāryair ṛtvigbhisthāpagais tathā

sthāpitaṃ beramājñāya cālayitvā yathāvidhi /
vidhijñaisthpāpanaṃ vidvān kārayedatvaraṃ tathā

vidhijñaisthsāpitaṃ beramajñānāccālitaṃ yadi /
śāntiṃ hudvā vidhānena vidhijñaisthsāpayetpunaḥ

nadītaṭākapāthodhipravāhairvātyayādha vā /
daivātpracālite tatra vimāne vā dhruve 'pi vā

bhūmau pidhāya tadberaṃ nirmāya punarālayam /
acalaṃ sthāpayedberaṃ śāstroktenaiva vartmanā

sāpāye tu sthale tasmin sannikṛṣṭe sthale caret /
grāmādau vā vivikte vā pradeśe sumanorame

vimānaṃ sudṛḍhaṃ kṛtvā devamādāya tatra vai /
sarvaiśca pārṣadairyuktaṃ saṃsthāpya vidhinār'cayet

grāmādīnāmabhāve tu śatadaṇḍātparaṃ tataḥ /
vimānaṃ vistṛte deśe kṛtvā saṃsthāpya cārcayet

rājārāṣṭrāntaraṃ jitvā beramāhṛtya yatnataḥ /
svarāṣṭresthāpituṃ cecchedyadi grāmaṃ vidhāya ca

tadvāstvaṅgālaye beraṃ vidhinā sthāpya cārcayet /
apauruṣālayābhyāśe vimānaṃ pauruṣaṃ yadi

kartumicchettadā kuryāttatprākārāntare punaḥ /
bhūśuddhyādīnvinā kṛtvā prākāraṃ pratimādikam

pratiṣṭhāpyār'cayettasya mūlasthānār'canaṃ phalam /
pramādādathavā daivā dālaye snapanālaye

āsthānamaṇḍape pākasthānaprākārayorapi /
govuresnānapānīyaśālādau vahnidūṣite

mahāvātahate 'kasmādaśanyādihate tathā /
pāramātmikamabjāgnāvīṅkārādīṃs tathā hunet

vicchinnaṃ mindāhutīcaiva āgneyaṃ vyāhṛtīstathā /
punaranyannavaṃ kṛtvā pratiṣṭhāṃ kārayetkramāt

śilāgrahaṇa kāle vā tadā dārugrahe 'pi ca /
kriyāṅgīne viparyāse vaiṣṇavaṃ viṣṇusūktakam

mindāhutī ca vicchinnaṃ vyāhṛtyantaṃ hunedbudhaḥ /
dvārastaṃbhe bhuvaṅgādau hīne māne 'gnidūṣite

jīrṇe vā kṛmidaṣṭe vānupayuktaṃ tyajedbudhaḥ /
anyamāhṛtya vidhinā saṃyojyaiva ca pūrvavat

nityāgnau vaiṣṇavaṃ saumyamāgneyaṃ śāntimācaret /
garbhanyāsārthamathavā pīṭhanyāsārthameva vā

ratnānāmapyalābhe tu suvarṇaṃ tatra nikṣipet /
viṣṇusūktaṃ tu juhuyātprāyaścittaṃ tu tadbhavet

dhātūnāṃ pāradaṃ prāktamalābhapraṇidhintu tat /
pāradaṃ tatra nikṣipya brāhmaṃ raudraṃ ca niṣkṛtiḥ

yavā bījapratinidhirmudgānvā tatra nikṣipet /
vāyavyaṃ vaiṣmavaṃ ceti juhuyāttatra niṣkṛtiḥ

dhruvabelasya nirmāṇe śūlagrahaṇakarmaṇi /
sthāpane vā viparyāse brāhmaṃ raudraṃ ca vaiṣṇavam

vāhṛtyantaṃ ca hutvaiva vidhinā yojayetpunaḥ /
apramāṇe vimāne tu beraṃ mānavivarjitam

ajñānāt sthāpitaṃ cettadrājarāṣṭravināśakṛt /
taddoṣaśamanārthaṃ ca mahāśāntiṃ hunedbudhaḥ

tadvimānaṃ ca tadberaṃ sthāpayedvidhivatpunaḥ /
tattadberoktaśūlānāṃ pramāṇaṃ yadi hīyate

pūrṇaṃ kṛtvā vaiṣṇavaṃ ca pauruṣaṃ sūktameva ca /
"dadbhyassvā'hetyaṅgahomaṃ hutvātu sthāpayetpunaḥ

snehacūrṇakaṣāyādau hīne yogaviparyaye /
rajjubandhāṣṭabandhādau śarkarālepane tathā

tathā mṛdālepane ca paṭācchādanakarmaṇi /
bhūṣādau kramahīne vā varṇādīnāṃ vyatikrame

vaiṣṇavaṃ brāhmaraudrāgnimahābhūtāthipāṃstathā /
prājāpatyaṃ vyāhṛtīśca hutvā vidhipadācaret

mahāberaṃ cārdhacitraṃ mṛṇmayaṃ naiva kārayet /
sauvarṇaṃ rājataṃ tāmraṃ śailaṃ dāravamevavā

ratnajaṃ vārdhacitrastu kuryādberaṃ salakṣaṇam /
kṛtrimeṇāpyanuktena varṇenālepitaṃ punaḥ

beraṃ prakṣālya nirvāsavāriṇā parimārjyaca /
vaiṣṇavaṃ viṣṇusūktaṃ ca hutvābjāgnau jayādikān

paścādyathoktavarṇena yathārhamanulepayet /
dhravaberaṃ sudhāyukta miṣṭakākalpitaṃ tathā

duṣṭadravyakṛtaṃ vātha sthāpitaṃ cābhicārikam /
tacchīghramapahāyeva padmāgnau vaiṣmavaṃ tathā

viṣṇusūktaṃ pauruṣaṃ ca śrībhūdaivatyameva ca /
yaddevādīṃs tathā brāhmaraudrapāvakavāruṇān

sarvadaivatyamantrāṃśca pāramātmikameva ca /
mahāśānti ca hutvaitāṃ sarvadoṣavināśinīm

paścatsaṃskṛtya vidhivadberaṃ saṃsthāpya cārcayet /
vṛttalohārakūṭādyairanuktadravyasaṃbhavaiḥ

nirmitaṃ kautukaṃ beramabhicārāya kalpate /
taddoṣaśāntyai padmāgnau mahāśāntiṃ samācaret

beraṃ salakṣaṇaṃ kṛtvā vidhinā sthāpayetpunaḥ /
kautukaṃ sthitamāsīnamatha vā kārayedbudhaḥ

śayānaṃ nācaredārṣaṃ yathāvasthitamarcayet /
nirduṣṭe kautukādau tu pūjyamāne tu vigrahe

naiva praveśayedberamutkṛṣṭadravyakalpitam /
nikṛṣṭadravyajaṃ cāpi pūjyamānaṃ na saṃtyajet

arcyamāne kautukādau virūpe varṇavarjite /
yuktevā jharjhurādyaiśca dhruveśaktiṃ samarpya ca

navīkṛtya punarbiṃbaṃ saṃśodhya sthāpayetpunaḥ /
kautukaṃ cedarcyamānaṃ daivādrājādibhirhṛte

taddeśaśuddhiṃ kṛtvaiva mahāśāntiṃ puroditām /
kṛtvā nyasyātra ratnaṃ vā suvarṇaṃ kūrcameva vā

dhruvādvā hṛdayādarka maṇḍalādvā vidhānataḥ /
devamāvāhya tatkāle paścādberaṃ yathāvidhi

pūrvadravyeṇa votkṛṣṭadravyeṇāpi prakalpayet /
kālāpekṣāmakṛtvaiva pratiṣṭhāṃ pūrvavaccaret

madhūcchiṣṭakriyāhīnaṃ beramādāya vaiṣṇavam /
śāntiṃhutvā raudrasaurapāvakān punarācaret

anyālaye sthāpitaṃ tu dhruvaṃ kautukameva vā /
anyālaye sthāpayeccenmahāśāntiṃ hunedbudhaḥ

vaiṣṇavāṃntu susaṃpūjya brāhmaṇān bhojayedbahu /
tattatthsāne tu vidhinā saṃsthāpyārcana mācaret

grāmādīnāmālayasya nāśeberaṃ tu tadgatam /
anyasminnālaye sthāpya yathārhaṃ tu samarcayet

kṛte tu pīṭhasaṃghāte bere tvavanate kramāt /
dakṣiṇādi bhavenmṛtyurarthanāśo 'bhivardhanam

putrahāni stundabhede dhyānyānāṃ tu vināśanam /
uraśchidrer'thanāśaśca kṛśe kārśyaṃ bhajennaraḥ

sthūle ca mahatīvyādhirdīrghe 'nāyuṣyameva ca /
hrasve 'durbhikṣamāpnoti nyūnādhikyasamudbhave

anyeṣvaṅgeṣu hānissyācchāstroktaṃ samyagācaret /
dhruvasya sthāpanādarvāk prākpratiṣṭhāvidhestathā

anuktaniṣkṛtiṃ vakṣye kāpilena ghṛtena vai /
padmāgnau vaiṣṇavaṃ viṣṇusūktaṃ suktaṃ ca pauruṣam

śrībhūdaivatyamantrāṃśca juhuyādvyāhṛtīrbunaḥ /
tattatkarmapunaḥ kuryādanyathā niṣphalaṃ bhavet