Bhṛgusaṃhitā · Chapter 20

iti śrīvaikhānase bhagavacchāstre bhṛsuproktāyāṃ
saṃhitāyāṃ prakīrṇādhikāre ekānaviṃśo 'dhyāyaḥ.
atha viṃśo 'dhyāyaḥ.
atha viṃśo 'dhyāyaḥ.
rakṣādīpavidhiḥ
ataḥ paraṃ pravakṣyāmi rakṣādīpavidhikramam /
sauvarṇaṃ rājataṃvāpi tāmraṃvāpi svaśaktitaḥ

dvātriṃśadaṅgulaṃ śreṣṭhaṃ madhyamaṃ pādahīnataḥ /
adhamaṃ viṃśadaṅgulyaṃ samavṛttantu kārayet

aṣṭadikṣu ca madhyeca caturdikṣu ca vā tathā /
kevalaṃ karṇikāṃ vātha karṇikāyāntu vistṛtam

tadardhamunnataṃ vindyādgaṇḍāyāmaṃ ṣaḍaṅgulam /
dvyaṅgulaṃ tu parīṇāhaṃ tadūrthve bhāgavistṛtam

tadardhaṃ vistṛtotsedhaṃ dīpabātraṃ prakalpya ca /
alabheśālipiṣṭaṃ vā gomaye vā samāharet

tattatthsāne tu vinyasya pātresaṃyojayettataḥ /
āḍhakaṃ vā tadardhaṃ vā piṇḍārdhaṃ ca caruṃpacet

hāridracūrṇa saṃyuktaṃ pātre prakṣipya mantravit /
ājyena srāvya saṃmṛjya muṣṭimātraṃ dṛḍhīkṛtam

daśapiṇḍāṃ stadardhaṃ vā sākṣate ca samāharet /
jalena kuṃbhamāpūrya sarvagandhasamāyutam

kuśakūrcānvinikṣipyapallavairapi bhūṣayet /
aṣṭamaṅgalasaṃyuktaṃ pādyācamanasaṃyutam

puṣpagandhasamāyuktaṃ dhūpadīpārghya saṃyutam /
pṛdhakpātre samāhṛtya devadevaṃ ca pūjayet

śaṅkhadhvanisamāyuktaṃ vaṃśadhvanisamāyutam /
bherīmṛdaṅgasuṣiravādyaghoṣasamāyutam

stotradhvanisamāyuktaṃ svaktisūktasamanvitam /
dāsībhiścātha vā bhaktaissvahastopari dhārayet

pradakṣiṇaṃ śanairgatvā devālayamupāvrajet /
ācāryaṃ pūjayitvātu devadevaṃ praṇamyaca

rakṣādīpaṃ samādāya "śriye jāta' iti bruvan /
biṃbamūrdhni tu saṃyojyatriḥ pradakṣiṇamācaret

dikpiṇḍaṃ tu visṛjyaiva prokṣayitvā ca mantravit /
pradakṣiṇaṃ praṇāmaṃ ca kārayedaṣṭamaṅgalaiḥ,

pādyamācamanaṃ datvāgandhapuṣpādibhiryajet /
mukhavāsaṃ ca datvātu stutimantraiśca vaiṣṇavaiḥ

samālabhyaiva hastābhyāṃ puṣpadūrvāṅkurākṣataiḥ /
pādepuṣpāñjaliṅkuryātkuryāddevasya mantrataḥ

ālayāttu bahirgatvā pīṭhapārśvetu nikṣipet /
kautuke baliberepi snāpane pyautsave 'pi ca,

prādurbhāve ca sarveṣāmāvirbhāve tathaiva ca /
evameva tu kṛtvā tu bhrāmayitvā vicakṣaṇaḥ,

cakravīśāmitādīnāmindrādīnāṃ tathaiva ca /
darśanaṃ bhrāmaṇaṃ caivamācarecchāstravittamaḥ

mohādajñānataḥ kuryātsarvahānirbhaviṣyati /
sāyāhne catripūjānte cotsavānte ca nityaśaḥ

evameva vidhānena kārayeduttamaṃ viduḥ /
sarvaśāntikaraṃ cāpi sarvakaṃpatsamṛddhidam

dāridṣādivināśena sarvān kāmanavāpnuyāt /
ataḥparaṃ pravakṣyāmi śibikānāṃ tu lakṣaṇam

mātrāṅgulena vākuryācchibhikādīnvidhānataḥ /
āvṛtaṃ tadardhavistāramuttamaṃ tuvidhīyate

tat ṣaḍaṅgulahīnantu madhyamantuprakīrtitam /
vistārādhyardhapādena ?ayāmadviguṇaṃ bhavet

uttamādhamamadhyānāṃ śibikāvistaro bhavet /
tribhāgaikasya bhāgaṃ syāccaturbhāgaikabhāgikam

pañcabhāgaikabhāgaṃ syādvistārasya ghanaṃ bhavet /
taccaturbhāgamevaṃ syādekaikaṃ vamanaṃ bhavet

śeṣabhāgaṃ tu padmoktaṃ talāyukti viśeṣataḥ /
śibikāvistṛtaṃ caivaṃ bhāgaikaṃ bhāgameva ca

taccaturbhāgamevoktaṃ bhittyutsedhaṃ vidhīyate /
dvitalaṃ tritalaṃ caiva gulikāphalakābhavet

gulikāpādatalotsedhaṃ madhyordhvatalavatsamam /
caturbhāgaikamevantu navabhāgaikameva vā

aṅgulaṃ cāṅgulārthaṃ ca ūrthvapaṭṭyā ca saṃyutam /
ataḥparaṃ pravakṣyāmi rathādīnāṃ vidhikramam

pañcaṣaṭsaptatālaṃ vā cāṣṭatālamathāpi vā /
vistārāyamamevaṃ syādutsedhaṃ dviguṇaṃ bhavet

maṇḍapadvārayuktaṃ vā kūṭākāramathāpi vā /
adharādharamāyāmaṃ rathāyāmatrayaṃ bhavet

chatrasyāyāmavistārādutsedārdhapramāṇataḥ /
evaṃ tu parikalpyaiva śibikāyāmamucyate

rathāyāmasamaṃ vāpi pādahīnamathārthakam /
vistāraṃ tattribhāgai kamāyāmaṃ cocchrayaṃ bhavet

vistārārdhasamutsedhaṃ vistārārthādhikāyatam /
śayanaṃ saṃprakalpyaiva pūrvoktenaiva dāruṇā

sarvālaṅkārasaṃyuktaṃ sarvasaindaryasaṃyutam /
śilpaśāstroktamārgeṇa śilpibhiḥ kālayedbudhaḥ

pañcagavyaissusaṃśodhya vāstuhomaśca hūyatām /
paryagni caiva kṛtvātu kalaśaissnāpayet tataḥ

maṇḍape vā prapāyāṃ vā sthaṇḍile vātra vinyaset /
navairvastraissamāveṣṭya puṇyāhamapi vācayet

jaupāsanāgnikuṇḍaṃ ca kārayitvā vidhānataḥ /
āghāraṃ pūrvavatkṛtvā kuṃbhapūjāṃ samācaret

vaiṣṇavaṃ viṣṇusūktaṃ ca tattaddevāṃśca mūrtibhiḥ /
vyāhṛtyantaṃ ca hutvā tu antahomaśca hūyate

yānādiṣu ca tanmadhye tattaddevāṃ stathaiva ca /
āvāhyaiva samabhyarcya devadevaṃ praṇamya ca

pādyādyarghyāntamabhyarcya havissamyaṅnivedayet /
sarvālaṅkārasaṃyuktaṃ sarvavādyasamanvitam

yānādiṣu samāropya "pratadviṣṇu'riti bruvan /
grāmaṃ vā pyālayaṃ vāpi pradakṣiṇamadhācaret

mandiraṃ saṃpraviśyaiva svesvesthāne niveśayet /
evaṃ yaḥkurute bhaktyā vaiṣṇavaṃ padamāpnuyāt

ataḥparaṃ pravakṣyāmi prapāmaṇḍapalakṣaṇam /
maṇḍapaṃ trividhaṃ jñeye vimānasamavistṛtam

ardhaṃ pādaṃ tu pādaṃ vā hīnantu trividhaṃ bhavet /
pramukhe tasyasopānamālayārdhamiti smṛtam

pūrvetu snapanārthāya maṇḍapaṃ saṃprakalpayet /
ṣoḍaśastaṃbhayuktaṃ vā dvādaśastaṃbhasaṃyutam

aiśānye vā prakurvīta snapanārthaṃ prakalpayet /
prathamāvaraṇe vātha dvitīyāvaraṇe 'tha vā

ekādaśena hastena samaṃ samyak prakalpayet /
navahastaṃ saptahastaṃ pañcahastamiti tridhā

prathamāvaraṇe bāhye maṇḍapantu vidhīyate /
āsthānavṛttageyādidarśanārthaṃ prakalpayet

pūrvavatpramukhe kuryādyathāvibhavavistaram /
yajamānasya hastena dvihastantu vivardhayet

pūrvavat staṃbhasaṃyuktaṃ yathāyogyaṃ prakalpayet /
tatbūrvadiśi śālāyāṃ nṛttārthantu vidhīyate

viṣkaṃbhaṃ navahastaṃ vā āyāmaṃ dviguṇīkṛtam /
yajamānecchayā tatra dvihastantuvivardhayet

ayādilakṣaṇaṃ vakṣye yajamānānukūlataḥ /
hastaṃ pādaṃ tadardhaṃ vā vistārāyādisaṃyutam

tathaiva nūnaṃ kṛtvā tu ayādīn lakṣayedbudhaḥ /
śilābhiriṣṭakābhirvā hastocchrayasamaṃ talam

dvitalaṃ vā prakurvīta tālaṃ samyak prakalpayet /
śailajaṃ dārusāraṃ vā staṃbhamāhṛtya yatnataḥ

vṛttaṃ vā caturaśraṃ vā ṛjuṃ vakravivarjitam /
staṃbhānāṃ viṃśatiṃ gṛhya bāhyastaṃbhaṃ pragṛhya ca

tanmadhye dvādaśastaṃbhaṃ pūrvavatkārayedbudhaḥ /
staṃbhāyāmaṃ yathāyogaṃ kṛtvā tatra vicakṣaṇaḥ

dvitālaghana saṃyuktaṃ staṃbhamānena svastikam /
stalatyordhve vibhajyaiva samaṃ vandatyaprakalpayet

tasyāmeva tu staṃbhārthaṃ pādaṃ saṃsthāpya svastikam /
dṛḍhaṃ kṛtvā tadūrdhveta staṃbhaṃ saṃsthāpya vai budhaḥ

dvyaṅgulaṃ ca bhavairvātha vedikāṃ kārayedbudhaḥ /
nānālaṅkārasaṃyuktaṃ nānācitrasamanvitam

uttaraṃ tatsamaṃ kṛtvā bodhiketu suyojayet /
staṃbhādūrdhvantu saṃsthāpya tadūrdhve prastaraṃ nyaset

abhlantarottarādūrdhve 'biṣṭakādhānapādayoḥ /
bālottaraṃ yathāyogyaṃ sthāpayetsudṛḍhaṃ kramāt

tadbilvako yathāmārgaṃ yogyaṃ tatpadmamucchrayam /
evaṃ lakṣaṇasaṃyuktaṃ darśanīyaṃ ca kārayet

yajamānecchayātattanmaṇḍapena sahaiva tu /
ṣoḍaśastaṃbhasaṃyuktaṃ dvādaśastaṃbhamevavā

bhaktiyuktaṃ prakalpyaiva prapāṃ yuktyaiva kārayet /
apare dvārasaṃyuktaṃ pūrvavat staṃbhameva vā

kavāṭaṃ tatra vā kuryāccheṣaṃ yaktyaiva kārayet /
śilpaśāstroktamārgeṇa śilpibhiḥ kārayedbudhaḥ

maṇḍapasya samāptautu aṅkurānarpayetkramāt /
śuddhyarthaṃ vāstuhomaṃ ca puṇyāhaṃ caiva kārayet

brāhmaṇān bhojayetpaścāttaddeśamupalakṣayet /
carodaye ca nakṣatre sthirarāśiṃ pragṛhya ca

maṇḍapasya tu madhye vai dhānyapīṭhāni kalpayet /
pratiṣṭhoktakrameṇaiva kuṃbhanyāsāti kārayet

paścime gārhapatyāgnāvāghāraṃ juhuyātkramāt /
hotā hautrakrameṇaiva hautraṃ tatra praśaṃsayet

tattaddevasya cāvāhya juṣṭākāraṃ hutaṃ caret /
śrīsūktaṃ vaiṣṇapaṃ caiva vaiṣṇavaṃ caikaviṃśatiḥ

indrādilokapālānāṃ pratyekaṃ juhuyātkramāt /
tattatsthānetu kūrce vā sthaṇḍile vā samarcayet

prabhūtaṃ tu nivedyaiva droṇandroṇārchameva vā /
ācāryasyārcakādīnāṃ dakṣiṇāṃ ca dadetkramāt

sauvarṇairutpalaiḥ puṣpairalaṅkuryātprapāṃ tataḥ /
padmairvākumudairvātha puṣpairanyaissvaśaktitaḥ

devadevamalaṅkṛtya vastramālyādibhiḥ punaḥ /
prapāṃ saṃyojya deveśaṃ dhyānenaiva tu sannayet

deveśaṃ sthāpayettatra pādyādyairarcayetkramāt /
mahāhaviḥ prabhūtaṃ vā yathāśakti nivedayet