Bhṛgusaṃhitā · Chapter 19

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre 'ṣṭādaśo 'dhyāyaḥ
ZÄHLUNG BEI 39???
athaikonaviṃśo 'dhyāyaḥ.
athaikonaviṃśo 'dhyāyaḥ.
bhagavadarcanam
ata ūrdhvaṃ dhruvārcāyām arcanaṃ saṃpravakṣyate /
mūrdhādi pīṭhātsannyastapuṣpādīnyapi śodhayet

yogavīrārcanaṃ syāccettrikālaṃ snānamācaret /
prātarmadhyāhnayorvātha yogapīṭhedhruvār'canam

bhogameva dhruvārcāyāṃ prātarmadhyāhna yorapi /
trikālaṃ vātha saṃsnāpya dhruvārcāyāṃ viśeṣataḥ

vastrādīnyapi saṃśodhya puṣpanyāsaṃ ca pūrvavat /
śivādīnarcayitvātu pādapīṭhe samantataḥ

tathāsanādyaissarvaiśca trisaṃdhyaṃ cārcayedbudhaḥ /
ardhayāme tu pūrvāntamarcayitvā ca pūrvavat

havirni vedayeccaivānuktamasyacca pūrvavat /
āvāhanavisargau tuna kuryāditi śāsanam

atha vakṣyer'canāntetu vidhānaṃ prati karmaṇām /
sauvarṇamuttamaṃ pātraṃ rājataṃ madhyame bhavet

adhamaṃ tāmrapātraṃ tu trividhaṃ pātra mucyate /
tritālamuttamaṃ proktaṃ dvitālaṃ madhyamaṃ bhavet

adhamaṃ tvekatālaṃ syāttrividhaṃ pātravistaram /
vistāreṇa samākhyātaṃ tayormadhyamamadhyamam

tasya madhye tribhāgaikaṃ karṇikāṃgulamucchrayam /
pareto 'ṣṭadalaṃ kuryātkarṇikocchrayamānataḥ

dvyaṅgulaṃ mūlanāhaṃ syāttadagraṃ tvardhanāhakam /
kiñcitphalāṃbujākāramagraṃ kuryādvicakṣaṇaḥ

dviprasthataṇḍulaiḥ pakvamannaṃ tatraiva nikṣipet /
abhighārya ghṛtenaiva aṣṭāṃgulasamunnatam

daśāṅgulaṃ vā utsedhaṃ dvādaśāṃgulamevavā /
tatpātrañca samādāya kautukāgre nidhāya ca

kautukācchaktimādāya cārcayedaṣṭavigrahaiḥ /
"parabrahmāṇa mityuktvā paramātmānamityapi

bhaktavatsalaṃ yogeśaṃ' caturmūrtibhirarcayet /
prātaḥpuṣpabaliṃ kuryānmadhyāhnennabaliṃ tathā

sāye tvarghyabaliṃ kuryātpūrvameva pracoditam /
taṇḍulaiḥ kuḍubaiścāpi yathālābhamathāpi vā

śrutaṃ cārghyabaliṃ kuryātpuṣbaṃ tu caturaṅgulam /
śiṣyamāhūya tatkāle soṣṇīṣaṃ sottarīyakam

śiṣyaṃ garuḍa vatsmṛtvā pātramuddhṛtyatatra vai /
"udutya'miti mantreṇa śiṣyastacchirasi nyaset

pradakṣiṇaṃ tataḥ kuryātkur yācchabdaravairyutam /
vitānachatrasaṃyuktaṃ piñchacāmarasaṃyutam

dhūpadīpasamāyuktaṃ śanaiḥkuryātpradakṣiṇam /
pradakṣiṇatrayaṃ kṛtvā praviśedālayaṃ bhudhaḥ

bhūtapīṭhāntare tiṣṭhedgṛhṇīyāttu tadarcakaḥ /
kautukāgretu sannyasya oṅkāreṇa niveśayet

balyagraṃ khaṇḍayitvātu seneśāya nivedayet /
taccheṣaṃ sodakaṃ caiva bhūtapīṭhe tu nikṣipet

utsavaṃ kartukāmaścettrisaṃdhiṣvevamuttamam /
sāyaṃ prātarmadhyamaṃ syātsāyaṃ caivādhamaṃ bhavet

baliṃ ca baliberaṃ vā kārayediti ke ca na /
balyarthaṃ klaptadevasya cordhvamānamudāhṛtam

mahāberasya hastena caikaviṃśatikāṃgulam /
saptadaśāṅgulaṃ vidyāddvādaśāṃgulameva vā

śreṣṭhamadhyakaniṣṭhāni trividhaṃ mānamācaret /
arcāberatribhāgai kamuttamapratimābhavet

tanmānasya daśāṃśena tvekonaṃ madhyamaṃ bhavet /
madhyamasya daśāṃśena tvekonamadhamaṃ bhavet

mahato mūlaberasya mukhāyāmaṃ praśasyate /
balyarthaṃ pratimāṃ kuryātsarveṣāṃ sthāpanaṃ bhavet

sauvarṇaṃ rājataṃ tāmraṃ śreṣṭhamadhyamagauṇataḥ /
ratnajapratimāṃ kuryānmānonmānaṃ na vidyate

uṣṇīṣaṃ golakaṃ jñeyaṃ śiromānaṃ trimātrakam /
keśāntārcā samaṃ bhāgaṃ saṃgamātpuṭasūtrakam

puṭasūtrāddhanuparyantamekamekantu bhāgaśaḥ /
galamardhāṅgulaṃ vindyānmātrārdhaṃ grīvamucyate

hikkāhṛdayaparyantaṃ mukhaṃ mātrādhikaṃ bhavet /
hṛdayaṃ nābhi tathaivoktaṃ tadadhastāttu tatsamam

ūrū ca dvimukhāyāmaṃ golakotsedhamiṣyate /
caraṇaṃ jānumānaṃ ca kālāyapurato param?

hikkāsūtrādadhastāttu bāhudvimukhanetrakam /
prakoṣṭhaṃ mukhabandhaṃ ca mukhamardhādhikaṃ bhavet

maṇibandhāṅgulasyāgre mukhayāmaṃ praśasyate /
caturbhujaṃ ca kṛtvā tu mānamevamudāhṛtam

.........vakuryātpadmākāraṃ tu golakam /
atha vakṣye viśeṣeṇa haviṣpākaṃ vidhānataḥ

paktvā vittānusāreṇa havīṃṣyapi ca kalpayet /
alpe mahati vā tulyaṃ phalamāḍhyadaridrayoḥ

nivedayitvā deveśaṃ kalyāṇaṃ kārayedbudhaḥ /
avadatvā? ghṛtaṃ yattu kalyāṇamaśubhāyavai

alābhe caiva sarveṣāṃ vrīhīṇāṃ taṇḍulāṃ ḥs tathā /
śatadvayaṃ pañcaviṃśadvrīhibhiḥ pūritaṃ tu yat /
śuktimātramiti khyātaṃ mānaṃ tenaiva kārayet

taddvayaṃ tilamityuktaṃ prakuñcaṃ syāttiladvayam /
prasṛtistaddvayaṃ proktaṃ kuḍubaṃ prasṛtidvayam

añjali staddvayaṃ proktaṃ prasthaṃ syādañjalidvayam /
pātraṃ prasthadvayaṃ proktamāḍhakaṃ taddvayaṃ bhavet

caturāḍhakasaṃyuktaṃ droṇamityabhidhīyate /
droṇadvayaṃ bhavetkhārī bhāraṅkhārīdvayaṃ bhavet

droṇataṇḍulasaṃyuktamuttamaṃ havirucyate /
tadardhaṃ madhyamaṃ proktantadardhamadhamaṃ bhavet

uttamottamamityuktamaṣṭadroṇaintu taṇḍulaiḥ /
adhikaṃ yadbhavettasmātproktaṃ sarvaṃ mahāhaviḥ

tadardhaistaṇḍulaiḥ siddhaṃ madhyamaṃ havirucyate /
ṣaḍdroṇaistaṇḍulaiḥ siddhaṃ haviruttamamadhyamam

droṇahīnaṃ bhavettasmāduttamādhamamucyate /
madhyamottamamityuktaṃ caturdreṇaistu taṇḍulaiḥ

droṇatrayaṃ bhavedyatra kṛtaṃ madhyamamadhyamam /
madhyamādhamamityuktaṃ droṇadvayakṛtaṃ haviḥ

droṇena taṇḍulenaiva nivedya'madhamottamam /
tasya madhyamamityuktamāḍhakadvaya sammitam

āḍhakena tu saṃyukta madhasūdhamamucyate /
taṇḍulānāḍhakārdhaṃ tu devīnāṃ tu prakalpayet

caruprasthadvayaṃ proktaṃ havirāḍhakamucyate /
prasthaṃ kuḍubasaṃyuktaṃ piśācānāṃ balirbhavet

gandhavarṇarasairjuṣṭāḥ pragrāhyāstaṇḍulāstathā /
prakṣālya taṇḍulān samyak niṣbīḍya ca punaḥpunaḥ

catuḥ prakṣālanaṃ kṛtvā "prajāsthā'līti mantrataḥ /
"ūrjasva'tīti mantreṇa pātre prakṣipya taṇḍulān

chullyāmāropayetpaścā "dviṣṇave juṣṭa'mityapi /
"vācaspa'tīti mantreṇa havissvinnantu pācayet

dhūmagandharasaṃ svinnamatipakvaṃ ca śītalam /
keśakīṭāpaviddhantu tyajetparyuṣitaṃ tathā

mudgaṃ caiva mahāmudgaṃ kūṭasthaṃ rājamāṣakam /
kadalī panasaṃ caiva kūśmāṇḍaṃ bṛhatī tathā

kandamūlaphalānyanye sārāḍhyā upadaṃśakāḥ /
guḍaṃ dadhi samāyuktamājyayuktaṃ.........

haviḥkṛtvā caturbhāgamūrdhvabhāge nivedayet /
adhastādekabhāgena homārthaṃ balaye tathā

yadaṃśaṃ pātrasaṃśiṣṭaṃ pūjāyaiva ca nirmitam /
sauvarṇe rājate pātre kāñcye tāmre nivedayet

agni kāryāvaśiṣṭaṃ ca baliśiṣṭaṃ ca yaddhaviḥ /
tatsarvaṃ pūjakāyaiva proktamevaṃ manīṣibhiḥ

dvitīyāvaraṇe proktamāgneyyāṃ pacanālayam /
arcakasya gṛhe vāpi pācayitvā nivedayet

praṇidhiṃ cājyasthālīṃ ca prokṣaṇīpātrameva ca /
arghyapradānapātraṃ ca kuḍubena prapūritam

haviḥpātrapramāṇantaṃ balipātrapramāṇataḥ /
pānīyadānapātraṃ ca kāṃsyaṃ śuktijameva vā

hiraṇmayaṃ vā raupyaṃ vā yadhāśobhamalaṅkṛtam /
tāṃbūladāne pyevaṃ syātsauvarṇaṃ kāṃsyameva hi

dapanṇaṃ ca pradātavyaṃ dhruvānasasamaṃ bhavet /
āvāhanārthapraṇithiṃ prasthamātra prapūritam

kaluṣaṃ kṛmiśaivālayuktaṃ sūtravivarjitam /
gandhavarṇarasairjuṣṭamaśucisthānamāśritam

paṅkāśmadūṣitaṃ caiva sāmudraṃ palvalodakam /
agrāhyamudakaṃ grāhyamebhirdeṣairvivarjitam

uttamaṃ triguṇair adbhissānaṃ cāthamamucyate /
abhiṣeko nadībhnantu madhyame madhyamaṃ bavet

uśīracandanopetaṃ yajjalaṃ pādyamucyate /
elālavaṅgatakkolajātīphalasamanvitam

āpa ācamanīyārthamuśīrāmayacandanaiḥ /
āpaḥkṣīrakuśāgrādi yavasiddhārthataṇḍulaiḥ

tilavrīhi samāyuktairarghya maṣṭāṅga mucyate /
candanaṃ cāguruścaiva kuṅkumaṃ gandha ucyate,

ekaṃ dvayaṃ trayaṃ vāpi karbūreṇa catuṣṭayam /
uśīracanṭanopetaṃ ghṛtayuktaṃ ghṛtāplutam

kiñcitkarbūrasaṃyuktaṃ dhūpamityucyate budhaiḥ /
goghṛtena kṛtaṃ yattu dīpamuttamamucyate

caturaṅgulamāyāmaṃ rājasaṃ dīpameva hi /
dīpaṃ tattṣaṅgulāyāmaṃ madhyamaṃ dīpamucyate

adhamaṃ tu bhaveddīpamaṅguladvayasammitam /
kāpilena gṛtenāpi kṛtaṃ karbūravartikam

dīpaṃ viṣṇupriyaṃ proktaṃ sarvasiddhipradāyakam /
tāmasaṃ tu bhaveddīpaṃ māhiṣeṇa tu sarpiṣā

vṛkṣabījodbhavasnehadīpaṃ paiśācamucyate /
tāmasaṃ vāpi paiśācamayogyaṃ dīpamucyate

kṣaumaṃ kārpāsajaṃ vastraṃ vakṣabhedāṅgasaṃbhavam /
daśahastāyataṃ caiva vistāraṃ tu dvihastakam

manoharaṃ tu suślakṣṇaṃ viśeṣaṃ vastramucyate /
berāyāmārdhamānena vastravistāra mucyate

vistārāṣṭaguṇāyāmaṃ sadaśaṃ tu salakṣaṇam /
mayūrapiñchaiḥkuryāttu catustālaṃ tu vistṛtam

adhomukhaṃ tu kartavyamata ūrdhvamukhaṃ tathā /
pañcāratnipramāṇeva daṇḍassyādadhamaṃ tathā

adhikaṃ dvādaśāṅgulyaṃ madhyamecottamepi vā /
evaṃ piñchaṃ samākhyātaṃ chatralakṣaṇamucyate

ṣaṭtānaṃ chatravistāramuttamaṃ samudāhṛtam /
madhyamaṃ pañcatālaṃsyācca tustālamathādhamam

mauktikaṃ tu bhavecchatraṃ vastreśāpi hitaṃ tathā /
vastreṇa vā tathā kuryāttālapatramathāpi vā

chatraṃ tvadhomukhaṃ proktaṃ daṇḍaṃ piñchasya daṇḍavat /
suvarṇaratnasaṃyuktaṃ kuryādābharaṇādikam

mukuṭaṃ kuṇḍalaṃ caiva hāraṃ kaiyūrakaṃ tathā /
kaṭakaṃ kaṭisūtraṃ ca puṣpaṃ vai hāranūpure

kuryādudarabandhaṃ ca ratnahāraṃ ca mekhalām /
hāraṃ ca karṇapuṣpaṃ ca pratimāyā yathārhakam

cāmarai ścāmaraṃ kuryātpiñchairvāpi mayūrajaiḥ /
daṇḍaṃ haktapramāṇaṃ syādbāladaṇḍapramāṇakam

hemaratnamayaṃ daṇḍaṃ tāratāmramayaṃ tathā /
atha vā dārudaṇḍaṃ syānmayūrapiñchaṃ ca yojayet

evaṃ tu cāmaraṃ proktaṃ pracchannapaṭamucyate /
kṣaumakārpāsasaṃyuktaṃ dvāramānantu kārayet

atha vakṣye viśeṣeṇa sahasradhārāvidhikramam /
sauvarṇaṃ rājataṃ vāpi tāmraṃ vāpi svaśaktitaḥ

uttamaṃ ṣoḍaśāṅgulyaṃ madhyamaṃ dvādaśāṃgulam /
aṣṭāṃgulaṃ tadadhamaṃ yathāśakti ca kārayet

etairaṅgulibhissamyak bhramīkṛtya ca candravat /
bhāgaṃ bhittyunnataṃ proktaṃ golakaṃ vā viśeṣataḥ

sīmāvṛttaṃ tu vistāramaṣṭāṅgulamiti smṛtam /
karṇi kāyāmavistāraṃ golakaṃ tu yavonnatam

madhye ratnaṃ suvarṇaṃ vā yathā śakti samarpayet /
karṇikāmabhitaḥ kuryāddalānyaṣṭa susaṃgatam

paritaṣṣoḍaśadalaṃ dvātriṃśatkarṇikaṃ bahiḥ /
catuṣṣaṣṭisamāyuktaṃ dalaṃ bāhye prakalpayet

dale yavadvayaghanaṃ rekhāmapi ca kārayet /
sahasrasuṣirairyuktaṃ samānoktaṃ ca kārayet

ṣoḍaśadvādaśāṣṭābhiraṅgulyāyāmavistṛtam /
mālaṃ taddhastavistāraṃ śaṅkhāntarasamīkṛtam

padmākṛtiṃ ca kṛtvā tu tau ca nālasamāyutau /
śeṣaṃ yuktyā prakurvīta jalanirgamanaṃ budhaḥ,,

sarvasaindaryasaṃyuktaṃ tathākāraṃ ca kārayet /
prakṣālya pañcagavyena śodhanīyena śodhayet

devālayasya purito gomayenopalipya ca /
thānyarāśiṃ samāstīrya vastraṃ copari vinyaset

uttare vāstuhomaṃ ca paryakniṃ caiva pūrvavat /
ācāryaṃ pūjayettatra navavastrāṅgulīyakāḥ,

tantrendumaṇḍalaṃ dhyātvā padme padmanidhiṃ tathā /
śaṅkhe śaṅkhanidhiṃ tadvadāvāhyaiva samarcayet

puṇyāhaṃ vācayitvā tu dakṣiṇāṃ ca dadetpunaḥ /
biṃbaśuddhiṃ ca kṛtvātu mantreṇaivābhiṣicya ca

devadevaṃ samabhyarcya havistatra nivedayet /
evaṃ vai kṛtapātrāṇi devārthaṃ ca pradāpayet

tasya kāyakṛtaṃ pāpaṃ tat kṣaṇādeva naśyati /
sarvadoṣopaśamanaṃ viṣṇubhaktivivardhanam