Bhṛgusaṃhitā · Chapter 21

evaṃ yaḥ kurute bhaktyā viṣṇuloke mahīyate
iti śrīvaikhānase bhagavacchāstre
bhṛguproktāyāṃ saṃhitāyāṃ prakīrṇādhikāre
viṃśo 'dhyāyaḥ.
anthaikaviṃśo 'dhyāyaḥ
viśeṣārcanam
athātassaṃpravakṣyāmi viṣṇupañcadināni ca /
śravaṇaṃ dvādaśī śukle kṛṣṇe cārdhe ca dvādaśī

pūrṇimā cāpyamāvāsyā pañcaitāni dināni vai /
pūrvoktena vidhānena aṅkurānarbayetkramāt

baddhvā pratisaraṃ tatra pūrvarātrautu śāyayet /
prātassandhyārcanāntetu snāpanoktakrameṇavai

samabhyarcya nivedyaiva pūrvasthāne niveśayet /
mārgaśīrṣākhyamāse tu pūrvapakṣe viśeṣataḥ

prātassandhyāvasānetu pūrvamāsthānamaṇḍape /
saṃsthāpya caturo vedān krameṇādhyāpayetsadā

pūjayeddevadeveśaṃ saptaviṃśativigrahaiḥ /
ekādaśīmupopyaiva mahāpātakanāśinīm

tataḥprabhāte dvādaśyāṃ snātvāsnānavidhānataḥ /
mṛṇmayāni tu bhāṇḍāni purāṇāni parityajet

mṛṣṭasiktopalepādyaiśśodhayitvā yathārhakam /
snāpanoktakrameṇaiva snāpayitvā yathāvidhi

āsanādibhirabhyarcya pāyasaṃ ca nivedayet /
pānīyācamanaṃ datvā mukhavāsaṃ tataḥparam

puruṣasūktena saṃstūya gkāmaṃ caiva pradakṣiṇam /
dhāmapradakṣiṇaṃ kṛtvā jīvasthāne niveśayet

saṃvatsarer'cane hīne nityanaimittikādiṣu /
tatsarvaṃ pūrṇamityāhurdvāśīpūjane kṛte

pauṣe tu pūrṇimāyāṃ vai viṣṇupañcadinoktavat /
arcayitvātu deveśaṃ gavyaṃ kṣīraṃ nivedayet

so 'pi saṃvatsaraphalaṃ labhate nātra saṃśayaḥ /
māghamāse punarvasvo rāghavo 'jāyata svayam,

tattastasyāmapoṣyaiva rāmaṃ vā viṣṇumeva vā /
grāmaṃ pradakṣiṇaṃ kṛtvā snāpayitvā nivedayet

tilapadmavidhiṃ vakṣye śruṇudhvaṃ munipuṅgavāḥ /
māghamāse tu pañcamyāṃ pūrvapakṣe viśeṣataḥ

pūrvarātrai tu deveśamarcayitvā yathāvidhi /
havīṃṣyapi nivedyaiva baddhvā pratisaraṃ punaḥ

pūrvavacchāyayitvaiva rātriśeṣaṃ nayetkramāt /
prabhāte devamuddhāpya kalaśaissnāpayetpunaḥ

maṇḍapaṃ vātha kūṭaṃ vā prapāṃ vātha yathocitam /
gomayenopalipyaiva pañcavarṇairalaṅkṛtam

tasmin saṃsthāpya deveśaṃ praṇamyaivānumāsya ca /
pramukhe dhānyarāśau tu dvihastāyatavistṛte

kṛṣṇājinaṃ samāstīrya navavastressamāstaret /
tadūrdhvetu vikīryaivaṣaḍdroṇaṃ tilameva hi

droṇatrayaṃ dvaye vāpi maṇḍalākālavattathā /
aṣṭabhiścadalairyuktaṃ tilapadmaṃ samālikhet

triṇiṣkena tadardhena niṣkamātreṇa vā punaḥ /
svarṇapadmaṃ ca kṛtvātu tilapadme tu vinyaset

āḍhakaiśśālidhānyaiśca pūrṇapātrāṇi ṣoḍaśa /
indrādīśānaparyantaṃ śālirāśyupari nyaset

aḍhakaṃ tailamāhṛtya tadardhañca ghṛtaṃ tathā /
paścime dadhimannyasya devadevaṃ praṇamya ca

ātmasūktaṃ ca japtvātu pūjayedaṣṭavigrahaiḥ /
praṇamya devadevāya padmamadhyetu pūrvavat

prācyādi puruṣādīṃśca caturmūrtibhirāhvayet /
ekādaśopacāraiśca pūjayitvā yathārhakam

indrādyaiśāntamāvāhya degdevānarcayettata /
"atodevā'disaṃyuktaṃ viṣṇusūktaṃ japetpunaḥ

biṃbe devaṃ samāropya cānyānudvāsayetkramāt /
yajamāno 'tha tatkāle dadyādācāryadakṣiṇām

viṣṇubhaktiyutaṃ śāstaṃ dayādyātmaguṇairyutam /
vedapārāyaṇaparaṃ sarvāvayavasaṃyutam

vipramāhūya tatkāle devasya niyato 'grataḥ /
dhyātvā deveśamācāryo devadevasya sannidhau

tilapadmaṃ dadettasmai sarvalokahitāya vai /
stotrairgeyaiśca vādaiśca stutvā devaṃ samarcayet

devaṃ yāne samāropya sarvālaṅkārasaṃyutam /
devālayaṃ parītyaiva jīvasthāne niveśayet

eve yaḥkurute bhaktyā viṣṇave paramātmane /
sarvān kāmānavāpnoti vaiṣṇavaṃ lokamaśnute

phālgune māsi phalgunyāṃ śriyā sārthaṃ janārdanam /
snāpayitvotsavaṃ kṛtvā samabhyarchya nivedayet

caitremāsi tathā caitṣāṃ kuryāddamanakotsavam /
pūrvasminneva divase rātripūjāvasānake

bhaddhvā pratisaraṃ tatra deveśāya nivedayet /
vasastaṃ kāmamabhyarcya pāyasānnaṃ nivedayet

desasya dakṣiṇe pārśve mālāṃ damanakīṃnyaset /
prabhāte devamuddhāpya snāpayitvār'cayettathā

devasya puṣpamantrābhyāṃ dadyādbhakti samanvitam /
sarveṣāṃ parivārāṇāṃ dadyāttanmantramūrtibhiḥ

grāmaṃ pradakṣiṇaṃ kṛtvā saṃsthāpyāsthānamaṇḍape /
samabhyarcya nivedyaiva mukhavāsaṃ dadettataḥ

vaiśākhyāṃ paurṇamāsyāṃ vai snāpayitvā samarcayet /
jyeṣṭhe tu snāpayeddevaṃ navavastraṃ pradāpayet

so 'pi saṃvatsaraphalaṃ prāpnuyādeva mānavaḥ /
arghyadānaṃ praśastaṃ syāddevasyāṣāḍhamāsake

śrāvaṇe māsi sakṣatre śravaṇe tu viśeṣataḥ /
utsavasnapanādīni pūrvavatkārayedbudhaḥ

ataḥparaṃ pravakṣyāmi jayantyutsavalakṣaṇam /
jayantī śrāvaṇe māsi kṛṣṇapakṣe 'ṣṭamī śubhā

rohiṇīsahitā jñeyā sarvapāpaharā tithiḥ /
tasyāṃ jāto jacagannātho jagatpālana kāṅkṣayā

candrasyodayakāletu madhyarātre svalīlayā /
tasmin vai divase kṛṣṇamarcayitvā prayatnataḥ

utsavaṃ kārayedyastu viṣṇossālokyatāṃ vrajet /
aṣṭamī rohiṇīyuktā rahitāvā vicakṣaṇaiḥ

aviddhaiva sadā grāhyāsaptamyā sarvadā tidhiḥ /
ādityodayavelāyāṃ kalāmātrāṣṭamī yadi

sātithissakalā jñeyā niśīthavyāpinī bhavet /
nāgaviddhā yathā nandā varjitā śravaṇānvitā

tathāṣṭamīṃ pūrvaviddhāṃ sarkṣāṃ vāpi parityajet /
aviddhaivāṣṭamī grāhyā tāṃ supuṇyāmupāvaset

rohiṇīsahitā kṛṣṇā māsi bhādrapade 'ṣṭamī /
ardharātrādadhaścordhvaṃ galayā vāpi pūrvavat

jayantī nāma sā proktā sarvapāpapraṇāśinī /
tasmāttu divasātpūrvaṃ navame vātha saptame

pañcame vā tṣahe 'vāpi vidhivā cāṅkurārpaṇam /
pūrvedyureva śarvaryāṃ rātripūjāvasānake

baddhvā pratisaraṃ tatra śayane śāyayeddharim /
tasyāṃ tithāvardharātre kṛṣṇamevaṃ viśeṣataḥ

puṣpāñjaliṃ tataḥ kuryācchriyā yukto janārdanaḥ /
bhūmibhārāpahārāya lokejāto jagatpatiḥ

iti saṃcintayeddevaṃ vaiṣmavaṃ mantramuccaran /
sarvālaṅkārasaṃyuktaṃ maṇḍapaṃ ca pradakṣiṇam

purastānmadhyame vāpi cāsthāne vāpyalaṅkṛte /
tanmadhye viṣṭare sthāpya devadevaṃ praṇamya ca

tailaṃ haridracūrṇaṃ ca kalaśān saṃprapūrya ca /
sthaṇḍile vinyasettatra devadevaṃ samarcayet

tailenābhyañjanaṃ kṛtvā cūrṇenodyartanaṃ caret /
nādeyaṃ gandhatoyaṃ ca puṣpodaṃ cākṣatodakam

kuśodakaṃ tu saṃbhṛtya kalaśān pañca vinyaset /
"ato devā'dibhirmantraissnāpayetpuruṣottamam

pādyādyarṅyāntamabhyarcya devadevaṃ praṇamya ca /
"hiraṇyagarbha' ityuktvāgavāṃ kṣīraṃ nivedayet

mukhavāsaṃ ca datvaiva praṇāmaṃ ca tataścaret /
niveditaṃ tu tat kṣīraṃ vandhyāputrapradaṃ bhavet

pītvāprasūte putraṃ ca āyuṣmantaṃ balānvitam /
nītvā ghṛtaṃ ca tailaṃ ca mukhavāsayutaṃ tathā

devasya darśayitvā tu brāhmaṇebhyaḥ pradīyatām /
devadevamalaṅkṛtya bhaktānāmāttacetasām

yathā vai yajamānasya tathā priyakaraṃ bhudhaiḥ /
sarvavādyasamāyuktaṃ sarvālaṅkārasaṃyutam

grāmaṃ vāpyālayaṃ vāpi pradakṣiṇamathācaret /
ālayaṃ saṃpraviśyaiva kalaśaissnāvayedbudhaḥ

ācāryadakṣiṇāṃ datvā sodakaṃ devasannidhau /
prabhūtaṃ tu nivedyaiva mukhavāsaṃ dadetpunaḥ,

evamevaṃ tathā kuryādutsavaṃ prativatsaram /
bhuktimuktipradamidamṛṣibhiḥ parīkīrtitam

apare 'tha dine vāpi kārayedutsavaṃ bhudhaḥ /
yadyanmantrakriyālopo vaiṣṇavair hūyate tathā

ekasmin vatsare hīne devadevaṃ praṇamya ca /
snapanaṃ pañcaviṃśadbhiḥ kalaśaiśśuddhamānasaiḥ

śāntihomaṃ ca hutvātu puṇyāhamapi vācayet /
utsavaṃ dviguṇaṃ kuryāddakṣiṇāṃ ca svaśaktitaḥ

śrāvaṇe dvādaśīyoge māpi bhādrapade tathā /
saṃvatsarārcādoṣasya śāntyarthaṃ keśavasya tu

asmin māse viśeṣeṇa pavitrāropaṇaṃ hareḥ /
sarvadoṣopaśamanaṃ sarvakāmābhivṛddhidam,

māse 'smīnnārabhetaiva śravaṇavratamuttamam /
tribhirvarṣaistribhirmāsairupoṣya ca mahatpalam

āśvayujamāse cāśvyarkṣe deveśaṃ snāpayettataḥ /
arghyadānaṃ praśastaṃ syāddevadevasya śārjiṇaḥ

athātaḥ kṛttikādīpadānalakṣaṇamucyate /
kārtikyāṃ pūrṇimāyāntu yadṛkṣantu pravartate

tadṛkṣaṃ dīpaṛkṣaṃ syātkālāpekṣā na vidyate ravyastamayavelāyāṃ /
dīpāropaṇamācaret

devasya sannidhau staṃbhe devālayasamocchraye /
adhike vā mahādīpaṃ mahāsnehaṃ prakalpayet

tripādaṃ vā tadhardhaṃ vā dīpadaṇḍaṃ samāharet /
veṇuṃ vā kramukaṃ vāpi tālaṃ vā nālikerakam

madhūkaṃ tintriṇīkaṃ cetyanyaissāradrumaistathā /
śatāṣṭadīpasaṃyuktaṃmuttamottamamucyate

utme madhyamaṃ dīpaṃ /
śatasaṃkhyākramaṃ viduḥ /
uttamādhamadīpaṃ syānnavatirdvyadhikā tathā

madhyamottamamuktaṃ syādaśītiścaturastathā /
madhyame madhyamaṃ caiva ṣaṭsaptatirathocyate

madhyamādhamadīpantu aṣṭaṣaṣṭiriti smṛtam /
adhamottamadīpantu ṣaṣṭisaṃkhyāṃ vadantihi

dvipañcāśatpradīpāṃśca kuryādadhamamadhyame /
adhamādhamamevedaṃ catvāriṃśatpradīpakam

aśaktānāṃ yathāśakti dīpaṃ tatraiva yojayet /
daṇḍetu suṣire yojyaṃ caturdikṣu krameṇa vai

bhūtapīṭhasya pūrvetu dīpasthānaṃ vidhīyate /
"padmakośapratīkāśa' iti śrutyāmudāhṛtam

tasmātsarvaprayatnena padmaṃ kuryātsalakṣaṇam /
vistārāyāmatulyaṃ syāccatustālapramāṇataḥ

golakāṅgulamutsedhaṃ caturaśraṃ prakalpayet /
tatraiva śālibhi stiryakpadmamaṣṭadalānvitam

tanmadhye tālamātreṇa samavṛttaṃ sakarṇikam /
ekāṅgulasamutsedhaṃ tatraivopari taṇḍulaiḥ

sati padmaṃ samutphullaṃ navavastraṃ samāstaret /
puṣpaṃ tasyopari nyasya kalbayetpadmamaṇḍalam

daleṣvabhyarcya ca vasūn madhye dharmaṃ samarcayet /
ālayābhimukhe kuryātprapāṃ caivātisundaram

āsthānamaṇḍape vāpi kalpayetpadmamaṇḍalam /
sauvarṇaṃ rājataṃ tāmraṃ mṛṇmayaṃ vāsvaśaktitaḥ

śarāvaṃ prasthasaṃpūrṇaṃ samāhṛtya vicakṣaṇaḥ /
kiñcitkarpūrasaṃyuktaṃ picuvartisamanvitam

gavyaṃ ghṛtaṃ samādāya sthāpayetpadmamadhyame /
ācāryassuprasannātmā navavastrottarīyakaḥ

"śriyaijā'teti mantreṇa dīpasyoddīpanaṃ caret /
pratīcyāṃ padmamadhyetu śriyaṃ dhyātvā samāhvayet

ekādaśopacāraiśca pūjayitvā samāhitaḥ /
śrīdevīṃ manasā dhyātvā śrīsūktaṃ ca samuccaran

dīpamādāya hastābhyāmapsarobhirviśeṣataḥ /
dīpānanyāntsamādāya to yadhārāsamanvitam

geyadhvanisamāyuktaṃ nṛttavādyasamanvitam /
pradakṣiṇaṃ tataḥ kṛtvā garbhāgāraṃ praveśayet

depasya dakṣiṇe pārśvesthāpayenmantravittamaḥ /
devadevaṃ samānīya maṇḍale sthāpya cātvaraḥ

kuryāddaśopacārāṃśca samabhyarcyedvidhānataḥ /
"śrīye jā'teti mantreṇa dīpānuddīpayedbudhaḥ

garbhageheca sopāne prāsāde mukhamaṇḍape /
prāsādaśikhare vāpigrīvāyāṃ caraṇe 'pi ca

prākāreṣu ca sarvatra tathaiva snapanālaye /
puṣpasaṃcayadeśe ca dvāre cāsthānamaṇḍape

anyeṣvapi ca sarvatra dīpānuddīpayetkramāt /
kārpāsatūlaṃ saṃbaddhya śarāveṣughṛtena vai

pūrvoktenaiva mantreṇa coddīpanamathācaret /
nṛttageyādivādyaiśca ghoṣayitvā prayatnataḥ

taccharāvasthadīpaṃ ca balipīṭhasya paścime /
adhidevaṃ samārādhya nikṣipeddīpamaṇḍape

"śubhrājyoti'riti procya daṇḍrāgre 'nyāṃśca nikṣipet /
nivedya bahūdhā devaṃ pṛthukādīnviśeṣataḥ

bhakṣyāṇi guḍamiśrāṇiprabhūtaṃ ca mahāhaviḥ /
grāmaṃ pradakṣiṇaṃ kṛtvā sarvālaṅkārasaṃyutam

punardevaṃ samādāya jīvasthāne niveśayet /
so 'pi saṃvatsaraphalaṃ prāpya gacchetparaṃ padam

grahaṇārādhanam
athātassaṃpravakṣyāmi sūryasomoparāgayoḥ /
arcanādividhiṃ samyak devadevasya śārṅgiṇaḥ

sūryagrahe caturyāmaṃ triyāmaṃ tu vidhugrahe /
nāśnanti havyakavyāni devatāḥ pitarastathā

ālaye tu hareḥ pūjāṃ na tyajanti maharṣayaḥ /
havirnivedanaṃ hitvāpūjāṃ sarvāṃ samācaret

grahaṇe vartamānetu snāpayetpuruṣottamam /
koṭiyajñaphalaṃ prāpya brahmaloke mahīyate

grastāstagrahaṇe kuryātsnapanaṃ tu pare 'hani /
tathā grastodaye kuryāditi śātātapo 'bravīt

sarvadhā varamāne tu grahaṇesnapanaṃ caret /
grahaṇaṃ saṃkramo hasticchāyā ca viṣuvādikam

yugādi va mādyāstu puṇyakālāḥ prakīrtitāḥ /
niṣethaḥ kathitaḥ prājñairhavirdāsavadutsave

nityārcanaṃ cotsavaṃ ca snapanātpūrvamācaret /
snāpayitvā hṛṣīkeśaṃ havirdānaṃ praśasyate

vāstuśuddhiṃ sadā kuryādgrahaṇe candrasūryayoḥ /
purāṇāni ca bhāṇḍāni tyaktvānyāni samāharet

kuśāgrāṇāṃ samutkṣepādvāsasāṃ śuddhiriṣyate /
apakvānāṃ ca vastūnāṃ na pakvaṃ parigṛhṇate

adṛśyamuparāgantu noparāgaṃ pracakṣate /
dīkṣitasya tathānyasya snānaṃ syātsparśamokṣayoḥ

yāvānādyantakālassyāttāvatākīrtayeddharim /
maunī japādikaṃ kuryādūrdhvapuṇḍradharaśśuciḥ

saptavātāhataṃ vastramārdraṃ dhṛtvā na doṣabhāk /
grahaṇe bhagavatsevā sarvāśubhavināśinī

dadyāddhānāni śaktyā vai sakāmo harimandire /
tadanantaṃ bhavetsākṣī yatrānanto harissvayam

prabhūtaṃ tu nivedyātha bhuñjīyāttadanantaram /
rātrau śrāddhaṃ prakurvīta grahaṇe tannadoṣakṛt

dūṣite tūktakāle tu tasyāpagama eva ca /
viparīte mahān doṣa iti śāstravido viduḥ

na niśīthātparaṃ śrāddhamāpatsvapi vidhīyate /
snānamāśaucināṃ nityaṃ te 'pi dānaṃ ca kurva

na japo na tapasteṣāmaśuddhā mokṣaṇe punaḥ /
yadā rāśyantaraṃ rāśeḥ kāle saṃkramate raviḥ

tadā tu puṇyakālassyātsnapanādyatra kārayet /
kaṭakeviṃśatiḥ pūrvaṃ makare viṃśatiḥ pare

puṇyāntu ghaṭikāḥ proktā statra grahaṇavaccaret /
yadāstamayavelāyāṃ saṃdhyāyāṃ saṃkramoraveḥ

pūrve 'hṇi puṇyakālassyādaparāhṇātparassmṛtaḥ /
ardhāstamita āditye tathā cār'dhodite sati

pāścātyapūrvaghaṭīkāstisrassaṃdhyā prakīrtitāḥ /
uparāge 'pi kuryādvai utsave 'vabhṛthaṃ hareḥ

vidhugrahe niśāṃ sarvāmahorātraṃ ravigrahe /
tyajecchubhe tadā kuryānnaiva dīpotsavaṃ hareḥ

paścānniśīthādgrahaṇe dīpaṃ dāsyanti ke ca na /
aviddheparvaṇi proktaṃ dīpadānaṃ śubhāvaham

grahaṇe 'pi bhaveddīpamaviddhā pūrṇimā na cet /
aparvaṇyarpitaṃ dīpaṃ hanti puṇyaṃ purātanam

māsarkṣeṣvanyapuṇvarkṣe viṣṇupañcadine tathā /
arcanārthāya devasya kālo madhyāhna ucyate