Bhṛgusaṃhitā · Chapter 18

iti śrīvaikhānase bhagavacchāstre bhṛsuproktāyāṃ
saṃhitāyāṃ prakīrṇādhikāre saptadaśo 'dhyāyaḥ
athāṣṭādaśo 'dhyāyaḥ.
bhagavadarcanam
atha vakṣye viśeṣeṇa viṣṇorarcanamuttamam /
"pravaḥ pāntama'ndhetyādi śrutibhirvihitaṃ tathā

yaccoktaṃ guruṇā sūtre samāsena maharṣiṇā /
tenaiva vivṛtaṃ śāstre sārdhakoṭī pramāṇataḥ

asmābhistu susaṃkṣiptaṃ cāturlakṣapramāṇataḥ /
tadarcanakramaṃ vakṣye śruṇudhvamṛṣisattamāḥ

vaikhānasena sūtreṇa niṣekādi kriyānvitaḥ /
ṛtviguktaguṇopetassupuṣṭāṅgassamāhitaḥ

gṛhastho brahmacārī vā bhaktyaivār'canamācaret /
dravyairanekaissaṃpādyaṃ tathānantopacārakaiḥ

āśakyaṃ vidhivatkartuṃ brahmādyairapi pūjanam /
manuṣyaiḥkimuvaktavyaṃ daridrairadṛḍhātmabhiḥ

yathāśakti tataḥ kuryāttasmādbahubhirarcakaiḥ /
bahubhiḥ paricāraiśca tathai vānyapadārthibhiḥ

nirvartyaṃ pūjanaṃ viṣṇośśraddhābhaktisamanvitaiḥ /
tasmānnavavidhā grāhyā arcakāḥ paricārakāḥ

uttame tūttamaṃ proktamarcakānāntu viṃśatiḥ /
aśītiḥ paricārāṇāmuttame madhyamaṃ tataḥ

paricārāṇāṃ catuṣṣaṣṭidarcakāṣṣoḍaśa smṛtāḥ /
uttame tvadhamaṃ proktamarcakā dvādaśa smṛtāḥ

pañcāśatparicārāśca madhyame cottamaṃ punaḥ /
catvāriṃśatparicarāḥ pūjakāścāṣṭakīrtitāḥ

madhyame madhyamaṃ proktamacankāṣṣaḍudīritāḥ /
pañcaviṃśatparicarā madhyame tvadhamaṃ punaḥ

catvāraḥ pūjakāstatra paricārāstu ṣoḍaśa /
trayor'cakāḥ paricarā nava syuradhamottame

pūjakau dvauparicarāścatvāro 'dhamamadhyame /
ekor'cakaḥ paricarau dvauproktāvadhamādhame

ācāryassyādupadraṣṭā devassānnidhyakārakaḥ /
arcanādyakhilaṃ kāryaṃ tanniyogena kārayet

sa hi kāryasya nirṇetā goptādharmasyadeśikaḥ /
arcako devadevasya kuryānmantrāsanādiṣu

upacārānanantāṃśca vidhinā śāstracoditān /
arcakasya sahāyantu kiṅkaraḥ paricārakaḥ

bahukāryakarāścaite grāhyāstu paricārakāḥ /
sammājannakaraścaiva tathā syādupalepakaḥ

dīpoddīpayitā cauva potraśodhanakārakaḥ /
pānīya vāhakaścaiva puṣpāpacayakārakaḥ

dhūpadīpādikartā ca gandhapeṣaṇatatparaḥ /
tattatparicchadāhartā tathaiva balivāhakaḥ

evamādīni kāryāṇi kurvanti paricārakāḥ /
pācakaḥ paricārassyātpacanālayasaṃgataḥ

haviṣpākavidhānajñaśśaucācāraparāyaṇaḥ /
etānvaikhānasāneva vṛṇetsarvān padārthinaḥ

alābhe tatra sarveṣāmācāryaṃ cārcakānpusaḥ /
vaikhānasāneva vṛṇannakyudaryādanyasūtriṇaḥ

avaikhānasa viprastu pūjayedālaye harim /
sa vai devalako nāma sarva karmabahiṣkṛtaḥ

paricārāṃntu vṛṇuyādalābhe tvanyasūtriṇaḥ /
dīkṣitānevasadvṛttānāgamoktavidhānataḥ

yajamānassadādhyātmarato mokṣārthacintakaḥ /
dhanī sarvasamastyāgī bhaktiyuktaḥ prasannadhīḥ

śāstroktena vidhānena viṣṇulāñchanalāñchitaḥ /
devasya nityapūjārthamutsavārthaṃ viśeṣataḥ

tathānyavibhavārthaṃ ca dāpayeddhanasaṃcayam /
ācāryājñāpratīkṣassyātṝjake hitacintakaḥ

paricāre prasannaśca kiṅkareṣu dayāparaḥ /
tīrthaprasādasevī ca nirmālyeṣu kṛtādaraḥ

iti lakṣaṇasaṃpannāḥ prabhavantyālayārcane /
athārcakaḥ pramannātmā pañcakālaparāyaṇaḥ

brāhmemuhūrte codthāya nārāyaṇamanusmaret /
kṛtvā sūtroktavidhinā śaucādīni yathāvidhi

snātvā snānavidhānena dhṛtvā dhautāṃbare punaḥ /
ūrdhvapuṇḍrāṇi saṃdhārya vidhinā keśavādibhiḥ

dhṛtvā pavitrapadmākṣatulasīmaṇimālikāḥ /
dhṛtvobhayapavitre ca tathā sandhyāmupāsya ca

uṣṇīṣeṇa ca pañcāgabhūṣaṇainsuvibhūṣitaḥ /
samāpya nityakarmāṇi mahāmantrādikaṃ japan

aruṇaṃ tu japitvaiva nārāyaṇamataḥ param /
praṇamya yantrikāñcaiva karābhyāṃ parigṛhya ca

bāhvośśirasi vā nyasya bhaktyā paramayā yutaḥ /
saṃgataḥ paricāraiśca yajamānena sādaram

sarvavādya samāyuktaḥ sarvamaṅgalaśobhitaḥ /
kramamāṇaśśanairvidvān devāgāraṃ prati vrajet

"pratadviṣṇu'riti procya cālayaṃ paritaḥkramāt /
yugmapradakṣiṇaṃ kuryāddeva devamanusmaran

yugmapradakṣiṇaṃ kuryādayugmaṃ tvābhicārikam /
āyugmaṃ tu parītyāpi tathāyugmaṃ praṇamya ca

prekṣetodyantamādityaṃ japeddvādaśasūktakam /
chāyālaṅghanadoṣantu na tatra syātpradakṣiṇe

devāgāraṃ praviśyaiva tattanmantramanusmaran /
dvāradevān praṇamyātha nirastaṃ rakṣamastrataḥ

gṛhītvā yantrikāṃ caiva "hiraṇyapāṇi' muccaran /
kavāṭe tu susaṃyojya "divaṃ' vīti samuccaran

kavāṭodghāyanaṃ kṛtvā praviśedantaraṃ budhaḥ /
"ato devā' itiprocya devaṃ vīkṣyapraṇamya ca

paricārakamāhūya dīpānuddīpayetkramāt /
praṇavaṃ mantramuccārya tatra kāryaṃ samācaret

trissaṃprahārya pāṇibhyāṃ "śāmyantvi'tyādi coccaran /
ādarśaṃ gāśca kanyāśca hastyaśvādīn śubhodayān

brāhmaṇānvedaviduṣo nartakāṃścaiva gāyakān /
devasya puratasthsāpya mukhamaṇḍapa evacā

pracchanna paṭamudvāsya kṛtvā nīrājanaṃ tathā /
sarvavādyasamāyuktaṃ darśayeddharaye mudā

dhāroṣṇaṃ caiva gokṣīraṃ navanītaṃ saśarkaram /
deveśāya nivedyātha kuryādyavanikāṃ punaḥ

"bhūḥ prapadye' samuccārya deveśaṃ praṇamenmuhuḥ /
"paraṃ raṃ'hīti mantreṇa śayanasthaṃ śriyaḥpatim

"bhūrasī bhū'riti procya jīvasthāne niveśayet /
tasmin kāletu ye bhaktyā sevante puruṣottamam

teṣāṃ puṇyaphalaṃ vaktuṃ na śakyaṃ tridaśairapi /
tataśśiṣyaṃ samāhūya vinayānvitamādarāt

sammārjanādikarmāṇi gurustasmai samādiśet /
"ava dhūti'miti procya garbhagehādi sarvataḥ

mārjanyā mārjayecchiṣyaḥ prādakṣiṇyakrameṇa vai /
pāṃsvādīn parihṛtyāpi prākārāntaṃ ca sarvaśaḥ

"āśā'sviti samuccārya gomayenopalepayet /
pañcagavyaistu saṃprokṣya raṅgavallīssamācaret

"ā mā vājasya' mantreṇa yathoktena vidhānataḥ /
sarvaṇyapi ca pātrāṇi śodhayetsumanorame

to yasaṃgrahaṇārthaṃ tu niyuktaḥ pūjakena tu /
ghaṭamādāya śiṣyastu "duhatāṃ diva'muccaran

nadītaṭākakūpānāṃ pūrvālābhe paraṃ vrajet /
upasthāya jalaṃ smṛtvā jāhnavīṃ lokapāvanīm

"ājyamabhigṛhṇā'mīti cāppavitreṇa vāsasā /
gṛhītvotpūtamādhāvaṃ gāyatrīmuccaran punaḥ

alaṅkṛtyaghaṭaṃ samyak kṣaumenācchādya tanmukham /
gaje śirasi vā kṣiptvā sarvavādyasamāyutam

punarālayamāviśya kṛtvā caiva pradakṣiṇam /
somaṃ rājānamuccārya garbhagehe tu dakṣiṇe

vinyasecca tataḥ kuṃbhaṃ tripādopari śobhite /
elośīrādicāhṛtya gandhadravyaṃ yathāvidhi

dadyādarcakahaste tu gṛhītvā tattu pūjakaḥ /
pūrṇakuṃbhe tu nikṣipyatoyaṃ tadadhivāsayet

alābhe kuśadūrvairvā tulasīdalamiśritaiḥ /
abhimṛśya tataḥ kuṃbha "midamāpaśśivā'iti

sūtroktavidhinā kṛtvā puṇyāhaṃ vidhivattadā /
"śuci vo havya'mantreṇa saṃbhārān prokṣayetkramāt

śodhayitvātu nirmālyaṃ "naśyastu jagatā'miti /
"ahameveda'muktvā tu pīṭhapuṣpaṃ ca śodhayet

"pūtastasya' samuccārya vedimadbhissuśodhayet /
dhruvasya pādapuṣpastu viṣṇugāyatriyā tathā

pañcabhirmūrti mantraiśca datvā devaṃ praṇamya ca /
devanirmālyaśeṣeṇa viṣvaksenaṃ vibhūṣya ca

anyannirmālyamādāya śucisthāne 'psu vā kṣivet /
pūjanārthāṃśca saṃbhārān yathāśakti susaṃbharet

tatassamāhito bhūtvāsaṃbhārārcanamārabhet /
tattatthsāneṣu pātrāṇi yathārhaṃ sthāpayedbudhaḥ

snānārthamagnikoṇe syādarghyarthaṃ nairṛte 'pi ca /
pādyārthaṃ vāyudeśe syādācamārthamatheśake

śuddhyarthamekaṃ madhye tu pañcapātramidaṃ kramāt /
tripādopare nikṣipte viśāle tāmrabhājane

"agniśśu'cīti mantreṇa sthāpayecca hariṃ smaran /
kuryācca pātrasaṃskāraṃ śoṣaṇādi yathāvidhi

uddhariṇyāṃ gṛhītvātu praṇavena jalaṃ tadā /
nikṣipya tulasīṃ tasyāṃ puṣpaṃ vā dhāraṇaṃ caret

vārikuṃbhamukhe brahmā tadadho rudra īritaḥ /
varuṇastu jale dhyeyastathai vāvāhanaṃ caret

tripāde candramāvāhya cādityaṃ cordhvabhājane /
vasiṣṭhasomayajñāṅgāninduṃ mandraṃ krameṇavai

āgneyādikrameṇaiva pañcapātreṣu cāhvayet /
karpūrośīrakaṃ caiva gandhānelālavaṅgakam

snānadravyamidaṃ proktaṃ snānapātre tunikṣipet /
viṣṇuparṇaṃ padmadalaṃ dūrvāṃ śyāmākameva ca

prādyadravyāṇisaṃpādya pādyapātre tu nikṣipet /
kuśākṣatatilavrīhiyavamāṣāṃstathaiva ca

priyaṅgūṃścaiva siddhārthānarghyapātre tu nikṣipet /
elośīralavaṅgādiṃ stakkolānīti ca kramāt,

kṣipedācāmapātre tu śuddhatoye tataḥkramāt /
puṣpāṇi gandhānvinyasyedyathālābhamathāpivā

alābhetattaduccārya tulasīṃ vā vinikṣipet /
"dhārā'sviti ca mantreṇa pātrāṇyadbhiḥ prapūrayet

"idamāpaśśivāḥ' procya surabhimudrāṃ pradarśya ca /
pātrābhimantraṇaṃ kuryāddasadigbandhanaṃ caret

viṣṇugāyatrīmuccārya tatrakāryaṃ samācaret /
ghaṇṭāyāṃ caiva brahmāṇaṃ nāde vedānsamarcayet

tajjihvāyāṃ ṣaḍāsyastusūtrenāgāntsamarcayet
ūrdhvevīśaṃ ca śaṅkhārī pārśvayostasyacārcayet

nāle caiva mahādevamiti ghaṇṭādhidevatāḥ /
tripādasyottaresthāpya vimalantu patadgrahe

varuṇaṃ śaṅkhakukṣau tu mūle tu pṛthivīṃ tathā /
dhārāyāṃ sarvatīrthāṃśca śaṅkhe candraṃ samarcayet

uddhariṇyāṃ ca pānīyapātre somamathārcayet /
āsane dharmamāvāhyaplote tvaṣṭārameva ca

aṃbare sūryamāvāhya cottarīye niśākaram /
bhūṣaṇe ṣaṇmukhaṃ caiva yajñasūtre niśākaram

puṣpe pullaṃ tathā gandhe mukhavāse ca medinīm /
akṣate kāśyapaṃ dhūpe bṛhaspatimadhāhvāyet

dīpe śriyaṃ ghṛte sāmataile pitṝntsamarcayet /
upadhāne tathāchatre pāduke śeṣamarcayet

yantrikāyāṃ ca mārtāṇḍaṃ siddhārthe somamarcayet /
kuśāgre jāhnavīṃ caiva tileṣu pitṛdevatāḥ

taṇḍule ravimāvāhya dadhni cāvāhayedyajuḥ /
kṣīre 'tharvāṇamāvāhya madhuparke ṛcaṃ tathā

mātrāyāṃ śarvamāvāhya haviḥpātre divākaram /
haviṣṇu padmagarbhaṃ ca pānapātre niśākaram

upahārādipātreṣu divākaramathārcayet /
jyeṣṭhāmāvāhya mārjanyāṃ nartakeśarvamarcayet

gāyake sāmavedaṃ ca nandīśaṃ vādaker'cayet /
pāñcajanyaṃ ca śaṅkhe tu gaṇikāsvapcarastsriyaḥ

garuḍaṃ paricāreṣu samāvāhya tataḥ kramāt /
anukteṣu tu dravyeṣu viṣṇumāvāhya kārayet

tattaddravyādhipe smṛtvātattaddravyasamīpataḥ /
tattaddravyadharatvena caturbhirvigrahairyajet

tattatkarmasu kāle vai yathārhamupayojayet /
tatkāle pyatha vāvāhyatasmin karmaṇi yojayet

tator'cakaḥ prasannātmādhyātvātmānaṃ janārdanam /
devasya dakṣiṇebhāge kūrmapīṭhe samāhitaḥ

biṃbārhaṃ saṃsthito vāpi samāsīno 'tha vā punaḥ /
dhyātvā dhyānavidhānena japtvācāryapalaṃparām

yogaśāstroktamāgenṇa prāṇāyāmādikaṃ caret /
bhūtaśuddhiṃ vidhāyādau nyāsānanyāntsamācaret

akārādikṣakārāntamakṣarāṇi yathāvidhi /
sarvatra sandhiṣu nyasya brahmanyāsaṃ samācaret

"brahma brahmantarātme'ti hṛdayaṃ cābhimarśayet /
"dyaurdyaira'sīti coccārya mūrdhānaṃ cābhimarśayet

"śikhe udvartayā'mīti spṛśeccaiva śikhāṃ tathā /
"devānāmāyudhai'ruktvā kavacaṃ bandhayettataḥ

"nārāyaṇāya vidmaha' iti daśadigbhandhanaṃ caret /
"sudarśanama'bhītyuktvā dakṣiṇe tu sudarśanam

"ravipā'miti vāme ca śaṅkhaṃ ca bibhṛyātkare /
"sūryosi ca dro 'sī'tyuktvā netrayordakṣavāmayoḥ

sūryācandramasoścaiva maṇḍale sannyasedbudhaḥ /
"ahuraṇyaṃ vidhiṃ yajñaṃ brahmāṇaṃ devendra'mityapi

aṅguṣṭhādikaniṣṭhāntaṃ karanyāsaṃ samācaret /
"antarasminnima'iti brahmāṇaṃ ca hṛdi nyaset

prāṇānāyamya saṃkalpya tithivārādikīrtayet /
tato mantrāsanaṃ vidvān saṃkalpya ca yathāvidhi

"pratadviṣmussavata'iti iti ta"thāstvāsana'mityapi /
puṣpadabhankuśeṣvekaṃ pīṭhānte cāsanaṃ dadet

"viśvādhikānā'mityuktvā svāgataṃ tu samācaret /
"mano 'bhimantā'mantreṇa deveśamanumānya ca

"trīṇi pa'deti mantreṇa dadyātpādyaṃ padadvaye /
"āmāvājasya'mantreṇa spṛśyamaghaṃny pradāya ca

devasya dakṣiṇe haste spṛśyaṃ ssṛśyāghanymucyate /
"śannodevī'riti procya dadyādācamanīyakam

"devasya'tveti mantreṇa cādarśaṃ darśayettataḥ /
annādyāya samuccārya dantadhāvanamācaret

hiraṇmayaṃ vā raupyaṃ vā dantakāṣṭhaṃ ṣaḍaṅgulam /
jauduṃbaraṃ vā saṃpādya yathālābhaṃ samācaret

"idaṃ bra'hmeti mantreṇa jihmāśodhanamācaret /
"yanme garbhe'samuccārya gaṇḍūṣaṃ kṣālanaṃ tathā

"śannodevī'riti procya dadyādācamanaṃ tataḥ /
"vicakrame' namuccārya mukhavāsaṃ pradāpayet

pūrvavastraṃ visṛjyaiva paridhāpyānyavāsasā /
grīvāyāḥ pṛṣṭhataḥ kuryādavakuṇṭhanamādarāt

keśānvikīrya mantrajño vāmabhāge ca susthitaḥ /
"uvānahā'viti procya purastātpādukenyaset

"bhūḥprapadye' samuccārya praṇamya jagatāṃ patim /
"para bra'hmeti mantreṇa samādāya tu kautukam

svastisūktaṃ tato japtvā "pratadviṣṇu'riti bruvan /
snānapīṭhe susaṃsthāpya pādyamācamanaṃ dadet

ato devādimantraistu tailamālipya mūrdhani /
tathaiva viṣṇugāyatṣā sarvāṃgāṇyanulepayet

"parilikhita'miti mantreṇa sarvāṅgamapi śodhayet /
āmlena khaṇḍaśīkena śarkarābhiryathocitam

alāśodhanaṃ kuryācchrīpatrāmalakāṃbunā /
śālipiṣṭena gandhādyairaṅgaśodhanamācaret

viśadaṃ śodhayitvātu saṃsnāpyoṣṇena vāriṇā /
"vārīścatasra'ityuktvā śuddhodairabhiṣecayet

"namo varuṇa'ityuktvā gokṣīrairabhiṣecayet /
"bhūrānilaya'mantreṇa snāpayedgandhavāriṇā

"agnimīle'samuccārya madhunā snānamācaret /
"sīnīvā'līti mantreṇa hāridrodakasecanam

tattaddravyāntare caiva bhavecchuddhodakāplapaḥ /
punargandhodakenaiva "gandhadvārā' mudīrya ca

snāpayeddevadeveśaṃ tūryaghoṣapurassaram /
caturvedādimantraiśca śuddhodaissnāpayetpunaḥ

"mitrassuparṇa'ityuktvā vimṛjya plotavāsanā /
pūrvavastraṃ visṛjyaipa parīdhāpya tathetarat

pādyamācamanaṃ dadyātpūrvoktena vidhānataḥ /
praṇamya devadeveśaṃ datvāpuṣbāñjaliṃ tataḥ

"bhūrasi bhū'rityuccārya jīvasthāne niveśayet /
"trirdeva'mantramuccārya dṛśyāghanyntu samarpayet

tataḥprokṣya dhruvasthānaṃ gāyatrīmantramuccaran /
"saṃyuktameta'duccārya dhruvakautukayontataḥ

saṃbandhārthaṃ nyasetkūrcaṃ kautukāgraṃ vidhānataḥ /
gāyatṣā dhruvapīṭhantu prokṣya śuddhena vāriṇā

"viṣṇave nama'ityuktvā devadevamanusmaran /
dhruvasya pādayormadhye puṣpanyāsaṃ samācaret

prāgādi ca nyasettatra pādakṣiṇyakrameṇa vai /
caturthyantena puṣpāṇipuruṣaṃ satyamacyutam

aniruddhamiti rocya mahādikṣu caturṣu ca /
āgneyādi tathā nyanyedvidikṣu ca krameṇa vai

kapilaṃ caiva yajñaṃ ca nārāyaṇaṃ puṇyameva ca /
prathamāvaraṇaṃ caitaddvitīyāvaraṇe tataḥ

pūrvoktena krameṇaiva vārāhaṃ nārasiṃhakam /
vāmanaṃ trivikramaṃ caiva subhadraṃ ca tataḥ param

īśitātmānamityuktvā sarvodvahamataḥ param /
sarvavidveśvaraṃ ceti samabhyarcyedbahirmukhān

tṛtīyāvaraṇe tattaddigīśāṃśca samarcayet /
śrīphūmyormūrtimantraiśca devyorapi samācaret

evaṃ dhruvasya pīṭhe tu puṣpanyāsa udāhṛtaḥ /
atha kautukapīṭhe tu pūrvoktena krameṇa vai

prācyāṃ subhadramāvāhya hayātmakamataḥ param /
rāmadevaṃ puṇyadevaṃ sarvaṃ caiva sukhāvaham

saṃvahaṃ suvahaṃ ceti prathamāvaraṇer'cayet /
dvitīyāvaraṇe tadvanmitra matriṃ śivaṃ tataḥ

viśvaṃ sanātanaṃ caiva sanarthanamataḥ param /
sanatkumāraṃ sanakamarcayecca bahirmukhān

tṛtīyāvaraṇe tadvallokapālāntsamarcayet /
praṇavādi namo 'ntaṃ syādarcanaṃ nyāsa ucyate

ekādaśabhiraṣṭābhirupacārais tathārcayet /
tatra devyośca vidhinā dhruvatevyorivācaret

mārkaṇḍeyaṃ bhṛguṃ caiva devadakṣiṇavāmayoḥ /
brahmāṇaṃ śaṅkaraṃ tadvadbhittipārśve samarcayet

deveśābhimukhānetānyathāvidhi samarcayet /
dvārārcanaṃ samārabhya śiṣyaḥ kuryādgurūditaḥ

dvāre dvāre dvāradevān dvārapālāntsamarcayet /
vimānapālān lokeśāṃs tathā caiva'napāyinaḥ

parivārāṃs tathānyāṃśca viṣṇubhūtāntameva ca /
tattannāmnā samabhyarcya "bhūrānilaya' mantrataḥ

dvāraprakṣālanaṃ kṛtvā dakṣiṇe madhyavāmayoḥ /
dharmaṃ jñānamathaiśvarya māvāhya susamarcayet

sarvatra dvāravāme tu rakṣārthaṃ śāntamarcayet /
tato yavanikāṃ kuryāddvāre kṣaumādinirmitām

striyaśśūdrāntu patitāḥ pāṣaṇḍā vedanindakāḥ /
devatāntara bhaktāśca pāparogādipīḍitāḥ

abhiśastāśca ye pāpāśśāstreṣu tu vininditāḥ /
pūjākāle tu nārhanti sevituṃ harimavyayam

dhyānamāviśya tatkāle pūjakassusamāhitaḥ /
ātmasūktaṃ japitvaiva sākṣānnārāyaṇo bhavet

viṣṇuṃ vyāpinamātmāna makhaṇḍānandacinmayam /
rukmābhaṃ raktanetrāsyapāṇipādaṃ sukhodvaham

kirīṭahārakeyūrakuṇḍalāṅgadabhūṣitam /
śaṅkhacakradharaṃ devaṃ varadābhayacihnitam

śrīvatsāṃkaṃ mahābāhuṃ kaustubhodbhāsitorasam /
śukapiñchāṃbaradharaṃ pralaṃbabrahmasūtriṇam

divyāyudhaparīvāraṃ divyabhūṣāvibhūṣitam /
devībhyāṃ parivāraiśca sevyamānaṃ jagatpatim

dhyāyetsannihitaṃ biṃbe nārāyaṇamanāmayam /
yathāberaṃ tathā thātvā nyāsakarma tataścaret

suvarbhuvarbhūr ityuktvā mūrdhni nābhau ca sādayoḥ /
biṃbasya vyāhṛtīrnyasyedvyāhṛtinyāsa ucyate

pādayorantare pīṭhe yakāraṃ ca tatonyaset /
akāraṃ hṛdayenyasya cādibījaṃ tataḥpunaḥ

āveṣṭya praṇavenaitān praṇāmaṃ punarācaret /
puṣpagandhākṣatairyuktaṃ śuddhodairabhipūritaṃ

praṇidhiṃ caurdhvamuddhṛtya dīpāddīpamivakramāt /
"idaṃ viṣṇuriti'procya "cāyātu bhagavā'niti

praṇavātmakamavyaktaṃ divyamaṅgalavigraham /
dhruvātpraṇidhitoye tu kūrcevāvāhayeddharim

tadvyāptaṃ to yamādāya kautukasya tu mūrdha ni /
praṇavena samāsrāvya kūrcevāvāhayedguruḥ

mūrtimantrāntsamuccārya tatra kāryaṃ samācaret /
devyau caiva tathāvāhya samyagabhyarcayedbudhaḥ

tathaivāvāhayedvidvān vidhinā cotsavādiṣu /
kaitukādbaliberasya kecidāvāhanaṃ viduḥ

alaṅkārāsanaṃ paścātsaṃkalsya ca yathāvidhi /
asanaṃ mantravaddadyāddeveśamanumānayet

pādyamācamanaṃ cāpi dadyātpūrvoktamantrataḥ /
"tejovatkyāva'vamantreṇa vastraṃ kṣaumādicārpayet

"bhūto bhūteṣu' mantreṇa bhūṣaṇaiśca vibhūṣya ca /
"somasya tanūra'sītyuktvādhārayeduttarīyakam

aṣṭākṣareṇa mantreṇa cordhvapuṇḍraṃ ca dhārayet /
"agniṃ dūtami'ti procya yajñasūtraṃ samarpayet

"tadviṣṇoriti mantreṇa puṣpādyaiḥ pūjayettataḥ /
mūrtimantrāntsamuccārya keśavādibhireva vā

aṣṭottaraśataistadvadaṣṭottarasahasrakaiḥ /
anantainānmabhiḥ pūjyo 'nantanāmā bhavān hariḥ

"tadviprāsa' iti procya candanenānulepayet /
"paromātra'yetyuccārya dhūpamāghrāpayettataḥ

"viṣṇoḥ karmāṇi' mantreṇa dīpaṃ tasmai pradarśayet /
"trirdeva'iti mantreṇa dadyādaghaṃ ca pūrvavat

upacāreṣu sarveṣu priyamaghaṃny haressmṛtam /
tasmānnivedayeddhīmān madhupakonpamaṃ śubham

acamanantu tasyānte pūrvamantreṇa kārayet /
droṇataṇḍulamādāya tadardhaṃ pādamevavā

taṇḍulārthatilairyuktaṃ mukhavāsaphalānvitam /
gṛhītvā kāṃsyapātretu devasyāgre nidhāya ca

daśanyeddevadevasya "somaṃ rājāna'muccaran /
devārpitaistu nirmālyaiḥ pūjayitvār'cakaṃ tataḥ

"ghṛtātpa'rīti mantreṇa daśanyitvākaraṃ hareḥ /
arcakāya pradeyaṃ syānmātrādānamiti smṛtam

bahuśo dakṣiṇāṃ dadyāddānasādguṇyasiddhaye /
"devasya'tveti mantreṇa parigṛhya tadarcakaḥ

upayuñjyātkuṭuṃbārthe sa hi dāyaharo hareḥ /
devadravyovabhoge tu yaśśāstraidonṣa īritaḥ

vaikhānasānāṃ taddoṣā nāsti devaprasādataḥ /
praṇamya devadeveśaṃ mantrairvedādisaṃbhavaiḥ

strotraiśca vividhaintsutvā pāde puṣpāñjaliṃ kṣipet /
daśanyedvividhākārān dīpānmantreṇa tatra tu

kuṃbhadīpaṃ samādāya devāgre tu vinikṣipet /
vārāhaṃ nārasiṃhaṃ ca cāmanaṃ ca trivikramam

daleṣvabhyarcya vidhinā dīpe lakṣmīṃ samarcayet /
vartikāyāṃ śriyaṃ caiva dhūme 'bhyarcyabhavaṃ tathā

prokṣyopacārairabhyarchya puṣpagandhādibhiḥ kramāt /
"śubhrā jyoti'riti procya karābhyāṃ parigṛhya ca,

pradakṣiṇaṃ trivāraṃ tu darśayan bhrāmayeddharim /
sarvavādyasamāyuktaṃ taṃ dīpaṃ parigṛhya ca

śiṣyo vā gaṇikā vāpi devāgāraṃ parītya ca /
visṛjeccaiva taṃ dīpaṃ pṛṣṭhe yūthādhipasya ca

taddīpadarśanānnṝṇāmāyuśśrīputrasaṃvadaḥ /
saṃbhavanti na sandeho viṣṇornī rājanaṃ hī tat

citraiścavālavyajanais tatkāle vījayedguruḥ /
darbaṇaṃ cāmaraṃ chatraṃ vyajanaṃ caturaṅgakam

nṛttaṃ gītaṃ ca vādyaṃ ca vaiṣṇavaṃ mantramuccaran /
devasya darśayitvātu stotraṃ vedaiḥkramāccaret

tathā nānāvidhaistotraiśśrāvayedacyutaṃ harim /
anuktaṃ caiva yatsarvamūhayitvā samācaret

śrībhūmyohṛndaye nyasya tattadbījākṣaraṃ pṛthak /
tatsūktābhyāṃ ṣoḍaśopacārairabhyarcayetkramāt

utcavādeśca pūrvoktaṃ sarvamarcanamācaret /
tatobhojyānanaṃ caiva saṃkalpya ca yathāvidhi

ghṛtaṃ madhu guḍaṃ caiva payo dadhi samanvitam /
prasthamātraṃ tu saṃgrāvyāṃ madhupakanmihocyate

"yanmadhuneti mantreṇa madhupākaṃ nivedayet /
paścādācamanaṃ datvāśiṣyaṃ kārye niyojayet

"athāvanīda'mantreṇa śodhayitvā sthalaṃ tataḥ /
maṇḍalaṃ caturaśraṃ ca kārayetbaricārakaḥ

haviḥ pātrāṇi saṃśodhya ravimabhyarchya teṣu vai /
abhighārya ghṛtenaiva havistatra tu nikṣipet

"amṛtopastaraṇama'sītyatra kāryaṃ samācaret /
upadaṃśādikaṃ tatra guḍaṃ dadhi phalāni ca

nikṣipya viṣṇugāyatṣā pṛthakpātreṣvasaṃkaram /
"yatte susīma' mantreṇa goghṛtenābhighārya ca

devasyāgre tu nikṣipya tripādeṣu yathāvidhi /
havirarpaṇakāle tu na sevyo harirucyate

tasmādvaikhānasān hitvā brāhmaṇā anyasūtriṇaḥ /
na viśeyustathānye ca tatkāle viṣṇumandiram

kavāṭaṃ bandhayetpaścāt ghaṇṭānādaṃ ca kārayet /
tūryaghoṣādikaṃ kuryānmṛḍuvādyapriyo hariḥ

tator'cakaḥ prasannātmā devadevamanusmaran /
haviḥpātreṣu tulasīṃ nikṣipyāṣṭākṣareṇa tu

puṣpairabhyarcya saṃprokṣya praṇavaiḥ pariṣicya ca /
abhimṛśyānnasūktena surabhimudrāṃ pradarśya ca

"tadasya priya'mityuktvā haviruṣṇaṃ nivedayet /
"subhūssvayaṃbhūṃ'tyuktvā apūpaṃ ca nivedayet

pṛthukādīni cānyāni "viśvabheṣaja'mantrataḥ /
apakvāni ca vastūni sarvamaṣṭākṣareṇa tu

"idaṃ viṣṇu'ssamuccārya pānīyaṃ svādu śītalam /
nivedayitvā gaṇḍūṣaṃ pādyamācamanaṃ dadet,

"ghṛtātba'rīti mantreṇa mukhavāsaṃ pradāpayet /
viṣṇugāyatrīmuccārya dadyātpuṣpāñjaliṃ tataḥ

nityāgnikuṇḍe chullyāṃ vā pariṣicya ca pāvakam /
caruṇājyena juhuyāsmūrtimantraiḥkramādbudhaḥ

devyādibhyastathā hutvā vaiṣṇavaṃ ca yajetkramāt /
puṣpanyāsoktadevebhyaḥ pāṣandānāṃ tathaiva ca

trikāleṣūttamaṃ proktamadhamaṃ prātarevahi /
prātarmadhyāhnayoścaiva madhyamaṃ homalakṣaṇam

rakṣedagnimavicchinnamaśakto yaśca rakṣitam /
samidhyātmani vāropya praṇīyāharaharyajet

tatoyātrāsanaṃ vidvān saṃkalpya vidhinā budhaḥ /
prokṣyālaṅkṛtya cādāya rathaṃ vā caturantaram

baliberaṃ samāropya sarvālaṅkārasaṃyutam /
"rathantaraṃ' samuccārya tatra kāryaṃ samācaret

"yogeśaṃ paraṃbrahmāṇaṃ paramātmānamityapi /
bhaktavatsala'mityuktvā mūrtimantraistathā harim

nārācarajjvā nudṛḍhaṃ bandhayedrahasikramāt /
"viṣṇustvā'miti mantreṇa pādau sṛṣṭvā namenmuhuḥ

"somaṃ rājāna'muccārya chatraṃ mūrdhani dhārayet /
"marutaḥ paramā'tmeti pārśvayoścāmare dadet

"vāyupa'rīti mantreṇa vyajanairvījayeddharim /
tathānyaissumahāhainśca yuktodivyaparicchadaiḥ

ghaṇṭāraveṇa saṃyuktaṃ śaṅkhabherīnināditaiḥ /
bherīmṛdaṅgapaṇavanissālaiḥ kāhalairapi

mardalairdivyavādyaiśca layaśrutisamanvitaiḥ /
upatiṣṭhejjagadyoniṃ nārāyaṇamanāmayam

śiṣyamāhūya tatkāle soṣṇiṣaṃ sottarīyakarm /
ūrdhvepuṣpaṃ ca sannyasya prokṣayitvā ca mantrataḥ

tasyoṣṇīṣoparisthāpya balipātraṃ vicakṣaṇaḥ /
alaṅkṛtya ca mālyādyaiḥpūjayettākṣanyvatsmaret

vāhayitvā baliṃ tena balipātreṇa caiva hi /
sarvadvāreṣu sarvatra puṣpanyāsoktamāgantaḥ

pūrvāntamuttarāntaṃ ca nikṣipettu baliṃ kramāt /
toyaṃ puṣpaṃ baliṃ toyaṃ catvārastatra vigrahāḥ

tato devaṃ samānīya kramamāṇāśśanaiśsanaiḥ /
vāhakā vāhayeyustaṃ rathaṃ sarvaṅgasundaram

krameṇa namrakāyastu kṣipecchiṣyo baliṃ kramāt /
baliṃ datpāgrato gaccheddevena saha vā pṛthak

tato devaṃ kramānnītvā prādakṣiṇyakrameṇa vai /
tatkāle tu balirdeya statkramastupravakṣyate

maṇikaṃ ca tatassandhyāṃ pradhamadvārapālakau /
tāpasaṃ siddhidaṃ caiva dvitīya dvārapālakau

nyakṣendrāvantarāle ca yathāvidhi samarcayet /
prathamāvaraṇadvāre kiṣkindhaṃ tīrdhameva ca

dditīyāvaraṇadvāre gaṇeśaṃ śeṣamarcayet /
tṛtīyāvaraṇadvāre śaṅkhapadmanidhī tathā

tuhiṇaṃ ca balindaṃ ca caturthāvaraṇe tathā /
pañcamāvaraṇe caiva khaḍgaṃ śāṅkhaṃ samarcayet

ṣaṣṭhe cāvaraṇa śaṅkhacakracūḍau samarcayet /
caṇḍaṃ tathā pracaṇḍaṃ ca saptamāvaraṇer'cayet

sopānamadhye śrībhūtaṃ garuḍaṃ ca samarcayet /
havīrakṣakamagniṃ ca āgneyyāṃ samyagarcayet

vimānadakṣiṇe pārśve vivasvantaṃ yamaṃ tathā /
nairṛtyāṃ vādya'rakṣaṃ ca nirṛtiṃ ca samarcayet

paścime mitramabhyarcyettathā varuṇameva ca /
vāyavyāmarcayeccaiva puṣpeśamarutau tathā

uttarasyāṃ tu kṣattāraṃ kuberaṃ ca samarcayet /
īśānaṃ bhāskaraṃ caiva tathaiśānye samarcayet

bhūtapīṭhe samabhyarcya cakraṃ caiva dhvajaṃ tathā /
śaṅkhaṃ yūthādhipaṃ caiva akṣahantaṃ tathārcayet

pīṭhasya dakṣiṇe bhāge "ye bhūtā' iti mantrataḥ /
bhūtayakṣapiśācebhyo baliśeṣaṃ tu nirvapet

pādau prakṣālya cācamya tatra kāryaṃ samācaret /
nṛttageyādiyuktaṃ tu divyastotraissamanvitam

pradakṣiṇatrayaṃ kṛtvā bhrāmayitvā jagadgurum /
sopānamadhye saṃsthāpya rajjubandhaṃ visṛjya ca

jayaśabdaistathāmantrairdadyānnī rājanaṃ tataḥ /
tato devaṃ samādāya svasthāne tu niveśayet

viṣṇusūktaṃ samuccārya praṇāmaṃ muhurācaret /
dadyātpuṣpāñjaliṃ caiva dvādaśāṣṭaṣaḍakṣaraiḥ

pauruṣaṃ sūktamuccārya praṇavaṃ ca samuccaran /
mukhavāsaṃ samarpyaiva śaktito dakṣiṇāṃ dadet

tataḥpatadgrahāttīrthamādāyaiva tu pūjakaḥ /
triḥpibenniyato bhūtvā tulasīmapi bhakṣayet

pratyūṣaśca prabhātaśca madhyāhnaścāparāhmakaḥ /
sāyaṅkālo niśīthaśca pūjākālāntu ṣaṭ smṛtāḥ

prātaḥkālercanaṃ kuryājjapahomābhivṛddhaye /
rājarāṣṭrābhivṛddhyarthaṃ madhyāhnārcanamiṣyate

sāyaṅkāler'canaṃ caiva sarvasasyābhivṛddhaye /
uṣaḥkālār'canaṃ proktaṃ prajāpaśuvivṛddhaye

aparāhṇārcanaṃ caiva daityanāśanahetave /
ardharātrār'canaṃ proktaṃ catuṣpādabhivṛddhaye

evaṃ ṣaṭkālapūjāyāṃ phalamuktaṃ viśeṣataḥ /
ṣaṭkālaṃ vā trikālaṃ vā dvikālaṃ kālameva vā

pūjanaṃ devadevasya tvaihikāmuṣmikapradam /
ṣaṭkāla pūjane kuryādādāvāhanaṃbudhaḥ

tathāntya velārcanāyāṃ kuryādudvāsanaṃ param /
upasandhyāsu deveśamāsanādyaṣṭavigrahaiḥ

samabhyarcya havirdadyādvinā homaṃ baliṃ tathā /
puṣpanyāsaṃ ca homaṃ ca parivārārcanaṃ balim

nityayātrotsavaṃ caivetyupasandhyāsu varjayet /
trikālamarcane 'nyatra mnapanaṃ prātareva hī

prokṣaṇaṃ cānyakāle tu mantreṇetyāha pūjanam /
śiṣyāṇāmapyabhāve tu varṣādyupahatau tathā

tathā vādyādyabhāve vā balikāle samāgate /
tadā devāntsamāvāhya dvārāgre nikṣipedbalim

sūryastvāmantramuccārya kavāṭaṃ bandhayettataḥ /
madhyāhne caiva sāyāhne kāle kāle tathācaret

tathaivodghaṭayetkāle sarvaṃ pūrvavadarcanam /
puṣpaṃ dvārārcitaṃ śodhya punardvāre samarcayet

dhruvapīṭhetu puṣpāṇi na śodhyāni punaḥpunaḥ /
tāni puṣpāṇyanuddhṛtya tadūrdhve nyāsamācaret,

sāyārcane tu tāni syuninrmālyāni na cānyataḥ /
kautukādyarcitaṃ puṣpamādāya vidhinā budhaḥ

pīṭhe pārśve nidhāyānyairarcayettu navairnavaiḥ /
antyavelārcanānte tu saṃkalbya śayanāsanam

vimucya vastramālyādīn sūkṣmavastraṃ samarpya ca /
abhyarcya puṣbagandhādyairdevadevaṃ śriyaḥpatim

sarvauṣadhivimiśraṃ ca kaṣāyaṃ toyameva ca /
nivedya devadevasya mukhavāsaṃpradāpayet

"yadvaiṣṇava'miti procya mṛduvādyairmanoramaiḥ /
divyopadhānasahite divyālaṅkāraśobhite

pariṣkṛte vitānādvairdivyadhūpaiḥ sudhūpite /
mahāhānstaraṇopete śayane śāyayeddharim

śrībhūmyau ca samādāya tanmantrābhyāṃ kramādguruḥ /
śāyayeddevapāśenv tu "dhruvanta'iti coccaret

"aricitassuṣṭutaścāsi suparṇagaruḍadhvaja /
cakrapāṇe mahābāho yatheṣṭaṃ vasa oṃ namaḥ'

iti mantraṃ samuccārya bhaktyā paramāyā yutaḥ /
prātarāvāhitāṃ śaktiṃ dhruvabere 'varopayet

pradakṣiṇaṃ praṇāmaṃ ca kṛtvā mantreṇa deśikaḥ /
stutvā puruṣasūktena viṣṇugāyatriyā tathā

vyāpakatrayamantraiśca tathā "viṣṇornukā'dibhiḥ /
"ato devā'dibhirmantrairmantrairanyaiśca vaiṣṇavaiḥ

ekākṣarādisūktaiśca dvādaśāṣṭaṣaḍakṣaraiḥ /
muhuḥpuṣpājaliṃ datvākṣāmayeddoṣasaṃcayam

atha vakṣye viśeṣeṇa pūjanaṃ cautsavādiṣu /
brahmasthānaṃ kautukasya pūrvameva samīritam

pāśanvyoḥkautukasyātha sthāpayetsnāpanautsavau /
uttare kautukasyaiva baliberasya saṃsthitiḥ

garbhālayasya saṃkoce tvatha vā mukhamaṇḍape /
antarāle 'tha vā sthāpya pūjayetsnāpanautsavau

snāpanautsavayoḥkuryātpūrvoktārcanamuttamam /
āsanādyupacārāṃśca kalpayet ṣoḍaśātha vā

trayodaśopacāraiśca śāntaṃ samyaksamarcayet /
navopacārairabhyarcyedanapāyigaṇāṃs tathā

dvāradevān dvārapālān lokapālāṃstathaiva ca /
aṣṭopacārairabhyarcyenmūrtimantraiḥ samācaret

itarān parīvārāṃśca yajet ṣoḍaśavigrahaiḥ /
tathaiva pākalakṣmyāśca dvāralakṣmyāśca kārayet

śrīvatsalakṣmyāśca tathā devena saha cācaret /
avatārapratiṣṭhāyāṃ dhruvarcāṃ vātha kārayet

trivikramapratiṣṭhāyāṃ dhruvārcāmarcayettataḥ