Bhṛgusaṃhitā · Chapter 17

iti śrīvaikhānase bhagavacchāstre bhṛguproktāyāṃ
saṃhitāyāṃ prakīrṇādhikāre ṣoḍaśo 'dhyāyaḥ
atha saptadaśo 'dhyāyaḥ.
atha saptadaśo 'dhyāyaḥ.adimūrtikalpaḥ
atha vakṣye viśeṣeṇa keśavādivinirṇayam /
keśavaṃ tu prakurvīta saumyarūpaṃ caturbhujam

śaṅkhacakragadāpadmadharaṃ svarṇābhave va ca /
sarvālaṅkārasaṃyuktaṃ muktāhāravibhūṣitam

sthitamevaṃ prakurvīta devībhyāṃ sahitaṃ prabhum /
nārāyaṇaṃ prakurvīta ghanaśyāmaṃ caturbhujam

śaṅkhapadmadhakaṃ devaṃ bibhrantaṃ ca gadāmasim /
bhūṣitaṃ maṇibhūṣābhiḥ vītavāsasamacyutam

prakuryācca viśeṣeṇa lakṣmīnārāyaṇaṃ śubham /
uttamaṃ daśatālena mānonmānapramāṇataḥ

siṃhāsane samāsīnaṃ dakṣiṇāṃghriṃ prasārya ca /
āsane nihitaṃ vāmaṃ lakṣaṇaṃ pūrvavattathā

lakṣmīṃ sannyasya vāmorau mukhe harṣasamanvitām /
prasāritakarāṃ devīṃ pañcatālapramāṇataḥ

prāñjalīkṛtahastāṃ tāṃ sarvābharaṇabhūṣitām /
vāmena tāṃ pariṣvajya dakṣiṇenābhayapradam

anyābhyāṃ ca karābhyāṃ ca śaṅkhacakradharaṃ param /
tārkṣyaṃskandhāsanasthaṃ vā anyatsarvaṃ ca pūrvavat

tārkṣyaṃ navārdhatālena ardheṣadbhṛkuṭiṃ? mukham /
dakṣiṇorau sthitāṃ lakṣmīṃ kecidicchantisūrayaḥ

nāgabhoge samāsīnamevaṃ kuryāttu vā harim /
saptabhiḥ pañcabhirvāpi phaṇairvistāritairyutam

śeṣaṃ samyakprakurvīta samuttuṅgaśarīriṇam /
mādhavaṃ cotpalanibhaṃ cakracāvagadāsibhiḥ

caturbhujadharaṃ kuryāccitramālyāṃbaraṃ harim /
govindaṃ pāṇḍurābhaṃ ca caturbhujadharaṃ harim

gadāśaṅkhāripadmāni bibhrantaṃ kārayedbudhaḥ /
viṣṇuṃ nīlotpalābhantu śaṅkhāryabjagadābhṛtam

sarvābharaṇa saṃyuktaṃ pītavāsasamacyutam /
raktotpalābhaṃ kurvīta devaṃ tu madhusūdanam

śaṅkhāryabjagadāpāṇiṃ caturbhujamanāmayam /
trivikramaṃ nīlavarṇaṃ śaṅkhāryabjagadābhṛtam

caturbhujadharaṃ devaṃ sarvābharaṇabhūṣitam /
vāmanaṃ meghavarṇaṃ tu caturbāhuṃ mahābalam

gadāśaṅkhāripadmāni bibhrantaṃ chalarūpiṇam /
atha vā kārayetkuṃbhaṃ dadhyannaṃ ca karadvaye

dadhivāmanamāhustaṃ śvetābhaṃ dvibhujaṃ harim /
atha vā vaṭurūpaṃ tu dhṛtvā daṇḍakamaṇḍalū

svarṇacchami bālarūpaṃ dvibhujaṃ kārayeddharim /
sitāsitābhaṃ kurvīta śrīdharaṃ tu caturbhujam

kaumodakīśaṅkhacakrapadmadhāriṇamīśvaram /
hṛṣīkeśaṃ prakurvīta śyāmābhaṃ ca caturbhujam

gadāśaṅkhāripadmāni bibhrantaṃ harimavyayam /
sitamecakavarṇantu padmanābhaṃ prakalpayet

kaumodakīcakrapadmaśaṅkhapāṇiṃ ramādhavam /
dāmodaraṃ prakurvīta sitagaurābhamīśvaram

padmaśaṅkhagadācakradharaṃ devaṃ caturbhujam /
saṃkarṣaṇaṃ tu kurvīta śvetavarṇaṃ caturbhujam

śaṅkhāryabjagadāpāṇiṃ sarvādhāraṃ sanātanam /
vāsudevaṃ prakurvīta taruṇādityasannibham

śaṅkhacakragadāpadmadharaṃ sarvadharaṃ vibhum /
candrābhaṃ navakundābhamatha vā kālayeddharim

pradyumnaṃ tu suvarṇābhaṃ kuryāddevaṃ caturbhujam /
cakraśaṅkhagadāpadmadharaṃ devaṃ mahābalam

aniruddhaṃ hiraṇyābhaṃ sarvālaṅkārasaṃyutam /
śaṅkhacakradhanuḥkhaḍgadharaṃ deveśvareśvaram

sitāsitābhaṃ kurvīta deveśaṃ puruṣottamam /
śaṅkhacakragadāpadmadharaṃ devaṃ caturbhujam

athokṣajaṃ prakurvīta śaṅkhābhaṃ ca caturbhujam /
cakraśaṅkhagadāpadmadharaṃ bhūṣaṇabhūṣitam

nārasiṃhaṃ tu meghābhaṃ sarvālaṅkārasaṃyutam /
śaṅkhapadmagadācakradharaṃ bhaktābhayapradam

sitamecakavarṇaṃ tu kurvīta vibhumacyutam /
gadābjacakraśaṅkhāṅkaṃ caturbhujavirājitam

janārdanamudārāṅgaṃ nīlavarṇaṃ samācaret /
cakraśaṅkhagadāpadmadharaṃ devaṃ sanātanam

atha vā kaṭivinyastavāmahastaṃ prakalpayet /
upendraṃ ghanakṛṣṇābhaṃ sarvābharaṇabhūṣitam

śaṅkhacakragadāpadmadharaṃ devaṃ jagatprabhum /
hariṃ pāṇḍurakṛṣṇābhaṃ sarvālaṅkāraśobhitam

śaṅkhapadmagadācakradharaṃ kuryānmanoharam /
kṛṣṇaṃ tu nīradaśyāmaṃ puṇḍarīkanibhekṣaṇam

śaṅkhacakragadāpadmadharaṃ kuryādvicakṣaṇaḥ /
sarveṣāṃ tu vimānāni viṣṇoruktavadācaret

sabhyakuṇḍe pradhānāgnau hautraṃ tatra praśaṃsya ca /
"keśavaṃ kleśasaṃhāraṃ viṣṇuṃ caiva parātparam'

"nārāyaṇaṃ naraṃ viṣṇuṃ narakāntaka' mityapi /
"mādhavaṃ puṇḍarīkākṣaṃ viṣṇuṃ sarvātmakaṃ' tviti,

"govindaṃ paramānandaṃ viṣṇuṃ caiva sanātanam' /
.viṣṇuṃ vyāpinamīśānaṃ sarvalokādhipaṃ tathā

"madhusūdanamudyogaṃ mahāntaṃ viṣṇu'mityapi /
"trivikramaṃ trilokeśaṃ lokādhāraṃ sanātanam'

"vāmanaṃ varadaṃ caiva kāśyapiṃ cāditipriyam' /
"śrīdharaṃ puruṣaṃ ceti viṣṇuṃ śrīvatsavakṣasam'

"hṛṣīkeśaṃ jagannāthaṃ viṣṇuṃ viśvamayaṃ' tathā /
"padmanābhaṃ sureśaṃ ca viṣṇuṃ caiva jagatpatim.'

"dāmodaraṃ sadādhāraṃ viṣṇuṃ praṇavarūpiṇam' /
"saṃkarṣaṇaṃ yaduvaraṃ viṣṇuṃ haladhara'ntathā

"vāsudevaṃ puṇyamūrtiṃ bhadreśaṃ puṇyarūpiṇam' /
"pradyumnaṃ jagadīśānaṃ viṣṇu puṇyātmakaṃ' tathā

"aniruddhaṃ mahāntaṃ ca vairāgyaṃ sarvatejasam' /
"puruṣottamamānandaṃ viṣṇuṃ pañcātmakaṃ' tathā

"adhokṣajamanādiṃ ca viṣṇuṃ vyāpaka' mityapi /
"nārasiṃhaṃ taponāthaṃ mahāviṣṇuṃ mahābalam'

"acyutaṃ cāparimitamaiśvaryaṃ śrīpatiṃ' tathā /
.janārdanamanādyantaṃ viṣṇuṃ tejomayaṃ' tathā

"upendramindrāvarajaṃ viṣṇuṃ vaikuṇṭha'mityapi /
"hariṃ pāpaharaṃ ceti viṣṇuṃ maṅgalavigraham

"kṛṣṇaṃ nārāyaṇaṃ puṇyaṃ tridaśādhipa'mityapi /
āvāhya tu krameṇaiva nirupyājyāhutīryajet

"viṣṇornukā'dabhiṣṣaḍbhi"ratodevā'dabhistathā /
keśavādidvādaśānāṃ mantrairdvādaśabhirhunet

nārasiṃhasya kṛṣṇasya mantraḥ pūrvamudīritaḥ /
itareṣāṃ daśānāṃ tu daśamantrāḥ prakīrtitāḥ

"viṣṇussarveṣā'mityādi "yaṃ yajñai'rantamīritāḥ /
taṃ taṃ devaṃ samuddiśya tattanmantreṇa cātvaraḥ

śatamaṣṭādhikaṃ hutvā śeṣaṃ pūrvavadācaret /
evaṃ sarvatra kurvīta devībhyāṃ sahitaṃ vibhum

tadrūpaṃ kautukaṃ kuryātsarvalakṣaṇalakṣitam /
karṣaṇādikriyāssarvā viṣṇorina samācaret

lakṣmīkalpaḥ
atha vakṣye viśeṣeṇa lakṣmīsthāpanamuttamam /
aṣṭadhā procyate lakṣmīḥ prathamā tvanapāyinī

viṣṇorvakṣasthsalekāryā sarvālaṅkārasaṃyutā /
dakṣastanasyordhvabhāge vahnyaśredivyamaṇḍale

padmamadhye samāsīnāṃ padmadvayakarāñcitām /
varadābhayahastāṃ ca mandasmita mukhāṃbujām

evaṃ rūpāṃ prakurvīta yogalakṣmīstusā matā /
yogalakṣmīṃ pratiṣṭhāpya śrīkāmassamyagarcayet

deveśena samaṃ kuryādasyāsthcāpanamuttamam /
kālāntare prakuryāccheddhemarūpyādinā punaḥ

kṛtvā śrīvatsarūpaṃ tu dhārayedviṣṇumavyayam /
tattadbiṃbānurūpaṃ ca kuryācchrīvatsalakṣaṇam

bhogalakṣmyassamākhyātā śśrībhūnīlāḥ kramādimāḥ /
dhruvādiṣu tu bereṣu śrībhūmyau devapāśanvge

vaikuṇṭhamārgasaṃcārā nīlā nityasamāśritā /
śrībhūmyosthsāpanaṃ pūrvaṃ deveśena sahoditam

devībhyāṃ rahite deve kuryātkālāntare punaḥ /
pṛdhakpratiṣṭhāṃ śrībhūmyoḥ kuryādāṅgirasoktivat

vīralakṣmīriti proktā pṛthagālayasaṃgatā /
alayāddakṣiṇe pārśvekuryāttu pṛthagālayam

daśatālena mānena kuryāddevīna salakṣaṇām /
padmadvayakarāṃ caiva vandā bhayadhāriṇīm

kirīṭamukucopetāṃ sarvālaṅkāraśobhitam /
padmāsane samāsīnāṃ hemābhāṃ sarvamaṅgalām

godāmanyāṃ prakurvīta lakṣmīṃ tu vijayābhidhām /
navatāleṃ mānena kuryādanyālayāśritām

dakṣiṇena tu hastena kalhāraṃ dadhatīṃ tathā /
prasāritetarakarāṃ baddhadhammillaśobhinīm

sarvālaṅkārasaṃyuktāṃ tiṣṭhantīmeva kārayet /
godā bhūmyaṃśajā proktā tanmantreṇācaretkriyāḥ

pākalakṣmīssamākhyātā pacanālayasaṃgatā /
aṣṭatālena mānena kuryāttāṃ pacanālaye

padmadvayāñcitakarāṃ varadābhayadhāriṇīm /
āsīnāṃ vātha tiṣṭhantīṃ kuryādbhūṣaṇabhūṣitām

dvitīya maṇḍapadvāre dvāralakṣmīṃ samācaret /
pataṅgapaṭṭikāmadhye sarvālaṅkāraśobhitām

padmadvayāñcitakarāṃ varadābhayadhāriṇīm /
padmāsane samāsīnāṃ kirīṭādivibhūṣitām

gajai tu pāśanvyoḥkuryāddhemakuṃbhakarau punaḥ /
siṃcantau tau mahālakṣmīṃ kuryātkuṃbhajalaistathā

śrībhūmyorvīravijayalakṣmyoreva vidhīyate /
dhravaberānurūpeṇa berāntarasamarcanam

tadrūpaṃ kautukaṃ kuryādutsavādi yathecchayā /
anyāsāṃnaiva kurvīta dhruvārcāmeva kārayet

paiṇḍarīke pradhānāgnau hautraṃ tatra praśaṃsya ca /
śrībhūmyormūrtimantraiśca krameṇāvāhanādikam

"godāṃ kṛṣṇapriyāṃ lakṣmīṃ rukmiṇī'miti cāhvayet /
āvāhanakrameṇaiva tanmantrairjuhuyātkrarūt

pratiṣṭhoktakrameṇaiva sarvaṃ pūrvavadācaret /
navaṣaṭpañcamūrtīnāṃ vimānasyālayasya ca

dvimūrtisthāpanaṃ tadvatrimūrtasthāpanaṃ tathā /
anyeṣāṃ parivārāṇāṃ sthāpanaṃ vidhivaccaret

yadyatsamarpyate vastu deveśasya tu mandire /
tattatsarvaṃ vidhānena pratiṣṭhāpya samarpayet

asaṃskṛtaṃ tu na grāhyaṃ na taddevapriyaṃ bhavet /
bhūṣaṇāni ca vā sāṃsi pātrāṇyanyatparicchadam

berālaṅkārayogyāni dhāmālaṅkaraṇāni ca /
yathāhaṃn saṃskṛtānyeva gṛhṇīyātsaphalaṃ bhavet

tattaddravyādhidaivatyaṃ devatāmūrtimantrakam /
juhuyātsarvamanyacca pratiṣṭhoktavadācaret

dravyādhidevatākalbassamyagukto mayākhile