Bhṛgusaṃhitā · Chapter 16

iti śrīvaikhānase
bhagavacchāstre bhṛguproktāyāṃ saṃhitāyāṃ
prakīrṇa'dhikāre pañcadaśo 'dhyāyaḥ
atha ṣoḍaśo 'dhyāyaḥ.
atha ṣoḍaśo 'dhyāyaḥ.
daśāvatārakalpaḥ(kṛṣṇaḥ)
athātassaṃpravakṣyāmi kṛṣṇasya sthāpanaṃ budhāḥ /
kṛṣṇasyālayamuddiṣṭaṃ kuṃbhākāravimānake

kūṭe vā gopure vāpi parvatākṛtike 'pivā /
kṛṣṇasya bālarūpasya vayasā tālamānakam

ekavarṣaṃ samārabhya yāvatbañcābdamādarāt /
tālatrayakrameṇaiva yathāyogaṃ prakalpayet

vedavarṣaṃ samārabhyaṣaṭtālatrayameva vā /
saptavarṣaṃ samārabhya saptatālatrayaṃ tathā

daśavarṣaṃ samārabhya aṣṭatālatrayaṃ tathā /
trayodaśa samārabhya navatālatrayaṃ tathā

evaṃ vayaḥkrameṇaiva tālamānaṃ tathocyate /
tiṣṭhantamekapīṭhasthaṃ rukmiṇyā satyabhāmayā

kṛṣṇaṃ ca bālavapuṣaṃ śyāmalaṃ pītavāsasam /
rukmiṇīṃ kanakābhāṃ tāṃ satyabhāmāṃ ca śyāmalām

vāsudevaṃ guḍākeśaṃ sarvābharaṇabhūṣitam /
krīḍayaṣṭidharaṃ devaṃ tribhaṅgadhyānasaṃyutam

svastikaṃ dakṣiṇaṃ pādaṃ vāmapādaṃ tu kuñcitam /
tiṣṭhantamaṅgulisthāne cāṃguṣṭhasthitimācaret

kiñcitkuñcitajānvantavāmapādasthitirbhavet /
vaktraṃ caiva tathā gātraṃ kaṭibhāgaṃ tathaiva ca.

triṣumārgeṣu bhaṅgitvāttribhaṅgitvaṃ vidhīyate /
vaktraṃ dakṣiṇato bhāge madhyabhāgaṃ tu vāmataḥ

kaṭīrdakṣiṇato bhāge bhaṅgatrayamudāhṛtam /
dakṣiṇaṃ kaṭikaṃ hastaṃ krīḍāyaṣṭisamanvitam

dakṣiṇe yaṣṭihastantu nābhisūtrādadhonnatam /
bhūtavedaguṇāṅgulyā vidhinā sahitālataḥ?

vāmaṃ devyorbhujāsaktaṃ vāmahastamadhomukham /
hikkāsūtrādadho vāmaṃ kūrparaṃ syāddaśāṅgulam

ṣaṭsaptāṣṭāṃgulādhikyonnataṃ vā kālayetkramāt /
vāmahastatalāgrantu nābhimātrantu yojayet

veṇuṃ ca taravegaṃ tu hastābhyāṃ pīḍayetkramāt /
ūrdhvakāyasamaṃ veṇuṃ krīḍāyaṣṭiṃ tu tatsamam

triṇataṃ śyāmalāṅgaṃ ca dvibhujaṃ raktavāsasam /
caturbhujaṃ vā kurvīta śaṅkhacakradharaṃ param

susthitaṃ vāmapādena dakṣiṇenaiva bandhayet /
sarvābharaṇasaṃyuktaṃ sundaraṃ saumyalocanam

devībhyāṃ sahitaṃ kuryā drahitaṃ vātra kecana /
devasya vāme garuḍaṃ prāñjalīkṛtya nusthitam

pakṣadvayayutaṃ kuryāttālapatrasya mūlavat /
navanītanaṭaṃ kuryāttathā kālīyamardanam

pārthasārathirūpaṃ tu devyośca rahitaṃ kramāt /
pīṭhaṃ ca pratimotsethaṃ pañcabhāgaṃ tribhāgikaṃ

navāṃśātsaptabhāgaṃ catribhāgadvayamucyate /
laukikapratimotsedhaṃ mānāṃgulamiti kramāt

prathamaṃ tu navāṅgulyaṃ dvadvyaṅgulavivardhanam /
navasaṃkhyamiti proktaṃ mānamevaṃ vidhīyate

etena tu tribhedaṃ syāduttamādhamamadhyamam /
mānaṃpramāṇamunmānaṃ laṃbamānopamānakam

pañcatālamiti proktaṃ laṃbamānaṃ vidhīyate /
sāttvikaṃ rājasaṃ caiva tāmasaṃ tu vivarjayet

dakṣiṇaṃ mānamuddhṛtya nābhisūtrapramāṇakam /
kaṭiyonisamaṃ vātha dakṣiṇaṃ pādameva hi

daṇḍahastantu mānena mūrdhni keśākṣameva vā /
abhayaṃ dakṣiṇaṃ hastaṃ bhrūmātraṃ kūrparādayaḥ

dakṣiṇena mukhaṃ caiva kiñcitprahasitānanam /
keśakaṃbalamityuktaṃ sūtraṃ vāmāśrayaṃ bhavet

uṣṇīṣasthapade madhye nāsāgre puṭavāmake /
nābhimadhyagate vāpi muṣkamālorudakṣiṇe

pāde dakṣiṇapāṇyante agrānmakuṭavāmake /
laṃbayenmadhyasūtraṃ cedanyatsūtraṃ na kārayet

uṣṇīṣamaṅgulārdhaṃ ca mukhamaṣṭāṃgulaṃ bhavet /
galamarthāṃgulaṃ tasya grīvāntaṃ dvyaṅgulaṃ bhavet

hikkāntaṃ hṛdayāntaṃ ca nābhyantaṃ meḍhramūlakam /
aṣṭādaśāṃgulaṃ caiva mūrdhvakāyaṃ vidhīyate

trayodaśāṃgulaṃ caiva mūrudīrṅaṃ vidhīyate /
jānussyāddvyaṅgulaṃ caiva jaṅghā coruśca tatsamā

caraṇaṃ dvyaṅgulaṃ caiva mānameva na saṃśayaḥ /
hīkkāsūtrāntato bāhurdaśāṅgulamiti smṛtam

prakoṣṭhamaṣṭāṅgulāyāmaṃ saptāṅgulatalāyatam /
mukhaṃ mukhaviśālaṃ syātkarṇavistāramaṅgulam

grīvāvistāramevaṃ syāccaturaṅgula caturyavam /
abhayaṃ bāhumānaṃ caturviṃśatiraṅgulam

kakṣayorantaraṃ caiva caturdaśāṃgula vistaram /
ūrurdaśāṃgulaṃ caiva śroṇirekādaśāṃgulam

kaṭivistāramevaṃ syāttrayodaśāṃgulamiṣyate /
ūrumūlasuvistāramaṣṭāṃgulamiti kramāt

ṣaḍaṅgulaṃ jānutāraṃ jaṅghātāraṃ ca saptakam /
tṣaṅgulārdhaṃ ca vijñeyaṃ nālikāvistaraṃ bhavet

pādavistāramevoktaṃ sarvalakṣaṇasaṃyutam /
kalāpakusumaśyāmaṃ śaṅkhacakragadāmbujam

anekaratnaṃ sa channaṃ kaustubhodbhāsi vakṣasam /
tārahārāvalīramyaṃ garuḍopari saṃsthitam

devībhyāṃ sahitaṃ kuryātkṛṣṇaṃ bṛndāvane ratam /
ālola kuntalodbhāsi mukhacandra virājitam

atiraktādharoṣṭhaṃ ca raktapāṇidvayāṃcitam /
vāmapādaṃ samākuñcya cottānīkṛtya dakṣiṇam

dakṣiṇaṃ cābhayaṃ hastaṃ navanītayutaṃ tathā /
vāmaṃ prasārya cottānaṃ sarvābharaṇabhūṣitam

sāṃbaraṃ tu prakurvīta vigatāṃbarameva vā /
evaṃ tu vidhinā kuryānnavanitanaṭaṃ budhaḥ

evameva prakurvīta kālīyāhiphaṇopari /
nṛtyantaṃ paramātmānamuttānākuñcitāṅghrikam

dakṣiṇe tu kare kuryānnavanītasya khaṇḍakam /
ahipucchaṃ kare vāpi kuryātkālīyamardanam

nīlotpaladalaśyāmaṃ pītāṃbarasuśobhitam /
caturbhujaṃ śaṅkhacakramūrdhvapāṇidvaye dhṛtam

adhaḥpāṇidvaye veṇuṃ vādayantaṃ mudānvitam /
sarvālaṅkārasaṃyuktaṃ garuḍopari saṃsthitam

devībhyāṃ sahitaṃ devaṃ munibhiḥ pariveṣṭitam /
kṛṣṇamevaṃ prakurvīta santānārthī viśeṣataḥ

kalāpakusuma śyāmaṃ pūrṇacandranibhānasam /
barhibarhakṛtottaṃsaṃ sarvālaṅkārasaṃyutam

yuvatīveṣalāvaṇyaṃ śrīvatsāṃkitavakṣasam /
smerāruṇādharanyastaveṇuṃ trailokyamohanam

akṣamālāṃ ca vidyāṃ ca kuryādūrdhvakaradvaye /
veṇuṃ karadvaye kuryāccaturbhujayutaṃ harim

tapanīyalasatkāntyābhrājatkamalahantayā /
nirīkṣyamāṇacaraṇaṃ vāmapārśvasthayā śriyā

hemasiṃhāsane ramye rājñībhistu niṣevitam /
candramaṇḍalasaṃkāśaśvetachatreṇaśobhitam

nāradādyairmunigaṇaijñānnārthibhirupāsitam /
indrādidevatābṛndhaiḥ praṇataṃ parameśvaram

evaṃ kṛṣṇaṃ prakurvīta jaganmohanavigraham /
gopībhirāvṛtaṃ gobhiḥ paramānandavigraham

vyatyasya dakṣiṇaṃ pādaṃ vāme nyasya ca susthitam /
caturbhujaṃ śaṅkhacakradharamūrdhvakaradvaye

dhṛtvā vedamayaṃ veṇumanyahastadvayena ca /
aṅgulībhirmudā veṇusuṣirāṇi ca pūrayan

divyagāndharvagītārtaṃ tribhaṅgena ca saṃsthitam /
evaṃ kṛṣṇaṃ prakurvīta veṇunādanaṭaṃ budhaḥ

sarvabhūṣaṇasaṃyuktaṃ brahmasūtrasamanvitam /
raktāṃbaradharaṃ caiva śyāmalaṃ kamalekṣaṇam

rukmiṇīsatyabhāmābhyāṃ pārśvayorupaśobhitam /
rukmiṇīṃ rukmavarṇābhāṃ satyāṃ śyāmanibhāṃ tathā

vasudevaṃ devakīṃ ca purato dakṣiṇe tathā /
yaśodāṃ nandagopaṃ ca deveśaṃ vīkṣya susthitam

pradyumnaṃ ca tathā sāṃbaṃ vāme kuryātsalakṣaṇam /
dāmaṃ sumanasaṃ caiva kuryādanyāṃ ca gopikām

karṇāgrāntantu kṛṣṇasya sumantuṃ vāmamāśritam /
kakṣabāhusamaṃ vāpi kārayedyuktitaḥ kramāt

navatālena mānena kuryāttān samalaṅkṛtān /
devakīṃ vasudevaṃ ca kṛṣṇavarṇau prakalpayet

yaśodāṃ gauravarṇāñca karburaṃ nandamācaret /
pradyumnaṃ śyāmavarṇaṃ ca sāṃbaṃ kālāñjanaprabham

dāmaṃ raktanibhaṃ caiva gauraṃ sumanasaṃ tathā /
sumantuṃ śvetavarṇaṃ ca kalbayedvidhinā budhaḥ

evaṃ kṛṣṇaṃ prakurvīta līlāmānuṣavigraham /
caturmūrtikramaścaiṣāṃ vāsādhikaraṇoktavat

dhṛtvā puṣpamayīṃ yaṣṭiṃ dakṣiṇevatu pāṇinā /
nyasyānyaṃ caiva bhūmistharājadaṇḍasya mūrdhavi

rājārhābharaṇairyuktaṃ rukmīṇyā sahitaṃ prabhum /
eve kṛṣṇaṃ prakurvīta rājagopālavigraham

pītāṃbaradharaṃ devaṃ jñānamudrālasatkaram /
veṇumanyakare dhṛtvā sukhāsīnaṃ śucismitam

upāsyamānaṃ munibhirdevībhyāṃ rahitaṃ harim /
kṛṣṇamevaṃ prakurvīda jñānagopālavigraham

svarṇaprabhamudārāṅgamaṣṭabāhuṃ jagatprabhum /
ikṣucāpāṃkuśānveṇuṃ śaṅkhārisumasāyakān

bibhrantaṃ ramayā śliṣṭadivyamaṅgalavigraham /
sarvābharaṇasaṃyuktaṃ yogināmamṛtapradam

evaṃ sammohanaṃ kuryātkṛṣṇaṃ gopālavigraham /
gavāṃ gopakumārāṇāṃ gopīnāṃ rakṣaṇāyavai

nagaṃ govardhanaṃ nāma dadhāra bhagavān hariḥ /
vāmenoddhṛtahastena bibhrantaṃ nagamuttamam

kaṭinyastānya hastaṃ ca padmahastamadhāpi vā /
śaṅkhacakradharaṃ devaṅkuryāccaiva caturbhujam

evaṃ kṛṣṇaṃ prakurvīta govardhanadharaṃ harim /
purā mahati saṃgrāme pārthaṃ rakṣitavān hariḥ

pārthaṃ rathasthitaṃ kuryāccharatūṇīrasaṃyutam /
samīkṣamāṇaṃ deveśaṃ syandanasthaṃ svapārśvagam

śyāmavarṇaṃ mahābāhu kṛṣṇamudbaddhakuntalam /
bibhrantaṃ dakṣiṇe pāśaṃ śaṅkhaṃ vāmakare tadhā

arjunasya mukhaṃ vīkṣya smayamānaṃ mahāratham /
evaṃ kṛṣṇaṃ prakurvīta pārthasārathivigraham

vāmajānusamākuñcya dīrghamanyaṃ prasārya ca /
tathai vāvithya sannyasya bhūmyāṃ vāmakaraṃ puraḥ

ākuñcitānyapādeva cāsanasthitiśobhinā /
anyahastena saṃdhārya navanītaṃ navaṃ navam

muhurālokayantaṃ taddarśanīyaṃ viśeṣataḥ /
evaṃ kṛṣṇaṃ prakurvīta bālagaupālavigraham

purā saṃdartasamaye saṃhṛteṣu jagatsu ca /
vaṭapatre vinidrāṇo babhūva bhagavān hariḥ

vaṭapatre śayānaṃ tu bālarūpaṃ parātparam /
ākṛṣya dakṣiṇaṃ pādaṃ vāmahastena līlayā

pādāṅguṣṭhaṃ mukhe nyasya dhāsyantaṃ hasitānanam /
dakṣiṇena tu hastena vahantaṃ dakṣiṇorukam

prasāritetarapadaṃ divyālaṅkāraśobhitam /
vaṭapatraṃ prakurvīta viśālaṃ cādharāgrakam

vaṭapatraśayānaṃ tu kṛṣṇamevaṃ prakalpayet /
śaṅkhacakragadāpadma pāśāṃkuśalasatkaram

karābhyāṃ veṇumādāya dhamantaṃ sarvamohanam /
sūryāyutaśatābhāsaṃ pītāṃbarasuśobhitam

nānālaṅkārasubhagaṃ sūryamaṇḍalasaṃsthitam /
evaṃ prakalpayetkṛṣṇaṃ mahāntaṃ sarvamohanam

kṛṣṇarūpamasaṃkhyātaṃsvecchārūpaṃ tu kārayet /
kālīyamardanādau tu nāgakanyādikalpanam

kalpanaṃ bhogabhedasya caivamādīn prakalpayet /
yuktyā buddhyā ca bhaktyā ca yathā syānmanasaḥ priyam

evaṃ rūpaṃ ca kṛtvā tu tadrūvaṃ kautukaṃ caret /
athavākautukaṃ biṃbaṃ caturbhujasamanvitam

abhayaṃ varadaṃ pūrvaṃ śaṅkhacakradharaṃ param /
evaṃ caturbhujaṃ kṛtvā sthāpanāraṃbhamācaret

pūrvoktayāgaśālāyāṃ pañcāgnīn parikalpya ca /
paiṇḍarīke pradhānāgnau hautraśaṃsanamācaret

"kṛṣṇaṃ nārāyaṇaṃ puṇyaṃ tridaśādhipa'matyapi /
"rukmiṇīṃ suṃdarīṃ devīṃ ramā'miti ca rukmiṇīm

"satyarūpāṃ satīṃ caiva sannatīṃ ca kṣamā'miti /
ityevamuktvā cāvāhya garuḍaṃ pūrvavattadhā

āvāhanakrameṇaiva nirupyājyāhutīryajet /
"satyassatyastha' ityuktvā śatamaṣṭādhikaṃ yajet

śrībhūmyoriva kuryācca rukmiṇīsatyabhāmayoḥ /
pūrvoktena vidhānena sthāpanādīni kārayet

karkī
yugāntasamaye viṣṇuḥ karkī nāma bhaviṣyati /
khaḍgakheṭakahastastu mlecchādīn sa haniṣyati

kūṭe vā gopure vāpi parvatākṛtike 'pi vā /
kalkirūpaṃ pratiṣṭhāpya vimāne tu samarcayet

madhyamaṃ daśatālena bhinnāṃjanacayaprabham /
aśvānanaṃ mukhaṃ kuryādanyaccaiva narākṛti

caturbhujaṃ ca hasteṣu kramāccaivāyudhānyapi /
cakraṃ śaṅkhaṃ ca khaḍgaṃ ca dadhānaṃ kheṭakaṃ tathā

athavā kalpayeddevamaśvārūḍhaṃ dvibāhukam /
śuddhasphacikasaṃkāśaṃ khaḍgakheṭaka dhāriṇam

atraiva kautukaṃ kuryādviṣṇurūpaṃ caturbhujam /
pūrvoktayāgaśālāyāṃ pañcāgnīn parikalpya ca

paiṇḍarīke pradhānāgnau hautraśaṃsanamācaret /
"karkiṇaṃ kāmarūpaṃ ca viṣṇuṃ saṃhārakāraṇam'

evamāvāhya vidhinā nirupyājyāhutīryajet /
"dhūrno vahantā' mityuktvā śatamaṣṭādhikaṃ yajet

utsavasnapanādīni viṣṇoriva samācaret /
viṣṇordaśāvatārāṇāmevaṃ proktaṃ tu lakṣaṇam

anādirbhagavān kālo nāsya cānto 'pi dṛśyate /
cakravatparivartante sṛṣṭisthityantasaṃyamāḥ

avatārāśca kīrtyante bhūyāṃsaḥ paramātmanaḥ /
dharmasaṃrakṣaṇārthāya duṣṭasaṃśikṣaṇāya ca

sadya āvirbhavedviṣṇuryatra bhaktānukaṃpayā /
āvirbhāvaṃ tu taṃ vindyātprādurbhāvamathetarat

āvirbhāvantu matsyādyāḥ pañca pañcetarāssmṛtāḥ /
gajendramokṣaṇādīnapyāvirbhāvān pracakṣate

antarāle tathā viṣṇordakṣiṇottarapārśvayoḥ /
kalpayedrāmakṛṣṇau tu mukhamaṇḍapa eva vā

athāntarmaṇḍape vāpi tathāvaraṇa maṇḍape /
saṃsthāpya kautukaṃ beraṃ dvayameveti ke ca na

nārasiṃhaṃ varāhaṃ ca vāmanaṃ ca trivikramam /
dhruvaberaṃ vinā kṛtvā kautukaṃ lakṣaṇānvitam

sthāpayitvā tathā viṣṇoḥ pūjayedagramaṇḍape /
matsyakūrmavarāhāṇāṃ vāmanasya viśeṣataḥ

kautukaṃ viṣṇurūpaṃ tu kuryāccaiva caturbhujam /
dhruvarūpaṃ na kurvīta yatheṣṭamitaratratu