Bhṛgusaṃhitā · Chapter 15

iti śrīvaikhānase bhagavacchāstre bhṛguproktāyāṃ
saṃhitāyāṃ prakīrṇādhikāre caturdaśo 'dhyāyaḥ.
atha pañcadaśo 'dhyāyaḥ.
atha pañcadaśo 'dhyāyaḥ.
daśāvatāra kalpaḥ (rāmaḥ) bhārgavaḥ
ataḥ paraśurāmasya sthāpanaṃ vakṣyate 'dhunā /
bahubhirbalavadbhistu rājabhirdharaṇī hatā

tadvadhāya kṛtodyogo jamadagnisuto hariḥ /
bhūtvāvatīrṇo lokesmin bhāranirharaṇāya vai

paraśuṃ ca gṛhītvorvyāṃ nṛpān sarvān pragṛhya ca /
jaghāna kilabhūyo 'pi rāmo bhīmaparākramaḥ

sthāpayecchatrunāśāya rāmaṃ paraśudhāriṇam /
śrīpratiṣṭhitake caiva aṅganākāra eva ca

madhyamaṃ daśatālena rāmaṃ dvibhujamācaret /
paraśaṃ dakṣiṇe haste dhṛtvācaiva vicakṣaṇam

vāmamuddeśahastaṃ ca jaṭāmukuṭaśobhitam /
raktavarṇayutaṃ caiva śvetāṃbaradharaṃ tathā

sarpābharaṇasaṃyuktaṃ sthānakaṃ tatra kārayet /
tadrūpaṃ kautukaṃ kuryādatha vā taṃ caturbhujam

anvāhārye pradhānāgnau hautraśaṃsanamācaret /
"rāmaṃ ṛṣisutaṃ viṣṇuṃ paraśupāṇi'mitīrayet

ityevamuktvā cāvāhya nirupyājyāhutīryajet /
"viṣṇurvariṣṭha' ityuktvā śatamaṣṭādhikaṃ yajet

utsavasnapanādīni viṣṇuvatsarvamācaret dāśaradhiḥ /
rāvaṇo bahubhiḥ krūrai rākṣasaiśca mahābalaiḥ

trīn lokān pīḍayāmāsa varadānena garvitaḥ /
devāssaṃpīḍitāssarve munayaścākhilāstathā

tairdevairmunibhissarvaiḥ saṃstuto hariravyayaḥ /
tadvadhāya kṛtodyogo mānuṣaṃ rūpamāsthitaḥ

avatīrṇassuto bhūtvā rājño daśarathasya ca' /
rāmastu rākṣasān hatvā sarvān lokānapālayate

puṣṭyarthī vijayārthī ca vīrārthī ca viśeṣataḥ /
kūṭāgāreṃganākāre phelākāraṃ catuṣphuṭam

svastikaṃ vā vimānastu kṛtvācaiva vicakṣaṇaḥ /
rāghavaṃ tu pratiṣṭhāpya yathā vatsaṃprapūjayet

athātassaṃpravakṣyāmi rāmalakṣmaṇa lakṣaṇam /
sītāyā vāyuputrasya bharatasyāsujasya ca

mānonmānapramāṇāni vakṣye saṃkṣepataḥ kramāt /
uttamaṃ daśatālena madhyamena yathākramam

uttamaṃ rāghavendrasya madhyamaṃ lakṣmaṇasya ca /
antenai va tu māsena sītāyāstūcchrayo bhavet

navatālena mānena vāyuputraṃ prakalpayet /
adhamaṃ daśatālena bharatasyānujasya ca

evaṃ yuktiyutenaiva kriyate śāstravittamaiḥ /
garbhadvāravimānābhyāṃ beramānamihocyate

utsava pratimāyāntu sarveṣāmālayeṣu vai /
taddevabhedaṃ mūrtīnāṃ tatpramāṇena yojayet

iṣyate garbhamānantu puṣyamānaṃ? vibhajya ca /
uttamaṃ pañcabhāgaṃ tu caturbhāgaṃ tu madhyamam

tribhāgamadhamaṃ proktaṃ yathāvacchāstravittamāḥ /
garbhamānaṃ pravakṣyanti dvāramānantu vakṣyate

saptabhāge caturbhāgamuttamaṃ tu vidhīyate /
tṣaṃśaṃ tu madhyamaṃ proktamarthāṃśamadhamaṃ bhavet

dvāramānamidaṃ proktaṃ kriyāyāntu viśeṣataḥ /
rāmasyātha lalāṭāntaṃ nāsāntaṃ lakṣmaṇocchrayam

āsyāntamatha vā kuryādvāyuputrasya lakṣaṇam /
bharatasyāmajasyāpi tathā galasamaṃ bhavet

uṣṇīṣātpādaparyantaṃ caturviṃśacchatāṅgulam /
ṣaṣṭidvigolagaṃ vidyādekatṣaṃśatribhāgīkam?

tālāni daśabhāgaikamuttamaṃ daśatālakam /
caturbhāgāṣṭabhāgaṃ syāccatustālaṃ tathaiva ca

daśatālasya tṣaṃśena uttamaṃ madhyamādhamam /
madhyamādadhamaṃ hīnaṃ mukhe vārdhāṅgulakṣayam

uṣṇīṣamaṅgulaṃ netraṃ śirastṣaṅgulamiṣyate /
lalāṭe hanuparyantaṃ trayodaśārdhāṅgulaṃ bhavet

galaṃ caturyavāḥ proktāgrīvā sārdhatriyaṅgulā /
hikkā hṛdayānābhyantaṃ meḍhramūlaṃ mukhatrayam

mukhāyāmaṃ caturmātraṃ liṅgaṃ pañcāṅgulāyatam /
nābhirardhāṅgulaṃ jñeyaṃ nimnārdhavaritālakā

śroṇī bhāgārdhamevaṃ syātkaṭiḥ pañcāṅgulaṃ bhavet /
meḍhramūlādijānvantaṃ saptaviṃśatikāṃgulam

jānubhāgamiti proktaṃ jaṅghorū susamāyutau /
caraṇaṃ caturaṅgulyaṃ manordeśavidhānataḥ

brahmāṅgulamūkhāyāmaṃ trayodaśāṃgulameva ca /
kaniṣṭhāṃgulamāyāmamekādaśāṃgulaṃ bhavet

akṣṇāmuṣṇīṣaparyantaṃ bhāgārdhāṅgulamucchrayam /
hikkāsūtrāntamevaṃ svātskandhamūladvayaṃ bhavet

skandhaṃ bhujasamotsedhaṃ bhujordhvaṃ golakaṃ bhavet /
bhujadvimukhamāyāmaṃ kūrparaṃ ca kalāyatam

prakoṣṭhaṃ viṃśadaṅgulyaṃ hastāyāmamiti smṛtam /
nāsyāni nābhivāmebhyo rakṣāntaṃ sūtradakṣiṇam

ādisūtramidaṃ proktamanyatsūtraṃ ca kārayet /
īṣatkuñcitamātrantu mātrārdhaṃ samakuñcitam

dvikalākuñcitaṃ jñeyaṃ trividhaṃ kuñcitaṃ bhavet /
pāṣṇonyrantarasaṃyuktaṃ pañcāgulasamanvitam

pādāṅguṣṭhāntaraṃ caiva trayodaśāṃgulamīritam /
uṣṇīṣātpārśvakarṇāntaṃ vāmahastocchrayaṃ bhavet

nīvraṃ kaṇṭhayavānānta dvimukhaṃ vistaraṃ bhavet /
dakṣiṇe laṃbahastantu ūrumūlau samaṃ bhavet

nīvraṃ pañcāṃgulaṃ caivatrayodaśāṃgulamīritam /
hastantu dvyaṅgula ceti kaṭībāhū ṣaḍaṅgulam

triyujā kuñcitaṃ sthityā tribhaṅgāgra virājitam /
dakṣiṇe kaṭideśe tu vāmamakṣānvitaṃ bhavet

dakṣiṇaṃ mukhamāśritya tribhaṅgāṅga mathocyate /
śruṅgāraguṇasaṃyuktaṃ kirīṭaṃ vā viśeṣataḥ

vajraṃ pulliṅgavāyuktaṃ makarakuṇḍalamaṃyutam /
kirīṭamukuṭau jñeyo hārakeyūrasaṃyutam

uṣṇīṣaṃ keśapṛṣṭhānte trayodaśāṃgulamāyatam /
grīvāyāṃ madhyamaṃ bhāgaṃ kakudbhāgātkramonnatiḥ

jānakīṃ samabhaṅgena vāmahasteva puṣpadhṛt /
dakṣiṇaṃ saṃprasāryaiva rukmavarṇāntu kārayet

śyāmavastradharāṃ caiva divyastrīmaṇḍanopamām /
lakṣmaṇaṃ samabhaṅgena taptakāñcanasannibham

bharataṃ śyāmavarṇantu śatrughnantu suvarṇakam /
lakṣmaṇasyātha vāme tu sthitau bāṇadhanurdharau

hanūmantaṃ piṅgalābhaṃ vārtāvijñāpane param /
evaṃ sāyudhavargantu vakṣyate 'tra nirāyudham

prasāri dakṣiṇaṃ pādamitaraccaiva kuñcitam /
dakṣiṇe nābhayaṃ hastaṃ vāmaṃ kaṭikamucyate

sthāpanādikriyāssarvāḥ pūrvavatkārayettataḥ /
dakṣiṇāgnau pradhānetu hautraśaṃsanamācaret

"rāmaṃ dāśarathiṃ viṣṇuṃ kākutstha'miti cāhvayet /
"sītāmayonijāṃ lakṣmīṃ vaidehī'miti cāhvayet

"rāmānujaṃ ca saumitriṃ lakṣmaṇaṃ lakṣmivardhanam' /
"bharataṃ rāmapriyaṃ ceti kaikaiyīsutameva ca

sadvṛtta'miti cāvāhya bharatasya viśeṣataḥ /
"śatrughnaṃ sumanaskaṃ ca lakṣmaṇānujameva ca

daśarathodbhava'mityeva śatrughnaṃ ca samāhvayet
kapirājaṃ hanūmantaṃ śabdarāśiṃ mahāmatim,

juṣṭākārādisarvaṃ ca pūrvavatkārayedbudhaḥ /
"rāyāmī'śeti mantreṇa śatamaṣṭādhikaṃ yajet

"śriye jāta'śca sītāyā home mantra udīritaḥ /
"tanmā yaśogra' mantreṇa bharatasya ca hūyate

"śanno nidhattā'muccārya lakṣmaṇasya hunetsudhīḥ /
"bhūmānantogra' ityuktvā śatrughnasya samācaret

"marutaḥ paramā'tmeti mārutasyeva mārute /
sarvatra juhuyānmantraṃ śatamaṣṭādhikaṃ budhaḥ

arcanaṃ cotsavaṃ caiva snapane ca hareriva /
halī
daityānāṃ tu vadhārthāya yaduśreṣṭhaṃ malābalam

balabhadraṃ vidusso 'pi vasudevasya saṃbabhau /
bhūbhāramocanārthāya viṣṇussabalabhadrakaḥ

hatvānarakakaṃsādīn sarvān lokānapālayat /
evaṃ sthāpayituṃ rāmamicchetkārayitaṃ ca yaḥ

somachandavimāne vā hastipṛṣṭhe 'tha vābudhaḥ /
tṛtīyaṃ rāmamāsthāpya dvibhujaṃ svetavarṇakam

daśatānena mānena kṛtvā rūpaṃ samāhitaḥ /
dakṣiṇetarahastābhyāṃ musalaṃ khaḍgameva ca

śroṇīnūtrasamenaiva muṣṭiṃ samusalaṃ dṛḍham /
bāhusūtrasamaṃ kuryāddhalaṃ vāme tathaivaca

tasya dakṣiṇapārśvetu lakṣmīvadrohiṇīṃ caret /
evaṃ tu sāyudhaṃ kuryādvakṣye 'haṃ tu nirāyudham

vāmapādaṃ samākuñcya dakṣiṇaṃ saṃprasārya ca /
abhayaṃ dakṣiṇaṃ hastaṃ vāmamūrau ca vinyaset

agnāvāhavanīyetu hautraṃ tatra praśaṃsayet /
"rāmaṃ yaduvaraṃ viṣṇuṃ halāyudha'mitikramāt

"indirāṃ revatīṃ caiva lakṣmīṃ rāmapriyā'miti /
evamāvāhanaṃ kṛtvājuṣṭākārādi pūrvavat

"kṣmāmekā'miti mantreṇa śatamaṣṭādhikaṃ yajet /
arcanaṃ cotsavaṃ caiva snapanaṃ ca hareriva