Bhṛgusaṃhitā · Chapter 14

iti śrīvaikhānase
bhagavacchāstre bhṛguproktāyāṃ saṃhitāyāṃ
prakīrṇādhikāre trayodaśo 'dhyāyaḥ.
atha caturdaśo 'dhyāyaḥ.
atha caturdaśo 'dhyāyaḥ.
daśāvatārakalpaḥ (vāmanaḥ)
athātassaṃpravakṣyāmi vāmanasya kramaṃ yathā /
vairocanasutohyugro balī ca balināṃ varaḥ

tadbalasyāpahārārthaṃ kāśyapājjāyate hariḥ /
harirvāmanarūpo 'bhūcchatrī daṇḍī ca vedavit

vaṭabījena sadṛśaḥ kevalaṃ sūtradaṇḍabhṛt /
vartamāne mahāyajñe balervairocaneḥ purā

tadyajñaśālāṃ saṃprāpya vaṭurūpo mahāhariḥ /
tvaṃ dehi tripadīṃ mahyaṃ gāmityūce svamāyayā

baliśca tripadaṃ tasmaiprādāttoyasamanvitam /
hastejale patatyāśu bhadraṃ rūpamavāpya ca

devastraivikramaṃ rūpaṃ sarvaṃ lokaṃ tadāgrahīt /
trivikramapratiṣṭhāyāṃ viśeṣassaṃpravakṣyate

vasantvimāne vā bhadrake hastibhadrake (?) /
dīrghaśāre mahākūṭe sthāpanaṃ sarvasiddhidam

daśatālena mānena devadevaṃ prakalpayet /
savyaṃ pādaṃ sthitaṃ kuryāddakṣiṇaṃ codthitaṃ bhavet

caturbhujaṃ prakurvīta saṃyutaṃ vāṣṭabhirbhujaiḥ /
dakṣiṇe śārṅgamālaṃbya bhūmyāṃ caiva prasrya ca

śaraṃ ca dakṣiṇe haste khaḍgaṃ caiva tathā bhavet /
gadā vāmakare proktā tathā kheṭakameva ca

cakraśaṅkhetathā kuryādūrdhvabāhorvicakṣaṇaḥ /
evameva prakurvīta vasuhastaṃ prakalpayan

sasyaśyāmanibhaṃ kuryāddharṣa vegasamanvitam /
sarvābharaṇa saṃyuktaṃ kīrīṭādivibhūṣitam

indraṃ sasyanibhaṃ kuryādvāmapārśve ca susthitam /
dakṣiṇe dharmarājaṃ ca puṣpamālādharaṃ punaḥ

dakṣiṇe bhittiporśve tu brahmāṇaṃ ca prakalbayet /
hastābhyāṃ kuṃbhayoścaiva pādaprakṣālanaṃ caret

tasyapādāṃbuje caiva jātāṃ gaṅgāṃ ca sundarīm /
prāñjalīkṛtya hastābhyāṃ nābherūlrāvaṃ śarīragau

pārśvayorubhayoścāpi candrādityau ca pūrvavat /
jāṃbavantaṃ tathā bherīṃ tāḍayastaṃ narākṛtim

indraṃ śyāmanibhaṃ kuryādyamamañjanasannibham /
ādityaṃ cāgni varṇaṃ ca candraṃ śtetaṃ tathā caret

pītavarṇaṃ baliṃ kuryānnīlābhaṃ jāṃbavantakam /
brahmāṇaṃ pītavarṇaṃ ca śyāmavarṇāṃ ca jāhnavīm

evaṃ varṇakrameṇaiva citrābhāsaṃ ca kārayet /
pūjakau tu prakurvīta tathā śakrabṛhaspatī

śaṅkhaṃ dakṣiṇataḥ kuryāccakraṃ vāme samarcayet /
amūrtaṃ vā samūrtaṃ vā kalpayitvā yathākramam

śukraṃ śuklanibhaṃ kuryātpītavarṇaṃ bṛhaspatim /
mahīṃ dakṣiṇataḥ pārśvesthitāmevaṃ prakalpayet

udaṅmukhīṃ ca kurdīta padmahastāṃ ca dakṣiṇe /
vāme prasāritāṃ caiva sarvaratna vibhūṣitām

tasyāḥpūrve tathā kuryātprahlādaṃ cottarāmukham /
jaṭāmukuṭasaṃyuktaṃ sarvābharaṇabhūṣitam

hṛdayeṃjalisaṃyuktaṃ śukavatranibhāṃbaram /
tasyacottarapārśve tu brahmāsūtrasya dakṣiṇe

asurendraṃ tathāsīnaṃ vinataṃ paścimāmukham /
brahmāñjali samāyuktaṃ kīrīṭādivibhūṣitam

evaṃ vairocaniṃ kuryātpuṣpāṃbaradharaṃparam /
namuciṃ ca samāsīnaṃ pādapīṭhāvalaṃbinam

vāmapārśve samāsīnaṃ pūrvabhittisamāśrayam /
kalpayitvā yathāmārgaṃ śukraṃ caiva samāgatam

vāmapādaṃ samāsīnaṃ dakṣiṇaṃ kuñcitaṃ tathā /
abhayaṃ dakṣiṇaṃ hastaṃ vāmaṃ kaṭyavalaṃbitam

sarvābharaṇa saṃyuktaṃ paścimāmukhameva ca /
tasya cottarapārśvetu pakṣirājaṃ prakalpayet

dakṣiṇāmukhasaṃyuktaṃ śukremuṣṭiprahāriṇam /
evaṃ garbhagṛhe proktaṃ vidhinā kārayedbudhaḥ

maṇḍape nimnitasthāne anantaṃ cottarāmukham /
hṛdayeṃjalisaṃyuktaṃ sthitamevaṃ prakalpayet

phaṇaistu pañcabhiryuktaṃ sarvābharaṇabhūṣitam /
uttare bhittipārśvetu vāsukīṃ ca prakalpayet

ana ntavattathā kuryāddharṣa vegasamanvitam /
evameva vidhānena kalpayitvā yathākramam

śyāmavarṇāṃ tathā devīṃ prahgādaṃ pītameva ca /
kanakābhaṃ baliñcaiva namuciṃ ca tathai va ca

śakraṃ tu pūrvavatkuryātpañcavarṇaṃ khagādhipam /
anantaṃ pītavarṇaṃ ca vāsukiṃ śyāmameva ca

evaṃ sthānakrameṇaiva kūṭayuktena kārayet /
atha vā bhittipārśve tu citrābhāse 'dhamādhamam

trivikramaṃ pravakṣyāmi yathā kuryājjagattraye /
ekaṃ jānusamaṃ kuryāddvitīyaṃ nābhitassamam

tṛtīyaṃ tu lalāṭāntaṃ trividhaṃ syāttrivikramam /
mahīṃ devīṃ tathā caiva prahlādaṃ tu baliṃ tathā

namuciṃ ca tathā śukraṃ garuḍaṃ ca tathā caret /
anantaṃ vāsukīṃ caiva maṣṭāṃgasthāpanaṃ caret

viṣṇuṃ trivikramaṃ ceti trilokeśamataḥ param /
viśveśvaraṃ trimūrti ca sarpādhāra' mitīrayet

"pītavarṇaṃ guruṃ caiva taiṣyaṃ caiva bṛhaspatim' /
"samuciṃ kanakābhaṃ ca pītavāsasamityapi

śyāmalāṅgamiti proktaṃ' mūrtimantraṃ yathākramam /
"hariṇīṃ ca tathā pauṣṇīṃ kṣauṇīñcaiva tathā mahīm.'

"prahlādaṃ vīryavittaṃ ca viṣṇu bhaktaṃ mahābalam' /
"asurendraṃ baliṃ ceti vadānyaṃ vīra'meva ca

śukrasya pūrvamevoktaṃ garuḍasya vidhānataḥ /
"kāśyapaṃ garuḍaṃ caiva vainateyaṃ khagādhipam

"sahasraśīrṣaṃ śeṣaṃ ca nāgarājamitīrya ca /
anastaṃ' ca samuccārya śeṣasyāvāhanaṃ caret

"vāsukīṃ nāgarājaṃ ca kādraveyaṃ manoramam /
evaṃ mūrtikramaścaiva maṣṭāṃgasthāpane caret

pratiṣṭhoktakrameṇaiva sarvaṃ pūrvavadācaret /
trivikramapratiṣṭhāyāmanvāhārye viśeṣataḥ

tathā hautraṃ praśaṃsyaiva mūrtyāvāhanamācaret /
juṣṭākāraṃ ca kṛtvaiva pūrvavatsarvamācaret

"yo vā trimūrti'rityevaṃ śatamaṣṭādhikaṃ yajet /
karṣaṇādipratiṣṭhāntaṃ pūrvavatsamyagācaret