Bhṛgusaṃhitā · Chapter 13

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre dvādaśo 'dhyāyaḥ.
atha trayodaśo 'dhyāyaḥ.
atha trayodaśo 'dhyāyaḥ.
navaṣaṭpañcamūrtividhānam
ata ūrdhvaṃ pravakṣyāmi navaṣaṭpañcamūrtikam /
viṣṇuṃ ca puruṣaṃ satyamacyutaṃ cāviruddhakam

naranārāyaṇābhyāṃ tu vārāhaṃ nārasiṃhakam /
evaṃ tu navamūrtistu sthāpayitvā yadhāvidhi

viṣṇvādipañcamūrtīstu adimūrtintathākramāt /
sthāpayet tatkrameṇaiva ṣaṇmūrtikamihocyate

viṣṇvādīnāṃ tu pañcānāṃ sthāpanaṃ pañcamūrtikam /
daśāvatārakalpaḥ
matsyaḥ kūrmovarāhaśca nārasiṃho 'tha vāmanaḥ

rāmo rāmaśca rāmaśca kṛṣṇaḥ karkirime daśa /
sargakāle tu bhagavān sṛṣṭvā vikhanasaṃ gurum

vedānupādiśattasmai lokasaṃrakṣaṇakṣamān /
purā madhvādayaḥ kāle saṃbhūya bhuvi rākṣasāḥ

apāharaṃstu tān vedān balātkṛtva vidhiṃ muhuḥ /
tadā tu somakaṃ hantuṃ rākṣasaṃ raṇavikramam

antarhitamakūpāre mātsyaṃ bhāvaṃ gato hariḥ /
hatvā tu somaṅkaṃ paścādvedānabjabhuve dadau

grāmādiṣu ca sarvatra madhyame paścime 'pivā /
hastipṛṣṭhavimāne tu kuṃbhākāravimānake

dvitālenottamaṃ kuryānmānametadudāhṛtam /
avatārasya sarvasya kautukaṃ syācchaturbhujam

viśeṣamatra vakṣyāmi pradhāne 'bjāvale kramāt /
hautrapraśaṃsanaṃ kṛtvā devatāvāhanaṃ caret

"matsyaṃ ca jalajaṃ ceti bhadraṃ krīḍātmakaṃ'tathā /
evamādibhirāvāhya cānyatpūrvavadācaret

"yassvayaṃ sṛṣṭa'mityuktvā śatamaṣṭottaraṃ yajet /
yathoktenaiva mārgeṇa saṃsthāpya vidhinār'cayet

kūrmaḥ devāsurārthaṃ mṛte kṛtayuge hariḥ /
kacchapassamabhūddhartuṃ mandharaṃ taṃ mahācalam

grāmādau vāstumadhye ca parvatāgre viśeṣataḥ /
nandyāvartavimāne vā phelākāravimānake

ekatālena mānena kūrmarūpaṃ vidhīyate /
kūrmarūpaṃ dhruvaṃ kuryāt kautukaṃ tu caturbhujam

pratiṣṭhāṃ pūrvavatkuryādgārhapatye viśeṣataḥ /
hautramatra praśaṃsanti mūrtimastramathocyate

"akūpāraṃ kūrmarūpaṃ viṣṇuṃ ca vasudhādharam' /
"akūpāraṃ jalaṃ kūrmaṃ kacchapaṃ'tviti ke ca na

samāvāhya tu taireva nirupyājyāhutīryajet /
"rāyāmīśa'ssamuccārya śatamaṣṭādhikaṃ yajet

uktavatthsāpayedvidvān vidhinā samyagarcayet /
matsyakūrmau dvidhā proktaukiṃ cidbhedaṃ pracakṣate

dvibhujau kecidicchanti kecidiṣṭabhujau budhāḥ /
varāhaḥ
devamānuṣatiryañca sthāvarā jaṅgamās tathā

purāsṛṣṭā yathā sarve catvāro bhuvi jantavaḥ /
jarāyujāṇḍajodbhijjanvedajāśceti jātitaḥ

evaṃ pravartamāne tu hiraṇyākṣo mahābalaḥ /
rasātalamagāddhṛtvā carācaradharāṃ mahīm

mahāvarāhavapuṣā tāṃ tadoddhṛtavān hariḥ /
varāhastrividhaḥ prokto devasyāviṣkṛtau punaḥ

kramādādivarāhaśca varāhaḥ pralayātmakaḥ /
yajñavārāha ityevaṃ trividhissaṃprakīrtitaḥ

vimāne parvatākāre śrīpratiṣṭhitake tathā /
daśatālena mānena devaṃ sūkaramācaret

catubānhusamāyuktaṃ śaṅkhacakradharaṃ param /
vāmapādaṃ samākuñcya mahīmuddhṛtya sādaram

dakṣiṇaṃ caṇḍitaṃ kuryānmahīmūrau samācaret /
mahīṃ ca śyāmavarṇāṃ tu kuryāccaiva vidhānataḥ

evamādivarāhantu kārayellakṣaṇānvitam /
avāntaramanuprāpya yadā tu pralayaṃ hariḥ

tattoyamupasaṃhartuṃ varāhaṃ rūpamāsthitaḥ /
tataḥ pralayavārāhaṃ purābhūtaṃ ca kārayet

śaṅkhacakradharaṃ saumyaṃ pītāṃbaradharaṃ harim /
dakṣiṇaṃ cābhayaṃ hastaṃ vāmaṃ kaṭyavalaṃbitam,

mahīṃ tu dakṣiṇe kuryātsaśyāmanibhāṃ tathā /
sukhāsanakrameṇaiva cāsīnāṃ vā svalaṅkṛtām

evaṃ pralayavārāhaṃ kārayettu vicakṣaṇaḥ /
hiraṇyākṣaḥpurā rakṣo balavān balināṃ varaḥ

vareṇa garvāddurbuddhiryajñavidveṣako 'vṛdhat /
avātarattadā viṣṇuvan rasūkaramūrtimān

hatvā sadaityaṃ sabalaṃ paścādyajñānnyavartayat /
tasmādyajñavarāhaṃ tu tañca kuryādvidhānataḥ

śvetaṃ yajñavarāhaṃ tu śrībhūmibhyāṃ sahaiva vā /
sukhāsane samāsīnaṃ kuryāllakṣaṇasaṃyutam

trayāṇāṃ ca varāhāṇāṃ sthāpane bheda ucyate /
pūrvoktena krameṇaiva sarvaṃ kṛtvā viśeṣataḥ

sabhyāgnikuṇḍe rātrautu hautraśaṃsanamācaret /
"varāhaṃ varadaṃ viṣṇumurvīsaṃdhāraṇaṃ tathā

vajradaṃṣṭra'miti procya devamādivarāhakam /
"mahīṃ tāṃ pṛthulāmurvī'miti devīṃ mahīṃ kramāt

āvāhayedyathānyāyamanvatsarvaṃ samācaret /
"vārāhaṃ pralayaharaṃ bhūteśaṃ viṣṇumeva ca

jagattrayātmakaṃ' coktvā varāhaṃ pralayātmakam /
"varāhaṃ devarūpaṃ ca yajñeśaṃ yajñavardhakam

viṣṇuṃ' ceti tathā devaṃ yajñavārāhamāhvayet /
āvāhanādisarvatra pūrvavatkārayedbudhaḥ

"kṣmāmekā'miti mantreṇa yajedaṣṭottaraṃ śatam /
hareruktavidhānena sarvaṃ pūrvavadācaret

nārasiṃhaḥ
hiraṇyakaśipurnāma daityānāṃ prabalo 'bhavat /
vareṇa garvāddaityendro hiraṇyakaśipustadā

devairmṛgairmanuṣyairvā jīvibhirvāpyajīvibhiḥ /
divā vā yadi vā rātrau vadho me na bhavediti

lokānudvejayamāsa tadā taṃ daityasattamam /
hantukāmaḥ kṛtodyogaścintayitvā hariḥ prabhuḥ

tatpālitapurādbāhye mahāparvatamastake /
rakṣasā pīḍitairdevaiḥ prārthitaḥ karuṇānidhiḥ

narasiṃhavapurbhūtvā divā rātriṃ vyapohya ca /
saṃdhyākāle 'vadhīttantu bhuvaṅge sa nakhāyathaḥ

bāhyamābhyastaraṃ hitvā jīvājīvairnakhaiśśubhaiḥ /
evaṃ daityavadhaṃ kṛtvā parvate 'ntarabhūt hariḥ

tatastamarcayedbhaktyā vijayārthaṃ vivṛddhaye /
parvatākṛtike vāpi śrīpratiṣṭhitake 'pivā

daśatālena mānena narasiṃhaṃ prakalpayet /
girijaṃ sthūṇajaṃ caiva sudarśananṛsiṃhakam

tathā lakṣmīnṛsiṃhaṃ ca pātālanarasiṃhakam /
tathā pucchanṛsiṃhaṃ ca nṛsiṃhaṃ ṣaḍvidhaṃ viduḥ

siṃhāsane samāsīnaṃ sarvābharaṇa bhūṣitam /
nārasiṃhaṃ caturbāhuṃ śaṅkhacakradharaṃ param

pādau dvau ca samākuñcya nyasya siṃhāsane sthitam /
prasārya hastau dvau jānvostayorūrdhve nidhāya ca

vastreṇa corū baddhvaivamāsīnaṃ girijaṃ tathā /
śriyaṃ kanakavarṇābhāṃ medinīṃ śyāmasannibhām

brahmeśau vandamānau tu dakṣiṇottarayoḥ kramāt /
vāhanaṃ sāmavedaṃ ca pramukhe saṃprakalpayet

sāma śyāmanibhaṃ kuryātsarvābharaṇabhūṣitam /
bhūmīśo nāmagandharvo śaiṣikasthānamāśritaḥ

kārayeduktavarṇantaṃ sarvābharaṇabhūṣitam /
sthūṇajaṃ saṃpravakṣyāmi sthūṇādāvirbabhau hariḥ

vāmapādaṃ samākuñcya dakṣiṇaṃ saṃprasārya ca /
caturbhujadharaṃ devaṃ śaṅkhacakreca kārayet

hastaṃ tu dakṣiṇaṃ pūrvaṃ kuryāddānakaraṃ tadhā /
vāmahastaṃ prabaddhyaiva ūrau ca tu suvinyaset

saṭākandharasaṃyuktaṃ tīkṣṇadaṃṣṭraṃ bhayānakam /
śaṅkhakundendudhavalaṃ sarvābharaṇabhūṣetam

sudarśananṛsiṃhasya lakṣaṇaṃ saṃpravakṣyate /
sūryakoṭipratīkāśaṃ cakraṃ vimalamujjvalam

bṛhadbhānupuradvandvaṃ cakramadhye prakalpayet /
cakramadhye samāsīnaṃ nṛsiṃhamaruṇaprabham

atyantabhīṣaṇākāraṃ bhaktānāmabhayapradam /
cakrāyudhaṃ caturbāhuṃ devadevaṃ prakalpayet

vakṣyelakṣmīrṛsiṃhasya lakṣaṇaṃ munisattamāḥ /
vāmapādaṃ samākuñcya dakṣiṇaṃ saṃprasārya ca

vāmorau śriyamāsīnāṃ prāṃjalīkṛtavāstakām /
vāmahastena dehyaśca kurvantamupagūhanam

dakṣiṇaṃ tvabhayaṃ kuryātparābhyāṃ śaṅkacakrake /
pātālanārasiṃhākhyamāsīnaṃ pūrvavattathā

phaṇaistu pañcabhissamyak channamūrdhānameva ca /
dakṣiṇādakṣiṇaṃ hastaṃ varadaṃ kaṭīkaṃ tathā

vakṣye pucchanṛsiṃhastu pucchayuktaṃ tu kārayet /
abhayaṃ dakṣiṇaṃ hastaṃ vāmamūrupratiṣṭhitam

dakṣiṇaṃ pādamākuñcya sarvābharaṇabhūṣitam /
nārasiṃhamidaṃ kṛtvāsthāpanāraṃbhamācaret

tatracāhavanīyāgnau hautraśaṃsanamācaret /
"nārasiṃhaṃ taponāthaṃ mahāviṣṇuṃ mahābalam

bhaktavatsala' mityuktvā narasiṃhaṃ samāhvayet /
"taponidhiṃ' samuccārya śatamaṣṭādhikaṃ yajet

snāpanaṃ cotsavaṃ caiva hareriva vidhānataḥ