Bhṛgusaṃhitā · Chapter 12

iti
śrīvaikhānase bhagavacchāstre bhṛguproktāyāṃ
saṃhitāyāṃ prakīrṇādhikāre ekādaśo 'dhyāyaḥ.
atha dvādaśo 'dhyāyaḥ.
bhagavatpratiṣṭhāvidhiḥ
athapradoṣe dharmātmā jalasthaṃ devamuddharet /
snānadravyāṇi cāhṛtya devaṃ saṃsnāpya mantravit

kṣaumapaṭṭādinā chādya maṇihemādikaiḥ punaḥ /
vividhaiḥ puṣpamālādyair alaṅkṛtya manoharam

yāna māropya deveśaṃ svaktisūktaṃ samuccaran /
toyadhārāṃ puraskṛtya nītvā grāmaṃ pradakṣiṇam

śvabhrasya paścime bhāge sthāpayitvā viśeṣataḥ /
uttare yāgaśālāyāṃ vāstu homaṃ samācaret

mathitvāgniṃ pragṛhṇīyā dvāstu homāgnimeva vā /
saṃskṛtya vidhinādāya praṇaye dgārhapatyake

trissaṃskṛto laukikāgnir mathitāgnisamo bhavet /
āghāraṃ vidhivatkṛtvā vaiṣṇavāntaṃ samācaret

tato 'nvāhāryakuṇḍe ca paścādāhavanīyake /
āvasathyetatassabhye tataḥpadmānalekramāt

sūtroktena vidhānena sarvatrāghāramācaret /
dvātriṃśatprasthasaṃpūrṇaṃ ghaṭamādāyacātvaraḥ

"iṣe tvorje'tvādi japan tantunā pariveṣṭya ca /
"śucī vo havya' ityuktvā kuṃbhaprakṣālanaṃ caret

nadītoyaṃ samādāya samutpūya ca pūrayet /
vastrayugmena cāveṣṭya alaṅkuryāt prayatnataḥ

elātakkolakarpūrair gandhośīrākṣataiḥkramāt /
anyairgandhayutaiḥ puṣpairvāsayitvā vidhānataḥ

suvarṇaratnadhātūṃśca nyasitvā mantravittamaḥ /
govālakuśadarbhaiśca kṛtaṃ kūrcaṃ tu nikṣipet

atha vā nikṣipet kūrcaṃ kṛtaṃ darbhaistu kevalaiḥ /
asthi ratnaṃ sirā stantur māṃso mṛtsnā prakīrtitā

śoṇitaṃ raktamṛdbhintu jalaṃ medastathaiva ca /
śukrantu kūrcamityuktaṃ vastraṃ syāccarma vaiṣṭitam

sapta dhātava ityete kuṃbheṣu karakeṣu ca /
eteṣvekaṃ vinākuryānnāsti tatrāsya sannidhiḥ

devasya dakṣiṇe pārśve kuṃbhaṃ tatra niveśya ca /
alaṅkṛtastathācāryo vastrābharaṇakuṇḍalaiḥ

sraggandhairveṣṭito dhṛtmā mukhasyoṣṇīṣabandhanam /
kuṃbhasya dakṣiṇe bhāge prāṅmukhodaṅmukho 'pivā

svastikāsana māsthāya ṛjukāyaḥ samāhitaḥ /
lalāṭādiṣu sthāneṣu keśavādīn praṇamyaca

akārādyakṣaraṃ sarvaṃ nyasitvā sarvasandhiṣu /
paścātkuṃbhaṃ susaṃtpṛśya kramātsūktādikaṃ japet

ātmasūktantato japtvā pauruṣaṃ sūktameva ca /
sūktamekākṣaraṃ japtvā viṣṇusūkta mataḥ param

śrībhūsūktaṃ tato japtvā "sahasraśīrṣaṃ'samuccaran /
vaiṣṇavaṃ tu tatojaptvā dhyāyet samyaksamāhitaḥ

prāṇāyāmaṃ tataḥ kuryāt recapūrakakuṃbhakaiḥ /
etatphalaṃ kramādvakṣye trividhaṃ tatpṛthagvidham

tatraiva recakaṃ pūrvaṃ sarvapāpasyadāhakam /
paścāttu pūrakaṃ kuryā damṛtāpyāyanaṃ tataḥ

tṛtīyaṃ kuṃbhakaṃ kuryā damṛtatvaṃ ca saṃsmaret /
tasmātsarvaprayatnena recakādīni kārayet

kuṃbhagantu jalaṃ smṛtvā vāruṇaṃ maṇḍalaṃ budhaḥ /
ardhacandrākṛtiṃ smṛtvā tasya bījākṣaraṃ nyaset

tamoṅkāreṇa saṃveṣṭya bandhayuktaṃ? tu niśmalam /
ādityamaṇḍalāntasthaṃ devaṃ tatraiva cāhvayet

ādibījaṃ suvarṇābhaṃ praṇavaiḥ pariveṣṭitam /
paścāddevaṃ samabhyarcya kuryā darghyānta marcanam

biṃbaṃ kuṃbhaṃ ca saṃgṛhya snānaśvabhre niveśayet /
śvabhrasya pūrvabhāge tu daṇḍapaṅktiṃ ca kārayet

kalaśaiḥ snāpayetsamya kcaturdaśabhirevatu /
devaṃ sarvatra saṃsnāpya dīpāntaṃ ca samarcayet

nairṛte viṣṭare nyasya nameddevāṃ tsamāhitaḥ /
evaṃ devyau samādāya snāpaye datvaraṃ budhaḥ-

pādyamācamanaṃ datvā devadevaṃ praṇamya ca /
pātraṃ tu taṇḍulaiḥ pūrṇaṃ gṛhītvātra viśeṣataḥ

sauvarṇaṃ rājataṃ vāpi kautukaṃ tatra nikṣipet /
atha vā tantu māhṛtya nyasitvā taṇḍulopari

tāṃbūlasahite pātre? devasyāgre nidhāyaca /
puṇyāhaṃ vācya tatkālesvastisūktaṃ samuccaran

devasya dakṣiṇehaste devyoryai vāmahastayoḥ /
"svastidā' vītimantreṇa kautukaṃ bandhayetkramāt

vedamantrajña ācāryo rakṣāmantraṃ samuccaran /
ṣaḍdroṇaṃ dhānyamardhaṃ vā vedikopari cāstaret

tadardhaṃ taṇḍulāṃścaiva tadagdhaṃ tu tilānapi /
tadagdhaṃ yavamādāya tadardhaṃ tilvameva ca

aṇḍajaṃ muṇḍajaṃ caivaromajaṃ vāmajaṃ tathā /
carmajaṃ cāstaretpañca śayanaṃ vedikopari

alābhe tu tathaitaiṣāṃ pañcavastrāṇi vāstaret /
mūrdhopadhānaṃ kartavyamūrdhve 'nastaṃ samarcayet

devaṃ devyau samādāya yaddigdvāraṃ tathā śiraḥ /
śāyayecchayane vidvān "yadvaiṣṇava'miti bruvan

devyoścāpi tathā kuryāttattatsūktaṃ japetkramāt /
uttarācchādanaṃ kuryādgalāntaṃ tatra nikṣipet?

śayyāvedyāstuparitassarvān devāntsamarcayert /
iśānādikramāddevān balyantantu samarcayet

śaṅkaraṃ balirakṣaṃ ca vāgdevīṃ baliśrakrakau /
agniṃ pavitraṃ śailūṣaṃ prācyāṃ pratyaṅmukhān kramāt

bhaumaṃ guhaṃ ca durgāṃ ca yamaṃ mandaṃ ca nairṛtim /
rohiṇīṃ saptamātṝśca dakṣiṇe cottarāmukhān

paścime nairṛtādyādīnarcayettadanukramāt /
vaiṣṇavīṃ puruṣaṃ caiva budhaṃ jyeṣṭhāṃ tathaiva ca

puṣparakṣakavāyū ca prāṅmukhāṃśca samarcayet /
vāyavyādīśaparyastaṃ dakṣiṇābhimūkhān kramāt

śukraṃ caiva bhṛguṃ śāntaṃ tathā sapta ṛṣīnapi /
bhāgīrathīṃ kuberaṃ ca candraṃ bhūtāni cār'cayet

dvāre dvāre ca dhātrādīn dvāradevāntsamarcayet /
vimānaṃ parito bhyarcya nyakṣādīnarcayetkramāt

devasyāgre prasannātmā pūjayedanapāyinaḥ /
bhūtadvayaṃ tathā tārkṣyaṃ tathā caivāmitaṃ budhaḥ

cakraśaṅkhāravindāni devasyāgrer'cayedbudhaḥ /
vedānadhyāpayeddikṣu "ṛcāṃ prā'cīriti śrutiḥ

saṃbhāravedyāmāstīrya dhānyaṃ vastrovarikramāt /
hemādipātre ratnādīṃ tsannyasyaivādhidaivatam

viṣṇumabhyarcya vidhinā kārayitvādhivāsanam /
viṣṇusūktaṃ samuccārya vastreṇācchādayedbudhaḥ

paścāddhotāramāhūya yathoktaguṇasaṃyutam /
pādauprakṣālya cācamya kūrcayuktaṃ samāhitam

alaṅkuryācca puṣpādyaiḥ pañcāṅgocitabhūṣaṇaiḥ /
sabhyasya pūrvabhāge tu paścimābhimukhaḥsthitaḥ

sabhyādhvaryuṃ samīkṣyaiva hotā praṇavamuccaret /
"hotarehi' pade uktetato hotā samuccaret

"adhvaryo deva'tetyuktvā pādau prakṣālya cācamet /
pūrvavattatra casthitvā "oṃ namaḥ pravaktre' bruvan

hotā ca nāma śarmāntaṃ saṃyojyaiva samuccaret /
"bhūte bhaviṣya'tītyuktvā brūyād "dhiṃ'kārapūrvakam

"bhūrbhuvassuva' rityeva prāṅmukhaśca pradakṣiṇam /
adadhyātsamidho 'dhvaryuḥ pratyoṅkāraṃ tato 'nale

hotrā"gne mahā'mityukteprabhauḥ pravara iṣyate /
rājño vā rājapatmyā vā tathāmātyasya vā bhavet

grāmaścedyajamānastu vasiṣṭhapravaraṃ vadet /
atha vā kārayedvidvān kāśyapravaraṃ vadan

vaiśyādanyatra jātīyo yajamāno bhavedyadi /
tasya tu pravaraṃ hitvā kāśyapapravaraṃ vadet

tata "āyātu bhagavā'nuktvā paścimadiṅmukhaḥ /
viṣṇvādi bhūta paryantaṃ sarvamūrtī stadāhvayet

nanadhoktena mārgeṇa pārṣadānāhvayedbudhaḥ /
āvāhana krameṇaiva nirupyā'jyāhutīryajet

sabhyāgniṃ ca paristīrya prāṇāyāmādipūrvakam /
"svasticai'veti hutvātu tathā caiva "prajāpateḥ'

"agnirdhīmata'yetyuktvā "ādityebhya'stathaiva ca /
"viśvebhyo devebhya'ścaiva "marudgaṇebhya'eva ca

"bhūragnaye'caivamādyāścatasro vyāhṛtīryajet /
daśabhiśsataśastvetaissahasrāhutirucyate

sruveṇa srāvayan vidvānavicchinnaṃ samācaret /
viṣṇusūktaṃ samuccārya sūktaṃ pauruṣameva ca

śrīsūktaṃ bhūmidaivatya matodevādi vaiṣṇavam /
ekākṣarādisūktaṃ tu viṣṇugāyatriyā yutam

etaintu saptabhissūktaiścaturāvartya hūyatām /
etatkartumaśaktaścetsakṛdvātra samācaret

aṣṭākṣareṇa mantreṇa dvādaśākṣarakeṇa vā /
vaiṣṇavaṃ viṣṇugāyatrīṃ juhuyāditi ke cana

tataścāhāvanīyāgnikuṇḍe samyagyathākramam /
yajetpuruṣasūktaṃ tu ṣoḍaśāvartya yatnataḥ

anvāhārvāgnikuṇḍe tu viṣṇusūktaṃ suhūyatām /
brāhmañca vyāhṛtīścaiva jayādīn juhuyātkramāt

śrīsūktaṃ vaiṣṇavaṃ caiva juhuyādgārhapatyake /
āvasadthye viśeṣeṇa vaiṣṇavaṃ rudrasūktakam

mahīsūktaṃ ca juhuyatsūktamekākṣarādikam /
paiṇḍarīke tu juhuyātpāramātmikasaṃyutam

raktābjaṃ bilvapatraṃ ca śvetābjānāmasaṃbhave /
ghṛtenāplutya juhuyādviṣṇugāyatriyā budhaḥ

samidājyaṃ carur lājāḥ sarṣapāśca yavāstathā /
tilaṃ tilvaṃ tathā mudgā māṣāssakturguḍaṃ tathā

madhvapūpā dadhi kṣīraṃ homadravyamitīritam /
etaissaptadaśadravyair vaiṣṇavaṃ juhuyādbudhaḥ

juhvācaivopajuhvā ca viṣṇusūktaṃ suhūyatām /
sabhye ca vaiṇḍarīke ca sviṣṭākāraṃ vinā caret

agniṣvāhavanīyādiṣvantahomaṃ samācaret /
ṛgādīṃśca caturdikṣu vedānadhyāpayetkramāt

evamadhyayanaṃ prokta"mṛcāṃ prācī'riti śrutiḥ /
nṛttaigenyaiśca vādyaiśca rātriśeṣaṃ nayatkramāt

tataḥprabhāte dharmātmā snātvāsnānavidhānataḥ /
brahmayajñaṃ ca kṛtvā tu japetsūktāni dvādaśa

pādau prakṣyālya cācamya devānuddhāpya mantravat /
pūrvavastraṃ visṛjyaiva punaranyadvibhūṣya ca

brahmasthāne viśeṣeṇa pīṭhaṃ samyak prakalpayet /
tadūrdhve kalpayedvidvān navabhāgaṃ vibhajya ca

pūrvoktena krameṇaiva ratnanyāse samācaret /
sudhayā paripūryaiva kṣaumenācchādayedbudhaḥ

yajamānastu tatkāle ācāryādīn praṇamyaca /
sapādanavaniṣkaṃ ca gurave dakṣiṇāṃ dadet

pratyekaṃ sthāpakādīnāṃ pañcaniṣkaṃ dadettadā /
sabhyādhvaryorviśeṣeṇa hotuścāpi tathaiva ca

paiṇḍarīkasya cādhvaryoḥ pratyekaṃ pañcaniṣkakam /
anyeṣvāhavanīyādiṣvadhvaryūṇāṃ catubhanvet

paṣanddhāmasu cādhvaryoranyeṣāṃ ca pṛthak pṛthak /
niṣkaṃ pādādhikaṃ dadyātsaṃpūrṇamiti paṭhyate

ācāryasya niyogena dakṣiṇādānamīritam /
yajamānassvatantreṇa na kuryāditi śāsanam

hantyalpadakṣiṇo yajño yajamānaṃ viśeṣataḥ /
adakṣiṇaṃ tu yajanaṃ niṣphalaṃ tviti śāsanam

muhūrte samanuprāpte vādyaghoṣasamanvitam /
toyadhārāsamāyuktaṃ svastisūktaṃ samuccaran

ācāryaḥ kuṃbhamādāya vrajetpūrvaṃ tataḥkramāt /
nayeyusthsāpakāḥ paścāddevaṃ depyādisaṃyutam

pradakṣiṇaṃ śanaigantvā devāgāraṃ praviśya ca /
pīṭhasya dakṣiṇe bhāge dhānyapīṭhe prakalpite

ācāryassannyasetkuṃbhaṃ devaṃ cādāyacātvaraḥ /
kautukaṃ brahmasthāne tu sthāpayitvā vicakṣaṇaḥ

"bhūrasi bhūṃ' ityuktvā pīṭhe devaṃ suyojayet /
tasya dakṣiṇapāśenv tu śrīdevīṃ sthāpayedbudhaḥ

tathaiva vāmapāśenv tu bhūmiṃ kuryātpratiṣṭhitām /
devasya vāmabhāge tu sthāpayedbiṃbamotsavam

snāpanaṃ baliberaṃ ca dakṣiṇe sthāpayedbudhaḥ /
viṣṇusūktaṃ ca japtyaiva puruṣasūktayutaṃ tathā

dhruvasūktaṃ vaiṣṇavaṃ ca devībhyāṃ ca pṛthak pṛthak /
śrībhūsūktaṃ pṛthak japtvā paścānnyāsaṃ samācaret

"suvabhunvabhūn'rityuktvā cākṣarāṇi viśeṣataḥ /
pādayorantare vidvān yakāraṃ vinyasettataḥ

biṃbasya hṛdaye samyaṅnyasedbījākṣaraṃ param /
rukmābhaṃ paramaṃ bījaṃ sarvakāraṇakāraṇam

taruṇārka sahasrābhaṃ brahmeśābhyāṃ namaskṛtam /
padmāsanasthaṃ deveśaṃ śrīvatkālaṅkṛtorasam

śaṅkhacakradharaṃ saumyaṃ sarvābharaṇa bhūṣitam /
"o'mityekākṣaraṃ brahma praṇavaḥ paripaṭhyate

"śrī'kāraṃ śriya ityuktvā "la'kāraṃ bhuva ityapi /
kūrcenādāya tattoyaṃ kuṃbhasthaṃ śaktisaṃyutam

"idaṃ viṣṇu'ssamuccārya samādāya samāhitaḥ /
"āyātu bhagavā'nuktvādhruvaberasya mūrdhavi

viṣṇuṃ ca puruṣaṃ satyamacyutaṃ cāniruddhakam /
acale devadeveśo vyāpya tiṣṭhatīti śrutiḥ

"śriye jā'teti mantreṇa śriyamāvāhayedbudhaḥ /
"medi'nīti ca mantreṇa hariṇīṃ samyagāhvayet

kautukecautsavecaiva snāpane baliberake /
praṇidhimuddhṛtya tatkāle dīpāddīpamiva kramāt

dhruvaberātsamāvāhya kūrcenāvāhayetkramāt /
navadhā mārgamālokya yatheṣṭaṃ karturicchayā

avicchinnār'canaṃ nityaṃ vidhinaiva prakalpayet /
aśaktaścettathākartuṃ pratiṣṭhāṃ naiva kārayet

āḍhyassarvasamastyāgī cikīrṣurviṣṇumandiram /
svārthaṃ kṛtvā tridhaikāṃśaṃ kuṭuṃbārthe vidhāya ca

aṃśābhyāmavaśiṣṭābhyāṃ vimānārcanamārabhet /
āpadyapi ca kaṣṭāyāṃ na druhyedātmane budhaḥ

avicchinnā yathā pūjā vidhinā saṃpravartate /
tathā prakalpayedvidvān bhūmibhogena vai sthitim

arcakasyār'canār'thaṃ ca kuṭuṃbārthaṃ ca yatnataḥ /
atyantapuṣkalāṃ bhūmiṃ bahusasyocitāṃ tathā

karagrahādi rahitāmarcakāya samarpayet /
tataśca tāmrapaṭṭādau lekhya sīmāviniścayam

devanāmnaiva tāṃ bhūmiṃ dadyādarcakajīvikām /
idamagre prakurvīti tadadhīnā sthitirhareḥ

pitā haristu bhagavānarcakaḥ putra ucyate /
putrasyana likhennāma sannidhāne pituḥkramāt

arcakassuprasannātmā harideva hi kevalam /
atha vā vilikhedvidvān nāmnā vā pūjaka sya ca

tathār'cakasya cāvāsamālayasya samīpataḥ /
śilābhissudṛḍhaṃ kṛtvā vāsāyāsya praśasyate

akleśena yathā jīvedarcakassusamāhitaḥ /
yāvaccandradivānāthaṃ tathā kuryātprayatnataḥ

arcake kleśayuktetu kliśyate bhagavān hariḥ /
arcake tu susaṃtuṣṭe tadā tuṣṭo janārdanaḥ

rūpadvayaṃ hareḥ proktaṃ biṃbamarcaka evaca /
biṃbe tvāvāhanādarvāksadā sannihitor'cake

punarvicintya dharmātmā yajamāno mudānvitaḥ /
śaktilobhamakṛtvaiva karoti vibhavāntaram

pañcaparvasu saṃkrāntau puṇyāheṣvitareṣu ca /
viśeṣa pūjanārthañca havirarthaṃ ca yatnataḥ

snapanārthaṃ cotsavārthaṃ prāyaścittārthameva ca /
naṭanartakadāsīnāṅgāyakānāṃ caśaktitaḥ

vidyārthināṃ ca bhaktānāmanyasya vibhavasya ca /
vṛttiṃ tuparikalpyaiva bhūrūpāṃ purato hareḥ

dadātyācāryahaste tu mantrodakapurassaram /
anyeṣāṃ vibhavānāṃ catathaivānyapadārthinām

tattannāmnaiva bhūmyādiṃ dāpayeddeśikottamaḥ /
ācāryasyāpi tannāmnā kalpayedvṛttimuttamām

evaṃ yaḥ kurute bhaktyā aihikāmuṣmikaṃ phalam /
paśubhṛtyādibhogāṃśca vāhanādīn viśeṣataḥ

suvarṇaratnadhānyādīnatyantaṃ samavāpnuyāt /
tasya kāyakṛtaṃ pāpaṃ tatkṣaṇādeva naśyati

yaṃ yaṃ kāmayate sarvantaṃ tamāpnotyasaṃśayam /
pūrvajātigatāstasya pitaraḥ pituranvaye

mātṛpakṣe ca yejātāstasya mātāmahādayaḥ /
sarvepi tridivaṃ yānti modante tridive ciram

tato yāsyanti vaikuṇṭhaṃ nissamābhyadhikaṃ mahaḥ /
yassamyakpālayedetadadhikaṃ yaśca vardhayet

ādyeṣṭakādi nirmāṇaphalameva prapadyate /
sarvāśubhavināśaṃ ca labdhvāceṣṭamavāpya ca

ante vimānamāruhya viṣṇoryāti paraṃ padam /
kiṃ bahūktena vidhinā na daivaṃ keśavātparam

taṃ viṣṇuṃ pūjayennityaṃ sarvasādhanasādhanam /
sarvamuktipradaṃ nityaṃ sarvakāmaphalapradam

grāmāgrahārayossamyagarcanaṃ tatra vāsinām /
sarvasiddhipradaṃ nityaṃ putrapautrapravardhanam

sāmānyamagni hotraṃ syādanagnīnāṃ tapodhanāḥ /
sāgnīnāmapyavijñātaprāyaścittāya kalpate
tasmātkuryādavicchinnamarcanaṃ sarvayatnataḥ