Bhela Samhita · Chapter 7.1

piṇḍītakāni tu trīṇi saṃgrahoktāni me śṛṇu /
kṛṣṇaṃ śvetamubhe tac ca tritayaṃ madanaṃ smṛtam //

phalānāntveva sarveṣāṃ madanaṃ sarvaśodhanam /
vamanāsthāpane yojyaṃ tathaivāpy anuvāsane //

yadā na paripūrṇān paripakvāni tāni ca /
bhavanti rasapūrṇāni tatastānyuddhared bhiṣak //

yavapalle tathaitāni tuṣapalle tathā punaḥ /
saptarātraṃ vāsayitvā saṃkuñcitaphalatvacā //

subhāvitāni vijñāya mṛdubhūtāni śāstravit /
dvidhā tridhā śodhayitvā samyak saṃśodhya cāvapet //

dhānyeṣu māsaṃ saṃsthāpya mṛdā caivāvalepayet /
nidhūme ca nivāte ca kapāṭapihite gṛhe //

vaihāyase sthāpayec ca yathā svedo na saṃbhavet /
eteṣāṃ phalamajjānāṃ sanakhaṃ muṣṭimāharet //

jarjarīkṛtya dṛṣadi pātre cāpy adhivāsayet /
madhukasya kaṣāyeṇa rātrimekāṃ nidhāpayet //

atha cotthāya pūrvāhṇe hastau prakṣālya mardayet /
parisrutaṃ salavaṇaṃ madhuyuktaṃ pratāpya ca //

pāyayed āturaṃ snigdhaṃ chardayet tena sādhu nā /
etenaiva ca kalpena jīmūtakaphalair api //

ikṣvākukuṭajābhyāṃ ca lavaṇaiś cāpi kārayet /
kṛtavedhairhastiparṇaiḥ dhāmārgavaphalair api //

kaṣāyaṃ kārayed ebhiḥ phalabījāni bhāvayet /
anena kalpena bhiṣak pāyayet tu yathābalam //

madanasya phalānyeva punaruddhārayed bhiṣak /
yathā syurnātipāṇḍūni tathaiva haritāny api //

paripūrṇāni pakvāni tathā jātarasāni ca /
sūcyā vā kaṇṭakair vātha vyadhayitvā samantataḥ //

madanānāṃ kaṣāyeṇa trirātraṃ bhāvayed bhiṣak /
etenaiva ca kalpena jīmūtakaphalair api //

ikṣvākukuṭajānāṃ tu dhāmārgavaphalair api /
kṛtavedhairhāstiparṇaiśchardayet tena sādhu nā //

sa khalvetena kalpena kuśānāṃ varuṇasya ca /
kākodumbarikāyāś ca kuṣṭhākhyāyās tathaiva ca // ekaikasya kaṣāyeṇa susnigdhaṃ pāyayed bhiṣak /
balābalamavekṣya /.. /.. /.. /.. /.. /.. /.. /.. /.. /.. /.. /.. /.. /.. /.. // // tṛtīyo ' dhyāyaḥ // /.. /.. /.. ha smāha bhagavān ātreyaḥ /